ஹோலிகா என்கிற அரக்கி தீயில் அழிந்த புராண கதையை நினைவூட்டும் வகையில் ஆண்டுதோறும் மார்ச் மாதத்தில் ஹோலி பண்டிகை நாடு முழுவதும் கோலாகலமாக கொண்டாடப்படுவது வழக்கம். அந்த வகையில் நேற்று ஹோலி பண்டிகை கோலாகலமாக கொண்டாடப்பட்டது. இந்நிலையில்,நான்கு வயது சிறுவனுக்கு ஹோலி பண்டிகை மிகவும் கொடூரமாக மாறியது.
மகாராஷ்டிராவின் நாக்பூர் மாவட்டத்தின் கோரடி பகுதியில் நேற்று ஆராம்ஷின் பகுதியின் வார்டு எண் 2-இல் நடந்த இந்த சம்பவம், சிசிடிவி காட்சிகள் சமூக வலைத்தளங்களில் பரவி வருகிறது. சிறுவன் தனது வீட்டிற்கு வெளியே வண்ணப்பூச்சு நிரப்பப்பட்ட ஸ்ப்ரே பாட்டிலுடன் விளையாடிக் கொண்டிருந்தபோது, கருப்பு சேலையில் சிந்து தண்ணீர் நிறைந்த வாளியுடன் நடந்து செல்வது காட்டப்பட்டுள்ளது. குழந்தை அவளை நெருங்கி வந்து அவள் மீது வண்ணங்களைத் தெளிக்க முயற்சிக்க, அவள் வாளியிலிருந்து சூடாக்கப்பட்ட தண்ணீரை அவன் மீது எறிந்தாள்.
குழந்தை வலியால் அலறிக் கொண்டு அந்தப் பெண்ணிடமிருந்து குதிக்கிறது. மற்றொரு பெண், வாளியுடன் வந்து, குழந்தையின் வலியைக் குறைக்க குளிர்ந்த நீரை ஊற்றுகிறாள். விரைவில் பாட்டியும் சேர்ந்து குழந்தையின் தீக்காயங்களில் குளிர்ந்த நீரை ஊற்றும் காட்சிகள் இடம்பெற்றுள்ளன. வெந்நீர் ஊற்றியதை அடுத்து இடுப்புக்குக் கீழே 45% தீக்காயங்களுக்கு ஆளான சிறுவன், நாக்பூரில் உள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். இந்த சம்பவம், சிசிடிவி காட்சிகள் சமூக வலைத்தளங்களில் பரவி வருகிறது.
