Author: rajaram

ஜெ.பி. நாராயண் அருங்காட்சியக வாசலில் தடுப்புகள் குறித்து அகிலேஷ் யாதவ் vs பாஜக வார்த்தை போர்..!

உத்தரப் பிரதேச மாநிலம் லக்னோவில் உள்ள மறைந்த சோசலிச தலைவர் ஜெயபிரகாஷ் நாராயண் அருங்காட்சியகம் தற்போது அரசியல் சர்ச்சையில் சிக்கியுள்ளது.

லக்னோவில் உள்ள ஜெயபிரகாஷ் நாராயண் இன்டர்நேஷனல் சென்டரின் நுழைவாயில் வியாழக்கிழமை இரவு தகரத் தடுப்புகளால் மறிக்கப்பட்டதாகவும், வெள்ளிக்கிழமை அங்கு காவல்துறை பாதுகாப்பு பலப்படுத்தப்பட்டதாகவும் சமாஜ்வாதி கட்சி ஆளும் பாஜக மீது குற்றம்சாட்டியது. ஜெயபிரகாஷ் நாராயணின் பிறந்தநாளில் JPNICயில் உள்ள அவரது சிலைக்கு மாலை அணிவிக்கும் நிகழ்வுக்கு முன்பாக இந்தச் சம்பவம் நடந்துள்ளது.

மேலும் சாமஜ்வாதி கட்சி அலுவகம் முன்பு காவல்துறை தடைகள் போடப்பட்டிருக்கும் வீடியோ ஒன்றையும் அகிலேஷ் யாதவ் தனது எக்ஸ் பக்கத்தில் வெளியிட்டுள்ளார். அதில், “பாஜகவினர் மற்றும் அவர்களின் அரசு என எதுவாக இருந்தாலும் அவர்களின் ஒவ்வொரு செயல்களும் எதிர்மறைகளின் குறியீடாகவே உள்ளன. கடந்த முறை நடந்தது போலவே, ஜெயபிரகாஷ் நாராயணின் பிறந்த நாளில் அவரின் சிலைக்கு சமாஜ்வாதி கட்சியினர் மரியாதை செய்வதை தடுப்பதற்காக எங்களுடைய சொந்த இடங்களைச் சுற்றி காவல்துறை தடைகள் ஏற்படுத்தப்பட்டுள்ளன.

பாஜக எப்போதுமே சுதந்திரப் போராட்ட வீரர்களுக்கும், சுந்தந்திர போராட்ட இயக்கத்துக்கும் எதிரானது. காலனியாதிக்கவாதிகளுடன் இருந்தும், ரகசியமாக அவர்களுக்கு ஆதரவளிப்பதன் மூலம் பாதைகளை எப்படித் தடுப்பது என்பதை கற்றுக்கொண்டுள்ளனர். இப்போது அனைவரும் சொல்லத் தொடங்கி விட்டனர் பாஜக எங்களுக்கு வேண்டாம்!” என தெரிவித்துள்ளார்.

அகிலேஷ் யாதவ்வின் இந்தக் குற்றச்சாட்டுக்கு பாஜக தீவிரமாக பதிலடி கொடுத்துள்ளது. உத்தரப் பிரதேச பாஜகவின் செய்தித் தொடர்பாளர் அலோக் அவஸ்தி தனது எக்ஸ் பக்கத்தில், ” பாரதிய ஜனதா கட்சி எல்லா பெரிய மனிதர்களுக்கும் மதிப்பளிக்கிறது; மரியாதை செய்கிறது. தவறான ஆட்சி, அராஜகம், ஊழலுக்கு எதிரான இயக்கத்தை ஜெயபிரகாஷ் நாராயணன் வழிநடத்தினார். அவர் எளிமையின் அடையாளம்.

ஜெயபிரகாஷ் நாராயணின் ஏதாவது ஒரு குணம் உங்களிடம் உள்ளதா அகிலேஷ் யாதவ்? ஆடம்பரமான வாழ்க்கையை அனுபவிக்கிறீர்கள். உங்களின் ஆட்சியில் அராஜகம், தவறான நிர்வாகம், கலவரக்காரர்கள், ஊழல்வாதிகள் ஆட்சி செய்தனர். உங்களின் நடத்தைகள் ஜெயபிரகாஷ் நாராயண் மற்றும் லோகியா ஆகியோரின் நடத்தை மற்றும் எண்ணங்களுக்கு எதிரானது” என்று அகிலேஷ் யாதவ் தெரிவித்துள்ளார்.

கட்டுமான பணி மற்றும் மழை காரணமாக பூச்சிகள் தொல்லைகளை காரணம் காட்டி, JPNICக்குள் நுழைய நேற்றிரவு அகிலேஷ் யாதவுக்கு அனுமதி மறுக்கப்பட்டதைத் தொடர்ந்து இந்த சர்ச்சை உருவானது. அருங்காட்சியகத்து முன்னாள் தகரத் தடுப்புகள் வைக்கப்பட்டிருத்தற்கு முன்பு நின்று அகிலேஷ், பாஜக மீது குற்றம்சாட்டி பேசினார்.

“இந்தத் தகர தடுப்புகளை வைத்திருப்பதன் மூலம் எதை மறைப்பதற்கு இந்த அரசு முயற்சி செய்கிறது. இங்கு ஒரு அருங்காட்சியகம் கட்டப்பட்டது.. நாங்கள் அந்த சோசலிச சிந்தனையாளர், சிறந்த மனிதருக்கு மரியாதை செய்ய விரும்புகிறோம். இந்த அரசு ஏன் அதனைத் தடுக்கிறது? இந்த அரசு பயப்படுகிறது. ஆனால் அவருடைய சித்தாந்தத்தை நிறுத்த முடியுமா?

இவ்வாறு தடுத்து நிறுத்தப்படுவது இது முதல்முறை இல்லை. ஒவ்வொரு முறையும் இந்தநாளில் பல சோசலிஸ்ட்டுகள் இங்கே கூடுகின்றனர். அவர்கள் சிலைக்கு மாலை அணிவித்து தங்களின் கருத்துக்களை தெரிவிக்கின்றனர். முழு புரட்சிக்கான முழக்கத்தை வழங்கிய அந்த சிறந்த தலைவர் அப்போதைய அரசின் முன்பு ஒரு போதும் பணிந்து போகவில்லை” என்று தெரிவித்தார்.

முன்னதாக, கடந்த ஆண்டும் JPNICக்குள் நுழைய அகிலேஷ் யாதவுக்கு அனுமதி மறுக்கப்பட்டது. அவர் திரும்பிச் செல்ல கேட்டுக்கொள்ளப்பட்டார். என்றாலும் அவர் ஜெ.பி.நாரயணின் சிலைக்கு மரியாதை செய்ய சுவர் ஏறி குதித்தார் என்பது குறிப்பிடத்தக்கது.

இந்து முன்னணி குற்றச்சாட்டு: கோயில் விழாக்களை திட்டமிட்டு தடுக்க தமிழக அரசு முனைகிறது..!

திருநெல்வேலி தசரா சப்பரத் திருவிழாவை தடுக்கும் நோக்கில் தமிழக மின்சாரத்துறை செயல்படுகிறது’’ என இந்து முன்னணி மாநில தலைவர் காடேஸ்வரா சி.சுப்பிரமணியம் கண்டனம் தெரிவித்துள்ளார்.

இது தொடர்பாக காடேஸ்வரா சி.சுப்பிரமணியம் வெளியிட்டுள்ள அறிக்கையில், “திருநெல்வேலி மாவட்டம் பாளையங்கோட்டை வடக்கு உச்சி மாரியம்மன் கோயில் தசரா சப்பரம் வீதி உலா வரும்போது மின்சார கம்பிகளில் பட்டு ஏதேனும் விபத்து ஏற்பட்டால் அதற்கு எந்த வகையிலும் நாங்கள் பொறுப்பல்ல என்று மின்சார வாரியம் கடிதம் கொடுத்துள்ளது. மேலும், பல ஆண்டு காலமாக வரும் சப்பரத்தின் உயரத்தைக் குறைக்க வேண்டும் என்றும் அதில் குறிப்பிடப்பட்டுள்ளது.

தமிழகத்தில் மிகவும் பிரசித்தி பெற்ற தசரா திருவிழாக்களில் ஒன்றான பாளையங்கோட்டை தசரா திருவிழாவில் 12 கோயில்களை சேர்ந்த சப்பரங்கள் ஒரு சேர திருவீதி உலா வந்து சூரசம்ஹாரம் நிகழ்வு நடப்பது தொன்று தொட்டு நடந்து வரும் திருவிழாவாகும். கடந்த ஒன்றாம் தேதி தொடங்கி மிக விமர்சையாக வழக்கம் போல் அனைத்து கோயில்களிலும் திருவிழா நடந்து வரும் சூழலில் நேற்று பாளையங்கோட்டை வடக்கு உச்சி மாரியம்மன் கோயில் தலைவருக்கு மின்வாரியத்தில் இருந்து கடிதம் மூலம் சப்பரத்தின் உயரத்தை குறைக்க வேண்டும் என்றும் ஏதேனும் விபத்து நிகழ்ந்தால் அதற்கு எந்த வகையிலும் நாங்கள் பொறுப்பல்ல என்றும் தெரிவித்துள்ளனர்.

லட்சக்கணக்கான மக்கள் திரண்டு நடத்தும் திருவிழாக்களுக்கு அடிப்படை வசதிகளை செய்து கொடுக்க வேண்டியது அரசின் அடிப்படைக் கடமை. அரசின் அனைத்து துறைகளும் இணைந்து செய்ய வேண்டிய வேலையை இதற்கு நாங்கள் பொறுப்பாக மாட்டோம் என்று குறிப்பிடுவது வன்மையாக கண்டிக்கத்தக்கது. இந்துக்கள் ஒற்றுமையாக வழிபடும் திருவிழாவை திட்டமிட்டு மறைமுகமாக அரசு இதுபோல் தடுக்க நினைக்கிறதோ என்ற ஐயம் மக்களிடையே எழுந்துள்ளது.

இந்து விரோத திமுக அரசு பொறுப்பேற்றதில் இருந்து தமிழகமெங்கும் பல கோயில் திருவிழாக்களில் சுவாமி தேரும் சப்பரங்களும் விபத்துக்குள்ளாவது அதிகமாக எண்ணிக்கையில் நடைபெற்று வருகிறது. இதற்கு அரசு இயந்திரங்கள் ஒன்றிணைந்து செயல்படாததே முழுமுதற் காரணமாகும். அதுபோல் ஏதேனும் விபத்துக்கள் நேர்ந்தால் நாங்கள் முன்பே சொல்லி விட்டோம் என்று தங்களை காப்பாற்றிக் கொள்வதற்காக மட்டுமே அரசு அதிகாரிகள் தயாராக உள்ளனர். தவிர எவ்வாறு திருவிழாக்களை சிறப்பாக நடத்த வேண்டும் என்று திட்டமிடுவதற்கு தயாராக இல்லையே என்று சந்தேகமும் மக்கள் மனதில் எழுந்துள்ளது.

பல பகுதிகளில் திருவிழாவின்போது நடக்கும் சிறுசிறு பிரச்சனைகளை சுட்டிக்காட்டி அத்திருவிழாக்களுக்கே தடை விதிக்கும் போக்கும் திமுக அரசிடம் அதிகமாக உள்ளது. சிவகங்கை மாவட்டம் கண்டதேவி திருக்கோயிலில் இரண்டு முறை நீதிமன்றம் சொன்ன பின்பும் திருவிழாவை நடத்துவதற்கு மாநில அரசும் மாவட்ட நிர்வாகமும் எந்த முனைப்பும் எடுக்காத நிலையில் மாநில அரசை நீதிமன்றம் கடுமையாக விமர்சித்த பின்பே அத்திருவிழாவினை மாவட்ட ஆட்சியர் முன்னின்று நடத்தினார்.

தமிழகத்தில் குறிப்பாக தென் மாவட்டங்களில் பல கோவில் திருவிழாக்களை சட்டம் ஒழுங்கு காரணம் காட்டி சாதி ரீதியாக பிரச்சினைகள் உள்ளதாகச் சொல்லி திருவிழாக்களுக்கு அனுமதி மறுத்து பின்பு மக்கள் நீதிமன்றம் சென்று அனுமதி பெற்று திருவிழா நடத்தும் சூழல் நிலவி வருகிறது. எந்த சூழ்நிலையிலும் என்ன பிரச்சினைகளாக இருந்தாலும் அதற்கு தகுந்த பாதுகாப்பு வழங்கி திருவிழாவினை நடத்த வேண்டும் என்று உயர் நீதிமன்றம் உத்தரவு பிறப்பித்துள்ளது குறிப்பிடத்தக்கது.

பல ஆண்டுகளாக கோயிலின் சப்பரம் இதே திருவீதிகளில் தான் உலா வருகிறது. இதுவரையில் எந்த பிரச்சினைகளும் நடக்காத நிலையில் இவ்வாண்டு சப்பரத்தின் அளவை குறைக்கச் சொல்லி மின்வாரியம் நோட்டீஸ் வழங்கி மக்களிடையே குழப்பத்தை ஏற்படுத்தியுள்ளது. நீதிமன்ற உத்தரவின் படி அங்குள்ள சாலைகளை சீரமைக்கும் போது பழைய சாலைகளை அகற்றாமல் அதற்கு மேலேயே மீண்டும் மீண்டும் புதிய சாலைகள் போடுவதால் தான் சாலை உயர்கிறது. இம்மாதிரியான விபத்துக்கள் நிகழும் சூழ்நிலை ஏற்படுகிறது.

இதற்கு சாலையை சுரண்டி விட்டு சாலை போடாமல், சப்பரத்தின் உயரத்தை குறைக்க சொல்லும் திராவிடம் மாடல் அரசினை இந்து முன்னணி வன்மையாக கண்டிக்கிறது. சமீபத்தில் விமானப் படையின் வான் சாகச நிகழ்ச்சியில் அரசு துறை நிர்வாகம் இணைந்து பணி செய்யாமல் 5 பேர் உயிரிழக்க காரணமாக ஆனது என்பதை சுட்டிக் காட்டுகிறோம். எனவே அதனை கவனத்தில் கொண்டு இத்திருவிழா வழக்கம் போல் சிறப்பாக நடைபெற அரசின் அனைத்து துறைகளும் ஒருங்கிணைந்து ஒத்துழைப்பு வழங்கிட தமிழக அரசு ஆணையிட இந்து முன்னணி வலியுறுத்துகிறது” என காடேஸ்வரா சி.சுப்பிரமணியம் வெளியிட்ட அறிக்கையில் தெரிவிக்கப்பட்டுள்ளது.

ரா.முத்தரசன்: தோல்விக்கு பின்னரும் பாடம் கற்றுக் கொள்ளாத பாஜக அரசு..!

“தமிழகத்திற்கு ரூ.7,268 கோடி நிதி ஒதுக்கியிருப்பது உத்தரப் பிரதேசம் உள்ளிட்ட பிற மாநிலங்களுடன் ஒப்பிடும் போது மிகக் குறைவான நிதியாகும். தமிழகத்தை வஞ்சிக்கும் போக்கை கைவிட்டு, தமிழ்நாட்டிற்குரிய நிதியினை வழங்கிட வேண்டும்” என இந்திய கம்யூனிஸ்ட் கட்சியின் தமிழ் மாநிலச் செயலாளர் ரா.முத்தரசன் தெரிவித்துள்ளார்.

இது குறித்து ரா.முத்தரசன் வெளியிட்டிருக்கும் அறிக்கையில், “பாஜக தனது பத்தாண்டு கால ஆட்சியில் பாகுபாடு காட்டியது. தனது கட்சி ஆட்சி நடைபெறும் மாநிலங்களுக்கு ஒரு நீதியும், பிற எதிர்கட்சிகள் ஆட்சியில் உள்ள மாநிலங்களுக்கு அநீதியும் இழைத்து வந்தது. அதனால் தான் கடந்த நாடாளுமன்ற தேர்தலில் மக்கள் பாஜகவிற்கு அறுதி பெரும்பான்மை எண்ணிக்கையில் வெற்றி பெற வாய்ப்பளிக்கவில்லை.

தோல்விக்கு பின்னரும் தனது வெறுப்பு அரசியலை பாஜக கைவிடவில்லை என்பதனை மீண்டும் உறுதிப்படுத்தும் விதமாக நிதி ஒதுக்கீட்டில் பாரபட்சம் காட்டியுள்ளது. மாநிலங்களுக்கு வரி பகிர்வு விடுவிப்பில் தமிழ்நாட்டை வஞ்சிக்கும் போக்குடன் குறைந்த நிதி ஒதுக்கியிருப்பது கடும் கண்டனத்திற்குரியது.

ஒன்றிய அரசு என்பது, அனைத்து மாநிலங்களையும் சமமாக பாவிக்கும் பெருந்தன்மை வேண்டும். ஒரு கண்ணில் வெண்ணையும், மற்றொரு கண்ணில் சுண்ணாம்பும் வைக்கின்ற கொடிய நடைமுறையை ஒன்றிய அரசு கைவிட வேண்டும்.

கூட்டாட்சி தத்துவத்தை நிராகரித்து ஒரு கட்சி ஆட்சி எனும் சர்வாதிகார போக்கை கைவிட்டு ஜனநாயக பண்புகளை ஒன்றிய அரசு பின்பற்ற வேண்டும். தமிழகத்திற்கு ரூ.7268 கோடி நிதி ஒதுக்கியிருப்பது உத்தரப் பிரதேசம் உள்ளிட்ட பிற மாநிலங்களுடன் ஒப்பிடும் போது மிகக் குறைவான நிதியாகும். தமிழகத்தை வஞ்சிக்கும் போக்கை கைவிட்டு, தமிழ்நாட்டிற்குரிய நிதியினை வழங்கிட வேண்டுமாய், இந்தியக் கம்யூனிஸ்ட் கட்சியின் தமிழ்நாடு மாநில செயற்குழு சார்பில் ஒன்றிய அரசை வலியுறுத்தி கேட்டுக் கொள்கிறோம்” என ரா.முத்தரசன் அந்த அறிக்கையில் தெரிவித்துள்ளார்.

ரா.முத்தரசன் கண்டனம்: மாநிலங்களுக்கான வரி பகிர்வில் தமிழகத்துக்கு பாரபட்சம்..!

“தமிழகத்திற்கு ரூ.7,268 கோடி நிதி ஒதுக்கியிருப்பது உத்தரப் பிரதேசம் உள்ளிட்ட பிற மாநிலங்களுடன் ஒப்பிடும் போது மிகக் குறைவான நிதியாகும். தமிழகத்தை வஞ்சிக்கும் போக்கை கைவிட்டு, தமிழ்நாட்டிற்குரிய நிதியினை வழங்கிட வேண்டும்” என இந்திய கம்யூனிஸ்ட் கட்சியின் தமிழ் மாநிலச் செயலாளர் ரா.முத்தரசன் தெரிவித்துள்ளார்.

இது குறித்து ரா.முத்தரசன் வெளியிட்டிருக்கும் அறிக்கையில், “பாஜக தனது பத்தாண்டு கால ஆட்சியில் பாகுபாடு காட்டியது. தனது கட்சி ஆட்சி நடைபெறும் மாநிலங்களுக்கு ஒரு நீதியும், பிற எதிர்கட்சிகள் ஆட்சியில் உள்ள மாநிலங்களுக்கு அநீதியும் இழைத்து வந்தது. அதனால் தான் கடந்த நாடாளுமன்ற தேர்தலில் மக்கள் பாஜகவிற்கு அறுதி பெரும்பான்மை எண்ணிக்கையில் வெற்றி பெற வாய்ப்பளிக்கவில்லை.

தோல்விக்கு பின்னரும் தனது வெறுப்பு அரசியலை பாஜக கைவிடவில்லை என்பதனை மீண்டும் உறுதிப்படுத்தும் விதமாக நிதி ஒதுக்கீட்டில் பாரபட்சம் காட்டியுள்ளது. மாநிலங்களுக்கு வரி பகிர்வு விடுவிப்பில் தமிழ்நாட்டை வஞ்சிக்கும் போக்குடன் குறைந்த நிதி ஒதுக்கியிருப்பது கடும் கண்டனத்திற்குரியது.

ஒன்றிய அரசு என்பது, அனைத்து மாநிலங்களையும் சமமாக பாவிக்கும் பெருந்தன்மை வேண்டும். ஒரு கண்ணில் வெண்ணையும், மற்றொரு கண்ணில் சுண்ணாம்பும் வைக்கின்ற கொடிய நடைமுறையை ஒன்றிய அரசு கைவிட வேண்டும்.

கூட்டாட்சி தத்துவத்தை நிராகரித்து ஒரு கட்சி ஆட்சி எனும் சர்வாதிகார போக்கை கைவிட்டு ஜனநாயக பண்புகளை ஒன்றிய அரசு பின்பற்ற வேண்டும். தமிழகத்திற்கு ரூ.7268 கோடி நிதி ஒதுக்கியிருப்பது உத்தரப் பிரதேசம் உள்ளிட்ட பிற மாநிலங்களுடன் ஒப்பிடும் போது மிகக் குறைவான நிதியாகும். தமிழகத்தை வஞ்சிக்கும் போக்கை கைவிட்டு, தமிழ்நாட்டிற்குரிய நிதியினை வழங்கிட வேண்டுமாய், இந்தியக் கம்யூனிஸ்ட் கட்சியின் தமிழ்நாடு மாநில செயற்குழு சார்பில் ஒன்றிய அரசை வலியுறுத்தி கேட்டுக் கொள்கிறோம்” என ரா.முத்தரசன் அந்த அறிக்கையில் தெரிவித்துள்ளார்.

கமலா ஹாரிஸ் அமெரிக்க அதிபராக கொண்டாடும் விழாவில் ஏ.ஆர். ரஹ்மான் கச்சேரியா..!?

அமெரிக்க அதிபர் தேர்தல் வேட்பாளாராக கமலா ஹாரிஸ் தேர்வு செய்யப்பட்டதைக் கொண்டாடும் விழாவில், இசையமைப்பாளர் ஏ.ஆர்.ரஹ்மான் நேரடி இசை நிகழ்ச்சி நடத்துகிறார் என்று இந்தியன் – அமெரிக்கன் நிதிதிரட்டும் அமைப்பு அறிவித்துள்ளது.

இதுகுறித்து ஆசிய, அமெரிக்க, பசிபிக் தீவுவாசிகளின் வெற்றி நிதியம்(AAPI), நேற்று அதன் எக்ஸ் பக்கத்தில் வெளியிட்டுள்ள பதிவில், “விரைவில்: ஏ.ஆர். ரஹ்மானுடன் இரு சிறப்பான மாலைப் பொழுது. அமெரிக்க அதிபர் தேர்தல் வேட்பாளராக கமலா ஹாரிஸ் அறிவிக்கப்பட்ட வரலாற்று சிறப்பு தருணத்தை ஏ.ஆர். ரஹ்மானுடன், உலகத்தரம் வாய்ந்த நேரடி இசை நிகழ்ச்சியுடன் இணைந்து கொண்டாடுங்கள்” என பசிபிக் தீவுவாசிகளின் வெற்றி நிதியம் தெரிவித்துள்ளது.

இந்த நிகழ்ச்சி நடக்க இருக்கும் தேதி குறித்து எந்த அறிவிப்பும் வெளியிடப்படவில்லை. மேலும் இதுகுறித்து ரஹ்மான் தனது சமூக வலைதள பக்கத்தில் பதிவு ஏதுமிடவில்லை. என்றாலும், நிகழ்ச்சிக்கான பதிவில் நேரடி இசை நிகழ்ச்சியில் பங்கேற்க பதிவு செய்வதற்கான இணைப்பை ஏஏபிஐ வழங்கியுள்ளது.

ஆசிய, அமெரிக்க, பசிபிக் தீவுவாசிகளின் வெற்றி நிதியம் அமெரிக்க அதிபருக்கான இந்தத் தேர்தலில் துணை அதிபர் கமலா ஹாரிஸை ஆதரித்தது. மேலும் நாடு முழுவதுமான காங்கிரஸ் மற்றும் பிற அரசு பதவிகளுக்கு போட்டியிடும் ஏஏபிஐ வேட்பாளர்களையும் ஆதரித்தது என்பது குறிப்பிடத்தக்கது.

பார்வதீஸ்வரர் கோவில் நில மோசடி வழக்கில் காரைக்கால் துணை ஆட்சியர் கைது..!

காரைக்கால் பார்வதீஸ்வரர் கோவில் நில மோசடி வழக்கில் காரைக்கால் துணை ஆட்சியர் ஜான்சன் கைது செய்யப்பட்டுள்ளார். அரசு மனைப் பட்டா வழங்குவதாகக் கூறி கோவில் இடம் மோசடியில் கோடிக்கணக்கான பணம் பெற்றது விசாரணையில் அம்பலமாகியுள்ளது. மகளிர் காவல் நிலையத்தில் ரகசிய அறையில் வைத்து 15 மணி நேரம் விசாரணை நடைபெற்றது. விசாரணையின் இறுதியில் வழக்கு பதிவு செய்து காரைக்கால் துணை ஆட்சியர் ஜான்சனை காவல்துறை கைது செய்துள்ளனர்

புதுச்சேரி மாநிலம் காரைக்காலிலுள்ள புகழ் பெற்ற பார்வதீஸ்வரர் கோவிலுக்கு கோவில்பத்து கிராமத்தில் உள்ள இடத்தை ஸ்மார்ட் சிட்டி திட்டத்திற்காக சுற்றுலா துறைக்கும், இந்திய எரிவாயு ஆணையத்திற்கும் வழங்கியதாக காரைக்கால் துணை ஆட்சியர் ஜான்சன், முன்னாள் ஆட்சியர் ஆகியோரின் கையெழுத்துடன் கூடிய அரசாணை சமூக வலைதளங்களில் பரவியது.

இதுகுறித்து விசாரித்து, குற்றவாளிகளை கைது செய்யக் கோரி, இந்து முன்னணியினர் நகர தலைவர் ராஜ்குமார் தலைமையில், கவர்னர் கைலாஷ்நாதன் மற்றும் காரைக்கால் ஆட்சியர் மணிகண்டன் ஆகியோரிடம் மனு அளித்தனர். அதன்பேரில், என்.ஆர்.காங்கிரஸ் பிரமுகர் ஆனந்த் உள்ளிட்டோர் மீது வழக்கு பதிந்து சிலரை கைது செய்தனர். தலைமறைவான ஆனந்த்தை காவல்துறை போலீசார் தேடி வருகின்றனர்.

மேலும், போலி ஆவணங்கள் மூலம் நிலம் விற்பதற்கு இடைத்தரகர்களாக செயல்பட்ட காரைக்கால் சிவராமன், திருமலைராஜன், காரைக்கால் நகராட்சி நில அளவையர் ரேணுகாதேவி, பத்திர எழுத்தர் கார்த்தி ஆகியோரை போலீசார் ஏற்கெனவே கைது செய்துள்ளனர்.

இந்நிலையில், இவ்வழக்கில் கைது செய்யப்பட்ட நில அளவையர் ரேணுகாதேவியை காவல்டுறை காவலில் எடுத்து விசாரித்தனர். அதில், மாவட்ட துணை ஆட்சியர் ஜான்சன் தலைமையில், இதற்கான கூட்டு சதி நடந்தது தெரிய வந்தது.

இத்தனை தொடர்ந்து நில அளவையர் ரேணுகாதேவி அளித்த தகவலின்பேரில், மாவட்ட துணை ஆட்சியர் ஜான்சனின் மொபைல் எண்ணிற்கு வந்த அழைப்புகள் மற்றும் அவரது வங்கி பரிவர்த்தனைகளை ஆய்வு செய்ததில், பெரும் தொகை கைமாறியது தெரிய வந்தது. அதனைத் தொடர்ந்து, நேற்று ஆட்சியர் அலுவலகத்தில் இருந்த மாவட்ட துணை ஆட்சியர் ஜான்சனை தனிப்படை காவல்துறை அழைத்துச் சென்று, மகளிர் காவல் நிலையத்தில் வைத்து விசாரணை நடத்தினர்.

அதில், மாவட்ட துணை ஆட்சியர் பிரபல மதுபான உரிமையாளருடன் கூட்டு சேர்ந்து முதலீடு செய்ததும், இந்த மோசடியில் தலைமறைவாக உள்ள ஆளும்கட்சி பிரமுகர் ஆனந்துடன், மேலும் இருவர் இந்த மோசடியில் ஈடுபட்டிருப்பது தெரிய வந்துள்ளது. இத்தனை தொடர்ந்து துணை ஆட்சியர் ஜான்சன் கைது செய்யப்பட்டுள்ளார்.

ரீல்ஸ் பார்த்தபடி பேருந்தை இயக்கிய அரசு பேருந்து ஓட்டுநர்..! பயணிகளை காப்பாற்றிய தனியார் பேருந்து ஓட்டுநர்..!

திருப்பதியில் இருந்து சென்னை மாதவரம் நோக்கி வந்த பேருந்தை, ஓட்டுநர் ரீல்ஸ் பார்த்தபடி இயக்கியது சமூக வலைதளங்களில் பரவல்.

ஒருபுறம் பேருந்தில் பயணம் செய்யும் பயணிகளை பற்றி எந்த ஒரு கவலையும் இல்லாமல் ஜாலியாக ஒரு கையில் ஸ்டீயரிங்.. மறு கையில் செல்போன்..! ரீல்ஸ் பார்த்தபடி பேருந்தை இயக்கிய அரசு ஓட்டுநர் மறுபுறம் காற்று பலமாக வீசியதால் பேருந்தின் முன்பக்க கண்ணாடி சுக்குநூறாக உடைந்தது ஓட்டுநர் மீது கண்ணாடி துண்டுகள் தலை, கை மற்றும் கால் போன்ற பகுதிகளில் பட்டு காயம் ஏற்பட்டும், பயணிகளின் உயிரை பாதுகாக்க தனக்கு ஏற்பட்ட படுகாயங்களை பொருட்படுத்தாமல் பேருந்தை லாவகமாக இயக்கி சாலையோரம் நிறுத்திய தனியார் ஓட்டுநர் இங்க என்ன நடக்குதுன்னு புரியல.

உத்தரபிரதேசத்துக்கு ரூ.31,962 கோடி ஆனால் தமிழகத்துக்கு ரூ.7,268 கோடி என்ன கணக்கு தெரியல..!

மத்தியில் ஆளும் பாஜக அரசு வரி வருவாயிலிருந்து மாநில அரசுகளுக்கான வரி பகிர்வாக ரூ.1,78,173 கோடியை நேற்று விடுவித்து. இதில் பாஜக ஆளும் உத்தரபிரதேசத்துக்கு அதிக தொகையும், தமிழ்நாட்டுக்கு குறைந்தபட்ச தொகையும் ஒதுக்கப்பட்டுள்ளது.

வரி பகிர்வு குறித்து மத்திய நிதி அமைச்சகம் வெளியிட்டுள்ள அறிக்கையில், “தமிழ்நாடு உள்பட 28 மாநிலங்களுக்கு நிதி பகிர்வாக ரூ.1,78,173 கோடி விடுவிக்கப்பட்டுள்ளது. இதில் 2024 அக்டோபர் மாதத்தில் விடுவிக்கப்பட வேண்டிய வழக்கமான முன்கூட்டிய தொகையும் தவணையும் அடங்கும். வரும் பண்டிகை காலத்தை கருத்தில் கொண்டும், மாநிலங்கள் மூலதனச் செலவினங்களை விரைவுப்படுத்தவும், மாநிலங்களின் வளர்ச்சி, நிதி திட்டங்களின் செலவினங்களுக்கு நிதியளிக்கவும் ஏற்ற வகையில் இந்த வரி பகிர்வு விடுவிக்கப்பட்டுள்ளது.

இதில் அதிகபட்சமாக உத்தரபிரதேசத்துக்கு ரூ.31,962 கோடியும் அதையடுத்து பீகாருக்கு ரூ.17,921 கோடி, மேற்கு வங்கத்துக்கு ரூ.13,404 கோடி, மகாராஷ்டிராவுக்கு ரூ.11,255 கோடி மற்றும் ராஜஸ்தான் மாநிலத்துக்கு ரூ.10,737 கோடி பாஜக ஆளும் மாநிலங்களுக்கு அதிகப்படியாக நிதி ஒதுக்கீடு செய்யப்பட்டுள்ளது.

மேலும் தென்மாநிலங்களான தமிழ்நாட்டுக்கு ரூ.7,268 கோடி, ஆந்திரபிரதேசத்துக்கு ரூ.7,211 கோடி, கர்நாடகாவுக்கு ரூ.6,498 கோடி, தெலங்கானாவுக்கு ரூ.3,745 கோடி மற்றும் கேரளாவுக்கு ரூ.3,430 கோடி நிதி விடுவிக்கப்பட்டுள்ளது என்பது குறிப்பிடத்தக்கது.

கேரள சட்டப்பேரவையில் ஒரே நாடு ஒரே தேர்தல் திட்டத்துக்கு எதிராக தீர்மானம்..!

ஒரே நாடு ஒரே தேர்தல் திட்டத்தை திரும்பப் பெற வேண்டும் என வலியுறுத்தி ஒருமனதாக தீர்மானம் நிறைவேற்றப்பட்டுள்ளது. கூட்டாட்சி தத்துவம் மற்றும் ஜனநாயகத்தை ஒரே நாடு ஒரே தேர்தல் திட்டம் தகர்த்துவிடும் என முதலமைச்சர் பினராயி விஜயன் கொண்டு வந்த தீர்மானம் சட்டப்பேரவையில் ஒருமனதாக நிறைவேறியது.

ஒரே நாடு, ஒரே தேர்தல்’ என்ற இந்த திட்டத்தை அமல்படுத்துவதற்கான சாத்தியக்கூறுகள் பற்றி ஆய்வு செய்வதற்காக முன்னாள் ஜனாதிபதி ராம்நாத் கோவிந்த் தலைமையில் ஒரு உயர்மட்டக்குழுவை மத்திய அரசு அமைத்திருந்தது.

இந்நிலையில், ஒரே நாடு ஒரே தேர்தல் என்ற உயர்மட்டக் குழுவின் பரிந்துரைகளை அமைச்சரவை ஏற்றுக்கொண்டதாக மத்திய மந்திரி அஸ்வினி வைஷ்ணவ் தெரிவித்தார். இதன்மூலம், மக்களவை, மாநில சட்டசபை மற்றும் உள்ளாட்சி அமைப்புகளுக்கு ஒரே நேரத்தில் தேர்தல் நடத்தப்படும். இதில் மக்களவை – சட்டசபைக்கு முதல் கட்டமாகவும், அடுத்த 100 நாட்களுக்குள் உள்ளாட்சி அமைப்புகளுக்கும் தேர்தல் நடத்த ராம்நாத் கோவிந்த் தலைமையிலான குழு பரிந்துரை செய்துள்ளது.

இத்தனை தொடர்ந்து, ‘ஒரே நாடு, ஒரே தேர்தல்’ திட்டத்திற்கு ஒப்புதல் அளிக்கும் முடிவை மத்திய அரசு திரும்பப் பெற வேண்டும் என்று வலியுறுத்தி கேரள சட்டசபையில் ஒருமனதாக தீர்மானம் நிறைவேற்றப்பட்டு உள்ளது.

H. ராஜா கேள்வி: சிதம்பரம் நடராஜர் கோயில் நிலத்தை எப்படிப்பா தீட்சிதர்கள் விற்க முடியும்..!?

விழுப்புரத்தில் தமிழக பாஜக ஒருங்கிணைப்பு குழு தலைவர் எச்.ராஜா நேற்று செய்தியாளர்களின் கேள்விக்கு பதிலளித்தார். அப்போது, சிதம்பரம் நடராஜர் கோயில் குறித்து தவறான தகவல்கள் திட்டமிட்டு பரப்பப்படுகின்றன. ஒரு காவல்துறை அதிகாரியும், இந்து அறநிலையத்துறையை சேர்ந்த 9 அதிகாரிகளும் சேர்ந்து சிதம்பரம் நடராஜர் கோயிலை பற்றி தினமும் ஏதோ ஒரு தகவலை பரப்பி வருகின்றனர். 2 ஆயிரம் ஏக்கர் நிலத்தை பொது தீட்சிதர்கள் விற்றுவிட்டார்கள் என்று கூறப்படுகிறது.

2 ஆயிரம் ஏக்கர் நிலத்தை யாராவது விற்க முடியுமா? ஏனென்றால் 1976-ல் கொண்டு வரப்பட்ட அரசாணையின்படி சிதம்பரம் நடராஜர் கோயிலுக்கு கட்டளையாளர்கள் கொடுத்த நிலங்கள். அது தீட்சிதர்களுக்கான நிலங்கள் அல்ல. கோயிலுக்கு கொடுத்த இடம். இவர்கள் கூறியவாறு 3 ஆயிரம் ஏக்கர் இல்லை. 3,347 ஏக்கர் நிலம் இருக்கு. அது அரசாங்கத்தால் நியமிக்கப்பட்ட தனி தாசில்தாரிடம் இருக்கிறது. இதனை எப்படி பொது தீட்சிதர்கள் விற்பனை செய்ய முடியும் என H. ராஜா கேள்வி எழுப்பியுள்ளார்.