Narendra Modi – Page 2

பிரியங்கா காந்தி: பொய்யான வெற்று வாக்குறுதிகளை மீண்டும் மீண்டும் அளித்து பதவியின் கண்ணியத்தை பிரதமர் அழித்துள்ளார்..!

140 கோடி இந்தியர்களுக்கு வெற்று வாக்குறுதிகளை மீண்டும் மீண்டும் அளித்து நாட்டின் மிக உயரிய மற்றும் மரியாதைக்குரிய பதவியின் கண்ணியத்தை பிரதமர் அழித்துள்ளார் என பிரியங்கா காந்தி கடுமையாக சாடி உள்ளது. நேற்றைய முன்தினம் “ஒருபோதும் நிறைவேற்ற முடியாத தேர்தல் வாக்குறுதிகளை அளித்த காங்கிரஸ் தற்போது மக்கள் முன் மிக மோசமாக அம்பலப்பட்டு நிற்கிறது” என காங்கிரசின் தேர்தல் வாக்குறுதிகள் பற்றி பிரதமர் மோடி விமர்சித்து இருந்தார்.

நரேந்திர மோடியின் இந்த பேச்சுக்கு காங்கிரஸ் பொதுசெயலாளர் பிரியங்கா காந்தி தனது எக்ஸ் பக்கத்தில் தகுந்த பதிலடி கொடுத்துள்ளார். அதில்,“உண்மையே கடவுள்” என்று மகாத்மா காந்தி சொல்வார். உபநிடதத்தில் எழுதப்பட்ட “சத்யமேவ ஜெயதே” என்பது நமது தேசிய முழக்கம். உண்மையை நிலைநாட்டும் இந்த பொன்மொழிகள் இந்திய சுதந்திர இயக்கம், இந்தியாவின் மறுசீரமைப்பு மற்றும் பொது வாழ்க்கையின் இலட்சியங்களாக மாறியது. உண்மையே பல்லாயிரம் ஆண்டுகால கலாச்சாரத்தின் அடிப்படையாக இருக்கும் நாட்டில், உயர்ந்த பதவியில் அமர்ந்திருப்பவர் அசத்தியத்தை நாடக்கூடாது.

இந்திய தேசிய காங்கிரசுக்கு எதிராக பிரதமர் கூறியுள்ள குற்றச்சாட்டுகள் உண்மைக்குப் புறம்பானது. காங்கிரஸ் கட்சி எந்த மாநிலத்திலும் மக்களுக்கு அளித்த வாக்குறுதிகளை அடுத்த தேர்தலுக்காக காத்திருக்காமல் ஆட்சி அமைத்தவுடன் நிறைவேற்றத் தொடங்கியுள்ளது. கர்நாடகா, தெலுங்கானா, ஹிமாச்சலப் பிரதேசம் என எதுவாக இருந்தாலும், காங்கிரஸ் ஆளும் மாநிலங்களில் நாள்தோறும் உத்தரவாதங்கள் மூலம் பொதுப் பணம் மக்களின் பாக்கெட்டுகளில் போடப்படுகிறது.

நாட்டு மக்கள் முன் தனது வார்த்தைகளுக்கு இனி எந்த மதிப்பும் இல்லை என்பதை பிரதமர் புரிந்து கொண்டுள்ளார். சமீபத்தில், ‘100 நாள் திட்டம்’, ‘2047க்கான சாலை வரைபடத்திற்கு, 20 லட்சம் பேரின் கருத்துகளை எடுத்து’, ‘ஒவ்வொரு ஆண்டும் இரண்டு கோடி வேலை வாய்ப்பு’, ‘100 ஸ்மார்ட் சிட்டி’, ‘கறுப்புப் பணத்தை மீட்பது’, ‘பணவீக்கம் மற்றும் வேலையில்லாத் திண்டாட்டத்தை குறைத்தல்’ , ‘விவசாயிகளின் வருமானத்தை இரட்டிப்பாக்குவது’, ‘டாலருக்கு இணையாக ரூபாயை கொண்டு வருவோம்’, ‘நல்ல நாட்களை கொண்டு வருவோம்’… இப்படிப்பட்ட வாக்குறுதிகள் பொய் என நிரூபிக்கப்பட்டு, தற்போது நாட்டு மக்களுக்கு இதுபோன்ற வாக்குறுதிகளில் நம்பிக்கை இல்லை. .

140 கோடி இந்தியர்களுக்கு வெற்று வாக்குறுதிகளை மீண்டும் மீண்டும் அளித்து நாட்டின் மிக உயரிய மற்றும் மரியாதைக்குரிய பதவியின் கண்ணியத்தை பிரதமர் அழித்துள்ளார். காங்கிரஸைப் பற்றி கவலைப்படாமல், உண்மையைக் கடைப்பிடித்து தனது பதவியின் கண்ணியத்தை மீட்டெடுக்க அவர் பணியாற்ற வேண்டும்.

அரவிந்த் கெஜ்ரிவால் அறிவுரை: நரேந்திர மோடி முதலில் படியுங்கள்..! அப்புறம் நாடு முழுவதும் அமல்படுத்துங்கள்…!

டெல்லி மாதிரியை படித்து, ஆயுஷ்மான் பாரத் திட்டத்துக்கு பதிலாக டெல்லி மாதிரியை நாடு முழுவதும் அமல்படுத்துங்கள் என ஆம் ஆத்மி கட்சியின் தலைமை ஒருங்கிணைப்பாளர் அரவிந்த் கெஜ்ரிவால் அறிவுரை கூறியுள்ளார். நேற்று நரேந்திர மோடி டெல்லியில் உள்ள அகில இந்திய ஆயுர்வேத நிறுவனத்தில் நடந்த நிகழ்வில் கலந்து கொண்டு பேசுகையில், “டெல்லி மற்றும் மேற்கு வங்கத்தில் உள்ள 70 வயது மற்றும் அதற்கு மேற்பட்ட மூத்த குடிமக்களிடம் நான் மன்னிப்பு கோருகிறேன்.

உங்களுக்கு என்னால் உதவ முடியவில்லை. ஆயுஷ்மான் பாரத் திட்டத்தில் டெல்லி மற்றும் மேற்கு வங்க மாநில அரசுகள் இணையவில்லை. அரசியல் காரணங்களுக்காக அம்மாநில ஆளும் கட்சிகள் இந்த முடிவை எடுத்துள்ளன. அரசியல் காரணங்களுக்காக தங்கள் மாநிலத்தின் சொந்த மூத்த குடிமக்களின் நலன்களுக்கு எதிராக செயல்படுவது மனித நேயத்துக்கு எதிரானது.” என நரேந்திர மோடி குற்றம் சாட்டி இருந்தார்.

நரேந்திர மோடி இந்த குற்றச்சாட்டுக்கு அரவிந்த் கெஜ்ரிவால் தனது எஸ்க் பக்கத்தில், மதிப்பிற்குரிய பிரதமரே, மக்களின் சுகாதார பிரச்சினையில் தவறாக பேசுவது சரியில்லை. இந்த விஷயத்தில் அரசியல் செய்வதும் சரியில்லை. டெல்லி அரசின் மருத்துவத்திட்டத்தின் கீழ், டெல்லியில் உள்ள ஒவ்வொருவரும் முழு சிகிச்சையையும், அது எவ்வளவு செலவானாலும் அதனை முற்றிலும் இலவசமாக பெறுகிறார்கள்.

ஐந்து ரூபாய் மாத்திரை முதல் ஒரு கோடி ரூபாய் சிகிச்சை வரை டெல்லி அரசு அதன் ஒவ்வொரு குடிமக்களுக்கும் இலவசமாக வழங்குகிறது. நீங்கள் சொன்னால் இந்த திட்டத்தின் கீழ் பலனடைந்த லட்சம் பயனாளிகளின் பட்டியலை உங்களுக்கு நான் அனுப்பி வைக்கிறேன். ஆயுஷ்மான் பாரத் திட்டத்தினால் மக்கள் பலனடைந்துள்ளார்களா? ஆயுஷ்மான் பாரத் திட்டத்தில் சிஏஜி பல முறைகேடுகளைக் கண்டறிந்துள்ளது.

இந்தத் திட்டம் நடைமுறைப்படுத்தப்படும் மாநிலங்களில், இந்தநாள் வரை ஆயுஷ்மான் திட்டத்தின் கீழ் பலனடைந்தவர்கள் ஒருவரைக் கூட நான் சந்திக்கவில்லை. டெல்லி மாதிரியை படித்து, ஆயுஷ்மான் பாரத் திட்டத்துக்கு பதிலாக டெல்லி மாதிரியை நாடு முழுவதும் அமல்படுத்துங்கள் என்று நான் உங்களை வேண்டுகிறேன். இதனால் களத்தில் மக்கள் பலனடைவார்கள் என அரவிந்த் கெஜ்ரிவால் எஸ்க் பக்கத்தில் பதிவிட்டுள்ளார்.

நரேந்திர மோடி: டெல்லி மற்றும் மேற்கு வங்க மக்களிடம் மன்னிப்பு கோருகிறேன்..!

“மத்திய அரசின் ஆயுஷ்மான் பாரத் திட்டத்தை டெல்லி மற்றும் மேற்கு வங்க மாநில அரசுகள் ஏற்க மறுத்து வருவதால் இத்திட்டத்தின் பயன்களை அம்மாநில மக்கள் பெற முடியாத நிலை உள்ளது. இதற்காக அவர்களிடம் நான் மன்னிப்பு கோருகிறேன்” என பிரதமர் நரேந்திர மோடி தெரிவித்துள்ளார்.

தன்வந்தரி ஜெயந்தி மற்றும் 9-வது ஆயுர்வேத தினத்தை முன்னிட்டு புதுடெல்லியில் உள்ள அகில இந்திய ஆயுர்வேத நிறுவனத்தில் சுமார் ரூ.12,850 கோடி மதிப்புள்ள சுகாதாரத் துறை தொடர்பான பல்வேறு திட்டங்களை பிரதமர் நரேந்திர மோடி இன்று தொடங்கி வைத்தார்.

இந்த நிகழ்ச்சியில் பிரதமர் நரேந்திர மோடி பேசுகையில் , “டெல்லி மற்றும் மேற்கு வங்கத்தில் உள்ள 70 வயது மற்றும் அதற்கு மேற்பட்ட மூத்த குடிமக்களிடம் நான் மன்னிப்பு கோருகிறேன். உங்களுக்கு என்னால் உதவ முடியவில்லை. ஆயுஷ்மான் பாரத் திட்டத்தில் டெல்லி மற்றும் மேற்கு வங்க மாநில அரசுகள் இணையவில்லை. அரசியல் காரணங்களுக்காக அம்மாநில ஆளும் கட்சிகள் இந்த முடிவை எடுத்துள்ளன.

அரசியல் காரணங்களுக்காக தங்கள் மாநிலத்தின் சொந்த மூத்த குடிமக்களின் நலன்களுக்கு எதிராக செயல்படுவது மனித நேயத்துக்கு எதிரானது. நாட்டின் அனைத்து மக்களுக்கும் என்னால் சேவை செய்ய முடிகிறது. ஆனால், டெல்லி மற்றும் மேற்கு வங்கத்தில் உள்ள அரசியல் சுவர்கள் காரணமாக உங்களுக்கு என்னால் உதவ முடியவில்லை” என நரேந்திர மோடி தெரிவித்தார்.

ANS.பிரசாத்: முதலமைச்சர் ஸ்டாலின், துணை முதலமைச்சர் உதயநிதி ஸ்டாலினுக்கு நல்லது கேட்டது கற்றுத் தர வேண்டும்..!

தமிழக முதலமைச்சர் மு.க. ஸ்டாலின், துணை முதலமைச்சர் உதயநிதி ஸ்டாலினுக்கு நேர்மறை அரசியலை கற்றுத் தர வேண்டும் என தமிழக பாஜக மாநில செய்தி தொடர்பாளர் ANS.பிரசாத் தெரிவித்துள்ளார்.

இது குறித்து ANS. பிரசாத் வெளியிட்டிருக்கும் அறிக்கையில், “தமிழக இளைஞர்களுக்கு வழிகாட்டியாக இருக்க வேண்டிய துணை முதலமைச்சர் உதயநிதி ஸ்டாலின், ஆளுநர் ஆர்.என்.ரவி , தரங்கெட்ட முறையில் கண்ணிய குறைவாக விமர்சித்ததற்கு பகிரங்க மன்னிப்பு கேட்க வேண்டும். தமிழக முதலமைச்சர் ஸ்டாலின், துணை முதலமைச்சர் உதயநிதி ஸ்டாலினுக்கு நேர்மறை அரசியலை கற்றுத் தர வேண்டும்.

கடந்த ஆண்டு ஆளுநர் ஆர்.என்.ரவி குறித்து உதயநிதி ஸ்டாலின் கண்ணியமற்ற முறையில் பேசியதற்கு நடவடிக்கை எடுக்காததன் விளைவு இன்று தமிழகத்தில் மோசமான தனிநபர் தாக்குதலுக்கும், வெறுப்பு அரசியலுக்கும் அடித்தளமாக அமைந்துள்ளது.

கடந்த மூன்று ஆண்டுகளாக உதயநிதி ஸ்டாலினின் பேச்சுக்கள் கண்ணியற்றதாக உள்ளன. எனவே உதயநிதி ஸ்டாலின் கடந்த ஆண்டு ஆளுநர் ஆர்.என்.ரவி பற்றி கூறிய கருத்துக்கள் உடனடியாக திரும்பப் பெற வேண்டும். பொது மன்னிப்பு கேட்க வேண்டும். தமிழகத்தில் அருவருக்கத் தக்க தனிநபர் தாக்குதல் மறைந்து, கண்ணியமான அரசியல் சூழ்நிலைக்கு வித்திட வேண்டும்.

இந்திய அரசியலமைப்புச் சட்டத்தில் ஒரு மாநிலத்தின் முதல் மகனாக மக்களால் தேர்ந்தெடுக்கப்பட்ட அரசாங்கத்தை வழிநடத்தக்கூடிய தலைமகனாக விளங்கக்கூடிய ஆளுநர் பொறுப்பை கொச்சைப்படுத்தும் விதத்தில் துணை முதலமைச்சர் உதயநிதி ஸ்டாலின் பேசியதை திரும்ப பெற வேண்டும். ஆளுநர் ஆர்.என். ரவிக்கு எவ்வளவு திமிர்? எவ்வளவு கொழுப்பு? ஆளுநர் யார் மக்களின் பிரதிநிதியா? ஆளுநர் ஒரு போஸ்ட்மேன், ஆளுநர் ஆர்.என்.ரவி அவர்களின் சமீபத்திய பேச்சை குறிப்பிட்டு, ஆளுநர் தன்னுடைய சித்தாந்தங்களை சொன்னால் தமிழக மக்கள் ஆளுநர் ஆர்.என். ரவியை செருப்பால் அடிப்பார்கள்.

அவர் பெயர் ஆர்.என். ரவி அல்ல. ஆர்எஸ்.எஸ்.ரவி என்று தனிப்பட்ட முறையில் தமிழகத்தின் இளம் தலைவர், மரியாதைக்குரிய துணை முதலமைச்சர் உதயநிதி ஸ்டாலின் இதுபோன்று கடமை,கண்ணியம் கட்டுப்பாடு, என அனைத்தையும் காற்றில் பறக்க விட்டு பொறுப்பற்ற முறையில் பேசுவது நியாயமா?

துணை முதலமைச்சர் உதயநிதி ஸ்டாலின், சனாதன தர்மத்திற்கு எதிராக கண்ணியமற்ற கருத்துக்கள், பிரதமர் மோடிக்கு எதிராக ஏற்றுக்கொள்ள முடியாத வார்த்தைகளில் நாகரீகமற்ற விமர்சனங்கள், இந்திய இறையாண்மைக்கு சவால் விடும் வகையில், தேச ஒற்றுமைக்கும் ஒருமைப்பாட்டுக்கும் எதிராக மக்களிடையே பிரிவினைவாதத்தை தூண்டும் வகையிலான பேச்சுக்கள் இந்து, இஸ்லாமிய, கிறிஸ்துவ மதங்களிடையே மதவாதத்தை தூண்டும் வகையிலான பேச்சுக்கள் என பேசி வருகிறார்.

ஆபத்தான, சமுதாயத்திற்கு தீங்கு விளைவிக்க கூடிய அவரது பேச்சுக்களை, மத்திய உள்துறை அமைச்சர் அமித்ஷா உரிய முறையில் விசாரணை செய்து தேவையான சட்ட நடவடிக்கைகளை எடுக்க வேண்டும்.

தமிழக முதலமைச்சர் மு.க.ஸ்டாலின் மழை வெள்ள பாதிப்பு ஏற்பட்டு ஏற்பட்டு மக்கள் பாதிக்கப்படக் கூடாது என்று, தானே நேரடியாக களத்தில் இறங்கி மழையினால் பாதிக்கப்பட்ட பகுதிகளுக்கு தனிப்பட்ட முறையில் சென்று மக்களுக்கான பிரச்சினைகளை தீர்த்து, தமிழக இளைஞர்களுக்கும் தமிழக அரசுத் துறையை அதிகாரிகளுக்கும் முன்மாதிரியாக சிறப்பாக செயல்பட்டுள்ளார்.

அதேபோன்று துணை முதலமைச்சர் உதயநிதி ஸ்டாலினுக்கு, உரிய முறையில் கட்சியிலும் ஆட்சியிலும் அரசியலிலும் சிறப்பாக செயல்பட நேர்மறை அரசியலை கற்றுக் கொடுத்து முன்மாதிரியான தலைவராக, தந்தையாக முதல்வராக செயல்பட வேண்டும் என்று கேட்டுக்கொள்கிறேன் என அந்த அறிக்கையில் தெரிவித்துள்ளார்.

மு.க.ஸ்டாலின்: ‘இந்தி மாதம்’ கொண்டாடப்படுவதை இந்தி பேசாத மாநிலங்களில் தவிர்க்க வேண்டும்..!

சென்னை தொலைக்காட்சி நிலையத்தின் பொன்விழா கொண்டாட்டங்களுடன் இணைந்து ‘இந்தி மாதம்’ நிறைவு நாள் விழா நேற்று கொண்டாடப்பட்டது அதிர்ச்சியை ஏற்படுத்தியது. மேலும் இந்த நிகழ்ச்சிக்கு ஆளுநர் ரவியும் அழைக்கப்பட்டிருந்தார். இந்த சம்பவத்துக்கு பல்வேறு தரப்பினர் கடும் கண்டனம் தெரிவித்த நிலையில் இந்தி பேசாத மாநிலங்களில் ‘இந்தி மாதம்’ கொண்டாடப்படுவதைத் தவிர்க்க வேண்டும் என முதலமைச்சர் மு.க.ஸ்டாலின் பிரதமர் மோடிக்கு கடிதம் எழுதியுள்ளார்.

மு.க.ஸ்டாலின் எழுதியுள்ள கடிதத்தில், சென்னை தொலைக்காட்சி நிலையத்தின் பொன்விழா நிகழ்ச்சிகளுடன் இணைந்து நிறைவடையும் ‘இந்தி மாத’ நிறைவுவிழா நடைபெறுவது குறித்து பிரதமரின் கவனத்திற்குக் கொண்டுவர விரும்புகிறேன்

இந்திய அரசியலமைப்புச் சட்டம் எந்த மொழிக்கும் தேசிய மொழி என்ற அந்தஸ்தை வழங்கவில்லை. சட்டமியற்றுதல், நீதித்துறை மற்றும் தகவல் தொடர்பு போன்ற அலுவல் நோக்கங்களுக்காக மட்டுமே இந்தி மற்றும் ஆங்கிலம் பயன்படுத்தப்படுகிறது.இந்தியா போன்ற பல்வேறு மொழிகள் பேசும் நாட்டில், இந்திக்கு தனி இடம் அளிப்பதும், இந்தி பேசாத மாநிலங்களில் இந்தி மாதம் கொண்டாடப்படுவதும் பிற மொழிகளை சிறுமைப்படுத்தும் முயற்சியாகவே பார்க்கப்படுகிறது.

எனவே, இந்தி பேசாத மாநிலங்களில் இதுபோன்ற இந்தி மொழி சார்ந்த நிகழ்ச்சிகளை நடத்துவதைத் தவிர்க்கலாம் அல்லது ஒன்றிய அரசு இதுபோன்ற நிகழ்ச்சிகளை நடத்த விரும்பினால், அந்தந்த மாநிலங்களின் உள்ளூர் மொழிக்கான மாதக் கொண்டாட்டங்களையும் அதேபோல் கொண்டாடவேண்டும்.

இந்திய அரசு செம்மொழியாக அங்கீரித்துள்ள அனைத்து மொழிகளின் சிறப்பையும் செழுமையையும் கொண்டாட இதேபோன்று சிறப்பு நிகழ்ச்சிகளை நடத்தலாம் என்று தாம் பரிந்துரைப்பதாகவும் இது அனைவரிடையேயும் ஒரு சுமுகமான உறவை மேம்படுத்தும்”என அந்த மு.க.ஸ்டாலின் கடிதத்தில் தெரிவித்தார்.

ராகுல் காந்தி கேள்வி: அதானியின் முத்ரா துறைமுகத்தில் போதைப் பொருள் பறிமுதல் செய்யப்பட்ட விவகாரத்தில் என்ன நடவடிக்கை எடுக்கப்பட்டது..!?

அதானியின் முத்ரா துறைமுகத்தில் கிலோ கணக்கில் போதைப் பொருள் பறிமுதல் செய்யப்பட்ட விவகாரத்தில் என்ன நடவடிக்கை எடுக்கப்பட்டது என மக்களவை எதிர்க்கட்சித் தலைவர் ராகுல் காந்தி கேள்வி எழுப்பியுள்ளார்.

ஹரியாணா சட்டப்பேரவைத் தேர்தலுக்கான வாக்குப் பதிவு வருகின்ற 5-ஆம் தேதி நடைபெறவுள்ள நிலையில், இறுதிக் கட்டப் பிரசாரத்தில் அரசியல் கட்சித் தலைவர்கள் ஈடுபட்டுள்ளனர்.

இந்நிலையில், ஜஜ்ஜார் மாவட்டத்தில் உள்ள பஹதுர்கர் பகுதிக்கு வருகை தந்த ராகுல் காந்தி, வாகனப் பேரணியில் ஈடுபட்டு காங்கிரஸ் வேட்பாளர்களுக்கு ஆதரவாக வாக்கு சேகரித்தார். தொடர்ந்து, பஹதுர்கரில் நடைபெற்ற பொதுக் கூட்டத்தில் உரையாற்றினார்.

அப்போது, பணமதிப்பிழப்பு மற்றும் தவறான ஜிஎஸ்டியை அமல்படுத்தி வங்கிகளின் கதவுகளை மூடிவிட்டார் நரேந்திர மோடி. அவர் அதானி-அம்பானிக்கு மட்டுமே நன்மை செய்ய விரும்புகிறார். இன்று 2-3 கோடீஸ்வரர்களுக்கு உதவுவதற்காக அரசை நடத்துகிறது பாஜக என்பது நாடு முழுவதும் தெரியும். ஹரியாணாவில் இருந்து அதிகமானோர் ராணுவத்தில் சேருவார்கள். அக்னீவீர் திட்டத்தை அறிமுகம் செய்து அதனை மோடி முடக்கிவிட்டார்.

அக்னிவீர் என்பது ராணுவ வீரர்களின் தியாகி அந்தஸ்தையும், ஓய்வூதியத்தையும் திருடும் திட்டமாக உள்ளது. அனைவருக்கும் போதைப் பொருள் பிரச்சினை இருப்பது தெரியும். நான் மோடியிடம் ஒன்று கேட்கிறேன். அதானியின் முத்ரா துறைமுகத்தில் கிலோ கணக்கில் போதைப் பொருள் பறிமுதல் செய்யப்பட்ட விவகாரத்தில் என்ன நடவடிக்கை எடுக்கப்பட்டது?.

நாங்கள் ஆட்சிக்கு வந்ததும், ரூ. 1200-க்கு விற்கப்படும் எரிவாயு சிலிண்டர் ரூ. 500-க்கு தருவோம். ஹரியாணா விவசாயிகளுக்கு குறைந்தபட்ச ஆதரவு விலையையும் வழங்குவோம். இந்தியாவில் உள்ள தலித்துகள், பிற்படுத்தப்பட்டோர் மற்றும் ஏழை மக்களுக்கு கிடைக்கும் அனைத்து அரசியலமைப்பு தருவது. இந்தியாவின் அனைத்து குடிமக்களும் சமம் என்று அரசியலமைப்பில் எழுதப்பட்டுள்ளது.

ஆனால், கோடீஸ்வரர்களின் கோடிக்கணக்கான ரூபாய் கடன்களை தள்ளுபடி செய்யும் மோடி, பெண்கள் மற்றும் விவசாயிகளின் கடன்களை தள்ளுபடி செய்யவில்லை என்றால், அது அரசியலமைப்பின் மீதான தாக்குதலாகும்” என ராகுல் காந்தி தெரிவித்துள்ளார்.

ஹரியானா பொதுக்கூட்டத்தில் ராகுல் காந்தி…! பிரதமர் நரேந்திர மோடியின் கடவுள் அதானி..!

ஹரியானா சட்டபேரவை தேர்தலையொட்டி, அம்பாலா, நாராயண்கார் பகுதியில் நடந்த பொதுக்கூட்டத்தில் எதிர்க்கட்சி தலைவர் ராகுல் காந்தி பேசினார். அப்போது,‘‘ காங்கிரஸ் மற்றும் பாஜக இடையே கொள்கை ரீதியான மோதல் நடக்கிறது. ஒரு புறம் நீதி, இன்னொருபுறம் அநீதி. மோடி தலைமையிலான பாஜக அரசு தொழிலதிபர்களுக்காக வேலை பார்க்கிறது. சாமானியர்கள் வாழ்வதற்கே போராடும் போது அதானியின் வங்கி கணக்கில் சுனாமி போல் பணம் கொட்டி வருகிறது. சாமானிய மக்களின் வங்கிக் கணக்குகளில் இருந்து பணம் புயல் போல் வெளியேறுகிறது.

அரசின் பாதுகாப்பு பட்ஜெட்டில் இருந்து பல ஆயிரம் கோடி ரூபாய் அதானிக்கு செல்கிறது. பதிலுக்கு மோடியும், பாஜகவும் அதானியிடம் இருந்து முழு ஆதரவைப் பெறுகின்றன. அதானி தனது நண்பர் மோடியின் முகத்தை 24 மணி நேரமும் பல செய்தி சேனல்களில் காட்டுகிறார். பிரதமர் மோடியின் கடவுள் அதானி. அதானி என்ன சொன்னாலும் மோடி செய்கிறார்.

மும்பை விமான நிலையம் வேண்டும், இமாச்சலப் பிரதேசத்தில் ஆப்பிள் வணிகம் வேண்டும், காஷ்மீரில் ஆப்பிள் – வால்நட் வணிகம் தேவை, விவசாயிகளின் ஆயிரக்கணக்கான ஏக்கர் நிலங்கள் தேவை என அதானி எதையெல்லாம் கேட்டாரோ அவை அனைத்தையும் அவருக்கு மோடி தருகிறார்’’ என ராகுல் காந்தி குற்றம் சாட்டினார்.

ராகுல் காந்தி: சாமானியர்கள் வாழ்வதற்கே போராட்டம்..! அதானியின் வங்கி கணக்கில் சுனாமி போல் பணம் கொடுக்கிறது..!

தேசிய சூப்பர் கம்ப்யூட்டிங் மிஷன் திட்டம் மூலம் உருவாக்கப்பட்ட 3 சூப்பர் கம்ப்யூட்டர்களை அர்ப்பணித்த நரேந்திர மோடி..!

இந்தியாவில் தயாரிக்கப்பட்ட ரூ.130 கோடி மதிப்பிலான 3 பரம் ருத்ரா சூப்பர் கம்ப்யூட்டர்களை, புனேயில் நடந்த நிகழ்ச்சியில் பிரதமர் நரேந்திர மோடி வீடியோ கான்பரன்சிங் மூலம் ஆய்வு பயன்பாடுகளுக்காக அர்ப்பணித்தார்.

அப்போது பேசிய நரேந்திர மோடி, ‘‘இந்த 3 சூப்பர் கம்ப்யூட்டர்களும் இயற்பியல் முதல் புவி அறிவியல் வரை மற்றும் அண்டவியல் ஆய்வுகளை மிக விரிவாக மேற்கொள்ள உதவும். இன்றைய அறிவியல் மற்றும் தொழில்நுட்ப உலகம் எதிர்கால உலகு பற்றி இதில்தான் கவனம் செலுத்துகின்றன. தொழில்நுட்பம் மற்றும் கம்ப்யூட்டர் திறனை நேரடியாகச் சார்ந்திராத எந்த துறையுமே இன்று இல்லை என தெரிவித்தார்.

மேலும் பேசுகையில், இது தொழில்துறை 4.0-ல் இந்தியாவின் வெற்றிக்கு மிகப்பெரிய அடிப்படையாக அமைந்துள்ளது’’. இந்த சூப்பர் கம்ப்யூட்டர்கள், தேசிய சூப்பர் கம்ப்யூட்டிங் மிஷன் திட்டத்தில் உருவாக்கப்பட்டவை. இந்த மூன்றும் புனே, டெல்லி மற்றும் கொல்கத்தாவில் அறிவியல் ஆய்வுக்காக வைக்கப்படும். இதுபோல், ரூ.850 கோடி மதிப்பில், தட்டவெப்பம், சுற்றுச்சூழல் தொடர்பான ஆய்வுகளுக்காக உருவாக்கப்பட்ட உயர் திறன் கம்ப்யூட்டர்களையும் பிரதமர் மோடி நாட்டுக்கு அர்ப்பணித்தார்.

Derek O’Brien: வௌிநாடுகளுக்கு போகும் மோடிக்கு மணிப்பூர் செல்ல நேரமில்லையா..!?

பிரதமர் நரேந்திர மோடி 3 நாள் அமெரிக்க பயணத்தை முடித்து கொண்டு நேற்று முன்தினம் நாடு திரும்பினார். இந்நிலையில் திரிணாமுல் காங்கிரஸ் மாநிலங்களவை உறுப்பினர் டெரிக். ஓ. பிரையன் நரேந்திர மோடியின் வௌிநாடு பயணம் பற்றி கேள்வி எழுப்பி உள்ளார்.

திரிணாமுல் காங்கிரஸ் மாநிலங்களவை உறுப்பினர் டெரிக். ஓ. பிரையன் எக்ஸ் பக்கத்தில், “கடந்த ஆண்டு மே 3-ஆம் தேதி மணிப்பூரில் ஏற்பட்ட இனக்கலவரத்தில் 200 க்கும் மேற்பட்டோர் உயிரிழந்தனர். அங்கு இன்னும் அவ்வப்போது இனக்கலவரம் நடந்து வருகிறது. கடல்பறவையான ஆர்க்டிக் டெர்ன் இனத்தை சேர்ந்த பிரதமர் நரேந்திர மோடி அமெரிக்கா உள்ளிட்ட வௌிநாடுகளுக்கு சென்று வருகிறார்.

ஆனால் ஓராண்டை கடந்தும் இனக்கலவரத்தால் பாதிக்கப்பட்டுள்ள மணிப்பூருக்கு செல்ல நரேந்திர மோடிக்கு இன்னும் நேரம் கிடைக்கவில்லையா?” என டெரிக். ஓ. பிரையன் கேள்வி எழுப்பி உள்ளார்.