Category: தமிழகம்

கோயம்புத்தூர் நகராட்சியில் திமுகவின் 40 -வது வார்டு செயலாளராக கதிரேசன் உள்ளார். இவரின் வீட்டில் சமையல் வேலை பார்த்து வந்த பெண் சுதா. கடந்த வாரம் காவல் ஆணையரிடம் புகார் மனு அளித்தார்.

அந்த புகார் மனுவில், கோயம்புத்தூர் நகராட்சியில் திமுகவின் 40 -வது வார்டு செயலாளராக கதிரேசன் வீட்டில் சமையல் வேலை பார்த்து வந்ததாகயும் தன்னை திமுக வார்டு செயலாளர் கதிரேசன் அடித்து தொந்தரவு செய்ததால் இனி சமையல் வேலை செய்ய வரமாட்டேன் என தெரிவித்து எனது சம்பளம் பாக்கியை தாருங்கள் என்று அவரிடம் கேட்டேன். ஆனால் அவரோ கொடுக்க முடியாது என்று கூறிவிட்டார் . அவர் மீது சட்ட நடவடிக்கை எடுக்க வேண்டும் என்று கூறி புகாரில் தெரிவித்தார்.

அதன் அடிப்படையில் வடவள்ளி காவல் நிலையத்தில் முதல் தகவல் அறிக்கை பதிவு செய்து காவல்துறை விசாரணை நடத்தி வந்தனர். இந்நிலையில் நேற்று காவல் நிலையம் சென்ற சுதா தான், கதிரேசன் மீது கொடுத்த புகாரை திரும்ப பெற்றுக் கொள்ளுவதாகவும். இனி எங்களுக்கு எந்த பிரச்சினையும் இல்லை, சமரசம் ஆகி விட்டோம்.

அவர் மாத சம்பள பாக்கி கொடுத்து விட்டார், இனி நான் கொடுத்த புகாரில் எந்த நடவடிக்கையும் தேவையில்லை என்று கூறி மேலும் அதற்கான தகவல்களை தெரிவித்து கடிதத்தை காவல் நிலைய ஆய்வாளரிடம் கொடுத்துள்ளார்.

இது பற்றி சுதா கூறுகையில், நான் கடந்த ஆறு வருடமாக திமுக 40 வது வார்டு செயலாளர் கதிரேசன் வீட்டில் சமையல் வேலை பார்த்து வந்தேன். இந்நிலையில் கடந்த 02.09.2024 கதிரேசனின் செல்போன் எண்ணிற்கு என்ன சமைக்க வேண்டும் மென்று வாட்சாப்பில் குறுந்தகவல் அனுப்பினேன். அதை அவரது மனைவி நித்யா பார்த்து என்னை கேவலமாக வாய் கூசும்படி வார்த்தைகளை பேசினார்.

இதனால் நான் மிகுந்த மன உளைச்சல் ஆனேன். இதை எனது கணவரிடம் சொன்னேன் அவரும் அங்கு வேலைக்கு போக வேண்டாம். சம்பள பாக்கியை வாங்கி விட்டு இனி வீட்டு வேலைக்கு செல்ல கூடாது என்றார். இதை கேள்வி பட்ட என் உறவினர்கள்,பழக்கமானவர்கள் என்னை தூண்டிவிட்டு வடவள்ளி காவல் நிலையத்திலும், காவல் ஆணையர் அலுவலகத்திலும் புகார் கொடுக்க வைத்து விட்டனர்.

ஆனால் வீட்டு வேலை செய்த பாக்கி சம்பள பணத்தை கொடுத்து, அவரது குடும்பத்தினர் உன்னை எங்க வீட்டு பிள்ளையாக கருதி இருந்தோம் என்றனர். நானும் எனது கணவரும் இனி நமக்கு மனசங்கடங்கள் வேண்டாம் சமரசம் செய்து கொள்ளுவோம் என்றோம். இதை இரண்டு குடும்பத்தினரும் ஏற்றுக்கொண்டனர், அதன் படி நான் காவல்நிலையத்தில் திமுக வார்டு செயலாளர் கதிரேசன் மீது கொடுத்த சம்பளம் பாக்கி புகாரை திரும்ப பெற்றுக் கொள்ளுகிறேன். அதில் எந்த சட்ட நடவடிக்கையும் வேண்டாம் என தெரிவித்து அதற்கான காரணத்தை எழுதி கொடுத்தேன் என தெரிவித்தார்.

இன்றைய நவீல உலகில் இணையதள பயன்பாடு அதிகரித்த நிலையில், சமூகவலைத்தளங்களை பார்வையிடுதல், அதில் பதிவேற்றம் உள்ளிட்ட நடவடிக்கைகளில் பலரும் ஈடுபடுகின்றனர். இதற்கிடையில் வாட்ஸ்-அப், முகநூல் உள்ளிட்ட சமூகவலைத்தளத்தை பயன்படுத்தி ஆங்காங்கே ஆன்லைன் மோசடியும் அரங்கேறி வருகிறது.

இந்த சூழலில் புதுக்கோட்டை மாவட்ட ஆட்சியர் மு.அருணா பெயரில் போலி முகநூல் கணக்கு தொடங்கப்பட்டிருந்தது. அந்த முகநூல் பக்கத்தில் இருந்த தகவல்கள் சந்தேகத்திற்கு இடமான வகையில் காணப்பட்டதால் பலரும் சந்தேகமடைந்து மாவட்ட நிர்வாகத்திற்கு தகவல் தெரிவித்தனர்.

இதை அறிந்த புதுக்கோட்டை மாவட்ட ஆட்சியர் மு.அருணா இதுபற்றி சைபர் கிரைமுக்கு தகவல் தெரிவித்தார். இதை தொடர்ந்து சைபர் கிரைம் தீவிர விசாரணை நடத்தினர். விசாரணையில் புதுக்கோட்டை மாவட்ட ஆட்சியர் மு.அருணாவின் பெயரில் போலி முகநூல் கணக்கை தொடங்கியது ராஜஸ்தான் மாநிலத்தைச் சேர்ந்த கும்பல் என்பது தெரியவந்தது. இதை தொடர்ந்து அந்த போலி முகநூல் கணக்கு முடக்கப்பட்டது.

சமூக வலைதளங்களில் உலாவரும் இதுபோன்ற மோசடிகளை தடுக்க சைபர் கிரைம் விழிப்புணர்வு ஏற்படுத்தி வருகின்றனர். பொதுமக்கள் சிலரது பெயரில் போலி கணக்குகளை தொடங்கி அதன் மூலம் தற்போது பண மோசடி நடைபெறுவது அதிகரித்து வருகிறது. இதனால் போலி கணக்குகளை நம்பி பொதுமக்கள் ஏமாற வேண்டாம் என சைபர் கிரைம் அறிவுறுத்தி வருகின்றனர்.

உங்கள் நண்பரின் சுய விவரத்தை பயன்படுத்தி போலி சமூக ஊடக கணக்கை தொடங்கி உங்களின் தனிப்பட்ட தகவலை பெறுவதற்கும் அல்லது அவசர நிலையை காரணம் காட்டி பணம் கேட்கவும் நட்பு கோரிக்கை விடுப்பார்கள். இதனால் பொதுமக்கள் உஷாராக இருந்து செயல்பட விழிப்புணர்வு ஏற்படுத்தி வருகின்றனர்.

மேலும் இதுபோன்ற மோசடியில் பாதிக்கப்பட்டவர்கள் சைபர் கிரைமில் 1930 என்ற உதவிமைய தொலைபேசி எண்ணில் புகார் தெரிவிக்கலாம். மேலும் https://cybercrime.gov.in-ல் புகார் அளிக்கலாம் என சைபர் கிரைம் தரப்பில் தெரிவிக்கப்பட்டுள்ளது.

திருமணம் செய்து கொள்வதாக ஆசைவார்த்தை கூறி கல்லூரி மாணவியை ஏமாற்றி உல்லாசமாக இருந்துவிட்டு, ரூ.1.40 லட்சத்தை பறித்து ஏமாற்றிய வாலிபரை தனிப்படை காவல்துறை கைது செய்தனர்.

சென்னை, பெரம்பூர் பகுதியைச் சேர்ந்த 19 வயது கல்லூரி மாணவி, அதே பகுதியில் உள்ள கல்லூரியில் இரண்டாம் ஆண்டு பட்டப்படிப்பு படித்து வருகிறார். இவர் பேஸ்புக் மூலமாக அறிமுகமான காஞ்சிபுரம் மாவட்டம், மதுராந்தகம் வெங்கடேஸ்வரா நகரை சேர்ந்த நரேந்திரன் என்பவருடன் பழக்கம் ஏற்பட்டுள்ளது. நாளடைவில் அந்த பழக்கம் காதலாக மாறியுள்ளது. இதனையடுத்து, நரேந்திரன் திருமணம் செய்துகொள்வதாக ஆசை வார்த்தை கூறி மாணவியிடம் இருந்து ரூ.1.40 லட்சம் வாங்கியதோடு, செலவுக்கும் அடிக்கடி பணம் வாங்கியுள்ளார்.

இதுமட்டுமின்றி நரேந்திரன் தனியார் விடுதிகளில் அறை எடுத்து தங்கி ஆசை வார்த்தைகூறி மாணவியுடன் உல்லாசமாக இருந்துள்ளார். அதன்பின்பு திருமணம் செய்துகொள்ள மறுத்து நரேந்திரன் பிரச்னை செய்து வந்துள்ளார். இதனால் பாதிக்கப்பட்ட மாணவி புளியந்தோப்பு அனைத்து மகளிர் காவல் நிலையத்தில் புகார் அளித்தார். இதுகுறித்து புளியந்தோப்பு அனைத்து மகளிர் காவல் நிலையத்தில் வழக்குப்பதிவு செய்து நரேந்திரனை தேடி வந்தனர். இந்நிலையில் நேற்று காலை அவரது ஊரில் வைத்து தனிப்படை காவல்துறை நரேந்திரனை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.