மகா கும்பமேளாவில் நீராடினோமா, புகைப்படங்களுக்கு போஸ் கொடுத்தோமா என்று இருப்பதை விட்டுவிட்டு ஏன் இப்படி கிரிக்கெட் பக்கம் வந்து அவமானப்பட வேண்டும் என்று ஐஐடி பாபாவை ரசிகர்கள் ட்ரால் செய்து வருகின்றனர். இதற்கு காரணம் 2024 ICC -T 20 உலகக்கோப்பை தொடரை இந்தியா வெல்லும் என்றும், ஹர்திக் பாண்டியா மீது ரோஹித் சர்மா நம்பிக்கை வைக்க வேண்டும் என்று கணித்த ஐஐடி பாபா சாம்பியன்ஸ் டிராபி 2025 தொடரில் இந்தியா மற்றும் பாகிஸ்தான் இடையிலான போட்டியில் இந்திய அணி நிச்சயம் வெற்றி பெற முடியாது எனவும் வெல்லாது.
விராட் கோலியால் கூட காப்பாற்ற முடியாது என்றும் எப்போதும் பாகிஸ்தானிடம் இருந்து இந்தியாவை காப்பாற்றும் விராட் கோலியால் கூட காப்பாற்ற முடியாது என்றும் கணித்திருந்தார். ஆனால் ஐஐடி பாபாவின் கணிப்புகள் முற்றிலும் தவறானவை என உணர்த்தும் வகையில் விராட் கோலி 100 ரன்கள் அடித்தது மட்டுமின்றி இந்திய அணி வெற்றி பெறவும் செய்தார். இதன் மூலம் விராட் கோலியின் நிதானமான ஆட்டத்தில் வீழ்ந்தது பாகிஸ்தான் அணி மட்டுமல்லாது ஐஐடி பாபாவின் கணிப்பும் கூடவே.
1988-ஆம் ஆண்டு நவம்பர் 5-ஆம் தேதி தலைநகர் டெல்லியில் பஞ்சாபி குடும்பத்தை சேர்ந்த குற்றவியல் வழக்கறிஞர் பிரேம் கோலிக்கும், சரோஜ் கோலிக்கும் மூன்றாவது குழந்தையாக விராட் கோலி பிறந்தார். தனது 3 வயதில் கிரிக்கெட் மட்டையை தூக்கியவர் 15 வயதிற்கு உட்பட்டோருக்கான டெல்லி அணி சார்பாக முதல் தர போட்டியில் களம் கண்ட விராட் கோலி ஆக்ரோஷம், அதிரடி என தனது திறமையை நாளுக்கு நாள் மேருகேற்றி, மலேசியாவில் 2008- ஆம் ஆண்டு நடைபெற்ற 19 வயதிற்கு உட்பட்டோருக்கான உலகக் கோப்பை தொடரில் இந்திய அணிக்கு தலைமையேற்று, சாம்பியன் பட்டம் வென்று கொடுத்தார்.
உலகக் கோப்பையை வென்றுகொடுத்த கையோடு இந்திய சீனியர் அணிக்காக 2008 ஆண்டு ஆகஸ்டு மாதம் நடைபெற்ற இலங்கைக்கு எதிரான ஒருநாள் போட்டியில் சச்சின் டெண்டுல்கர் மற்றும் வீரேந்தர் சேவாக் ஆகியோர் காயம் காரணமாக விளையாடாததால் விராட் கோலிக்கு துவக்க வீரராக களம் இறங்கும் வாய்ப்பு 19 -வது வயதில் கிடைத்தது. 2012 -ஆம் ஆண்டு அதாவது தனது 20 வயதில் விராட் கோலி ஒரு நாள் பன்னாட்டு போட்டிகளுக்கு உதவித் தலைவரானார்.
2013 -ஆம் ஆண்டு இந்திய கிரிக்கெட் வாரியத்தின் தரவரிசை பட்டியலில் முதலிடம் பிடித்து, அதன்பின்னர் 2014-ஆம் ஆண்டு விராட் கோலி இந்திய அணியின் தலைவர் ஆனார். விராட் கோலி தலைமையில் இந்திய அணி தொடர்ந்து 8 டெஸ்ட் தொடர்களை வென்று அசத்தி டெஸ்ட் தரவரிசை பட்டியலில் இந்திய அணியை முதல் இடத்திற்கு அழைத்து சென்றார்.
மேலும், விராட் கோலி தலைமையில் விளையாடிய 65 டெஸ்ட் போட்டிகளில், இந்திய அணி 38 வெற்றிகள், 16 தோல்விகள் மற்றும் 11 போட்டிகள் டிராவிலும் முடிந்தது குறிப்பிடத்தக்கது. உலகக் கோப்பை போட்டி என்றாலே சச்சின் டெண்டுல்கர் பாகிஸ்தானுக்கு எதிரான டாப் ஸ்கோரராக இருப்பார். ஆனால் அவருக்குப் பிறகு 2012, 2014, 2016, 2021 T -20 உலகக் கோப்பை போட்டிகள், 2015 உலகக் கோப்பை போட்டி என பாகிஸ்தானுக்கு எதிராக ஆடிய 6 போட்டிகளில் ஐந்தில் விராட் கோலி தான் இந்தியாவின் டாப் ஸ்கோரர்.
ஆண்டுதோறும் ICC அறிவிக்கும் ஆண்டின் சிறந்த அணியில் விராட் கோலி தொடர்ந்து ஒன்டே அணியில் 6 முறையும், டெஸ்ட் அணியில் 3 முறையும் இடம்பெற்று அசத்தியிருக்கிறார். சாம்பியன்ஸ் டிராபி, ஒருநாள் உலகக் கோப்பை, டெஸ்ட் சாம்பியன்ஷிப், டி-20 உலகக் கோப்பை அனைத்திலும் இந்திய அணியை வழிநடத்திய முதல் தலைவர் விராட் கோலி தான்.
டிசம்பர் 18-ம் தேதி விராட் கோலியின் தந்தை இறந்த நாள் மற்றும் சர்வதேச அரங்கில் விராட் கோலி அறிமுகமான நாள் ஆகஸ்ட் 18, 2008 ஆண்டு ஆகையால் இதனை நினைவு கூறும் விதமாக ஜெர்ஸி எண் 18 என்ற எண்ணைத் தேர்வு செய்து இருக்கிறார். இந்தியாவின் மிகச் சிறந்த தலைவர்களான தாதா சவுரவ் கங்குலி, மகேந்திரசிங் தோனி இருவரும் இலங்கைக்கு எதிரான ஆட்டத்தில் 183 ரன்கள் அடித்தது பெஸ்ட் ஸ்கோராக இருக்க, விராட் கோலி பாகிஸ்தானுக்கு எதிரான ஆட்டத்தில் 183 ரன்கள் அடித்து பெஸ்ட் ஸ்கோரை பதிவு செய்தார்.
இன்றும் பல கிரிக்கெட் வீரர்கள் விவியன் ரிச்சர்ட்ஸோடுவை ஜாம்பவானாக பார்க்கும் நிலையில் விவியன் ரிச்சர்ட்ஸோடோ நான் என்னைப் பார்க்கிறேன் என தெரிவிக்கும் அளவிற்கு விராட் கோலி சிறந்த வீரராக திகழ்கிறார். இதுமட்டுமின்றி துபாயில் நடந்த இந்தியா-பாகிஸ்தான் சாம்பியன்ஸ் டிராபி 2025 போட்டியில் 15 ரன்கள் அடித்தபோது சர்வதேச கிரிக்கெட் வரலாற்றில் அதிவேகமாக 27,000 ரன்களைக் கடந்த முதல் வீரர் என்ற சாதனையை விராட் கோலி படைத்தார். மேலும் இந்தியா-நியூசிலாந்து சாம்பியன்ஸ் டிராபி 2025 போட்டியில் விராட் கோலி களத்தில் இறங்கி 300 ஒருநாள் போட்டிகளில் விளையாடிய வீரர் என்ற உலக சாதனையும் படைத்துள்ளார்.
இதன் மூலம் விராட் கோலி உலக அளவில் 300 ஒருநாள், 123 டெஸ்ட், 125 T 20 போட்டிகளில் விளையாடிய முதல் வீரர் என்ற பெருமையை அடைத்துள்ளார். சர்வதேச கிரிக்கெட்டில் ஒருநாள் போட்டிகள், டெஸ்ட் மற்றும் T 20 என மூன்று வடிவிலான கிரிக்கெட்டிலும் தலைசிறந்த வீரராக பார்க்கப்படும் விராட் கோலி ஒருநாள் கிரிக்கெட்டில் 51 சதங்கள், 75 அரைசதங்கள், அதிவேகமாக 14,000 ரன்கள், T 20 கிரிக்கெட்டில் முதல்வீரராக 4000 ரன்கள் என பல்வேறு உலக சாதனைகளை தன்வசம் வைத்துள்ளார்.
சாம்பியன்ஸ் டிராபி 2025 தொடரில் இந்தியா – பாகிஸ்தானுக்கு எதிராக 15 ரன்களை அடித்த விராட் கோலி, சர்வதேச ஒருநாள் கிரிக்கெட்டில் 14,000 ரன்கள் என்ற வரலாற்று மைல்கல்லை எட்டினார். மேலும் துபாய் சர்வதேச கிரிக்கெட் மைதானத்தில் நடைபெற்ற ICC சாம்பியன்ஸ் கிரிக்கெட் போட்டி தொடரில் இந்தியா-ஆஸ்திரேலியாவுக்கு இடையேயான முதல் அரையிறுதி போட்டியில் விராட் கோலி தனது 75-வது அரைசதத்தை பூர்த்தி செய்தார்.
இந்த அரைசதம் மூலமாக விராட் கோலி பல்வேறு சாதனைகளை படைத்துள்ளார். ஒருநாள் கிரிக்கெட்டில் நம்பர் 3 பேட்ஸ்மேனாக களமிறங்கி 12 ஆயிரம் ரன்களை விளாசிய 2-வது வீரர் என்ற சாதனையை விராட் கோலி செய்துள்ளார். அதேபோல் ICC தொடர் வரலாற்றில் விராட் கோலி அடிக்கும் 24-வது அரைசதம் இதுவாகும். இதுவரை ICC தொடர்களில் 23 அரைசதங்களுடன் சச்சின் டெண்டுல்கர் முதலிடத்தில் இருந்தார். இந்த சாதனையை விராட் கோலி முறியடித்து புதிய வரலாறு படைத்துள்ளார். அதுமட்டுமல்லாமல் ICC நாக் அவுட் போட்டிகளில் விராட் கோலி அடிக்கும் 10-வது அரைசதம் அடித்து புதிய வரலாறு படைத்துள்ளார்.
மேலும் ல் ICC தொடரின் நாக் அவுட் போட்டிகளில் ஆயிரம் ரன்களை விளாசிய முதல் வீரர் என்ற புதிய வரலாற்று சாதனையும் விராட் கோலி படைத்துள்ளார். மேலும் இந்தப் போட்டியில் விராட் கோலி ஆஸ்திரேலிய அணியின் ஜோஷ் இங்லிஸ் மற்றும் நாதன் எல்லிஸ் ஆகியோரது கேட்சுகளை பிடித்தார். அதன் மூலம் ஒருநாள் போட்டிகளில் மொத்தம் 161 கேட்சுகளை அவர் பிடித்து இருக்கிறார். மேலும் இந்திய அணிக்காக மூன்று வித கிரிக்கெட் வடிவங்களிலும் ஒட்டுமொத்தமாக 336 கேட்சுகளை அவர் பிடித்து இருக்கிறார். இந்திய அணிக்காக சர்வதேச கிரிக்கெட்டில் அதிக கேட்ச் பிடித்த வீரர் என்ற சாதனையை படைத்துள்ளார். இதைத் தவிர, ஒருநாள் போட்டிகளில் மட்டும் சர்வதேச அளவில் அதிக கேட்ச் பிடித்த வீரர்கள் பட்டியலில் விராட் கோலி இரண்டாவது இடத்துக்கு முன்னேறி இருக்கிறார்.
ஐசிசி தொடர்களில் அதிக ரன்கள் குவித்த பேட்ஸ்மேன் என்ற பெருமையையும், அதிக ஐசிசி விருதுகள் வென்ற வீரர் என்ற பெருமையையும் விராட் கோலி பெற்று இருக்கிறார். மேலும், அதிக முறை ஆட்டநாயகன் விருதையும், தொடர் நாயகன் விருதையும் வென்ற வீரர் விராட் கோலி சர்வதேச கிரிக்கெட்டில் ஒட்டுமொத்தமாக 27,085 ரன்கள் குவித்துள்ளார் விராட் கோலி. அவரது ஒட்டுமொத்த சர்வதேச கிரிக்கெட்டில் 81 சதங்கள் மற்றும் 140 அரை சதங்கள் அடித்துள்ளார்.
தொடர்ந்து பேட்டிங்கில் சிறப்பான ஆட்டத்தை வெளிப்படுத்திய விராட் கோலி ஒருநாள் போட்டியில் அதிவேகமாக 51 சதங்கள், சர்வதேச ஒருநாள் போட்டிகளில் அதிவேகமாக 14 ஆயிரம் ரன்கள் இரு அணிகள் இடையிலான ஒருநாள் தொடர்களில், 6 முறை 300 ரன்களுக்கு மேல் குவித்த ஒரே வீரர், ஒருநாள் போட்டிகளில் தொடர்ச்சியாக 3 சதங்களை விளாசிய முதல் இந்தியர் என்று சர்வதேச கிரிக்கெட்டில் தனது சதங்களையும், சாதனைகளையும் விராட் கோலி அடுக்கினார்.
சர்வதேச கிரிக்கெட்டில் ஒருநாள் போட்டிகள், டெஸ்ட் மற்றும் T 20 என மூன்று வடிவிலான கிரிக்கெட்டிலும் தலைசிறந்த வீரராக விராட் கோலி பார்க்கப்படுகிறார். ஆடுகளத்திற்கு சென்றால் இன்று என சாதனை செய்ய போகின்றார் என்று உலகமே உற்று பார்த்துக் கொண்டுள்ளது.