Category: தமிழகம்

<நாமக்கல் ஆட்சியர் அலுவலகத்தில் நடைபெற்ற மக்கள் குறைதீர் கூட்டத்தில், முகக்கவசம் அணிந்து நாமக்கல் மாவட்ட ஆட்சியரிடம் அம்மன் மனு கொடுத்தார். நாமக்கல் அடுத்த வளையப்பட்டி முத்துராஜா தெருவை சோந்த ஞானசேகரன் மனைவி புவனேஸ்வரி நேற்று முகக்கவசம் அணிந்து அம்மன் வேடத்தில் கையில் வேலுடன், மாவட்ட ஆட்சியர் அலுவலகம் வந்தார். பின்னர், ஆட்சியர் உமாவிடம் அவர் மனுவில் கொடுத்தார்.

அந்த மனுவில், வளையப்பட்டியில் தையல் தொழில் செய்து வருகிறேன். எனது கணவர் ஞானசேகரன், கட்டிட வேலை செய்து வருகிறார். எங்கள் பகுதியில் வசிக்கும் சிலர், ரோட்டில் செல்லும் பெண்களை தொடர்ந்து கேலி, கிண்டல் செய்கின்றனர். அவர்களை தட்டிக்கேட்டதால் என்னையும், என் குடும்பத்தையும் தகாத வார்த்தையால் திட்டி தாக்கினர்.

இதுகுறித்து, மோகனூர் காவல் நிலையத்தில் புகாரளித்தும் நடவடிக்கை எடுக்கவில்லை. கடன் வாங்கி வீடு கட்டினோம். இதற்கு மாத தவணை செலுத்துகிறோம். தொடர்ந்து, பிரச்னை செய்வதால் தொழில் செய்ய முடியாமல், வருமானம் பாதிக்கப்படுகிறது. இந்த நிலை நீடித்தால், எங்களால் வாழ முடியாது. எங்களின் வாழ்வாதாரத்தை காப்பாற்ற, சம்பந்தப்பட்டவர்கள் மீது நடவடிக்கை எடுக்க வேண்டும் என அந்த மனுவில் தெரிவிக்கப்பட்டுள்ளது.

நாமக்கல் மாவட்டம் பள்ளிப்பாளையத்தில் திருட்டு வழக்கில் கணவரை கைது செய்யவிடாமல் தடுத்து மனைவி வாக்குவாதம் செய்செய்ததால் பரபரப்பு ஏற்பட்டது. கர்நாடகாவில் உள்ள திருட்டு வழக்கில் தொடர்புடையதாக கூறி காவல்துறை அழைத்து செல்ல முயல அதற்கு மறுப்பு தெரிவித்து மனைவி போராடினார். இது தொடர்பான வீடியோ சமூக ஊடகங்களில் மிகுந்த பரபரப்பை ஏற்பட்டது.

கர்நாடகா மாநிலத்தில் நடந்த திருட்டு வழக்கில் தொடர்புடையதாக கூறி, நாமக்கல் மாவட்டம் பள்ளிப்பாளையம் அருகே வசித்து வந்த இளைஞரை கர்நாடகா மாநில காவல்துறை அழைத்து செல்ல முயன்றனர். அப்போது அங்கு வந்த அவரது மனைவி, தன்னுடைய கணவர் எந்த ஒரு தவறும் செய்யவில்லை என்று கூறி, கர்நாடகா காவல்துறையினரிடம் மல்லுக்கட்டினார். இந்த சம்பவத்தால் பள்ளிப்பாளையம் பகுதியில் பரபரப்பு ஏற்பட்டது.

கிருஷ்ணகிரி மாவட்டத்தை ஒட்டி, கர்நாடகா எல்லைப் பகுதியிலுள்ள கேஎன் போடூர் பகுதியைச் சேர்ந்த நாகபுஷ்பம் என்பவர் அதே பகுதியைச் சேர்ந்த யுவராணி என்ற பெண்ணை பெற்றோரின் எதிர்ப்பை மீறி காதல் திருமணம் கடந்த நான்கு வருடம் முன்பு காதல் திருமணம் செய்தார். இந்த தம்பதி, நாமக்கல் மாவட்டம் பள்ளிப்பாளையம் அடுத்த எஸ்எஸ்பி காலணி பகுதியில் குடியிருந்து வருகிறார்கள். அவர்கள் இருவரும் அந்த பகுதியில் கூலி வேலைக்கு சென்று வாழ்ந்து வருகிறார்கள்.

நேற்று கர்நாடகா மாநிலம் மைசூர் அருகே உள்ள புதுக்கோட் காவல்துறை, இருசக்கர வாகன திருட்டு தொடர்பாக நாகபுஷ்பத்தின் செல்போனை தொடர்பு கொண்ட காவல்துறை, பின்னர் நாமக்கல் மாவட்டம் பள்ளிப்பாளையத்திற்கு வந்தனர். அப்போது நாகபுஷ்பத்தை கர்நாடகா காவல்துறை அழைத்து செல்ல முயன்றனர். அப்போது அவரது மனைவி யுவராணி, அங்கு உடனடியாக சென்று, தடுத்து நிறுத்தினார். எனது கணவர் எந்த ஒரு தவறும் செய்யவில்லை. அழைத்து செல்ல விடமாட்டேன் என்று கூறி நடுரோட்டில் கடும் வாக்குவாதத்தில் ஈடுபட்டனர்.

அப்போது பேசிய பெண், எனது மாமனாரிடம் காசு வாங்கி கொண்டு எங்களை தனித்தனியாக பிரிக்க பார்க்கிறார்கள்.. அதுக்கு தான் இவர்கள் எல்லாருமே பிளான் செய்கிறார்கள். இவர் மீது எந்த வழக்கும் இல்லை. ஆனால் கேஸ் இருப்பதாக சொல்லிக் கொண்டிருக்கிறார்கள். ஆனால் எல்லாமே பொய் கேஸ் ” என தெரிவித்தார். இதனால் பள்ளிப்பாளையம் பகுதியில் சிறிது நேரம் பரபரப்பு ஏற்பட்டது.

திருப்பூர் மாவட்டம், தாராபுரத்தில் நகராட்சிக்கு உட்பட்ட கூட்டுறவுத்துறை மூலம் நியாய விலை நகர கடையின் எண் -3 செயல்பட்டு வருகிறது. தற்போது இந்த நியாய விலை கடையில் குமாரசாமி தற்காலிக பணியாளராக பணியாற்றி வருகிறார்.

இந்நிலையில் திடீரென நியாய விலை மண்டல மேலாளர் சௌமியா தற்காலிக பணியாளர்களை வெளியேறும்படி கூறியதாக கூறப்படுகிறது. இந்நிலையில் 3 நம்பர் நியாய விலை கடையில் கடந்த ஒரு வார காலமாக அரிசி பருப்பு, சர்க்கரை எண்ணெய் கோதுமை உள்ளிட்ட அத்தியாவசிய பொருட்கள் பொதுமக்களுக்கு விநியோகம் செய்யப்படாமல் தினந்தோறும் இன்று போய் நாளை வா என பொதுமக்களை ஊழியர்கள் அலைக்கழித்து வருகின்றனர்.

மேலும், நியாய விலை கடையில் பணியாற்றி வந்த குமாரசாமியை எந்தவித அரசு ஆணையும் வழங்காமல் கடையில் இருந்து விலகிக் கொள்ளுமாறு தெரிவித்து வருகிறார். இதனால் மணமுடைந்த குமாரசாமி கடை முன் அமர்ந்து தர்ணா ஈடுபட்டார். இந்த செய்தி அறிந்த செய்தியாளர்கள் அங்கு குவிந்தனர்.

செய்தியாளர்களிடம் குமாரசாமி பேசுகையில், தாராபுரம் தாலுகாவிலுள்ள அனைத்து நியாய விலை கடைகளிலும் தொடர்ந்து 22 ஆண்டுகள் தற்காலிக பணியாளராக வேலை செய்து வருகிறேன். என் மீது துறை ரீதியாகவும் பொதுமக்களும் எந்த புகார் அளிக்கவில்லை. என் மீது வன்மம் கொண்டு உடனடியாக வேலையை விட்டு செல்ல வேண்டும் என்று வற்புறுத்தி வந்த நிலையில் நான் நீதிமன்றம் மூலம் நியாயம் கேட்டு சென்ற பொழுது அங்கேயும் வழக்கு தள்ளுபடி செய்யப்பட்டது.

அதைத்தொடர்ந்து என் மீது வேண்டுமென்றே நடவடிக்கை எடுக்க இன்று முழு பொறுப்பு ரத்து செய்து எனக்கு எவ்வித முன் அறிவிப்பும் கொடுக்காமல் பத்துக்கு மேற்பட்ட கடை ஊழியர்களை வைத்து என்னை மிரட்டி வெளியேற்றி உள்ளனர்.

மேலும் தாராபுரத்தில் பத்துக்கும் மேற்பட்ட கடைகளில் ரிட்டையர்ட் ஆனவர்களை வைத்து செக்யூரிட்டி சர்வீஸ் என்ற பெயரில் மாதம் 10000 ரூபாய் சம்பளம் வழங்கி வருகிறார்கள். அவர்களுக்கு பென்ஷன் தொகையும் உண்டு. அதுபோல் என்னையும் வைத்துக் கொள்ளுங்கள் என்று கேட்டதற்கு நியாய விலை கடையை விட்டு வெளியே வலுக்கட்டாயமாக வெளியேற்றினர்.

எனக்கு வயது 47 ஆகிறது 20 ஆண்டுகளுக்கு மேலாக நியாய விலை கடையிலேயே வேலை செய்ததால், வேறு எந்த வேலையும் தெரியாது வேதனையுடன் தெரிவித்தார். ஆகையால் நியாய விலை கடையை விட்டு வெளியேறியதால் தர்ணா போராட்டத்தில் ஈடுபட்டதால் அங்கு பரபரப்பு ஏற்பட்டது. மேலும் நியாய விலை கடையில் 20 ஆண்டுகளாக பணியாற்றிய தற்காலிக பணியாளருக்கு நியாயம் கிடைக்குமா ..?! என தாராபுரம் முத்த பத்திரிகையாளர் கருணாநிதி கேள்வி எழுப்பியுள்ளார்.

விஜய் இப்போது தான், விஜய் மாநாடு நடத்தி கொடி ஏற்றி இருக்கிறார். அவர் கடந்து வரவேண்டிய பாதைகள் ஏராளம்  என தேமுதிக பொதுச் செயலாளர் பிரேமலதா விஜயகாந்த் தெரிவித்தார்.

மதுரையில் இன்று செய்தியாளர்களின் கேள்விக்கு பிரேமலதா விஜயகாந்த் பதிலளித்தார். அப்போது, “அரசியலில் யார் எதிரி என்று அறிந்து கொண்டு தான் அரசியல் களத்துக்குள் வருகிறார்கள். அந்த வகையில் விஜய்யும், தமது கருத்தை கூறி உள்ளார். பொறுத்திருந்து பார்ப்போம்.

இன்னும் காலம் இருக்கிறது. இப்போது தான், விஜய் மாநாடு நடத்தி கொடி ஏற்றி இருக்கிறார். அவர் கடந்து வரவேண்டிய பாதைகள் ஏராளம். எதிர்காலத்தில் அவரது செயல்பாடுகள், முனெடுத்துச் செல்லும் நிகழ்வுகளைப் பொறுத்தே எதையும் கூறமுடியும்.” என பிரேமலதா விஜயகாந்த் தெரிவித்தார்.