Author: rajaram

ஐந்து தலைமுறைகள் கண்ட முதியவருக்கு 101-வது வயது பிறந்தநாள் கொண்டாடிய கொள்ளு பேரன் பேத்திகள்..!

சிட்டுக்குருவிகள் சிறு கூடு அமைத்து, அதில் தன் குஞ்சுகளை குடியேற்றி, இரை தேடிச் சென்று வாயில் கவ்வி, குஞ்சுகளுக்கு ஊட்டி மகிழ்ந்து, தனது சுகமான குடும்ப பந்தத்தை அனுபவிக்கும் சந்தோஷமே தனி சுகமாகும். அதேபோல நம் மண்ணில் இன்பம், சிறு சிறு சண்டைகள், சமாதானங்கள் என அனைத்தும் நிறைந்த அற்புத அமைப்பு கூட்டுக் குடும்பங்கள் காலத்தை கடந்தும் நிலைத்து நிற்கிறது. அதிலும் குறிப்பாக கொள்ளு தாத்தாவின் பிறந்தநாளை அனைத்து உறவுகளும் சங்கமித்து கொண்டாடும் சுகத்தை சொல்ல வார்த்தைகள் இல்லை. அப்படி ஒரு பல தலைமுறைகள் கடந்த பிறந்தநாள் தாராபுரத்தில் கொண்டாட பட்டுள்ளது.

திருப்பூர் மாவட்டம், தாராபுரம் சேர்மன் தெருவில் வசித்து வரும் ஆங்கிலேயர் காலத்தில் இருந்து முன்னாள் நகராட்சி உதவியாளராக பணியாற்றி வந்த கோவிந்தராஜ். அவர் தற்பொழுது ஓய்வு பெற்று தனது குடும்பத்தினருடன் வசித்து வருகிறார். மனைவி கடந்த சில ஆண்டுகளுக்கு முன்பு காலமான நிலையில் தனது இளைய மகன் மற்றும் மூத்த மகனின் பேரன் மற்றும் பேத்திகளுடன் கூட்டு குடும்பமாக ஒரே வீட்டில் வசித்து வருகிறார். 101 வயது கோவிந்தராஜ் அவர்கள் தன்னுடைய பணிகளை இன்றும் தானே செய்து ஆரோக்கியமாக வாழ்ந்து வருகிறார்.

தனது கொள்ளு பேரன் பேத்திகளுடன் கோவிந்தராஜ் ஒரு சிறு குழந்தையைப் போல அவர்களுடன் ஆடிப்பாடி விளையாடி தனது உறவினர்கள் உடன் பொழுதை கழிப்பதில் ஆர்வம் காட்டி வருகிறார். இவரது பேரன் பேத்திகள் என அனைவரும் இவர் மீது மிகுந்த பாசத்துடன் உள்ளனர். இன்றுடன் தாத்தா கோவிந்தராஜிக்கு 101 வயது நிறைவடைவதை முன்னிட்டு அவரின் மகன், பேரன், பேத்தி, கொள்ளு பேரன் என 56 பேர் மற்றும் வெளிநாடுகளில் பணிபுரியும் உறவினர்கள் இணைந்து தாத்தாவிற்கு பிறந்தநாள் கொண்டாடி மகிழ்ந்தனர். இந்த நிகழ்ச்சியில் தாத்தாவின் உறவினர்கள் ஏராளமானோர் கலந்துகொண்டு வெகு விமரிசையாக கேக் வெட்டி பிறந்தநாள் கொண்டாட்டத்தில் ஈடுபட்டனர்.

வேலுநாச்சியார் பேத்தி புகழாரம்: உலக அரங்கில் பெண்கள் அரசியலுக்கு வருவதற்கு இந்திரா காந்தி முன்னுதாரணம்..!

முன்னாள் பிரதமர் இந்திரா காந்தியின் 107 -வது பிறந்தநாளை முன்னிட்டு பல்வேறு அரசியல் கட்சி தலைவர்கள் நாடு முழுவதும் வாழ்த்துக்கள் தெரிவித்து வருகின்றனர். அந்த வகையில் அன்னை இந்திரா காந்தி பிறந்தநாளை முன்னிட்டு வீரமங்கை ராணி வேலுநாச்சியார் பேத்தி மற்றும் வீரமங்கை பேரரசி வேலுநாச்சியார் கல்வி அறக்கட்டளை நிறுவனர் செல்வி.எம்.மாலதி அவர்கள் விடுத்துள்ள வாழ்த்து செய்தியில், இந்தியாவின் முதலாவது பெண் பிரதமர் இந்தியாவின் இரும்பு பெண்மணி அன்னை இந்திரா காந்தி உலகம் போற்றும் தலைவர் ஆவார்.

மிகவும் வசதியான குடும்பத்தில் பிறந்து, வாழ்வின் வசந்தத்தை இழந்து இந்த தேசத்திற்காக உழைத்த தியாக மலர் தான் இந்திரா காந்தி. தமது தந்தை ஆசியாவின் ஜோதி ஜவஹர்லால் நேரு இந்திய நாட்டின் விடுதலைக்காக போராடி தொடர்ந்து சிறையிலேயே இருந்த நிலையில் மற்றும் தனது தாயார் கமலா நேரு உடல் நலம் பாதிக்கபட்ட நிலையில் சிறுமியாக இருந்த இந்திரா காந்தி ஆதரவற்ற நிலையில், பெற்றோர்கள் அரவணைப்பு இன்றி வாழ்க்கை பயணத்தில் புயல் இரவுகளுக்கும், பூகம்ப நாட்களுக்கும் மத்தியில் தமது வாழ்க்கை பயணத்தை தொடங்கினார்.

தமது தந்தை ஜவஹர்லால் நேரு சிறையில் இருந்து தமது அருமை மகள் இந்திரா காந்திக்கு எழுதிய கடிதங்கள் உலகின் புகழ்பெற்ற புத்தகமாக வெளியிடப்பட்டது. தமது தாயார் கமலா நேருவைப் போல் தாம் சிறந்த பேச்சாளராக ஆகவேண்டும் என்று சிறுவயதிலேயே இந்திராகாந்தி உறுதி பூண்டார்.”ஜோன் ஆப் ஆர்க்”- கின் வாழ்க்கை வரலாற்றைப் படித்த இந்திரா காந்தி தானும் ஒரு ஜோன் ஆப் ஆர்க்காக விளங்கிட வேண்டும் என்று துடித்து நின்றார்.

தனது அரசியல் பின்னணிக்கு அப்பால் தன்னுடைய கடுமையான உழைப்பாலும், திறமையாலும், தியாகத்தாலும், அடக்கத்தாலும், அனைவரையும் மதிக்கும் பண்பாலும், காங்கிரஸ் பேரியக்கத்திலும், இந்திய
மக்கள் மத்தியிலும், உலக அரங்கிலும் சிறந்த தலைவராக இன்றும் மதித்துப் போற்றப்படுகிறார். இந்திரா காந்தி அவர்களுக்கு என்று ஒரு லட்சியம் இருந்தது. குறிக்கோள் இருந்தது. அதை நிறைவேற்றவே அரசியலில் குதித்தார். லால்பகதூர் சாஸ்திரியின் மந்திரிசபையில் தகவல் ஒலிபரப்பு துறை அமைச்சராக இருந்தார். அமைச்சரான சில நாட்களிலேயே அந்த துறையில் பெரும் மாற்றத்தை கொண்டு வந்தார். மிகவும் சிறப்பாக பணியாற்றும் அமைச்சர் என்று பெயர் எடுத்தார்.

இந்தியா -பாக்கிஸ்தான் போர் மூண்டபொழுது போர்முனைக்கு சென்று ராணுவ வீரர்கள் மத்தியில் வீரவுரை ஆற்றி வீர உணர்வூட்டினார் இந்திரா காந்தி இத்துணைக்கும் அவர் ஒரு அமைச்சராக இருந்து துணிவுடன் செயல் பட்டார். இந்தி எதிர்ப்பு போராட்டம் தமிழ்நாட்டில் உச்ச கட்டத்தில் இருந்த போது அமைச்சராக இருந்த இந்திரா காந்தி அவர்கள் பிரச்னையையை நேரில் கண்டு அறிந்து கொள்வதற்காகவும், தமிழ் மக்களின் நியாயமான அச்சத்தை தீர்ப்பதற்காகவும் துணிச்சலோடு தமிழ்நாடு வந்தவர் இந்திரா காந்தி. “இந்தி பேசாத மக்கள் விரும்பும் வரையில் இந்தியாவின் ஆட்சி மொழியாக ஆங்கிலமே நீடிக்கும் “-என்று ஜவஹர்லால் நேருவின் வாக்குறுதியை சுட்டிகாட்டி தமிழ் மக்களிடம் அமைதியை ஏற்படுத்தினார்.

அறைகூவல்களை நேருக்கு நேர் நின்று எதிர்கொள்ளும் துணிச்சலும், பிரச்சினைகளை தெரிந்து கொண்டு உடனுக்குடன் தீர்க்க முயலும் சுறுசுறுப்பும் ,சிறந்த தலைமைப்பண்பும் பிரதமராக ஆவதற்கு முன்பே நிரூபித்தவர். 1966-ல் இந்தியாவின் மூன்றாவது பிரதமராக பொறுப்பேற்றுக்கொண்டார். பல புரட்சிகரமான திட்டங்களை கொண்டு வந்தார். வங்கிகளை தேசிய உடமையாக்கப்பட்டன, மன்னர் மானியம் ஒழிக்கப்பட்டன, ஆயுள் காப்பீட்டு கழகம் தேசிய உடைமையானது, இருபது அம்சத்திட்டத்தின் மூலம் நாட்டின் வளர்ச்சியை மேம்படுத்தினார்.

சாதனை முத்திரைகள் பதித்து சரித்திரத்தின் பக்கங்களுக்கு சாகாவரம் தேடித்தந்த சிரஞ்சீவித் தலைவர் துணிச்சலும், நிர்வாக திறமையும் கொண்ட பெண்மணி என்று உலகமக்களால் போற்றப்படுகிறார். ஒரு கட்டத்தில் “இந்தியா என்றால் இந்திரா ; இந்திரா என்றால் இந்தியா”-என்ற தாரக மந்திரம் உலகம் முழுவதும் எதிரொலித்தது. பாரதப் பிரதமராக இந்திரா காந்தி பொறுப்பேற்று நாட்டின் அடிப்படை பிரச்சினைகள் பற்றி பல்வேறு துறை வல்லுந‌ர்கள், அறிஞர்கள், சட்ட வல்லுநர்கள், கல்வியாளர்கள், விஞ்ஞானிகள், எழுத்தாளர்கள், சமூக ஆர்வலர்கள், அரசியல் சிந்தனையாளர்கள், விவசாயிகள் உள்ளிட்ட பல்வேறு தரப்பினர்களுடன் கலந்துரையாடி சிறந்த முடிவுகள் எடுத்து உலக அரங்கில் இந்தியாவை தலை சிறந்த நாடாக உயர்த்தினார்.

இலங்கை கடற்படையினரால் தமிழக மீனவர்கள் தொடர்ந்து கொடூரமான வகையில் தாக்கப்பட்டு வருகிறார்கள். 1982-ஆம் ஆண்டு இந்திரா காந்தி அவர்கள்பாரதப் பிரதமராக இருந்த போது இதே ராமேஸ்வரம் மீனவர்கள் மீது துப்பாக்கி சூடு நடத்திய இலங்கை கடற்படை அதிகாரியை கப்பலுடன் கைது செய்து மண்டபம் துறைமுகத்திற்கு கொண்டு வந்தார்.

இலங்கை அதிகாரிகள் மன்னிப்பு கேட்டதால் விடுதலை செய்தார்கள். அப்படிப்பட்ட துணிச்சல் மிக்க வீரமிகு பிரதமராக இந்திரா காந்தி விளங்கினார். இந்திரா காந்தி பிரதமராக இருந்த பொழுதுதான் இந்தியா முதன்முதலில் அணுகுண்டு சோதனை நடத்தி இந்தியாவின் வலிமையை உலகிற்கு தெரியப்படுத்தியது. ஐ.நா.பாதுகாப்பு சபையில் இந்தியாவை உறுப்பினராக சேர்த்த பெருமை இந்திரா காந்தி அவர்களை சேரும்.

உலக அரங்கில் பெண்கள் அரசியலுக்கு வருவதற்கு இந்திரா காந்தி முன்னுதாரணமாக விளங்குகிறார். இந்தியாவின் என்றும் முழு நிலவாக பிரகாசித்துக் கொண்டிருக்கும் இந்திரா காந்தியின் பிறந்தநாளை தேசிய மகளிர் தினமாக அறிவிக்க வேண்டும் என்று மத்திய அரசை வலியுறுத்தி கேட்டு கொள்கிறேன் என செல்வி. எம்.மாலதி தமது வாழ்த்து செய்தியில் வலியுறுத்தியுள்ளார்.

நின்ற இராணுவ வீரரின் துடிப்புகளை 2 மணி நேரம் போராடி உயிர்ப்பித்த AIIMS மருத்துவர்கள்..!

இராணுவ வீரர் ஒருவர் மூச்சின்றி இருந்த நிலையில் சுமார் 2 மணி நேரத்திற்கும் மேலாக போராடி மீண்டும் உயிர்ப்பித்து AIIMS மருத்துவர்கள் சாதனைக்கு நாடெங்கும் குவியும் பாராட்டுக்கள். ஒடிசா மாநிலம் நாயகர் பகுதியில் அமைந்துள்ள ஒடபாலா என்ற கிராமத்தில் வசித்து வரும் இராணுவ வீரர் சுபகந்த் சாஹு. இவருக்கு கடந்த அக்டோபர் 1-ஆம் தேதி திடீரென மாரடைப்பு ஏற்பட்டதாக கூறப்படுகிறது. இதனால் அவரை குடும்பத்தினர் முதலில் அருகில் இருக்கும் மருத்துவமனைக்கு கொண்டு சென்றனர்.

ஆனால் அந்த மருத்துவமனை மருத்துவர்கள் கைவிரித்தால் ஒடிசாவின், புவனேஸ்வர் AIIMS மருத்துவமனைக்கு கொண்டு சென்றனர். அங்கே பரிசோதித்த மருத்துவர்கள் அவரது இதயத்துடிப்பு செயலிழந்ததை கண்டறிந்தனர். அப்போது மருத்துவர்கள் இராணுவ வீரர் இறந்துவிட்டார் என அவர்களின் குடும்பத்தினரிடம் தெரிவிப்பதற்கு முன்பு eCPR முறையில் முயற்சித்துப் பார்ப்போம் என்ற முயற்சியில் எக்ஸ்ட்ரா கார்போரல் கார்டியோபுல்மோனரி ரெசசிட்டேஷன் எனப்படும் eCPR முறையில் சிகிச்சை அளிக்க தொடங்கினர்.

தொடர்ந்து 40 நிமிடம் அளித்த சிகிச்சையில் 2 மணி நேரம் துடிப்பே இல்லாமல் இருந்த அவரது இதயம் மீண்டும் துடிக்க தொடங்கியது. இதனையடுத்து சுபகந்த் சாஹு இதய துடிப்பு 96 மணி நேரத்தில், சீரானது. இது மருத்துவத்தில் ஒரு மைல்கல். அதாவது நோயாளியின் இதயம் துடிப்பு நின்று, 120 நிமிடங்களுக்குப் பிறகு மீண்டும் உயிர்ப்பிக்கப்படுவது நாட்டில் அரிதான நிகழ்வுகளில் ஒன்றாகும். ஆகையால், மூச்சின்றி இருந்த இராணுவ வீரரை சுமார் 2 மணி நேரத்திற்கும் மேலாக போராடி மீண்டும் உயிர்ப்பித்து சாதனை புரிந்துள்ள AIIMS மருத்துவர்களுக்கு பாராட்டுகளும் வாழ்த்துகளும் குவிந்த வண்ணமுள்ளது.

உதயநிதி ஸ்டாலின் ஆவேசம்: சர்வாதிகாரத்தின் ஆயுள் நீண்ட நாள் நீடிக்காது..!

உதயநிதி ஸ்டாலின் ஆவேசம் சர்வாதிகாரத்தின் ஆயுள் நீண்ட நாள் நீடிக்காது என உதயநிதி ஸ்டாலின் தெரிவித்துள்ளார். பாஜக ஆட்சிக்கு வந்ததில் இருந்து தொடர்ந்து மக்கள் விரோத போக்கினை கடைபிடித்து வருகின்றது. கறுப்புப் பணம் ஆரம்பித்த பாஜக அரசின் சர்வாதிகார போக்கு இன்று ‘ஒரே நாடு ஒரே மொழி’ என்ற கொள்கையைத் தீவிரமாக அமல்படுத்தி வருகிறது. மத்திய அரசின் திட்டங்கள் அனைத்தையும் இந்தியில் பெயர் வைக்கும் பாஜக அரசு, பிற மொழிகளைத் தொடர்ந்து புறக்கணித்தே வருகிறது.

இந்நிலையில், பொது நிறுவனமான LIC-இலும் இந்தி திணிப்பை பாஜக முன்னெடுத்துள்ளது அதிர்ச்சியை ஏற்படுத்தயுள்ளது . அரசின் LIC இணையதளப் பக்கத்தின் முதன்மை மொழி, ஆங்கிலத்தில் இருந்து வந்த நிலையில், தற்போது முகப்பு பக்கத்தில் இந்தி மொழி மட்டுமே இருக்கும் வகையில் மாற்றப்பட்டுள்ளது.

மத்திய அரசின் இந்த செலுக்கு அரசியல் கட்சி தலைவர்கள் கடும் எதிர்ப்புகள் தெரிவித்து வருகின்றனர். இந்நிலையில் தமிழ்நாடு துணை முதலமைச்சர் உதயநிதி ஸ்டாலின், சர்வாதிகாரத்தின் ஆயுள் நீண்ட நாள் நீடிக்காது என பாஜக அரசுக்கு கடும் கண்டனம் தெரிவித்துள்ளார்.

இது குறித்து உதயநிதி ஸ்டாலின் தனது எக்ஸ் பக்கத்தில், ஒட்டுமொத்த நாட்டு மக்களின் பங்களிப்போடு செயல்பட்டு வரும் LIC -யின் இணையதளம், முழுக்க, முழுக்க இந்தி மயமாக்கப்பட்டுள்ளதை வன்மையாகக் கண்டிக்கிறோம். அந்த இணையதளத்தை ஆங்கிலத்தில் பார்ப்பதற்கான வசதியைக் கூட இந்தியில் உள்ள சுட்டியின் மூலம் தான் பெற முடியும் என்பது மத்திய அரசின் இந்தித் திணிப்பு மோகத்தையே அடிக்கோடிட்டுக் காட்டுகிறது.

தமிழ், ஆங்கிலம் உட்பட அனைத்து மாநில மொழிகளிலும் LIC இணையதளத்தை மக்கள் பயன்படுத்தும் வகையில் உடனே மாற்றி அமைக்க ஒன்றிய அரசு நடவடிக்கை எடுக்க வேண்டும். இந்தி உட்பட எந்த ஒன்றையும் வலுக்கட்டாயமாக திணிப்பதன் மூலம் வளர்த்துவிட முடியாது என்பதை ஒன்றிய அரசு இன்னும் புரிந்துகொள்ளவில்லை. சர்வாதிகாரத்தின் ஆயுள் நீண்ட நாள் நீடிக்காது” என உதயநிதி ஸ்டாலின் எக்ஸ் பக்கத்தில் பதிவிட்டுள்ளார்.

மீன்பிடி துறைமுகத்தை செல்வப்பெருந்தகை ஆய்வு..!

கன்னியாகுமரி மாவட்டம் தேங்காய் பட்டணம் மீன்பிடி துறைமுகத்தில் தமிழ்நாடு காங்கிரஸ் கமிட்டி தலைவரும், தமிழ்நாடு சட்டமன்றப் பேரவையின் பொதுக்கணக்குக் குழுத் தலைவருமான திரு.கு.செல்வப்பெருந்தகை ஆய்வு செய்தார்.

திண்டுக்கல் சீனிவாசன்: கூட்டணிக்கு வருபவர்கள் ரூ. 50 அல்லது ரூ. 100 கோடி கொடுங்கனு கேட்கிறாங்க..!

திருச்சி மாவட்ட அதிமுக கள ஆய்வு கூட்டம் மாவட்ட செயலாளர் சீனிவாசன் தலைமையில் இன்று நடைபெற்றது. இந்தக் கூட்டத்தில் அதிமுக முன்னாள் அமைச்சர்கள் திண்டுக்கல் சீனிவாசன், தங்கமணி, கோகுல இந்திரா ஆகியோர் கலந்து கொண்டனர்.

இந்தக் கூட்டத்தில் பேசிய திண்டுக்கல் சீனிவாசன், “பல முனைகளிலிருந்து அதிமுகவை தாக்கி வருகிறார்கள். தனி ஒரு மனிதனாக எடப்பாடி பழனிசாமி திமுக ஆட்சியின் அவலங்களை எடுத்துக் கூறி வருகிறார்.” “அதிமுக கட்சியின் சில மாவட்டங்களில் கோஷ்டி பூசல்கள் உள்ளன. அதனை முதலில் சரி செய்ய வேண்டும். ஆபரேஷன் செய்தால் மட்டும் தான் மருத்துவம் பலிக்கும் என்ற நிலை உள்ளது. கூட்டணிக்கு வருபவர்கள் 20 சீட் கொடுங்க, ரூ. 50 அல்லது ரூ. 100 கோடி கொடுங்க என்று கேட்கின்றனர்.”

“கூட்டணி குறித்து நான் பார்த்துக் கொள்கிறேன் என்று எடப்பாடி பழனிசாமி தெரிவித்துவிட்டார். கூட்டணி குறித்து நீங்கள் பேட்டி கொடுத்து அதை கெடுத்துவிட வேண்டாம் என்றும் அவர் தெரிவித்துள்ளார். திமுக கூட்டணிக்கு செல்பவர்கள் ஜெயிக்க முடியாது. எடப்பாடி பழனிசாமி தான் ஜெயிப்பார்” என திண்டுக்கல் சீனிவாசன் தெரிவித்தார்.

சசி தரூர் வேதனை: டெல்லி இனியும் நாட்டின் தலைநகராக இருக்க வேண்டுமா..?

“டெல்லி இனியும் நாட்டின் தலைநகராக இருக்க வேண்டுமா?” என காங்கிரஸ் எம்.பி. சசி தரூர் கேள்வி எழுப்பியுள்ளார். டெல்லியில் சுவாசப் பிரச்சினைகளோடு மருத்துவமனைகளுக்கு வருவோரின் எண்ணிக்கை பல மடங்கு அதிகரித்துள்ள நிலையில் டெல்லியின் பல பகுதிகளிலும் இன்று காற்றின் தரக் குறியீடு 500-ஐ நெருங்கியுள்ளது.

இந்நிலையில் டெல்லி காற்று மாசு குறித்து காங்கிரஸ் எம்.பி. சசி தரூர் எக்ஸ் பக்கத்தில், “உலகிலேயே மிக மோசமான காற்று மாசு கொண்ட நகரம் டெல்லி என்பது ஏற்கெனவே அதிகாரபூர்வமாக உறுதியாகிவிட்டது. உலகின் இரண்டாவது மாசடைந்த தாக்கா நகரைவிட 4 மடங்கு அதிகமான நச்சு டெல்லி காற்றில் உள்ளது. நமது அரசாங்கம் பல ஆண்டுகளாக இந்த நிலையை எதிர்கொண்டு வருகிறது. ஆனால், அதைப் பற்றி எதுவும் செய்யவில்லை என்பது புரிந்துகொள்ள முடியாதது. நானும் கடந்த 2015 முதல் எம்.பி.க்கள், சுற்றுச்சூழல் வல்லுநர்கள், மாசு கட்டுப்பாட்டில் பங்குதாரர்களுக்காக காற்றின் தர வட்ட அட்டவணையை நடத்தினேன்,

ஆனால் கடந்த ஆண்டு கைவிட்டேன், ஏனெனில் எதுவும் மாறவில்லை, யாரும் கவலைப்படவில்லை. இந்த நகரம் நவம்பர் முதல் ஜனவரி வரை வசிக்கவே முடியாத நகரமாகிவிடுகிறது. ஆண்டின் மற்ற மாதங்களில் ஏதோ பிழைக்கலாம் என்பதுபோல் உள்ளது. இத்தகையச் சூழலில், டெல்லி இனியும் நாட்டின் தலைநகராக இருக்க வேண்டுமா?” என சசி தரூர் எக்ஸ் பக்கத்தில் பதிவிட்டுள்ளார்.

கிராண்ட் டிரங்க் எக்ஸ்பிரஸ் ரயிலில் பீட்சா, பர்கர், சிக்கன் ரைஸ் சாப்பிட்ட கூடைப்பந்து வீராங்கனை உயிரிழப்பு..!

மத்திய பிரதேசம் மாநிலம் குவாலியரில் கூடைப்பந்து போட்டி விளையாடுவதற்காக சென்றுவிட்டு சென்னை திரும்பிய கோவை வீராங்கனை திடீரென உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. கோயம்புத்தூர் தனியார் பள்ளியை சேர்ந்த 15 வயதான எலினா லாரேட் கூடைப்பந்து விளையாடுவதில் வல்லவர். இவர் நிறைய கூடைப்பந்து போட்டிகளில் பங்கேற்று பதக்கங்களை வென்றிருந்தார்.

இந்நிலையில் மபள்ளிகளுக்கு இடையிலான கூடைப்பந்து போட்டி மத்திய பிரதேச மாநிலம் குவாலியரில் கடந்த 8-ம் தேதிமுதல் 15-ம் தேதிவரை நடைபெற்றது. இந்த போட்டிகளில் விளையாடுவதற்காக எலினா லாரெட், சக மாணவிகளுடன் ரயிலில் குவாலியர் சென்று பின்னர் போட்டியை முடித்துவிட்டு கடந்த சனிக்கிழமை கிராண்ட் டிரங்க் எக்ஸ்பிரஸ் ரயிலில் சென்னை நோக்கி வந்து கொண்டிருந்தார்.

அப்போது மாணவி எலினா லாரெட், சக மாணவிகளுடன் சேர்ந்து ரயிலில் சிக்கன் ரைஸ், பர்க்கர் ஆகியவற்றை வாங்கி சாப்பிட்டதாக கூறப்படுகிறது. பின்னர் அவருக்கு கடும் வயிற்று வலியுடன் கூடிய வாந்தி மயக்கம் ஏற்பட்டது. இது தொடர்பாக எலினா லாரெட் சென்னை அண்ணா நகரிலுள்ள தனது உறவினர் டேவிட் வில்லியம்சிடம் தனது உடல்நிலை பிரச்சினை குறித்து கூறியுள்ளார்.

எத்தனை தொடர்ந்து, எலினா லாரெட்யை அண்ணா நகரில் உள்ள தனியார் மருத்துவமனையில் சிகிச்சைக்காக சேர்த்தார். சிகிச்சைக்கு பின்னர் எலினா லாரெட், பெரவள்ளூரில் உள்ள தனது மற்றொரு உறவினர் வீட்டுக்குச் சென்றார். அங்கு சென்ற சிறிது நேரத்தில் எலினா லாரெட்டிற்க்கு மீண்டும் வயிற்று வலி ஏற்பட்டது.

இதில் எலினா லாரெட், அங்கேயே மயங்கி கீழே விழுந்தார். உடனே அவருடைய உறவினர்கள் எலினா லாரெட்யை பெரவள்ளூரிலுள்ள பெரியார் அரசு மருத்துவமனைக்கு அனுப்பி வைக்கப்பட்டார். அங்கு அவரைப் பரிசோதித்த மருத்துவர்கள், எலினா லாரெட் ஏற்கெனவே இறந்துவிட்டதாக தெரிவித்தனர்.

தகவலறிந்த பெரவள்ளூர் காவல்துறை, அங்கு விரைந்து சென்று எலினா லாரெட் உடலைக் கைப்பற்றி பிரேதப் பரிசோதனைக்காக, கீழ்ப்பாக்கம் அரசு மருத்துவமனைக்கு அனுப்பி வைத்தனர். மேலும் இது தொடர்பாக பெரவள்ளூர் காவல்துறை வழக்குப்பதிவு செய்து விசாரித்து வருகின்றனர்.

மாணவி எலினா லாரெட் சிக்கன் ரைஸ் சாப்பிட்டதால் உயிரிழந்தாரா? அல்லது அவருடைய இறப்புக்கு வேறு ஏதேனும் காரணங்கள் உள்ளதா? என்பது பிரேதப் பரிசோதனை அறிக்கைக்கு பின்னரே தெரியவரும் என காவல்துறை வட்டாரங்கள் தெரிவிக்கின்றன.

காவல் கண்காணிப்பாளருக்கே “அல்வா” கொடுக்கும் புதுச்சத்திரம் காவல் நிலையம்..! உயர் அதிகாரிகள் உடனே நடவடிக்கை எடுப்பார்களா..!?

நாமக்கல் மாவட்டம், புதுச்சத்திரம் காவல் நிலையத்திற்கு உட்பட்ட செல்லியாயிபாளையம் கிராமத்தில் புகழ் பெற்ற வன காளியம்மன் திருக்கோயில் உள்ளது. இந்த வன காளியம்மன் திருக்கோயிலில் கடந்த 05-11-2024 அன்று ஜெயபிரகாஷ் என்ற போதை ஆசாமி கோயில் வேல்(லை) திருடியுள்ளார். இதனை கோவில் பூசாரி பார்த்து தட்டி கேட்ட போது பூசாரியை கடுமையாக வேல்லால் தாக்கியுள்ளான்.

இந்த சம்பவத்தை கண்டவர்கள் பூசாரியை மீட்டு மருத்துவமனையில் அனுமதித்தனர். இத்தனை தொடர்ந்து 06-11-2024 அன்று வன காளியம்மன் திருக்கோயில் பூசாரி நாமக்கல் மாவட்ட கண்காணிப்பாளரிடம் புகார் மனு கொடுத்தார். நாமக்கல் மாவட்ட கண்காணிப்பாளர் அவர்கள் புதுச்சத்திரம் காவல் நிலையத்திற்கு தகவலை தெரிவித்துள்ளார். ஆனால், புதுச்சத்திரம் காவல் நிலையம் புகார் கொடுத்தும் எந்த ஒரு நடவடிக்கையும் எடுத்ததாக தெரியவில்லை.

இந்நிலையில், பல ஆண்டுகளாகவே புதுச்சத்திரம் காவல் நிலையத்தில் கட்டுப்பாட்டில் உள்ள பல ஊர்களில் ஏஜெண்டுகள் வைத்து ஏஜெண்டுகள் மூலமாக செயல்படுவதாக புகார்கள் மக்கள் மத்தியில் உள்ளது. ஆகையால், புதுச்சத்திரம் காவல் நிலையத்தில் ஏஜெண்டுகள் மூலம் கைமாறியதால் வன காளியம்மன் திருக்கோயில் பூசாரி தாக்கப்பட்டு இரண்டு வரமாகியும் இதுவரை எந்த ஒரு நடவடிக்கையும் எடுத்ததாக தெரியவில்லை.

இந்நிலையில், வன காளியம்மன் திருக்கோயில் பூசாரியை தாக்கிய குற்றவாளி இரவு நேரங்களில் ஒரு கையில் கோவில் வேல் மற்றொரு கையில் கூறிய ஆயுதங்களுடன் முதியவர்கள் இருக்கும் வீடுகளை கூறிவைத்து இரவு முழுவதும் தூங்கவிடாமல் வீட்டு கதவை தட்டுவதாக காவல் கட்டுப்பாடு அறைக்கு புகார் கொடுக்கப்பட்டுள்ளது.

ஆனால், புதுச்சத்திரம் காவல் நிலைய காவலாளிகள் விசாரணை செய்வதாக தெரியவில்லை அவர்களின் ஏஜெண்டுகளுக்கு தகவல் கொடுத்து பணம் பார்க்கும் யுத்தியை கடைபிடிப்பதாக பாதிக்கப்பட்டவர்கள் அஞ்சுகின்றனர்.

ஆகையால், காவல்துறை உயர் அதிகாரிகள் உடனே தலையிட்டு வன காளியம்மன் திருக்கோயில் பூசாரியை தாக்கிய குற்றவாளியை கைது செய்வார்களா..? மேலும் இரவு நேரங்களில் முதியவர்கள் வீட்டு கதவை தட்டும் குற்றவாளியை கைது செய்து முதியவர்களை நிம்மதியாக தூங்க விடுவார்களா..? என்பதே மக்களின் எதிர்பார்ப்பு ஆகும்.

சீமான்: த.வெ.க கூட்டணி..! நான் திருப்பூர் போகும்போது அவர் திருப்பதி போயிட்டா சிக்கலாகிடும்..!

நான் திருப்பூர் போகும்போது அவர் திருப்பதி போயிட்டா சிக்கலாகிடும்..! அதனால எங்க கால்களை நம்பியே எங்கள் லட்சிய பயணம் தொடரும் என தலைமை ஒருங்கிணைப்பாளர் சீமான் தெரிவித்தார் சுதந்திரப் போராட்ட வீரர் வ.உ.சிதம்பரனாரின் 88 -வது நினைவு தினம் இன்று அனுசரிக்கப்பட்டு வருகிறது. வ.உ.சிதம்பரனாரின் 88 -வது நினைவு தினத்தை முன்னிட்டு திருச்சி நீதிமன்றம் அருகே உள்ள அவரின் உருவ சிலைக்கு நாம் தமிழர் கட்சியின் தலைமை ஒருங்கிணைப்பாளர் சீமான் மாலை அணிவித்து மரியாதை செலுத்தினார். இதைத் தொடர்ந்து செய்தியாளர்களின் கேள்விக்கு சீமான் பதிலளித்தார்.

அப்போது, வ.உ.சிதம்பரனார், கப்பலோட்டியும், செக்கிழுத்தும் நாட்டின் விடுதலைக்கு பாடுபட்டார். தமிழகத்தைச் சேர்ந்த விடுதலை போராட்ட வீரர்கள் மறக்கப்பட்டு, மறைக்கப்பட்டு வருகிறார்கள். அவர்களின் எந்த அடையாளமும் தமிழகத்தில் இல்லை. திராவிடம் என்பது தமிழர்களின் அடையாளங்களை மறக்கடிக்க உருவாக்கப்பட்டது தான். தமிழர்களின் அடையாளங்களை திராவிட அடையாளங்களாக மாற்றியுள்ளார்கள்.

மேலும் சீமான் பேசுகையில், வல்லபாய் பட்டேலை தூக்கிப் பிடித்தவர்கள் ஆர்.என்.ரவியின் கூட்டத்தினர். அதை ஆதரித்தவர்கள் திராவிட கூட்டத்தினர். ஆட்சியாளர் தன் ஆட்சி சிறப்பாக இருக்கிறது என கூறினால் அந்த ஆட்சி கொடுமையாக இருக்கிறது என்று தான் அர்த்தம். ஆய்வுக்குச் செல்லும் பொழுது மக்கள் வரவேற்கிறார்கள் என்றால் அவர்களாகவே வரவேற்க வந்தார்களா அல்லது வர வைக்கப்பட்டார்களா? ஒருத்தரை ஒருத்தர் அவர்கள் பாராட்டிக் கொண்டு, போற இடமெல்லாம் சூப்பர் சூப்பர் என்று சொல்கிறார்கள் என முதலமைச்சர் சொல்லிக் கொள்கிறார்.

என் கூட ஒருமுறை வாருங்கள், நான் ஆய்வுக்கு போகிறேன், இந்த மனுக்களை கொடுத்துவிட்டு கவலையோடும், கண்ணீருடன் கதறும் மக்களை ஒருமுறை கேளுங்கள், ஆட்சியாளர்கள் தன் ஆட்சி சிறப்பாக இருக்கிறது என்று சொன்னார் என்றால் அது கொடுமையாக இருக்கிறது என்று அர்த்தம். மக்கள் சொல்ல வேண்டும். நாடும் மக்களும் போற்ற வேண்டும்.

த.வெ.க – அதிமுக கூட்டணி குறித்தெல்லாம் என்னிடம் கேட்கக் கூடாது. நான் திருப்பூர் போகும்போது அவர் திருப்பதி போயிட்டா சிக்கலாகிடும்..! அதனால எங்க கால்களை நம்பியே எங்கள் லட்சிய பயணம் தொடரும். நாங்கள் 2026 சட்டமன்றத் தேர்தலில் தனித்து தான் போட்டியிடுவோம். கூட்டணி என்பது தற்கொலைக்கு சமம் என்கிற கொள்கையுடயவன் நான். அவர் அவரோட போறாரு. இவர் இவரோடு போறாரு என இந்த காரை அவர் வைத்திருந்தார். இப்ப யார் வைத்திருக்கிறார் என்ற நகைச்சுவை எல்லாம் நான் சொல்ல தயாராக இல்லை என சீமான் தெரிவித்தார்.