Author: rajaram

விழுப்புரம் காவல் கண்காணிப்பாளர் அலுவலகத்திற்கு சி.வி.சண்முகம் தான் அளித்த புகார்கள் மீது எடுக்கப்பட்ட நடவடிக்கைகள் குறித்து அறிந்து கொள்வதற்காக வந்திருந்தார். அவர் வந்த சமயத்தில் அலுவலகத்தில் காவல் கண்காணிப்பாளர் இல்லாததால் அவ முன்னாள் அமைச்சரும், எம்பியுமான சி.வி.சண்முகம் இன்று காலையில் விருக்காக பார்வையாளர்கள் அறையில் காத்திருந்தார். நீண்ட நேரமாகியும் காவல் கண்காணிப்பாளரை சந்திக்க முடியாமல் போனதால் மதியம் 12 மணியளவில் விழுப்புரம் ஆட்சியர் அலுவலக பெருந்திட்ட வளாகத்தின் நுழைவாயிலில் முன்பு சி.வி.சண்முகம் தர்ணாவில் ஈடுபட்டார்.

அப்போது, சி.வி.சண்முகம் செய்தியாளர்களிடம் பேசுகையில், கள்ளக்குறிச்சி மாவட்டத்தில் விசிக நடத்திய மது மற்றும் போதைப் பொருள் ஒழிப்பு மாநாட்டில் அதிமுக சார்பில் நான் கலந்துகொள்ளப் போவதாகவும் அதுகுறித்து, அதிமுகவின் அதிகாரபூர்வ தொலைக்காட்சியான நியூஸ் ஜெ சேனலில் செய்தி வெளியானதாகவும் ஒரு தவறான தகவல் சமூகவலைதளங்களில் பரப்பப்பட்டது.

இது முழுக்க முழுக்க பொய்யான தகவல். திட்டமிட்டு எனது பெயருக்கு களங்கம் விளைவிக்கும் வகையில் பரப்பப்பட்ட பொய்ச் செய்தி என்பதால் நியூஸ் ஜெ சேனலும் மறுப்புச் செய்தி வெளியிட்டது. இந்தச் சம்பவத்தை குறிப்பிட்டு, சமூக வலைதளங்களில் பரப்பப்படும் வதந்திகள் குறித்து உரிய நடவடிக்கை எடுக்க வேண்டும் என புகாரளித்தேன்.

கடந்த நாடாளுமன்றத் தேர்தல், விக்கிரவாண்டி இடைத் தேர்தல் சமயங்களிலும் இதுபோல எனக்கு எதிராக அவதூறு பரப்பினர். இது தொடர்பாக திமுக ஆட்சி பொறுப்பேற்றது முதல் இதுவரை தொடர்ந்து 23 புகார்கள் அளித்துள்ளேன். எந்த புகாரின் மீதும் நடவடிக்கையில்லை. என் மீது இந்த அரசு வழக்குப் பதிவுசெய்வதில் காட்டும் முனைப்பை, நான் அளிக்கும் புகார் மீது நடவடிக்கை எடுப்பதில் காட்டுவதில்லை. நான் காவல் கண்காணிப்பாளரை சந்திக்க முன்கூட்டியே அனுமதி வாங்கி இருந்தும் அவர் திட்டமிட்டு என்னைச் சந்திக்காமல் தவிர்த்துள்ளார்.

முன்னாள் அமைச்சரும், வழக்கறிஞரும், மாநிலங்களவை உறுப்பினருமான நான் அளிக்கும் புகார்கள் மீதே நடவடிக்கை எடுக்கப்படவில்லை என்றால் பொதுமக்களின் நிலை என்ன? இது தமிழ்நாடா அல்லது கருணாநிதியின் குடும்ப நாடா?,” என்று அவர் கேள்வி எழுப்பினர். பின்னர், விழுப்புரம் தாலுகா ஆய்வாளர் செல்வவிநாயகம், மாவட்ட குற்றப்பிரிவு காவல் துணை கண்காணிப்பாளர் ராமலிங்கம் ஆகியோர் சி.வி.சண்முகத்திடம் சமாதானப் பேச்சுவார்த்தை நடத்தினர்.

ஆனால், அந்த சமாதானத்தை எல்லாம் ஏற்காத அவர், “காவல் கண்காணிப்பாளரை நேரில் வரும் வரை தர்ணா போராட்டம் தொடரும்,” எனக்கூறி போராட்டத்தை தொடர்ந்தார். இதனை தொடர்ந்து பிற்பகல் 1 மணிக்கு விழுப்புரம் தாலுகா காவல்துறை அனுமதியின்றி தர்ணா போராட்டம் நடத்தியதாக சி.வி.சண்முகம் கைது செய்யப்பட்டார்.

சென்னையில் மெத்தம்பெட்டமைன் போதைப்பொருள் சப்ளை செய்யும் நபர்களை மாதாவரம் பேருந்து நிலையத்தில் பயணிக்க மத்தியில் தட்டி தூக்கிய காவல்துறையினரால் பெரும் பபபரப்பு ஏற்பட்டது. தமிழகத்தில் கல்லூரி மாணவர்கள் மற்றும் இளைஞர்களை குறி வைத்து நாளுக்கு நாள் போதை பழக்கம் அதிகரித்து காணப்படுகிறது. இதனால் காவல்துறை அதிரடி சோதனையில் போதைப்பொருள் கைப்பற்றப்பட்டு கைது நடவடிக்கை மேற்கொண்டு வருகின்றனர்.

இந்நிலையில், சென்னை அரும்பாக்கம் உதவி ஆணையர் தலைமையிலான தனிப்படை காவல்யினருக்கு மெத்தப்பெட்டமைன் போதைப்பொருள் விற்பனை தொடர்பாக கிடைத்த ரகசிய தகவலின் அடிப்படையில் தீவிர கண்காணிப்பில் ஈடுபட்டு வருகின்றனர்.

அதன் அடிப்படையில் கடந்த சில தினங்களுக்கு முன்பு அரும்பாக்கம் பகுதியில் மெத்தப்பெட்டமைன் போதைப்பொருள் விற்பனை செய்து வந்த தீபக் – டாலி மேத்தா தம்பதியினரும் அவர்களது நண்பரான முத்துகுமரனும் கைது செய்யப்பட்டனர். இதனைத்தொடர்ந்து, அருண் குமார், சித்தார்த், தீபக் ராஜ் ஆகிய நபர்களையும் கைது செய்து காவல்துறையினர் சிறையில் அடைத்தனர்.

இத்தனை தொடர்ந்து நடைபெற்ற விசாரணையில் பெங்களூர் விரைந்து சென்ற தனிப்படை காவல்துறை மெத்தப்பெட்டமைன் போதைப்பொருள் சப்ளை செய்த பெங்களூருவைச் சேர்ந்த சந்தோஷ், அந்தோணி ரூபன் மற்றும் மேற்கு ஆப்பிரிக்காவை சேர்ந்த அபித் கிளாப்டனின் ஆகிய மூன்று நபர்களை நேற்றைய முன்தினம் கைது செய்து அவர்களிடம் இருந்து 6 கிராம் மெத்தப்பெட்டமைன், கஞ்சா, செல்போன் ஆகியவற்றை பறிமுதல் செய்தனர். பின்னர் அவர்களை சென்னை அழைத்து வந்து வழக்குப் பதிவு செய்து நீதிமன்றத்தில் ஆஜர்படுத்தி சிறையில் அடைத்தனர்.

மேலும் தொடர் விசாரணையில் ஆந்திராவை சேர்ந்த ஒருவர் மொத்தமாக மெத்தப்பெட்டமைன் போதைப்பொருளை வாங்கி வந்து டீலர்களுக்கு விற்பனை செய்து வருவதாக தகவல் கிடைத்தது. இதனையடுத்து, காவல்துறையினர் வாடிக்கையாளர் போல் அவரிடம் பேசி தங்களுக்கு 1 கிலோ மெத்தப்பெட்டமைன் போதைப்பொருள் வேண்டும் என்றும் கேட்டுள்ளனர். அந்த நபர் மாதவரம் வந்து வாங்க வேண்டும் என கூறியதன் பேரில் காவல்துறை நேற்று‌ இரவு மாதவரம் பேருந்து நிலையம் அருகே சென்று காத்திருந்துள்ளனர்.

அப்போது ஆந்திராவில் இருந்து பேருந்தில் போதை பொருளுடன் வந்த நபரை மடக்கி பிடித்து சோதனை செய்த போது அவரிடம் 1 கிலோ மெத்தப்பெட்டமைன் போதைப்பொருள் இருப்பதை காவல்துறை கண்டுபிடித்தனர். பின்னர், அந்த நபரை காவல் நிலையம் அழைத்து வந்து விசாரணை மேற்கொண்டதில் அவர் ஆந்திர மாநிலம் ஓங்கோல் பகுதியை சேர்ந்த விஸ்வநாதன் என்பதும் இவர் சென்னை பல போதைப்பொருள் ஏஜெண்ட்டுகளுக்கு போதைப்பொருள் சப்ளை செய்து வந்ததும் தெரியவந்தது. இதனையடுத்து காவல்துறை விஸ்வநாதனிடம்‌ இருந்து 1 கிலோ மெத்தப்பெட்டமைன் போதைப்பொருள், செல்போன் ஆகியவற்றை பறிமுதல் செய்து விசாரணை மேற்கொண்டு வருகின்றனர்.