லாரன்ஸ் பிஷ்னாய் ஒன்றும் குழந்தை அல்ல; அவர் மக்களை கொல்கிறார்; இதை ஏற்க முடியாது. வரும் நவம்பரில் லாரன்ஸ் பிஷ்னாயை சந்தித்து பேச விரும்புகிறேன் என சல்மான் கானின் மாஜி காதலி பேட்டி அளித்துள்ளார்.
மகாராஷ்டிரா அரசியல் தலைவரும், நண்பருமான பாபா சித்திக் கொல்லப்பட்ட சில நாட்களுக்குப் பிறகு, பாலிவுட் நடிகர் சல்மான் கானுக்கு பாதுகாப்பு அதிகரிக்கப்பட்டது. பிரபல தாதா லாரன்ஸ் பிஷ்னாய் கும்பல் மீண்டும் கொலை மிரட்டல் விடுத்ததை அடுத்து, தனது பாதுகாப்புக்காக ரூ.2 கோடி மதிப்பிலான புல்லட் புரூப் காரை சல்மான் கான் வாங்கியுள்ளார்.
இந்திய வாகன சந்தையில் கிடைக்காத புல்லட் ஷாட்களை கூட தடுக்கும் திறன் கொண்ட கண்ணாடி கவசங்கள் உள்ள கார், துபாயில் இருந்து இறக்குமதி செய்யப்பட்டதாகத் தெரிவிக்கப்படுகிறது. இந்தக் காரை இந்தியாவுக்குக் கொண்டுவர நிறைய பணம் செலவாகும் என்று கூறுகின்றனர். இந்த வெடிமருந்துகளை கண்டறிந்து எச்சரிக்கும் அமைப்பு, உள்ளே யார் இருக்கிறார்கள் என்பதை அடையாளம் காண முடியாத வண்ணம் வடிவமைக்கப்பட்டுள்ளது.
கடந்த ஆண்டு, சல்மான் கான் மற்றும் அவரது தந்தைக்கு எதிராக குண்டு துளைக்காத வாகனம் இறக்குமதி செய்யப்பட்டது. இந்நிலையில், சல்மான் கான் தொகுத்து வழங்கும் தனியார் டிவி நிகழ்ச்சியின் படப்பிடிப்பிற்காக சுமார் 60 பேர் கொண்ட பாதுகாப்பு குழுவை அவர் நியமித்துள்ளார்.
இந்நிலையில், சல்மான் கானின் முன்னாள் காதலி சோமி அலி செய்தியாளர்களிடம் பேசினார். அப்போது, லாரன்ஸ் பிஷ்னாய் சமூகத்தினருக்கும், அவர்கள் மான்களை கடவுளாக வழிபாடு செய்வதற்கும் உள்ள தொடர்பு சல்மான் கானுக்கு தெரியாது. அதுகுறித்து அவர் அறிந்திருக்க வாய்ப்பில்லை. அவர் சார்பாக நான் மன்னிப்பு கேட்டுக் கொள்கிறேன். லாரன்ஸ் பிஷ்னாய் ஒன்றும் குழந்தை அல்ல; அவர் மக்களை கொல்கிறார்; இதை ஏற்க முடியாது. வரும் நவம்பரில் லாரன்ஸ் பிஷ்னாயை சந்தித்து பேச விரும்புகிறேன்; அவருடைய மூளையில் ஏற்பட்டுள்ள தவறான பதிவுகளை சரி செய்ய விரும்புகிறேன்.
அவருக்கு உளவியல் சிகிச்சை அளிப்பேன். தன்னை ஒரு கேங்க்ஸ்டர் என்று அழைத்துக் கொள்கிறார். சட்டம் படித்துள்ளார்; வழக்கறிஞராக பிரபலம் அடைய வேண்டியது தானே; தொலைகாட்சிகளில் டிஆர்பி வேண்டுமானால், வக்கீலாக மாறி டிஆர்பியை எடுங்கள்’ என்றார். கடந்த சில ஆண்டுக்கு முன் சல்மான் கானும், சோமி அலியும் காதலித்து வந்தனர்.
நடிகை ஐஸ்வர்யா ராய்க்காக சல்மான் கான் தன்னை விட்டு பிரிந்து சென்றதாக சோமி அலி ஒரு பேட்டியில் தெரிவித்து இருந்தார். அதன்பிறகு, பல சந்தர்ப்பங்களில் சல்மான் கான் மீது அவர் குற்றம் சாட்டி வந்தார். ஆனால் இப்போது லாரன்ஸ் பிஷ்னாயிடம் பேச்சுவார்த்தை நடத்தி ல்மான் கானுக்கு உதவ விரும்புவதாக சோமி அலி கூறியது பாலிவுட்டில் பரபரப்பை ஏற்படுத்தி உள்ளது.
