சமூக ஊடகங்களில் குழந்தைகளுக்கு எதிரான பாலியல் குற்றங்கள் நாளுக்கு நாள் அதிகரித்து வரும் நிலையில் நம் நாட்டில் குழந்தைகளை வைத்து ஆபாச படங்கள் எடுப்பது மட்டுமல்லாமல் குழந்தைகள் ஆபாசப் படங்கள் பார்ப்பது, பகிர்வது உள்ளிட்ட குற்ற செயல்கள் ஈடுபாடுயோர் மீது நடவடிக்கைகள் மேற்கொள்ளப்பட்டு வருகின்றன.
இதற்கிடையில் குழந்தைகளை வைத்து ஆபாசப் படம் எடுக்கும் மாஃபியா கும்பல்கள் பல்வேறு நாடுகளிலிருந்தும் செயல்பட்டு வருகின்றனர். இந்நிலையில் குழந்தைகளை வைத்து ஆபாசப் படங்கள் எடுப்பவர்கள், பார்ப்பவர்கள் மற்றும் பகிர்பவர்கள் தொடர்பாக கிடைத்த பல்வேறு துப்புகளின் அடிப்படையில் தமிழகத்தில் 6 இடங்களில் சி.பி.ஐ அதிகாரிகள் அதிரடி சோதனை மேற்கொண்டு வருகின்றனர்.
இதில், திண்டுக்கல் மாவட்டம் வேடசந்தூர் ஆர்.எச். காலனியை சேர்ந்த அரசு ஊழியர் ஒருவர் 12 வயதுக்கு உட்பட்ட பெண் குழந்தைகளுக்கு செக்ஸ் பற்றிய கேம்களை அனுப்பி விளையாட வைத்துள்ளதாக கூறப்படுகிறது. இதுதொடர்பாக 14 மாநிலங்களில் 83 பேர் மீது சி.பி.ஐ. வழக்குப்பதிவு செய்துள்ளது.
இந்நிலையில் நேற்று காலை 9 மணி அளவில், அரசு ஊழியரின் வீட்டில் சி.பி.ஐ. அதிகாரிகள் அதிரடி சோதனையில் ஈடுபட்டனர். இதில் அரசு ஊழியரின் மகனான கல்லூரி மாணவருக்கும் தொடர்பு இருக்கலாம் என்று கருதி சி.பி.ஐ. சோதனை நடந்துள்ளது.
