Tag: பாஜக

கோயம்புத்தூர் சரக டிஐஜி விஜயகுமார் துப்பாக்கியால் சுட்டு தற்கொலை செய்து கொண்ட சம்பவத்தின் பின்னணி குறித்து தீவிரமாக விசாரணை நடத்த வேண்டும் என்று தமிழ்நாடு பாஜக தலைவர் அண்ணாமலை வலியுறுத்தியுள்ளார்.

தமிழ்நாடு பாஜக தலைவர் அண்ணாமலை அறிக்கையில், கோயம்புத்தூர் சரக டிஐஜி திரு. விஜயகுமார் ஐபிஎஸ் அவர்கள், துப்பாக்கியால் சுட்டு தற்கொலை செய்துகொண்டார் என்ற செய்தியறிந்து மிகுந்த அதிர்ச்சியும் வேதனையும் அடைந்தேன். அவரது குடும்பத்தினருக்கு ஆழ்ந்த இரங்கல்களைத் தெரிவித்துக் கொள்கிறேன். அவரது ஆன்மா சாந்தியடைய இறைவனை வேண்டிக் கொள்கிறேன்.

காவல்துறையில் மேற்கொள்ளப்பட வேண்டிய சீர்திருத்தங்களுக்காக ஓய்வு பெற்ற நீதியரசர் திரு சி.டி. செல்வம் அவர்களின் தலைமையில் அமைக்கப்பட்ட ஆணையத்தின் அறிக்கை என்ன ஆனது? காவல்துறையினரின் பணிச்சுமையை குறைக்க, தமிழக காவல்துறையில் உள்ள 10,000-க்கும் மேற்பட்ட காலி பணியிடங்களை நிரப்ப @CMOTamilnadu எடுத்த நடவடிக்கைகள் என்ன? காவல்துறையின் உயர் அதிகாரி ஒருவரின் தற்கொலை என்பது அத்தனை எளிதாகக் கடந்து செல்ல முடியாது. இந்த தற்கொலைக்கு பின்னணி என்ன என்று, தமிழக அரசு, தீவிர விசாரணை செய்து, நடவடிக்கை எடுக்க @BJP4Tamilnadu சார்பாகக் கேட்டுக் கொள்கிறேன் என அண்ணாமலை தெரிவித்துள்ளார்.

குழந்தைகள் வண்ணங்கள் முதல் எழுத்துக்கள் வரை முதல்முதலாக மழலையர் பள்ளியில் தான் குழந்தைகள் தான் பார்க்கின்றன. அங்கு அவர்கள் பார்க்கும் உலகம் இனிமையானதாக இருக்க அவர்களின் கல்வி அடிப்படைக்கு அஸ்திவாரம் போடும் இடம் மழலையர் பள்ளி.

ஆனால், குழந்தைகள் எவ்வளவு குறும்பு செய்தாலும், எந்த காரணம் கொண்டும் அடிக்கவே கூடாது. குழந்தைகளை அடித்தால் கடுமையான நடவடிக்கை எடுக்கப்படும். குழந்தையை தாக்கியவர்கள் மீது சட்ட நடவடிக்கையும் கடுமையாக இருக்கிறது. மேலும் மழலையர் பள்ளிகள் எளிதாக ஆரம்பிக்க முடியாது, கடுமையான விதிமுறைகள் உள்ளன.

இந்நிலையில் சென்னை வில்லிவாக்கத்தில் பாஜக மத்திய சென்னை மாவட்ட வழக்கறிஞர் பிரிவு செயலாளராக உள்ள மீனாட்சி என்பவர் சிட்கோ நகர்ப் பகுதியில் மை பாட்டி வீடு என்ற மழலையர் பள்ளியை நடத்தி வருகிறார். மீனாட்சி நடத்தி வரும் மழலையர் பள்ளியில், ராஜாஜி நகரை சேர்ந்த சரண்யா என்பவரின் 7 வயது மகன் ஆட்டிசம் குறைபாட்டால் சிறுவன் படித்து வருகிறான். சிறுவன் மழலையர் பள்ளியில் சேர்ந்ததில் இருந்தே தொடர்ந்து துன்புறுத்தப்பட்டதாக சக ஊழியர்கள் சிறுவனின் பெற்றோருக்கு கூறியுள்ளார்களாம்.

இதையடுத்து தனது குழந்தை துன்புறுத்தப்பட்டது குறித்து மழலையர் பள்ளி உரிமையாளர் மீனாட்சியிடம் பெற்றோர் கேட்டனராம். அதற்கு அவர் மிரட்டல் விடுக்கப்பட்டதாக குற்றம்சாட்டப்படுகிறது. இதையடுத்து வில்லிவாக்கம் காவல் நிலையத்தில் சிறுவனின் தாய் சரண்யா புகார் அளித்தார்.

அதன் பேரில் பள்ளிக்கு சென்று காவல்துறை விசாரணை செய்ததில், பள்ளி நிர்வாகி மீனாட்சி சிறுவனை கொடுமைப்படுத்தியதற்கான ஆதாரம் உள்ளதாக கருதினர். இதையடுத்து, மழலையர் பள்ளியின் உரிமையாளரும் பாஜக மத்திய சென்னை மாவட்ட வழக்கறிஞர் பிரிவு செயலாளருமான மீனாட்சி கைது செய்யப்பட்டு, சிறையில் அடைத்தனர்.

அதிமுக விழும்போதெல்லாம்  ‘வீழ்வதைவிட விரைந்து எழுவதே மேல்’ என்று ஜெயலலிதா வேத வாக்கிற்கு ஏற்ப அதிமுகவை அதிக தேர்தலில், அதிக தொகுதிகளில் வெற்றி பெற வைத்து, அதிமுகவை அதிக தொண்டர்களைக் கொண்ட கட்சியாக மாற்றி,  தமிழக முதல்வராக ஆறு முறை பதவி வகித்த ஜெயலலிதா.  எம்.ஜி. ஆருக்குப் பின் அதிமுக துண்டு துண்டாக உடைந்துவிடும் என்ற கணக்கை உடைத்து, தனது தலைமையின் கீழ் சுமார் 28 ஆண்டுகள் கட்சியைக் கட்டுக்கோப்பாக ஜெயலலிதா வழிநடத்தி, புரட்சித்தலைவி, இரும்புப் பெண்மணி, அம்மா என்றெல்லாம் அதிமுக தொண்டர்களால் அழைக்கப்பட்ட, ‘மக்களுக்காக நான்… மக்களால் நான்’ எனும்  ஜெயலலிதா வாழ்ந்தவர்.

மத்தியில் ஆள்வோர் மக்களுக்கு சேவை செய்யாமல் உள்நாட்டு, வெளிநாட்டு கர்ப்பிரேட் முதலாளிகளுக்கு சேவை செய்து அவர்களின் கஜானாவை நிரப்புகின்றன. கடந்த 50 ஆண்டுகளாக மத்தியில் ஆள்வோருக்கு மாநில கட்சிகளின் ஆதரவு தேவை என்பதால், மாநிலத்தில் மக்கள் செல்வாக்கு மிக்க கட்சியுடன் தேர்தலில் கூட்டணி வைக்க மத்தியில் ஆள்வோர் ஆசைப்படுகின்றனர்.

ஆனால், மாநில கட்சிகள் கூட்டணிக்கு சம்மதிக்காமல் போனால் மத்தியில் ஆளும் கட்சிகள் ஆட்சியை எப்படியாவது தக்கவைக்க வேண்டும் என்ற ஆசையில், மாநில கட்சிக்கு மிகுந்த அழுத்தம் கொடுத்து அவர்களுக்குள்ளே வார்தைப்போர் முற்றுகிறது. இன்று மத்தியில் ஆட்சி செய்யும் பாஜக அரசு தொடர்ந்து மூன்றாவது முறை ஆட்சியை கைப்பற்ற வேண்டும் என்ற பேராசையில், மாநில கட்சிகளின் கூட்டணி அமைக்க மும்முரம் காட்டி வருகிறது. அதனால் பாஜக கட்சியின் தலைவர்கள் கூட்டணி கட்சிகள், எதிர் கட்சிகள்  என்று பாராமல் யாருடன் கூட்டணி அமைத்தால் வெற்றி கிடைக்குமோ அவர்களுடன்  கூட்டணி பேரம் நடத்துகின்றனர்.  அவர்களின் கூட்டணி பேரத்திற்கு மசியாத கட்சிகளுடன் வார்த்தை போர் நடத்துகின்றனர்.

அதே நிலையில் இன்று ஜெயலலிதா பற்றி தமிழக பாஜக தலைவர் அண்ணாமலை, அவதூறாக பேசியது குறித்து, அண்ணாமலை அரசியல் அனுபவம் இல்லாத குழந்தை என விமர்சனம் செய்துள்ளார். “மக்களால் நான் மக்களுக்காகவே நான்” என்று தன் வாழ்நாள் முழுவதும் வாழ்ந்துக் காட்டிய ஜெயலலிதா பற்றி தமிழக பாஜக தலைவர் அண்ணாமலை, அவதூறாக பேசியிருப்பது மிகவும் துரதிருஷ்டவசமானது.

அண்ணாமலைக்கு ஜெயலலிதாவின் அரசியல் பயணம், அவர் மக்களுக்கு ஆற்றிய அரும்பணிகள் எதுவும் தெரியவில்லை. இன்றைக்கும் தமிழக மக்கள் குறிப்பாக பெண்கள் ஜெயலலிதாவை தங்களது முன் மாதிரியாக வைத்துக்கொண்டு தங்கள் வாழ்வில் ஒவ்வொரு படிகளையும் கடந்து பல்வேறு வெற்றிகளை ஈட்டி வருகிறார்கள்.

ஜெயலலிதா தமிழக மக்கள் ஒவ்வொருவரின் இதய சிம்மாசனத்தில் அமர்ந்து இருக்கிறார்கள். ஜெயலலிதாவை ஆறு முறை முதல்வராக்கி அழகு பார்த்தவர்கள் தமிழக மக்கள். ஜெயலலிதாவுக்கு தமிழக மக்கள் அளித்த இந்த நற்சான்றிதழே போதும். வேறு யாருடைய சான்றிதழும் தேவை இல்லை. ஒரு தாய் தன் பிள்ளைகளுக்கு என்னென்ன செய்வார்களோ அதேபோன்று இந்த தமிழக மக்களுக்கு ஜெயலலிதா தாய்க்கு தாயாக இருந்து பார்த்து, பார்த்து செய்து விட்டார்கள்.

தமிழக மக்களிடமிருந்து நம் ஜெயலலிதாவை யாராலும் பிரிக்க முடியாது. நம் ஜெயலலிதாவுக்கு என்றைக்கும் அழிவே இல்லை. அவர் உடலால் நம்மை விட்டு மறைந்து இருந்தாலும் தமிழ்நாட்டில் உள்ள ஒவ்வொரு வீட்டிலும் ஒரு தாயாக, சகோதரியாக, மகளாக என்று ஏதாவது ஒரு ரூபத்தில் இன்றைக்கும் வாழ்ந்து கொண்டு தான் இருக்கிறார்.

இனி யார் எத்தனை ஜென்மம் எடுத்தாலும் ஜெயலலிதா செய்த சாதனைகளை முறியடிக்க முடியாது என்பதனை தெரிவித்துக் கொள்கிறேன். இதைப்பற்றியெல்லாம் எதுவும் அறியாத, அரசியல் அனுபவம் இல்லாத ஒரு குழந்தையான அண்ணாமலையின் பேச்சுக்களுக்கெல்லாம் பதில் அளிக்கவேண்டிய தேவை இல்லை என்றே நான் கருதுகிறேன்.

ஆனால் அதே சமயம் அம்மா உணவகம் தந்து ஏழை எளிய சாமானிய மக்களின் பசியை போக்கி அன்னலட்சுமியாக விளங்கிய ஜெயலலிதாவின் பெயருக்கு களங்கம் ஏற்படுவதை பார்த்துக்கொண்டு இருக்க முடியாது. இதுபோன்ற சிறுபிள்ளைத்தனமான செயல்களால், அவர் சார்ந்த இயக்கத்திற்கே தமிழகத்தில் கெடுதலை ஏற்படுத்தும் என்பது தெளிவாகிறது. தமிழக மக்கள் யாரும் அண்ணாமலையின் பேச்சை ரசிக்கவில்லை.

ஜெயலலிதாவை அரசியல் ரீதியாக எதிர்கொள்ளமுடியாதவர்கள் தனிப்பட்ட முறையில் பொய்யாக புனைந்த வழக்குகளையெல்லாம் முறியடித்து மக்களின் நன்மதிப்பை ஜெயலலிதா பெற்றார் எனபதுதான் வரலாறு. எனவே, பொறுப்பற்றவர்கள் பேசும் இது போன்ற பயனற்ற பேச்சுக்களையெல்லாம் புறந்தள்ளிவிட்டு, “மக்கள் அளித்த தீர்ப்பே, மகேசன் தீர்ப்பு” எனபதை மனதில் வைத்து, மக்கள் பணிகளில் கவனம் செலுத்துவோம். ஒருங்கிணைந்த அதிமுகவை உருவாக்கி தமிழக மக்களை காத்திடுவோம் என்பதை மட்டும் இந்நேரத்தில் தெரிவித்துக் கொள்கிறேன் இவ்வாறு குறிப்பிட்டுள்ளார்.