Tag: நாமக்கல்

நாமக்கல் மாவட்டம், காரைக்குறிச்சி ஊராட்சி, செல்லியாயிபாளையம் கிராமத்தில் மாரியம்மன் கோவில் திருவிழா விமரிசையாக நடைபெற்று வருகிறது. தினமும் அம்மனுக்கு அபிஷேக ஆராதனைகள் நடைபெறுகின்றன. கடந்த திங்கட்கிழமையன்று வடிசோறு நிகழ்ச்சியும், செவ்வாய்க்கிழமை அம்மனுக்கு சிறப்பு பூஜைகளும் நடைபெற்றது.

மூன்றாம் நாள் நிகழ்ச்சியாக புதன்கிழமை காலை சுமார் 9 மணியளவில் சுற்றுவட்டார பகுதிகளை சேர்ந்த பக்தர்கள் காவிரி ஆற்றுக்கு சென்று புனித நீராடி தீர்த்த குடங்களுடன் மாரியம்மன் கோவிலுக்கு சென்று அங்கு சிறப்பு அபிஷேக ஆராதனை நடைபெற்றது. அதனைத் தொடர்ந்து மாரியம்மன் அம்மன், மதுரைவீரருக்கு சிறப்பு அபிஷேகம் செய்யப்பட்டது. அதனை தொடர்ந்து பக்தர்கள் தீர்த்த குடங்களுடன் ஊர்வலமாக மாரியம்மன் கோவிலை கோவிலை வந்தடைந்தனர். அதனைத் தொடர்ந்து பக்தர்கள் குடங்களில் கொண்டு வந்த புனித தீர்த்தங்களால் மாரியம்மனுக்கு அபிஷகம் செய்தனர்.

நான்காம் நாள் நிகழ்ச்சியான நேற்று மதியம் மாரியம்மன் கோவிலில், பக்தர்கள் அலகு குத்தி, அக்னி சட்டி எடுத்தும் மேலும் மாலை பக்தர்கள் பூக்குழியில் இறங்கி தங்கள் நேர்த்திக்கடன் செலுத்தினர். பின்னர் மாரியம்மனுக்கு பல்வேறு மலர்களால் அலங்காரம் செய்யப்பட்டு தீபாராதனை காட்டப்பட்டது. இதில் சுற்றுவட்டார் பகுதிகளைச் சேர்ந்த ஏராளமான பக்தர்கள் கலந்துகொண்டு அம்மனை தரிசனம் செய்தனர்.

மேலும் ஐந்தாம் நாள் நிகழ்ச்சியான இன்று சுற்றுவட்டார பகுதிகளை சேர்ந்த பெண்கள் கோவில் வளாகத்தில் பொங்கல் வைத்து படையல் போட்டு பொங்கல் பூஜையும், அதனைத் தொடர்ந்து இரவு பல்வேறு மலர்களால் அலங்காரம் செய்யப்பட்டு மாரியம்மன் திருவீதி உலா நிகழ்ச்சியில் பெண்கள் மாவிளக்குகளுடன் ஊர்வலமாக கொண்டு வந்து கோவில் வளாகத்தில் வரிசையாக வைத்து மாவிளக்கு பூஜை மற்றும் வாண வேடிக்கையுடன் நடைபெற உள்ளது.  அதனைத் தொடர்ந்து நாளை மாலை அம்மன் திருவீதி உலா நிகழ்ச்சியும், மஞ்சள் நீராடல் நிகழ்ச்சியும் நடைபெறுகிறது. இரவு கும்பம் கிணற்றில் விடுதல் நிகழ்ச்சியும் நடைபெற உள்ளது.

நாமக்கல் பரமத்தி சாலை போதுப்பட்டியில் கொங்குநகர் காலனியை சேர்ந்த ஜோதிமலர், அவரது மகள் நிஷாஸ்ரீ ஆகியோர் பாஸ்ட் புட் கடை நடத்தி வருகின்றனர். அதே பகுதியில் காவேட்டிப்பட்டியை சேர்ந்த ஸ்ரீதர் என்பவர் தள்ளுவண்டி கடை வைத்து இட்லி வியாபாரம் செய்து வந்துள்ளார். கடந்த மே 12-ஆம் தேதி அன்று இரவு ஸ்ரீதர் ‘பாஸ்ட் புட்’ கடைக்கு சென்று சிக்கன் ரைஸ் ஆர்டர் கொடுத்து இருக்கிறார்.

அது தயார் செய்து வருவதற்குள் கடையில் இருந்த ஜோதிமலர் மற்றும் நிஷாஸ்ரீ ஆகியோருக்கும், ஸ்ரீதருக்கும் இடையே வாய்த்தகராறு ஏற்பட்டு இருவரும் சேர்ந்து ஸ்ரீதரை தாக்க தொடங்கியுள்ளனர். இதற்கிடையில் இது குறித்து நிஷாஸ்ரீ தனது கணவர் மவுலீஸ்குமாருக்கு செல்போனில் தகவல் கொடுத்தாராம். மேலும் அப்போது சம்பவ இடத்துக்கு மவுலீஸ்குமார் தனது நண்பர் பிலிக்ஸ் என்பவரை அழைத்து வந்தாராம். அப்போது கடை முன்பு நின்று கொண்டு இருந்த ஸ்ரீதரை உருட்டு கட்டை மற்றும் சிக்கன் ரைஸ் செய்ய பயன்படுத்தப்படும் கரண்டி ஆகியவற்றை கொண்டு கடுமையாக தாக்கி உள்ளார்களாம்.

இதையடுத்து உயிருக்கு ஆபத்தான நிலையில் கிடந்த ஸ்ரீதரை, அக்கம் பக்கத்தில் இருந்தவர்கள் மீட்டு, நாமக்கல் அரசு மருத்துவக் கல்லூரி மருத்துவமனைக்கு கொண்டு சென்றனர். அங்கு பரிசோதனை செய்த மருத்துவர்கள் அவர் ஏற்கனவே இறந்து விட்டதாக கூறினார்கள்.

இந்த கொலை சம்பவம் குறித்து ஸ்ரீதரின் மனைவி பூமதி நாமக்கல் காவல் நிலையத்தில் புகார் அளித்தார். அதன் பேரில் காவல்துறை வழக்குப்பதிவு செய்து அப்பகுதியில் உள்ள கண்காணிப்பு கேமராக்களை ஆய்வு செய்தார்கள். அதில், இந்த கொலை சம்பவத்தில் 6 பேருக்கு தொடர்பு இருப்பதாக முதற்கட்ட விசாரணையில் தெரியவந்தது. மேலும் தொழில் போட்டியில் ஏற்பட்ட பிரச்சினை காரணமாக ஸ்ரீதரை அவர்கள் காலி செய்தது காவல்துறையினரின் முதல்கட்ட விசாரணையில் தெரியவந்து உள்ளது.

இதையடுத்து ஜோதிமலர், நிஷாஸ்ரீ, மவுலீஸ்குமார், பிலிக்ஸ் ஆகியோரை காவல்துறை கைது செய்தனர். இதற்கிடையே இந்த வழக்கில் குற்றச்சம்பவத்தில் தொடர்புடையவர்கள் தப்பிக்க உதவிய நாமக்கல் மதுரைவீரன் புதூரை சேர்ந்த கோபிநாத் மற்றும் அடைக்கலம் கொடுத்த கொல்லிமலை தின்னனூர் நாட்டை சேர்ந்த அரவிந்த் என்பவறரையும் கைதானார். இந்த சம்பவம் நாமக்கல் பகுதியில் பெரும் பரபரப்பை ஏற்படுத்தி உள்ளது.

பழைய பேருந்து நிலையத்துக்குள் புறநகர் பேருந்துகள் வந்து செல்ல வலியுறுத்தி நாமக்கல்லில் கடையடைப்பு போராட்டம் நடைபெறுவதால், நாமக்கல் மாநகர பகுதி முழுவதும் வெறிச்சோடி காணப்படுவதுடன் மக்களின் இயல்பு வாழ்க்கையும் வெகுவாக பாதிக்கப்பட்டுள்ளன.

நாமக்கல் அருகே முதலைப்பட்டியில் கடந்த 10-ஆம் தேதி புதிய பேருந்து நிலையம் திறக்கப்பட்டது. இதனால் கடந்த 60 ஆண்டுகளுக்கு மேலாக செயல்பட்டு வந்த பழைய பேருந்து நிலையத்தினுள் நகர பேருந்துகள் மற்றும் மினி பேருந்துகள் மட்டுமே வந்து செல்லும் நிலையில் புறநகர் பேருந்துகள் முழுவதும் வருவதில்லை. இதன் காரணத்தால், எப்போதும் பரபரப்பாக காணப்பட்டு வந்த பழைய பேருந்து நிலையம் தற்போது வெறிச்சோடி காணப்படுகிறது. இதனால், பழைய பேருந்து நிலையத்தில் நகராட்சி கடைகளை வாடகைக்கு எடுத்த நபர்கள் பாதிக்கும் சூழல் உருவாகியுள்ளதாக வணிகர் சங்கத்தினர் புகார் எழுப்பியுள்ளனர்.

இதற்கு தீர்வு காண வலியுறுத்தி இன்று ஒரு நாள் கடையடைப்பு போராட்டத்திற்கும் தமிழ்நாடு வணிகர் சங்கங்களின் பேரமைப்பு அழைப்பு விடுத்தது. இப்போராட்டத்திற்கு நகைக்கடை உரிமையாளர்கள் சங்கம், நாமக்கல் நகர ஹோட்டல்கள், பாத்திரக்கடை உரிமையாளர்கள் சங்கம், பேக்கரிகள் சங்கம், ஜவுளி வியாபாரிகள் சங்கம்,மளிகைக்கடை உரிமையாளர்கள் சங்கம், ஆட்டோமொபைல் சங்கம், மருந்து வணிகர் சங்கம் உள்ளிட்ட 25-க்கும் மேற்பட்ட வணிகர் சங்கங்கள் ஆதரவு தெரிவித்து உள்ளனர்.

இதன்படி இன்று காலை 6 மணி முதல் நாமக்கல் மாநகரில் உள்ள பெரும்பாலான கடைகள் அடைக்கப்பட்டு இருந்தன. குறிப்பாக பழைய பேருந்து நிலையம் மற்றும் அதன் சுற்றுவட்டாரத்தில் உள்ள நகைக்கடைகள், ஜவுளிக்கடைகள், மருந்து கடைகள், பூ மார்க்கெட் உள்ளிட்டவை முற்றிலுமாக அடைக்கப்பட்டிருந்தன.

இதனால் பரபரப்பாக காணப்படும் பழைய பேருந்து நிலைய வளாகம் வெறிச்சோடி காணப்பட்டது. இக்கடையடைப்பு போராட்டம் மாலை 6 வரை நடைபெற உள்ளது. பழைய பேருந்து நிலையத்திற்குள் புறநகர் பேருந்துகள வந்து செல்ல வேண்டும். பழைய பேருந்து நிலையத்திற்குள் கடை நடத்துபவர்களின் வாழ்வாதரம் பாதுக்காக்கப்பட என்பதை வலியுறுத்தி கடையடைப்பு போராட்டம் நடைபெறுகிறது.

நாமக்கல், திருப்பூர் மாவட்டங்களில் சாய பட்டறைகள் அதிக அளவில் இயங்கி வருகின்றன. இந்நிலையில் இதன் கழிவுகள் நிலத்தடி நீரில் கலந்ததால், குடிநீர் ரத்த நிறத்தில் மாறியுள்ளது. இதனால் மக்கள் அதிர்ச்சியடைந்து உள்ளனர்.

நாமக்கல் மாவட்டம் பள்ளிபாளையத்தில் போர்வேல் நீரை அப்பகுதிகள் மக்கள் குடிநீராக பயன்படுத்தி வருகின்றனர். ஆனால் சமீப நாட்களாக இந்த நீரின் நிறம் மாறிக் கொண்டே வந்தது. இதன் தொடர்ச்சியாக இன்று இந்நீர் ரத்த நிறத்தில் வந்ததை கண்ட மக்கள் அச்சம் அடைந்தனர்.