நாட்டின் பதினெட்டாவது மக்களவைத் தேர்தல் 2024 -ஆம் தேர்தல் ஏப்ரல் 19 ஆம் தேதி தொடங்கி ஜூன் 1 ஆம் தேதி அதாவது 7 கட்டமாக நடைபெற்று ஜூன் 4 ஆம் தேதி வாக்கு எண்ணிக்கை நடைபெறும் என தேர்தல் ஆணையம் அறிவித்துள்ளது. இதன் விளைவாக அரசியல் கட்சிகளின் பிரசாரம் சூடுபிடிக்க தொடங்கியுள்ளது.
இந்நிலையில், மதுரை சிபிஎம் வேட்பாளர் சு.வெங்கடேசனை ஆதரித்து அமைச்சர் பழனிவேல் தியாகராஜன் பிரச்சாரம் செய்தார். அப்போது, உலகத்திலேயே ஊழலைப் பற்றி பேசுவதற்கு ஒரு கட்சிக்கு தகுதி இல்லை என்றால், அது பாஜகதான்.
ஊழல்வாதிகள் என்று வழக்கு போடப்பட்ட 25 பேர் பாஜகவின் வாஷிங் மெஷினால் சுத்தமாகிவிட்டார்கள். தேர்தல் பத்திரம் மூலம் லாபமே இல்லாத பல நிறுவனங்கள் பாஜகவுக்கு பல நூறு கோடிகளை கொடுத்துள்ளார்கள். பாஜக மீண்டும் ஆட்சிக்கு வந்தால் நாட்டில் மக்களாட்சி முறையும் நீடிக்காது என பழனிவேல் தியாகராஜன் பேசினார்.