Tag: Tarapuram

தாராபுரம் அகரம் பப்ளிக் பள்ளி பதிமூன்றாம் ஆண்டு வருடாந்திர விளையாட்டு விழா..!

திருப்பூர் மாவட்டம், தாராபுரம் அகரம் பப்ளிக் பள்ளியில் 2024-25-ஆம் கல்வியாண்டின் 13-ஆம் ஆண்டு வருடாந்திர விளையாட்டு விழா நடைபெற்றது. இவ்விழாவிற்கு திருப்பூர் மாவட்ட ஆட்சியர் T.கிறி்ஸ்துராஜ் தலைமை தாங்கினார். வருவாய் கோட்டாட்சியர் பெலிக்ஸ் ராஜா, தாசில்தார் திருவியம், மாவட்ட கல்வி அலுவலர் அருள்ஜோதி, தாராபுரம் காவல் ஆய்வாளர் விஜய் சாரதி, மூலனூர் காவல் ஆய்வாளர் விஜயா, கொளத்துப்பாளையம் செயல் அலுவலர் நாகராஜ், கிராம நிர்வாக அலுவலர் சுரேஷ்  ஆகியோர் நிகழ்ச்சியில் கலந்து கொண்டு சிறப்பித்தனர். பள்ளியின் நிர்வாக இயக்குனர் மற்றும் முதல்வர் .மு.ஞானபண்டிதன் அவர்கள் வரவேற்புரை வழங்கினார்.

நிகழ்வின் தொடக்கமாக இறைவாழ்த்துப் பாடி, மாவட்ட ஆட்சியர் தேசியக் கொடியை ஏற்றி, பள்ளி மாணவர்களின் அணிவகுப்பினை ஏற்றுக் கொண்டார். அதனைத் தொடர்ந்து பள்ளியின் விளையாட்டு மாணவத் தலைவர்களால் ஒலிம்பிக் விளக்கு ஏற்றி, உறுதிமொழி ஏற்கப்பட்டது. மாணவர்களின் செயற்பாடுகளை கண்டு மகிழ்ந்த முதன்மை விருந்தினர் திருப்பூர் மாவட்ட ஆட்சியர்  T. கிறி்ஸ்துராஜ் அவர்கள், விளையாட்டு ஒருவரை மென்மேலும் மெருகேற்றி அனைத்து திறன்களையும் வளர்த்து அளிக்கும், விளையாட்டு வீரர்கள் நல்ல கல்வியாளர்களாகவும் திகழ்வர் என்றார்.

விழாவின் கலைநிகழ்ச்சிகளாக நடனம், ரோப் யோகா, ஜூடோ மற்றும் தேசிய மாணவர் படையினர் நடத்திய அணி வகுப்பு நடைபெற்றன. மேலும் பள்ளி மாணவர்களின் பெற்றோர்களுக்கான போட்டிகளும் நடைபெற்றன. விளையாட்டு போட்டிகளில் வெற்றி பெற்ற அணிகளுக்கு வெற்றிக்கோப்பையையும் , கேடயமும் வழங்கி சிறப்பிக்கப்பட்டனர். ஒட்டுமொத்த தடகளப் போட்டிக்கான கோப்பையினை HORATIUS அணி பெற்றனர். பின்னர் பள்ளி மாணவத் தலைவி 12ம் வகுப்பு மாணவி செல்வி.ரோஜல் ஷிவ்ரா நிகழ்வின் நன்றியுரை வழங்கினார்.

பள்ளியின் தலைவர்  சிதம்பரம், பொருளாளர் சபாபதி, துணைத்தலைவர் ரங்கசாமி, செயலர். பாலசுப்பிரமணியம், இயக்குநர் செல்வராஜ் மற்றும் அறங்காவலர்கள் – ஆறுமுகம்,  சிவநேசன், சிவசாமி, திரு.மயில்சாமி மற்றும் நவீன் ஆகியோர் முன்னிலை வகித்து பெருமகிழ்வு கொண்டனர். மேலும் விளையாட்டு போட்டியை வெற்றிகரமாக நடத்திய பள்ளி முதல்வர் ஞானபண்டிதன் அவர்களுக்கும், நிகழ்வின் அமைப்பாளர் துணை முதல்வர் இராதிகா அவர்களுக்கும், நிகழ்வின் ஒருங்கிணைப்பாளர் உடற்கல்வி இயக்குநர்  தீபக் ராஜா அவ்ர்களுக்கும் ஆசிரியர்கள் மற்றும் பிறதுறைப் பணியாளர்களுக்கும் வாழ்த்துகளையும் பாராட்டுகளையும் தெரிவித்து மகிழ்ந்தனர்.

10 ஆண்டுகளா..? 10 மாதங்களா…? தாராபுரம் நகராட்சியில் திமுக மற்றும் அதிமுக இடையே பரபரப்பு

திருப்பூர் மாவட்டம், தாராபுரம் நகர்மன்றக் அரங்கில் முதல் நகர சபை கூட்டம் நகர்மன்றத் தலைவர் பாப்பு கண்ணன் தலைமையில் நகர்மன்றத் துணைத் தலைவர் ரவிச்சந்திரன் ஆணையாளர் ராமர் மற்றும் நகராட்சி அதிகாரிகள் முன்னிலையில் நேற்றைய முன்தினம் நடைபெற்றது.

இக்கூட்டத்தில் நகராட்சி 30 வார்டுகளில் உள்ள அடிப்படை தேவைகளான குடிநீர், சாக்கடை, தெருவிளக்கு குப்பை அகற்றுதல், சாலைகளை சீரமைத்தல், உள்ளிட்ட பிரச்சினைகளுக்கு உடனடியாக ஒரு வாரத்திற்குள் தீர்வு எடுப்பதாக நகர்மன்றத் தலைவர் பாப்பு கண்ணன் தெரிவித்தார். இதைத்தொடர்ந்து 44 தீர்மானங்கள் நிறைவேற்றப்பட்டு மன்றக் கூட்டம் இனிதே நடந்து முடிந்தது.

மேலும் அந்த கூட்டத்தில் பேசிய நகர்மன்றத் தலைவர் பாப்பு கண்ணன் கடந்த 10 ஆண்டுகளில் நகராட்சியில் அடிப்படை தேவைகள் எதுவும் நிறைவேற்றப்படாமல் அதிமுக ஆட்சி மெத்தனமாக செயல்படுவதாக தெரிவித்து மட்டுமின்றி வருங்காலங்களில் தாராபுரம் நகராட்சியை தூய்மையாக ஆக்கப்பட்டு படிப்படியாக அனைத்தும் வார்டுகளிலும் தேவைகளை பூர்த்தி செய்வதே எனது குறிக்கோள் எனதெரிவித்தார்.

அதுமட்டுமின்றி நகராட்சியில் எந்தவித பணம் இல்லாததால் உடனடியாக வருவாயைப் பெருக்க அனைத்து உறுப்பினர்களும் பாடுபட வேண்டும் என தெரிவித்தார். மேலும் தொடர்ந்து 9-வது வார்டு முதல் 30-வது வார்டு வரை உள்ள உறுப்பினர்களை அந்தந்த வார்டு குறைகளை கேட்டறிந்தார் அப்போது பேசிய 22-வது வார்டு உறுப்பினர் அதிமுக நாகராஜ் கடந்த 10 ஆண்டுகால ஆட்சியில் எந்தவித அடிப்படை தேவைகளும் நடைபெறும் என்று தெரிவித்தார்கள் திமுக ஆட்சிக்கு வந்து 9 மாதங்கள் நிறைவடைந்து தற்பொழுது 10-வது மாதத்தை எட்டியுள்ளது இருந்தும் 10 மாதங்களாக ஏன் எந்தவித நடவடிக்கையும் செய்யவில்லை என்று கேள்வி எழுப்பினார்.

இதனை தொடர்ந்து குறுக்கிட்ட 21-வது வார்டு உறுப்பினர் துறை சந்திரசேகர் கடும் ஆட்சேபனை தெரிவித்து இதற்கு திமுக உறுப்பினர்கள் 1-வது வார்டு உறுப்பினர் ராஜேந்திரன் 23-வது வார்டு உறுப்பினர் முருகானந்தம் உள்ளிட்ட திமுக உறுப்பினர் கடும் எதிர்ப்பைத் தெரிவித்தனர். கடந்த அதிமுக அரசு உள்ளாட்சித் தேர்தலை நடத்தாது இதற்கு காரணம் என்றும் மெத்தனமாக கையாலாகா அரசு என்றும் திமுக உறுப்பினர் பேசியதால் கூட்டத்தில பரபரப்பு ஏற்பட்டது.

தாராபுரம் நகராட்சி தந்தை பெரியார் சிலை அல்லது பேரறிஞர் அண்ணா அருகில் டாக்டர் கலைஞர் அவர்களின் திரு உருவச் சிலை அமைக்க தீர்மானம்

திருப்பூர் மாவட்டம், தாராபுரம் நகர்மன்றக் அரங்கில் தாராபுரம் நகராட்சியில் நகர்மன்றத் தலைவர் பாப்பு கண்ணன் தலைமையில் இன்று நடைபெற்றது. இந்த கூட்டத்தில் திமுக நகர கழக துணைச் செயலாளரும் 26 -வது வார்டு நகர் மன்ற உறுப்பினருமான தனலட்சுமி அயப்பன் அவர்கள் டாக்டர் கலைஞர் அவர்களின் திரு உருவச் சிலையினை தாராபுரம் நகராட்சிக்கு உட்பட்ட தந்தை பெரியாரின் சிலையின் அருகில் அல்லது பேரறிஞர் அண்ணாவின் சிலை அருகில் அமைக்க வேண்டும் என இன்று நடைபெற்ற நகர்மன்ற கூட்டத்தில் தீர்மானம் அளித்தார்.

மேலும் தமிழ் இனத்திற்காக உழைத்த தந்தை பெரியார், பேரறிஞர் அண்ணா , டாக்டர் கலைஞர், சட்டமேதை அம்பேத்கர் மட்டுமின்றி இன்று தமிழகத்தில் நல்லாட்சி ஆட்சி செய்துக் கொண்டிருக்கும் தமிழக முதலமைச்சர் மு.க ஸ்டாலின் ஆகிறோரின் திரு உருவப் படங்களை நகர்மன்ற அரங்கில் வைக்க 26 -வது வார்டு உறுப்பினர் தனலட்சுமி அயப்பன் அவர்களால் தீர்மானம் கொண்டு வரப்பட்டு அந்த தீர்மானம் நிறைவேற்றப்பட்டுள்ளது.‌

தாராபுரம் பகுதியில் இரவு நேரங்களில் கிராவல் மண் திருட்டு… நடவடிக்கை எடுக்க கோரும் பொதுமக்கள்…

திருப்பூர் மாவட்டம், தாராபுரம் வட்டாட்சியருக்கு பஞ்சப்பட்டி கிராமத்தில் அதிகளவு மண் திருடப்பட்டு கனரக வாகனம், லாரி, டிராக்டர் போன்ற வாகனங்கள் செல்லப்படுவதாக புகார் வந்தது. தகவலின்படி தாராபுரம் பஞ்சப்பட்டி யில் மறைவான இடத்தில் இருந்து அவ்வழியாகச் சென்ற ஒரு டிப்பர் வாகனத்தில் வட்டாட்சியர் மற்றும் வருவாய் துறையினர் பஞ்சப்பட்டி இலிருந்து தாராபுரம் மத்திய பேருந்து நிலையம் வரை துரத்திச் சென்று டிப்பர் வாகனத்தை நிறுத்தி விசாரிக்க முயன்றபோது வாகனத்தின் ஓட்டுநர் தப்பியோடினார். இது தொடர்பாக விசாரித்த பொழுது அதே பகுதியில் தொடர்ந்து ஆறு மாதங்களாக இரவு நேரங்களில் கிராவல் மண் கடத்தி விற்று வந்தது தெரியவந்தது.