Tag: மதுரை

மதுரை மாவட்ட ஆட்சியர் மா. சௌ. சங்கீதா அவர்கள் தமிழக அரசு உடனே மாற்ற வேண்டும் என்பதை வலியுறுத்தி விடுதலை சிறுத்தைகள் கட்சியினர் சுங்கச்சாவடியை முற்றுகையிட்டு நடத்தினர். நடத்தும் ஊர்வலத்திற்கு இடையூறு ஏற்படுத்துவதாகவும், கட்சியின் கொடியேற்றும் நிகழ்ச்சியை தடுப்பது போன்ற பல்வேறு குற்றச்சாட்டுகளை தெரிவித்த விடுதலை சிறுத்தைகள் கட்சியினர் கோஷம் எழுப்பினர்.

மதுரை மாவட்டம் மேலூர் அருகே சிட்டம் பட்டியில் சுங்கச்சாவடி ஒன்று செயல்பட்டு வருகிறது. சென்னை, திருச்சி உள்ளிட்ட பகுதிகளுக்கு இந்த சுங்கச்சாவடியை கடந்து நாள்தோறும் ஆயிரக்கணக்கான வாகனங்கள் சென்று வருகின்றனர். இந்நிலையில் இன்று மதியம் விடுதலை சிறுத்தைகள் கட்சியின் மதுரை மாவட்ட செயலாளர் அரச முத்துப்பாண்டியன், மேலூர் தொகுதி செயலாளர் அய்யாவு ஆகியோர் தலைமையில் பெண்கள் உள்பட 500-க்கும் மேற்பட்டோர் திடீரென சிட்டம்பட்டி சுங்கச்சாவடியை முற்றுகையிட்டு மறியல் போராட்டம் ஈடுபட்டனர்.

இந்த சுங்கச்சாவடியை வாகனங்கள் கடந்து செல்ல முடியாதவாறு சுங்கச்சாவடி முன்பு அமர்ந்து கோஷமிட்டனர். இந்த கோஷத்தில் .மதுரை மாவட்ட ஆட்சியர் மா. சௌ. சங்கீதா அவர்கள் விடுதலை சிறுத்தைகள் கட்சி நடத்தும் ஊர்வலத்திற்கு இடையூறு ஏற்படுத்துவதாகவும்,, கட்சியின் கொடியேற்றும் நிகழ்ச்சியை தடுப்பது போன்ற பல்வேறு குற்றச்சாட்டுகளை தெரிவித்த விடுதலை சிறுத்தைகள் கட்சியினர் கோஷம் எழுப்பினர்.

ஆகையால்,மதுரை மாவட்ட ஆட்சியர் மா. சௌ. சங்கீதா அவர்களை தமிழக அரசு உடனே மாற்ற வேண்டும் என்பதை வலியுறுத்தினர். விடுதலை சிறுத்தைகள் கட்சியின் முற்றுகை போராட்டத்தால் சிட்டம்பட்டி சுங்கச்சாவடி இருபுறமும் வாகனங்கள் அரை மணி நேரத்திற்கு மேல் அணிவகுத்து நின்றதால் பொதுமக்கள் மற்றும் வாகன ஓட்டிகள் மிகுந்த அவதியடைந்தனர்.

மதுரை மாவட்டம், செக்கானூரணியில், கள்ளர் பள்ளிகள் விவகாரத்தில், அதிமுக சார்பில் முன்னாள் அமைச்சர்கள் முன்னிலையில் நேற்று உண்ணாவிரதம் நடைபெற்றது. இதற்கு எதிராகவும், அதிமுகவினரை கண்டித்தும் தமிழ்நாடு சீர்மரபினர் நலச்சங்க நிர்வாகிகள் செக்கானூரணி தேவர் சிலை முன்பு ஏராளமான பெண்கள் உள்ளிட்டோர் திடீர் சாலை மறியல் மற்றும் ஆர்ப்பாட்டத்தில் ஈடுபட்டனர்.

இந்த ஆர்ப்பாட்டம் குறித்து ர்மரபினர் நலச்சங்க நிர்வாகிகள் கூறுகையில், ‘‘பிரமலைக்கள்ளர் உள்ளிட்ட 64 சமுதாய மக்களுக்கு வழங்கப்பட்டு வந்த டிஎன்சி சான்றிதழை மாற்றி, டிஎன்டி என்ற ஒற்றை சான்றிதழ் வழங்கக் கோரியும், ஒரு குறிப்பிட்ட சமூகத்திற்கு வழங்கப்பட்ட 10.5 சதவீத இட ஒதுக்கீட்டை ரத்து செய்து, சாதி வாரிய கணக்கெடுப்பு நடத்தி இட ஒதுக்கீடு வழங்கக் கோரியும் பல்வேறு போராட்டங்களை நடத்தினோம். அப்போது ஆட்சியில் இருந்த அதிமுக, எங்கள் கோரிக்கைகளை கண்டுகொள்ளவில்லை.

ஆனால், தற்போது உண்ணாவிரதம் என்ற பெயரில் நாடகம் நடத்துகிறது’’ என்றனர். பின்னர் அதிமுகவை கண்டித்து கோஷங்களை எழுப்பினர். அங்கு பாதுகாப்பு பணியில் இருந்த உசிலம்பட்டி காவல்துறை, மறியலில் ஈடுபட்ட 70 பேரை கைது செய்தனர். அதிமுக போராட்டம் நடத்திய பகுதி அருகிலேயே சீர்மரபினர் நலச்சங்கத்தினர் அவர்களுக்கு எதிராக மறியல் மற்றும் ஆர்ப்பாட்டத்தில் ஈடுபட்டது அந்த பகுதி சற்றுநேரம் பரபரப்பாக காணப்பட்டது.

மதுரையில் எடப்பாடி பழனிசாமிக்கு, புரட்சித்தமிழர் பட்டம் வழங்கியதை முன்னிட்டு, ஆட்டோ தொழிலாளருக்கு நலத்திட்ட உதவிகள் வழங்கும் விழாவும், சந்திரயான்-3 வெற்றி பெற்றதை முன்னிட்டு கேக் வெட்டி இனிப்புகள் வழங்கும் நிகழ்ச்சியும் தமிழ்நாடு தொழில் வர்த்தக சங்க வளாகத்தில் நடந்தது.தமிழக சட்டமன்ற எதிர்கட்சி துணை தலைவர், முன்னாள் அமைச்சர் ஆர்.பி.உதயகுமார் தலைமை தாங்கி ஆட்டோ தொழிலாளர்களுக்கு நலத்திட்ட உதவிகளை வழங்கி, சந்திரயான்-3 வெற்றிக்கு கேக் வெட்டினார்.

பின்னர் ஆர்.பி.உதயகுமார் பேசுகையில், தமிழக மக்களுக்கு பல்வேறு புரட்சிகரமான திட்டங்களை தந்ததால் எடப்பாடி பழனிசாமிக்கு புரட்சித்தமிழர் என்ற பட்டம் சூட்டப்பட்டது. இந்த பட்டத்தை வழங்கிய மதுரை மக்களுக்கு நன்றி செலுத்தும் வகையில் நலத்திட்ட உதவி வழங்கும் நிகழ்ச்சிகள் நடைபெறுகிறது. சந்திரயான்-3 நிலவில் தரையிறங்கி சாதனை படைத்து இருக்கிறது. அதற்கு தமிழர் வீரமுத்துவேல் முக்கிய காரணமாக திகழ்கிறார்.

மேலும் கருவாடு மீன் ஆகாது. காகித பூ மணக்காது. அதேபோல் நீட் தேர்வினை தி.மு.க.வால் ரத்து செய்ய முடியாது. தி.மு.க. ஆட்சிக்கு வந்தவுடன், நீட் தேர்வினை ரத்து செய்வோம் என்று உதயநிதி ஸ்டாலின் கூறினார். இப்போது ராகுல்காந்தி பிரதமராக வந்தால்தான் நீட் தேர்வு ரத்து செய்யப்படும் என்று சொல்கிறார். இவரது பேச்சை கேட்டு மக்கள் சிரிக்கிறார்கள்.

உதயநிதியின் பேச்சு எப்படி இருக்கிறது என்றால், கடல் வற்றி கருவாடு தின்னலாம் என்று காத்திருந்த கொக்கு கடைசியில் குடல் வற்றி செத்து போனதாம். அதுபோல கடல் என்றைக்கு வற்றுவது, மீன் என்றைக்கு பிடிப்பது, அது என்றைக்கு கருவாடு ஆவது, அந்த கருவாடு கொக்குக்கு என்றைக்கு கிடைப்பது? அதுபோல தான் ராகுல்காந்தி எப்போது பிரதமராக வருவது, நீட் தேர்வினை எப்போது ரத்து செய்வது என்பது தமிழக மக்களின் கேள்வியாக இருக்கிறது என ஆர்.பி.உதயகுமார் பேசினார்.

மதுரையை சேர்ந்த ஜெயக்குமார் கடந்த 2009 முதல் 2011 வரை தூத்துக்குடி ரூரல் துணைக் காவல் கண்காணிப்பாளராக பணியாற்றி வந்தார். அப்போது புதுக்கோட்டை தேரிரோட்டைச் சேர்ந்த, வெளிநாட்டில் வசித்து வந்த கிருபாகரன் சாம் என்பவருக்கு, புதுக்கோட்டையில் உள்ள நிலத்தை பராமரிப்பதில் ஏற்பட்ட பிரச்னை காரணமாக, புகாரின் பேரில் வன்கொடுமை தடுப்பு சட்டத்தின் கீழ் வழக்கு பதிவு செய்யப்பட்டது.

இந்த வழக்கை விசாரித்த துணைக் காவல் கண்காணிப்பாளர் ஜெயக்குமார், கிருபாகரன் சாமிடம் ரூ 3. லட்சம் லஞ்சமாக கேட்டு, ரூ.50,000 16.12.2011 அன்று வாங்கியபோது ஊழல் தடுப்பு மற்றும் கண்காணிப்பு பிரிவு காவல்துறையால் கைது செய்யப்பட்டார். இந்த வழக்கை தூத்துக்குடி தலைமை குற்றவியல் நீதிமன்ற நீதிபதி செல்வக்குமார் விசாரித்து ஜெயக்குமாருக்கு 2 ஆண்டு சிறை தண்டனையும், ரூ.50,000 அபராதமும் விதித்து தீர்ப்பளித்து என்பது குறிப்பிடத்தக்கது.

மதுரை கிருஷ்ணாபுரம் நடராஜர் காலனியை சேர்ந்த கூலிவேலை செய்யும் சுரேஷ்குமார். இவர் சின்னாளப்பட்டி காவல் நிலையத்தில் புகார் ஒன்றை கொடுத்தார். அதில், நான் திண்டுக்கல் மாவட்டம் சின்னாளப்பட்டியை சேர்ந்த அய்யாதுரை என்பவரின் மகள் லட்சுமியை திருமணம் செய்துள்ளேன். இதனால் நாங்கள் சின்னாளப்பட்டி பகுதியில் சொந்தமாக நிலம் வாங்கி வீடு கட்ட முடிவு செய்தோம். இதற்காக எனது மாமனாரும், ரியல் எஸ்டேட் தொழில் செய்பவருமான அய்யாத்துரையை தொடர்பு கொண்டேன்.

அவர் நிலம் வாங்கி தருவதாக கூறி என்னிடம் பல தவணைகளாக ரூ.20 லட்சம் வரை வாங்கினார். ஆனால் அவர் நிலம் வாங்கி தராமல் இழுத்தடித்து வந்தார். இதனால் பணத்தை திருப்பி கேட்டபோது தராமல் இழுத்தடித்து வருகிறார். எனவே அவர் மீது நடவடிக்கை எடுக்க வேண்டும் என்று கூறியிருந்தார்.