Tag: செங்கல்பட்டு மாவட்டம்

செங்கல்பட்டு மாவட்டம் திருக்கழுக்குன்றம் ஒன்றியத்தில் பெரும்பேடு கிராமம் உள்ளது. இந்த கிராம மக்கள், தங்கள் பகுதிக்கு பாலாற்றில் இருந்து குடிநீர் வழங்க வேண்டும் என திருக்கழுக்குன்றம் வட்டார வளர்ச்சி அலுவலகத்தில் பல முறை கோரிக்கை மனு அளித்தனர். இந்நிலையில் அருகில் உள்ள பாண்டுர் ஊராட்சி பாலாற்று கரையிலிருந்து சுமார் 4 கி.மீ. தூரத்துக்கு குழாய்கள் அமைத்து பெரும்பேடு கிராமத்திற்கு பாலாறு குடிநீர் கொண்டுவர மாவட்ட கவுன்சிலர் நிதியில் இருந்து ரூ.10 லட்சம் ஒதுக்கீடு செய்யப்பட்டது.

இதற்கு பாண்டுர் ஊராட்சி மக்கள் எதிர்ப்பு தெரிவித்து பணிகள் நடைபெறவிடாமல் தடுத்தாக கூறப்படுகிறது. இதனால் டெண்டர் விடப்பட்டும் பணிகள் கிடப்பில் போடப்பட்டது. இந்நிலையில், நேற்று பெரும்பேடு கிராமத்திற்கு பாலாற்றில் இருந்து குடிநீர் வழங்க பணிகளை தொடங்க கோரி கிராம மக்கள் செங்கல்பட்டு மாவட்ட வி.சி.க. செயலாளர் கனல்விழி தலைமையில் திருக்கழுக்குன்றம் வட்டார வளர்ச்சி அலுவலக வாசலில் அமர்ந்து முற்றுகை போராட்டத்தில் ஈடுபட்டனர்.

அப்போது வட்டார வளர்ச்சி அலுவலகத்தில் நடந்த ஒன்றிய குழு உறுப்பினர்கள் கூட்டத்தை விடுதலை சிறுத்தைகள் கட்சியை சேர்ந்த கவுன்சிலர் கோமதி பெருமாள் புறக்கணித்து விட்டு கிராம மக்களுடன் சோ்ந்து ஆர்ப்பாட்டம் செய்தார்.

செங்கல்பட்டு மாவட்டம், பொத்தேரியில் எஸ்.ஆர்.எம் கல்லூரி செயல்பட்டு வருகிறது. இந்த கல்லூரியில் பல்வேறு மாநிலத்தை சேர்ந்த ஏராளமான மாணவர்கள் படித்து வருகின்றனர். இந்நிலையில் இன்று கல்லூரிக்கு காவல்துறையினர் போல் காக்கி பேண்ட், ஷூ அணிந்து வந்த நபர் ஒருவர் கல்லூரி வரவேற்பாளரிடம் நான் கோயம்பேடு காவல் நிலையத்தில் உதவி ஆய்வாளராக பணியாற்றி வருவதாக தெரிவித்துள்ளார்.

பின்னர் தனக்கு ஒரு எம்.டெக் சீட் வேண்டும் என்றும் அதுவும், ஸ்காலர்ஷிப்புடன் வேண்டுமென கேட்டுள்ளார். அங்கிருந்த கல்லூரி ஊழியர்கள் அவரிடம் அடையாள அட்டையை காண்பிக்குமாறு கேட்டுள்ளனர். உடனே, அந்த நபர் காவல்துறை உதவி ஆய்வாளர் அடையாள அட்டையை காண்பித்துள்ளார். அதில் குளறுபடி இருந்ததால் சந்தேகமடைந்த ஊழியர்கள் அவரிடம் பேச்சு கொடுத்துக்கொண்டே மற்றொருபுறம் மறைமலைநகர் காவல் நிலையத்திற்கு தகவல் தெரிவித்துள்ளனர்.

தகவலறிந்து அங்கு வந்த போலீஸார் அந்த நபரை பிடித்து அவரது அடையாள அட்டையை வாங்கி சோதித்ததில் அது போலி என தெரியவந்தது. பின்னர் மறைமலைநகர் காவல்துறை அவரை காவல் நிலையம் அழைத்து சென்று விசாரணை நடத்தினர். முதற்கட்ட விசாரணையில் அவர் தருமபுரி மாவட்டம் துறிஞ்சிப்பட்டி கிராமத்தை சேர்ந்த அப்துல் முஜீத் என்பது தெரியவந்தது. மேலும் டிப்ளமோ படித்த அப்துல்முகீத் கடந்த ஆண்டு உதவி ஆய்வாளர் தேர்வு எழுதி தோல்வியடைந்த நிலையில் தனது உறவினர்கள் மற்றும் ஊர் மக்களிடம், தான் காவலர் தேர்வில் தேர்ச்சி பெற்று தற்போது சென்னை கோயம்பேடு காவல் நிலையத்தில் அப்துல் முஜீத் உதவி ஆய்வாளராக பணியாற்றி வருவதாக கூறி ஏமாற்றி வந்துள்ளார்.

மேலும் காவல்துறை உடையில் உதவி ஆய்வாளர் போன்று வளம் வந்த அப்துல் பலரை ஏமாற்றி் மோசடியில் ஈடுபட்டதாக கூறப்படுகிறது. இதனைத் தொடர்ந்து இன்று அப்துல் முஜீத் தனியார் கல்லூரியில் தான் உதவி ஆய்வாளர் என்றும் போலி அடையாள அட்டையை காண்பித்து கல்லூரி ஊழியர்களை மிரட்டி அட்மிஷன் கேட்டது தெரியவந்துள்ளது.

இதையடுத்து காவல்துறை அப்துல்முஜீத் மீது மோசடி, மிரட்டல், போலி ஆவணங்கள் தயாரித்தல் உள்ளிட்ட பிரிவின் கீழ் வழக்குப்பதிவு செய்து அவரை கைது செய்ததுடன் அவரிடம் இருந்து போலி அடையாள அட்டை உள்ளிட்ட ஆவணங்களை பறிமுதல் செய்தனர். மேலும் கைதான போலி உதவி ஆய்வாளர் அப்துல் முஜீத் இதுபோன்று வேறு ஏதேனும் மோசடியில் ஈடுபட்டுள்ளாரா? என்பது குறித்து தீவிர விசாரணை மேற்கொண்டு வருகின்றனர்.

செங்கல்பட்டு மாவட்டம், கூடுவாஞ்சேரி அனைத்து மகளிர் காவல் நிலைய ஆய்வாளராக இருந்த மகிதா அன்ன கிறிஸ்டி. இவர் கூடுவாஞ்சேரி அனைத்து மகளிர் காவல் நிலையத்தில் இருந்தபோது, காட்டாங்குளத்தூரை சேர்ந்த ஒரு பெண், ‘தனது 17வயது மகளை திரிசூலம் பகுதியை சேர்ந்த ரஞ்சித், என்பவர் ஆசை வார்த்தை கூறி கர்ப்பமாக்கினார்’ என கடந்த ஜூலை 2-ம் தேதி புகார் அளித்துள்ளார்.

அந்த பெண் கொடுத்த புகாரின் அடிப்படையில் கூடுவாஞ்சேரி மகளிர் காவல் நிலைய காவல்துறை போக்சோ சட்டத்தின் வழக்குப் பதிவு செய்து ரஞ்சித்தை கைது செய்து, சிறையில் அடைத்தனர். முன்னதாக, கூடுவாஞ்சேரி அனைத்து மகளிர் காவல் நிலைய ஆய்வாளராக இருந்த மகிதா அன்ன கிறிஸ்டி, சிறுமியின் தாயாரிடம் விசாரித்தபோது சிறுமிக்கு ஏற்கனவே இரண்டு‌முறை கருக்கலைப்பு செய்துள்ள அதிர்ச்சி தகவலை தெரிவித்தார். அதில் மறைமலை நகர் மற்றும் சிங்கபெருமாள் கோவிலில் உள்ள இரண்டு தனியார் மருத்துவமனைகளில் கருகலைப்பு செய்ததை கூறியுள்ளார்.

குறிப்பாக மலைமறைநகரில் உள்ள மருத்துவமனையில் சிறுமி கருவுற்றபோது மாத்திரைகள் வாங்கி கருக்கலைப்பு செய்ததாக கூறி உள்ளார். இதனைத் தொடர்ந்து கூடுவாஞ்சேரி காவல் நிலைய ஆய்வாளர் மகிதா அன்ன கிறிஸ்டி, மறைமலை நகரில் உள்ள தனியார் மருத்துவமனைக்கு நேரில் சென்று மருத்துவர் உமா மகேஸ்வரியிடம் விசாரணை நடத்தி உள்ளார். மேலும், சிறுமியின் தாய் அளித்த வாக்குமூலத்தில் சிங்கபெருமாள் கோவிலில் உள்ள தனியார் மருத்துவமனையிலும் மாத்திரைகள் வாங்கி கருக்கலைப்பு செய்ததாக கூறினார். இதனைத் தொடர்ந்து தனியார் மருத்துவமனைக்குச் சென்ற ஆய்வாளர் மகிதா அன்ன கிறிஸ்டி, அரசு மருத்துவர் பராசக்தியிடம் விசாரணை மேற்கொண்டு உள்ளார்.

அப்போது சட்ட விரோதமாக 17-வயது சிறுமிக்கு கருக்கலைப்பு செய்ததற்கு வழக்குப்பதிவு செய்ய உள்ளதாக கூறியுள்ளார். வழக்கு பதிவதை தடுக்க மறைமலைநகர் மருத்துவர் உமா மகேஸ்வரியிடம் இருந்து 2-லட்சம் பணத்தை பெற்றுக் கொண்டுள்ளார். இந்த விவகாரம் வெளியில் கசிந்து தாம்பரம் காவல் ஆணையரகத்துக்கு புகாராக சென்றுள்ளது. உடனடியாக தாம்பரம் காவல் ஆணையர் அமல்ராஜ் ஆய்வாளர் மகிதா அன்ன கிறிஸ்டியை அழைத்து விசாரணை செய்துள்ளார். அப்போது மகிதா அன்ன கிறிஸ்டி பணம் பெற்றது உறுதியானதால் அவரை பணியிடை நீக்கம் செய்து, வாங்கிய பணத்தை திருப்பி அளிக்கவும் தாம்பரம் காவல் ஆணையர் அமல்ராஜ் உத்தரவிட்டிருந்தார்.

மேலும் இது தொடர்பாக அரசு மருத்துவர் பராசக்தி மறைமலைநகர் காவல் நிலையத்தில், தன்னை காவல் ஆய்வாளர் மகிதா அன்ன கிறிஸ்டி மிரட்டி பணம் பறித்ததாகவும், அவர் மீது உரிய நடவடிக்கை எடுக்க வேண்டும் என புகார் அளித்தார். இது தொடர்பாக ஆய்வாளர் மகிதா அன்ன கிறிஸ்டி மீது பணம் பறித்தல், மிரட்டல் உள்ளிட்ட பிரிவுகளில் கீழ் வழக்குப் பதிவு செய்யப்பட்டு காவல்துறை அவரை தேடி வந்தனர். இந்நிலையில், தலைமறைவாக இருந்த ஆய்வாளர் மகிதா அன்ன கிறிஸ்டியை பொன்னேரி அருகே கைது செய்து, விசாரணை நடத்தி வருகின்றனர்.

செங்கல்பட்டு மாவட்டம், மதுராந்தகம் அருகே உள்ள இலத்தூர் ஒன்றியத்திற்கு உட்பட்ட சீவாடி ஊராட்சி. இதன் ஊராட்சி தலைவராக நாம் தமிழர் கட்சியை சேர்ந்த ரங்கநாதன் உள்ளார். சீவாடி ஊராட்சிக்குட்பட்ட பகுதியில் சென்னையை சேர்ந்த அப்துல்லா என்பவர் நிலம் வாங்கி இருந்தார். அப்துல்லா அந்த நிலத்தை வீட்டுமனை பிரிவுகளாக மாற்றுவதற்காக ஊராட்சியின் அங்கீகாரம் பெறுவதற்காக விண்ணப்பித்து இருந்தார்.

அப்போது ஊராட்சி மன்ற தலைவர் ரங்கநாதன், அந்த வீட்டு மனை பிரிவாக மாற்ற அங்கீகாரம் வழங்குவதற்கு ரூ..25 லட்சம் கேட்டதாக கூறப்படுகிறது. ஆனால் லஞ்சம் கொடுக்க விரும்பாத நிலத்தின் உரிமையாளர் அப்துல்லா சென்னையில் உள்ள லஞ்ச ஒழிப்பு காவல்துறைருக்கு தகவல் தெரிவித்தார்.

லஞ்சஒழிப்பு காவல்துறையினர் அறிவுறுத்தல்படி அப்துல்லா முன்பணத்தை வழங்குவதாக கூறி நேற்று மாலை ஊராட்சி மன்ற அலுவலகம் அருகே ரங்கநாதனிடம் கொடுத்தார். அதனை ரங்கநாதன் வாங்கியபோது மறைந்து இருந்த சென்னையில் இருந்து வந்திருந்த லஞ்ச ஒழிப்பு காவல்துறை ஊராட்சி மன்ற தலைவர் ரங்கநாதனை அதிரடியாக கைது செய்தனர். பின்னர் அவரை விசாரணைக்காக அழைத்து சென்றனர். இதனால் அப்பகுதியில் பரபரப்பு ஏற்பட்டு உள்ளது.

செங்கல்பட்டு மாவட்டம், காட்டாங்குளத்தூரைச் சேர்ந்த 17 வயது சிறுமியை ரஞ்சித் என்பவர் ஆசை வார்த்தை கூறி கர்ப்பம் அடைய செய்ததாக புகார் அளிக்கப்பட்டது. இந்த புகாரின் பேரில் கூடுவாஞ்சேரி மகளிர் காவல் நிலைய ஆய்வாளர் மகிதா அன்ன கிறிஸ்டி வழக்கு பதிவு செய்தார்.

17 வயது பெண்ணை கர்ப்பம் ஆக்கியதாக ரஞ்சித்தை காவல்துறை கைது செய்தனர். அதேபோல் தனியார் மற்றும் அரசு மருத்துவர்களிடம் சென்று அந்த சிறுமிக்கு கருக்கலைப்பு செய்ததாக காவல்துறையிடம் அந்த சிறுமியின் தாய் கூறியிருந்தார். இந்த நிலையில் ரஞ்சித் மீது போக்கோ வழக்கினை பதிவு செய்த கூடுவாஞ்சேரி காவலர்கள் அவரை சிறையில் அடைத்தனர்.

இதனை தொடர்ந்து கருக்கலைப்பு செய்யதாக கூறப்படும் அரசு மருத்துவரிடம் 10 லட்சம் ரூபாய் பணமும், தனியார் மருத்துவமனையில் கருக்கலைப்பு செய்யதாக 2 லட்சம் பணமும் என 12 லட்சம் ரூபாய் பணத்தை மருத்துவர்களை மிரட்டி கூடுவாஞ்சேரி மகளிர் நிலைய காவல் ஆய்வாளர் மகிதா அன்ன கிறிஸ்டி வாங்கியதாக தாம்பரம் மாநகர காவல் ஆணையர் அலுவலகத்தில் புகார் அளிக்கப்பட்டது.

இதனை தொடர்ந்து 12 லட்சம் ரூபாய் பணத்தை மருத்துவர்களை மிரட்டி கூடுவாஞ்சேரி மகளிர் நிலைய காவல் ஆய்வாளர் மகிதா அன்ன கிறிஸ்டி வாங்கினாரா என்பது குறித்து விசாரணை நடத்தப்பட்டது. அதனை தொடர்ந்து ஆய்வாளர் மகிதாவை பணியிடை நீக்கம் செய்து தாம்பரம் காவல் ஆணையர் அமல்ராஜ் உத்தரவிட்டுள்ளார்.