Category: Uncategorized

நாம் தமிழர் கட்சியின் தலைமை ஒருங்கிணைப்பாளர் சீமான் கும்பகோணத்தில் செய்தியாளர்களை சந்தித்தார். இந்த சந்திப்பின் போது, என்னுடன் கூடுகிற கூட்டம் இரண்டு கட்சியும் வேண்டாம் என வெறுத்துப் போய் கூடுகிற கூட்டம். என்னுடைய செல்வாக்கு என்பதே திராவிட கட்சிகளை ஒழிக்கனும்னு நினைக்கிற மக்கள்தான். 60 ஆண்டுகளாக ஆண்டு மக்களை இந்த நிலைக்கு தள்ளிட்டாங்களேன்னு வெறுக்கிற மக்கள்தான் என் பின்னாடி திரளுகிறார்கள் சீமான் என்றார்.

அப்போது குறுக்கிட்ட செய்தியாளர் ஒருவர், அப்ப தொகுதிக்கு 3,000 ஓட்டு மட்டும் வாங்கினா போதுமா சார் என கேள்வி கேட்டார். இதனையடுத்து சட்டென கோபமடைந்த சீமான், ஒரு தொகுதிக்கு 26,000 ஓட்டு வாங்கி இருக்கேன்.. நீங்க தூக்குல தொங்குறீங்களா? விஷம் குடிக்கிறீங்களா? 37,000 ஓட்டு வாங்கியிருக்கேன் தூத்துக்குடியில்..அப்புறம்… என தலையை தூக்கி கையை உயர்த்தி சொடக்குப் போட்டபடி, 3,000 ஓட்டு எந்த தொகுதியில் வாங்கினேன்னு சொல்லுங்க.. நான் தீக்குளிக்கிறேன்.. என்றார். அத்துடன் கையை நீட்டி மிரட்டும் தொனியில் தம்பி.. தம்பி.. ஏய்.. என சொல்ல அப்போதும் செய்தியாளர் குறுக்கிட, இதெல்லாம் பேசக் கூடாது என சீமான் எச்சரித்தார்.

மேலும் 30,000 ஓட்டு எப்படி வாங்கினேன்? என சீமான் கேட்க, அதை எப்படி உங்க தனிப்பட்ட செல்வாக்குன்னு சொல்ல முடியும் என மீண்டும் செய்தியாளர் குறுக்கு கேள்வி எழுப்பினார். அதற்கு அப்ப ‘உங்க செல்வாக்கா என கிண்டலடித்தார் சீமான். ஒழுங்கா பேசப் பாருங்க..: அத்துடன் நீங்க கேள்வி கேட்பதாக இல்லை; விதண்டவாதம் செய்யுறதா இருக்கீங்க.. பேட்டி முடிந்த உடன் ரெண்டு பேரும் பேசிப் பார்ப்போம். ஒழுங்கா பேசப் பாருங்க.. 3,000 ஓட்டு முதலில் வாங்கினேன்.. 30,000 ஓட்டு அப்புறம் எப்படி வந்தது? அடுத்த தேர்தலில்? என மீண்டும் சொன்னதையே திரும்ப சீமான் சொன்னார்.

அதற்கும் விடாத செய்தியாளர், தம்பிமார்களின் செயல்பாடுகள் காரணமாக இருக்கலாம் அல்லவா? என்றார். அப்போதும் தங்கச்சிமார்கள் எல்லாம் செயல்படலையா? என சீமான் நக்கலடித்தார். தம்பிமார் செயல்பட்டாலும் மக்கள் வாக்கு தரனும்ல.. மக்கள் வாக்கு தருகிறார்கள்தானே.. திமுக, அதிமுக காசு கொடுக்காம வாக்கு வாங்குனீங்களா? அதை நீ நேர்மையான பத்திரிகையாளன் கேள்வி கேட்பியா? கேட்டு இருக்கீகளா? என்றார். மேலும் எங்க கேட்டீங்க? என்றார்.

தொடர்ந்து, திராவிட கட்சிகள் காசு கொடுக்கிறாங்களா இல்லையா? என செய்தியாளரிடம் சீமான் கேள்வி கேட்க, நான் இதுவரை பார்த்தது இல்லை என பட்டென அந்த செய்தியாளர் பதில் சொன்னார். உடனே வேறு வேலையை பாருங்க என்ற சீமான், அந்த செய்தியாளரை அழைத்து நீங்க எந்த இதழில் வேலை செய்றீங்க என்றார். அவர் தாம் பணிபுரியும் பத்திரிகையின் பெயரை சொன்ன உடனே, அந்த பத்திரிகை அவ்வளவு கேவலமாக போய்விட்டது என்றார். பின்பு, உங்க பெயர் என்ன என சீமான் கேள்வி கேட்க, சிராஜூதீன் என்றார் அந்த செய்தியாளர். உடனே, அப்ப நீ பேசுவ? என மீண்டும் சீண்ட இருவருக்கும் இடையே வாக்குவாதம் நடைபெற்றது.

திண்டுக்கல் நத்தம் அருகே வேலம்பட்டி ஊராட்சியில் நேருநகர், செல்லம்புதூர் ஆகிய கிராமங்கள் உள்ளன. இந்த கிராமங்களில் 500-க்கும் மேற்பட்ட குடும்பத்தினர் வசித்து வருகின்றனர். மேலும் இப்பகுதியில் தனியார் மருத்துவமனை மற்றும் குடியிருப்புகள் அதிகமாக உள்ளன. இந்த கிராமங்களுக்கு செல்லக்கூடிய செந்துறை சாலையோரத்தில் தனியார் மதுபான பார் அமைக்கும் பணி நடந்து வருகிறது.

இதற்கு கிராம மக்கள் கடும் எதிர்ப்பு தெரிவித்து வருகின்றனர். இந்நிலையில் 300-க்கும் மேற்பட்ட கிராம மக்கள், வேலம்பட்டி ஊராட்சி மன்ற தலைவர் கண்ணன் தலைமையில் ஊர்வலமாக நத்தம் தாலுகா அலுவலகத்துக்கு வந்தனர். பின்னர் அவர்கள், தாசில்தார் ராமையாவிடம் கோரிக்கை மனு கொடுத்தனர்.

நாமக்கல் மாவட்டம், பரமத்தி வேலூர் அருகே உள்ள நன்செய் இடையாரில் எழுந்தருளியுள்ள மகா மாரியம்மன் கோவில் பால்குட அபிஷேகத்தை முன்னிட்டு நேற்று காலை யாக வேள்வி பூஜை தொடங்கியது. அதனைத் தொடர்ந்து அம்மன் முக்கிய வீதி வழியாக திருவீதி உலா வரும் நிகழ்ச்சியும், இரவு 1008 குத்து விளக்கு பூஜையும் நடைபெற்றது. இதில் நன்செய் இடையாறு மற்றும் சுற்று வட்டார பகுதிகளைச் சேர்ந்த ஏராளமான பெண்கள் கலந்து கொண்டு குத்து விளக்கு பூஜையில் கலந்து கொண்டனர்.

கடலூர் மாவட்டம், பண்ருட்டி அருகே அண்ணா கிராமம் ஊராட்சி ஒன்றிய சேர்மனாக ஜானகிராமனும், துணை சேர்மனாக தேமுதிகவை சேர்ந்த ஜான்சிராணி உள்ளனர். இவர்கள் இருவருக்கும் பல்வேறு கருத்து வேறுபாடுகள் நிலவி வருகிறது. மேலும் ஒப்பந்த பணிகளில் பல்வேறு குறைபாடுகள் இருப்பதாகவும் கவுன்சிலர்கள் குற்றம் சாட்டி வந்தனர்.

இந்நிலையில் கோட்லாம்பாக்கம், கரும்பூர், சாத்திப்பட்டு, அவியனூர், கரும்பூர் உள்ளிட்ட பல்வேறு கிராமங்களுக்கு ரூ.1 கோடிக்கு மேல் வளர்ச்சி பணிகள் செய்ய தீர்மானிக்கப்பட்டது. அந்த பணிகளுக்கு கமிஷன் தொகையை அதிமுக சேர்மனுக்கு வழங்க நேற்று ஒப்பந்ததாரர்கள் ஊராட்சி ஒன்றிய அலுவலகத்திற்கு வந்தனர். அப்போது சேர்மன் தனக்கு வேண்டிய ஒப்பந்ததாரர்களுக்கு மட்டும் பணிகள் தருவதாக பேரம் பேசினார்.

அதன்படி, லஞ்ச பணத்தை அதிமுக சேர்மனுக்கு வழங்கினர். இது சம்பந்தமாக நேற்று கடலூர் லஞ்ச ஒழிப்பு பிரிவு கூடுதல் கண்காணிப்பாளர் தேவநாதனுக்கு ரகசிய தகவல் கிடைத்தது. அவரது தலைமையில் 9 பேர் கொண்ட குழுவினர் நேற்று அண்ணா கிராமம் ஊராட்சி ஒன்றிய அலுவலகத்தில் நுழைந்து அதிமுக சேர்மன் அறையில் அதிரடி சோதனை நடத்தினர்.

அப்போது காவல்துறை கேட்ட பல்வேறு கேள்விகளுக்கு பதில் கூற முடியாமல் சேர்மன் திணறினார். அவரது லாக்கரில் இருந்த லஞ்ச பணம் ரூ.3 லட்சத்து 9000-ஐ பறிமுதல் செய்தனர். அதிமுக சேர்மன் லஞ்சம் வாங்கிய சம்பவம் அப்பகுதியில் பரபரப்பை ஏற்படுத்தி உள்ளது.

நாமக்கல் மோகனூர் சாலையில் இருக்கும் திருநகரில் வசித்து வரும் பூபதி நாமக்கல் நகர காவல் நிலையத்தில் உதவி ஆய்வாளராக பணியாற்றி வருகிறார். பூபதி, ராசிபுரம் காவல் நிலையத்தில் பணிபுரிந்த போது, நிலப் பிரச்னை தொடர்பாக பணம் பெற்றிருக்கிறார் என்று இவர்மீது குற்றச்சாட்டுகள் முன்வைக்கப்பட்டது.

அதேபோல், கடந்த 2020 – ம் ஆண்டு நாமக்கல் காவல் நிலையத்தில் பணிபுரிந்த போது, கஞ்சா வியாபாரிகளிடம் ரூ.40 லட்சம் வரை லஞ்சம் வாங்கியதாகவும் கூறப்பட்டது. பூபதி இப்படி சம்பாதித்த பணத்தில், சொகுசு கார் மற்றும் சொத்துக்கள் வாங்கி குவித்திருப்பதாக தெரிய வந்திருக்கிறது.

அதன் அடிப்படையில்தான் இன்று காலை முதல் நாமக்கல் லஞ்ச ஒழிப்பு டி.எஸ்.பி சுபாஷினி தலைமையில் அதிரடி சோதனை நடத்தி வருகின்றனர். அதேபோல, நாமக்கல் மாவட்டத்தில் உள்ள, மல்லசமுத்திரத்தில் இருக்கும் இவரது தந்தை மற்றும் மாமனார் வீடுகளிலும் லஞ்ச ஒழிப்பு காவல்துறையினர் சோதனை நடத்தி வருகின்றனர்.