Category: தமிழகம்

Tamilnadu

வி.கே. சசிகலா கேம் ஆன்: அ.தி.மு.க கொடி கட்டிய காரில் புறப்பட்டார் …!

முன்னாள் முதலமைச்சர் ஜெயலலிதாவின் நெருங்கிய தோழியும் 35 ஆண்டுகளுக்கும் மேலான அதிமுகவின் நிழலுமான வி.கே. சசிகலா பெங்களூரு சிறையில் இருந்து கடந்த பிப்ரவரி மாதம் வி.கே. சசிகலா விடுதலை ஆனார். எடப்பாடி பழனிசாமியின் ஆதரவாளர்கள் அதாவது கொங்கு மண்டல கோஷ்டி வி.கே. சசிகலாவை அ.தி.மு.க.வில் சேர்க்கக்கூடாது என்பதில் உறுதியாக உள்ளனர்.

அதனால் வி.கே. சசிகலா அ.தி.மு.க.வின் கொடியை பயன்படுத்த கூடாது உள்ளிட்ட பல்வேறு கட்டுப்பாடுகளை விதித்தனர். வி.கே. சசிகலா நீ யார்? எனக்கு கட்டளை இடுவதற்கு என்ற பாணியில் பெங்களூரு சிறையில் இருந்து வரும்போதும் அ.தி.மு.க. கொடி கட்டிய காரில் வந்தார். அதன்பிறகு வி.கே. சசிகலா எங்கு வெளியில் சென்றாலும் அவரது காரில் அ.தி.மு.க. கொடி தவறாமல் இடம்பெற்று வருகிறது.

இந்நிலையில் வி.கே. சசிகலாவும் அ.தி.மு.க.வின் பொன்விழாவை முன்னிட்டு கடந்த வாரம் வி.கே. சசிகலா பல்வேறு நிகழ்ச்சிகளில் பங்கேற்றார். ஜெயலலிதா நினைவிடத்திற்கு நேரில் சென்று கண்ணீர் மல்க மரியாதை செலுத்திய அவர், அ.தி.மு.க.வை எம்.ஜி.ஆரும், ஜெயலலிதாவும் நிச்சயம் காப்பாற்றுவார்கள் என்று வி.கே. சசிகலா கூறினார்.

மேலும் தி.நகரில் உள்ள எம்.ஜி.ஆர். நினைவு இல்லம், ராமாவரம் எம்.ஜி.ஆர். தோட்டம் ஆகிய இடங்களுக்கு சென்ற வி.கே. சசிகலா அ.தி.மு.க. கொடியை ஏற்றி வைத்து அ.தி.மு.க. பொதுச்செயலாளர் வி.கே. சசிகலா என்ற பெயரில் கல்வெட்யும் திறந்து வைத்தார். வி.கே. சசிகலா இந்த செயல்பாடுகள் அ.தி.மு.க.வில் பெரிய பூகம்பத்தை ஏற்படுத்தி கட்சிக்குள் கூடுதல் சலசலப்பை ஏற்படுத்தி உள்ளது.

இந்நிலையில் சசிகலா மீது முன்னாள் அமைச்சர் ஜெயக்குமார் மாம்பலம் காவல் நிலையத்தில் புகார் அளித்தார். அதில், அ.தி.மு.க. உறுப்பினராக கூட இல்லாத வி.கே. சசிகலாவின் செயல்பாடுகளால் சட்டம் ஒழுங்கு பாதிக்கும் நிலை ஏற்பட்டு உள்ளது. எனவே வி.கே. சசிகலா பொதுச்செயலாளர் என்று கூறுவதை தடுத்து நிறுத்தும் வகையில் அவர் மீது சட்டப்படி நடவடிக்கை மேற்கொள்ள வேண்டும். மேலும் இந்திய தண்டனை சட்டப்பிரிவுகள் 419, 153ஏ, 505(பி) ஆகிய 3 சட்டப்பிரிவுகளில் வி.கே. சசிகலா மீது நடவடிக்கை எடுக்க வேண்டும் என்று ஜெயக்குமார் அளித்த மனுவில் குறிப்பிடப்பட்டுள்ளார்.

இந்நிலையில், முன்னாள் முதலமைச்சர் ஜெயலலிதாவின் பாணியில் எதையும் கண்டுகொள்ளாமல் தமிழகம் முழுவதும் சுற்றுப்பயணம் மேற்கொண்டு , தொண்டர்களை சந்திக்க வி.கே. சசிகலா அ.தி.மு.க கொடி கட்டிய காரில் இன்று காலை சென்னையில் இருந்து புறப்பட்டார். தி.நகர் இளவரசி வீட்டில் இருந்து இஇளவரசியும் உடன் புறப்பட்ட சசிகலாவுக்கு, ஆதரவாளர்கள் ஆரத்தி எடுத்து வழியனுப்பி வைத்தனர்.

மேலும் டிடிவி தினகரன் மகள் திருமண வரவேற்பு நிகழ்ச்சி நாளை தஞ்சாவூரில் நடைபெறுவதில் வி.கே. சசிகலா பங்கேற்கிறார். அதன்பின்னர் பல்வேறு நிகழ்ச்சிகளில் வி.கே. சசிகலா தொடர்ச்சியாக பங்கேற்க திட்டமிட்டு உள்ளார். வி.கே. சசிகலாவின் அரசியல் ரீதியான சுற்றுப்பயணத்தையும், தொண்டர்களை சந்திப்பையும் மேற்கொண்டிருப்பது அரசியல் வட்டாரத்தில் பரபரப்பை ஏற்படுத்தியுள்ளது.

குண்டும் குழியுமாக சாலையில் மீன்பிடி திருவிழா ஜோர்..!

வடசென்னை திரு.வி.க நகர் தொகுதிக்கு உட்பட்ட 70-வது வார்டு முத்துக்குமாரசாமி தெரு பகுதியில் சாலையில் பல இடங்களில் குண்டும் குழியுமாக சேதமடைந்து காணப்படுகிறது. இதன் காரணமாக அந்த சாலையில் செல்லும் பொதுமக்கள் பெரிதும் அவதிக்கு உள்ளாகின்றனர். இந்த சாலையை சரி செய்ய அப்பகுதி மக்கள் பலமுறை சென்னை மாநகராட்சிக்கு அறிவுறுத்தியும் மாநகராட்சி அதிகாரிகள் எந்தவித நடவடிக்கையும் எடுக்கப்படவில்லை என தெரிய வருகிறது.

இதனால் பெரிதும் பாதிப்பிற்கு உள்ளன பொதுமக்கள் சென்னை மாநகராட்சியின் கவனத்தை ஈர்க்க வகையில் நேற்று சுமார் 30க்கும் மேற்பட்டோர் ஒன்று கூடி சாலையில் தேங்கி நின்ற மழைநீரில் உயிரோடு உள்ள மீன்களை விட்டு அதை தூண்டில் மூலம் மீண்டும் பிடித்து தங்கள் எதிர்ப்பை சென்னை மாநகராட்சி அதிகாரிகளுக்கு காண்பித்தனர். மேலும், தங்கள் பகுதியில் அமைந்துள்ள சாலை சீரமைத்து 6 ஆண்டுகள் கடந்து விட்டதால் சாலை முழுவதும் குண்டும் குழியுமாக சேதமடைந்து காட்சியளிக்கிறது.

அடுத்த நவம்பர் 1 தேதி பள்ளிகள் திறக்கபட உள்ளதால், பள்ளிகள் செல்லும் மாணவ, மாணவிகள் அதிகம் சிரமத்திற்கு உள்ளவர்கள். ஆகையால், சென்னை மாநகராட்சி அதிகாரிகள் தங்கள் தெருவில் சாலைகளை செப்பனிட வேண்டும் என அப்பகுதி மக்கள் இதன்மூலம் கோரிக்கை விடுத்தனர்.

காவல் கண்காணிப்பாளர் மெத்தனத்தால் தற்கொலை செய்துகொண்ட மாணவி

கன்னியாகுமரி மாவட்டம் பளுகல் அருகே உள்ள கருமானூர் மருதன்விளை பகுதியை சேர்ந்த பீனா என்பவர் வெளிநாட்டில் வேலை பார்க்கும் நிலையில் இவரின் ஒரே மகள் ஆதிரா உறவினர் வீட்டில் தங்கி களியக்காவிளையில் உள்ள கத்தோலிக்கக் கல்லூரி பி.காம். இரண்டாமாண்டு படித்து வருக்கிறார்.

இந்நிலையில் மாணவி ஆதிரா கடந்த 23-ந் தேதி வீட்டில் யாரும் இல்லாத நேரத்தில் தூக்குப்போட்டு தற்கொலை செய்து கொண்டார். இதுகுறித்து தகவல் அறிந்த பளுகல் காவல்துறையினர் சம்பவ இடத்துக்கு விரைந்து வந்து மாணவியின் உடலை கைப்பற்றி மாணவியின் தற்கொலைக்கான காரணம் குறித்து விசாரணை நடத்தினர்.

கடந்த மாதம் 15-ம் தேதி, ஆதிரா மாவட்ட காவல் கண்காணிப்பாளர் பத்ரி நாராயணனிடம் ஒரு புகார் மனு கொடுத்தது தெரிய வந்தது. அந்த புகார் மனுவில், கேரள மாநிலம் திருச்சூர் பகுதியை சேர்ந்த வாலிபர் ஒருவர், தனக்கு அறிமுகமாகி, ஆசை வார்த்தைகள் கூறி தன்னுடன் பழகி, தற்போது தனது புகைப்படங்களை மார்பிங் செய்து, சமூக வலை தளத்தில் வெளியிட்டு தனது தாயாரிடம் ரூ.10 லட்சம் வரை கேட்டு மிரட்டுவதாகவும், அந்த படத்தை சமூக வலைத்தளங்களில் பரவ விட்டதாகவும் கூறியிருந்தார்.

மேலும், அந்த வாலிபரின் நண்பர் ஒருவரும் தன்னை தொடர்பு கொண்டு தொல்லை கொடுத்து வருவதாகவும் கூறியிருந்ததாக தெரிகிறது. இந்த புகாரை சைபர் க்ரைம் காவல்துறை விசாரிக்க எஸ்.பி. உத்தர விட்டார். ஆனால் சைபர் க்ரைம் காவல்துறையினர் ஒரு மாதம் முடிந்து விசாரிக்காத காரணத்தால் மாணவி மனமுடைந்து இருந்துள்ளார்.

இந்நிலையில் மாணவியை சம்பந்தப்பட்ட நபர் தொடர்ந்து மிரட்டியதாக கூறப்படுகிறது. இனி காவல்துறையை நம்புவது பயனில்லை என உணர்ந்த ஆதிரா செய்வதறியாது தனது உயிரை மாய்த்துக் கொண்டார். காவல்துறையினர் உங்களின் நண்பன் என வெளி உலகிற்கு வெத்து விளம்பரங்களை செய்து கொண்டுள்ள தமிழ்நாடு காவல்துறை மாணவி ஆதிரா மறைவுக்கு என்ன பதில் சொல்லப் போகிறது.

இந்திய அரசியல்வாதிகளை போல காவல்துறை வெத்து விளம்பரங்களை செய்து கொண்டுள்ள இருக்காமல் துரிதமாக செயல்பட்டு அப்பாவி மக்களை காப்பாற்றுவார்களா? இல்லை மாணவி ஆதிரா போல தற்கொலை செய்யும் வரை வேடிக்கை பார்ப்பார்களா?

மீண்டும் ஊட்டி நகராட்சி அதிரடி…! 97 கடைகளின் குத்தகை உரிமம் ரத்து..

நீலகிரி மாவட்டம் ஊட்டி நகராட்சி மார்க்கெட் மற்றும் வெளிப்புற பகுதியில் மொத்தம் 1,587 கடைகள் வாடகைக்கு விடப்பட்டு இருக்கிறது. கடந்த 2017-ம் ஆண்டு ஊட்டி நகராட்சி இந்த கடைகளுக்கு வாடகை உயர்த்தி மறு நிர்ணயம் செய்தது. ஆனால் ஊட்டி நகராட்சி உயர்த்திய வாடகையை வியாபாரிகள் செலுத்தாமல் இருந்து வந்ததால் ஊட்டி நகராட்சிக்கு ரூ.35 கோடி பாக்கி ஏற்படாது.

இதனால் ஊட்டி நகராட்சி நிர்வாகம் பல கட்டங்களாக வியாபாரிகளிடம் பேச்சுவார்த்தை நடத்தியும் எந்தவித பலன் இல்லை. இதற்கிடையில் கடந்த ஆகஸ்டு மாதம் 25-ந் தேதி வாடகை செலுத்தாத 757 கடைகளுக்கு சீல் வைத்து நடவடிக்கை எடுக்கப்பட்டது. பின்னர் படிப்படியாக நிலுவை தொகையை வியாபாரிகள் செலுத்த இதுவரை ரூ.15 கோடிக்கும் மேல் நிலுவை தொகை வசூலாகி உள்ளது.

இருந்தாலும் சீல் வைத்தும் 183 கடை உரிமையாளர்களுக்கு இதுவரை ஏற்கனவே ஒரு மாதம் கால அவகாசம் அளித்தும் வாடகை செலுத்தவில்லை. ஆகையால், அந்த கடைகள் மறு ஏலம் விடப்படும் என்று அறிவிக்கப்பட்டது. மேலும் அந்த கடைகளுக்கு 2 வார கால அவகாசம் அளிக்கப்பட்டு அவர்களுக்கு நோட்டீஸ் ஒட்டப்பட்டது மட்டுமின்றி உரிய நாட்களில் வாடகை செலுத்தாவிட்டால் அந்த கடைகளை மறு ஏலம் விட நடவடிக்கை எடுக்கப்படுவதோடு, குத்தகை ரத்து செய்யப்படும் என்று எச்சரிக்கை விடுக்கப்பட்டது.

இதுவரை வாடகை செலுத்தாமல் உள்ள 97 கடைகளின் குத்தகை உரிமம் ரத்து செய்யப்பட்டது. அந்த கடைகளை நகராட்சி கையகப்படுத்தி பொது ஏலத்தில் விட முடிவு செய்யப்பட்டு உள்ளது என ஊட்டி நகராட்சி நிர்வாகம் தெரிவித்துள்ளது.

ஜாதி மறுப்பு திருமணம்..! 3 மாத குழந்தை பிறப்புறுப்பு அறுக்கப்பட்டு கொடூர கொலை..!

மதுரை மதிச்சியம் காவல் நிலையத்தில் சிறப்பு உதவி ஆய்வாளராக ஷேக்ஸ்பியர் பணிபுரிந்து வருகிறார். இவரது மனைவி சாந்தி. சாந்தி ஷேக்ஸ்பியர் தம்பதியின் மகள் ஐஸ்வர்யா, பாஸ்கரன் என்பவரைக் காதலித்து, பெற்றோர் எதிர்ப்பை மீறி ஜாதி மறுப்பு திருமணம் செய்து கொண்டார். ஐஸ்வர்யா, பாஸ்கரன் தம்பதியினர் கோயம்புத்தூர் கவுண்டம்பாளையம் சேரன் நகர் நாகப்பா காலனி பகுதியில் குடியிருந்து வருகின்றனர்.

இவர்களுக்கு கடந்த மூன்று மாதங்களுக்கு முன்பு இரட்டை குழந்தை பிறந்தது. மகளுக்கு இரட்டை குழந்தை பிறந்த தகவலை அறிந்த சாந்தி மகளுடன் நெருக்கமாக பழகி கடந்த இரண்டு மாதங்களுக்கு முன்பு மதுரையிலிருந்து கோயம்புத்தூர் கவுண்டம்பாளையத்திலுள்ள மகள் வீட்டிற்கு வந்துள்ளார்.

கடந்த இரண்டு மாதங்களாக சாந்தி இவர்களுடன் தங்கியிருந்து குழந்தைகளை அன்பாக கவனித்தும், பராமரித்தும் வந்துள்ளார். இந்நிலையில், வியாழக்கிழமை இரவு ஐஸ்வர்யா மருத்து வாங்குவதற்கு கடைக்குச் சென்றுவிட்டு திரும்பி வந்துள்ளார். அப்போது வீட்டின் கதவு பூட்டிக் கிடந்தது. கதவை பலமுறை தட்டிய பிறகே சாந்தி கதவைத் திறந்து வெளியே வந்தார். அப்போது ஐஸ்வர்யா தனது குழந்தைகளைத் தேடியபோது, ஆண் குழந்தை படுக்கையில் தூங்கிய நிலையில் இருந்துள்ளது.

பெண் குழந்தையைத் தேடியபோது, அந்தக் குழந்தை வீட்டின் கழிவறை குழாய்க்குள் அழுத்தி துணியை வைத்து மூடப்பட்ட நிலையில் இருந்துள்ளது. இதைப் பார்த்து அதிர்ச்சியடைந்து பெண் குழந்தையை மீட்ட ஐஸ்வர்யா, படுக்கையில் கிடந்த ஆண் குழந்தையைத் தூக்கச் சென்றபோது குழந்தையின் பிறப்புறுப்பு அறுக்கப்பட்டு உயிரிழந்த நிலையில் கிடப்பதைக் கண்டு அதிர்ச்சியடைந்த ஐஸ்வர்யா கண்ணீர் விட்டுக் கதறி அழுதார்.

பழனி முருகன் கோவிலில் தங்கரத புறப்பாடு மீண்டும் தொடக்கம்

தைப்பூசம், பங்குனி உத்திரம் உள்ளிட்ட திருவிழாக்களின்போது லட்சக்கணக்கான பக்தர்கள் பாதயாத்திரையாக வரும் தமிழ்க்கடவுள் முருகப்பெருமானின் 3-ம் படைவீடான பழனி கோவிலுக்கு தமிழகம் மட்டுமின்றி கேரளா, ஆந்திரா, கர்நாடகாவிலிருந்து தினமும் ஆயிரக்கணக்கான பக்தர்கள் தரிசனம் செய்ய வருகின்றனர்.

பழனிக்கு வருகை தரும் பக்தர்கள் கோவிலில் உள்ள தங்கரத புறப்பாட்டில் ரூ.2 ஆயிரம் செலுத்தி கலந்துகொள்ளும் பக்தர்களும், தங்களது குழந்தைகள், நோய்நொடி இன்றி வாழ தங்க தொட்டிலில் இட்டு நேர்த்திக்கடன் செலுத்த ரூ.300 ஆகியவற்றில் கட்டணம் செலுத்தி கலந்து கொள்கின்றனர்.

இந்நிலையில் உலகையே அச்சுறுத்திய கொரோனா பரவல் காரணமாக, கடந்த மார்ச் மாதம் முதல் வழிபாட்டு தலங்களுக்கு பக்தர்கள் செல்ல தடை விதிக்கப்பட்டது. கடந்த 15-ந்தேதி முதல் அனைத்து நாட்களிலும் தரிசனம் செய்ய அனுமதி அளிக்கப்பட்டது. இந்நிலையில் பழனி முருகன் கோவிலில் நேற்று முதல் தங்கரத புறப்பாடு, தங்க தொட்டில் வழிபாடு, காலபூஜை ஆகியவை மீண்டும் தொடங்கப்பட்டதாக கோவில் நிர்வாகம் அறிவித்தது.

6 மாதங்களுக்கு பிறகு மேற்கண்ட வழிபாட்டு முறைகள் தொடங்கப்பட்டதால் பக்தர்கள் மிகுந்த மகிழ்ச்சி அடைந்தனர். நேற்று காலை முதலே பழனி கோவிலுக்கு வந்த பக்தர்கள் பலர் வருகை தந்தனர். நேற்று கிருத்திகை உற்சவத்தையொட்டி மாலை 6.40 மணிக்கு தங்கமயில் வாகனத்தில் சின்னக்குமாரர் உட்பிரகாரத்தில் உலா வந்தார். அதனை தொடர்ந்து 7 மணிக்கு தங்கரதத்தில் எழுந்தருளினார்.

UBL தொழிற்சாலையின் சாயக்கழிவு நீரை நேரடியாக ஆற்றில் கலப்பதை ஆதாரத்துடன் வெளி கொண்டு வந்த சமூக ஆர்வலர்… பொதுப்பணித்துறை அதிகாரிகள் இனியாவது நடவடிக்கை எடுப்பார்களா…?

கோயம்புத்தூர் மாவட்டம் மேட்டுப்பாளையம் UBL நிறுவனம் தனது சாயக்கழிவு நீரை நேரடியாக ஆற்றில் கலப்பதாக பொதுமக்கள் பலமுறை புகார் அளித்தும் பொதுப்பணித்துறை அதிகாரிகள் அலட்சியமாக கண்டுகொள்ளவில்லை. இந்நிலையில், 2050 -ஆம் ஆண்டில் திருப்பூர் மாநகராட்சியின் எதிர்பார்க்கப்படும் மக்கள் தொகை 19 லட்சத்து 50 ஆயிரம் பேர் என்பதால், மக்கள் தொகைக்கு தேவையான குடிநீர் தேவையை ஈடு செய்யும் வகையில் 4-வது குடிநீர் திட்டம் வடிவமைக்கப்பட்டு 2015-16-ம் ஆண்டு அம்ரூத் திட்டத்தில் தமிழ்நாடு குடிநீர் வடிகால் வாரியம் மூலம் உள்கட்டமைப்பு பணிகள் நடைபெற்று வருகின்றன.

கடந்த ஓராண்டிற்கு மேலாக மேட்டுப்பாளையத்தில் இருந்து திருப்பூருக்கு 4-வது குடிநீர் திட்ட பெரிய குழாய்கள் பதிக்கும் பணி நடைபெற்று வரும் நிலையில் மேட்டுப்பாளையம் UBL தொழிற்சாலை அருகே இன்று மதியம் 1.30 மணியளவில் தோண்டப்படும் இடத்தில் கருப்பு நிறத்தில் தண்ணீர் தேங்கி நின்றது.

அதை கண்டு அதிர்ச்சி அடைந்த நிர்வாகம் பொதுமக்களுக்கு தெரிந்து விடக்கூடாது என்பதற்காக அவசர அவசரமாக குழாய்கள் பதிக்காமலேயே உடனடியாக மூடும் பணியில் ஈடுபட்டனர். அங்கு வந்த சமூக ஆர்வலர்கள் UBL தொழிற்சாலையின் சாயக்கழிவு நீரை நேரடியாக ஆற்றில் கலப்பதை ஆதாரத்துடன் வெளி உலகிற்கு கொண்டு வந்தனர். இனியாவது பொதுப்பணித்துறை அதிகாரிகள் அலட்சியம் காட்டாமல் இனியாவது நடவடிக்கை எடுப்பார்களா…?

திருப்பூர் மாவட்ட கலெக்டர் வினீத் உத்தரவின் பேரில் 3 பேருக்கு குண்டர் சட்டம் பாய்ந்தது ..!

தேனி மாவட்டம் சின்ன மனூரை சேர்ந்த பாபு ராஜ் என்பவர் தனது பெற்றோருடன் திருப்பூர் மாவட்டம் பெருமாநல்லூர் அருகே உள்ள வாஷிங் டன் நகரில் வசித்து வந்தார். இவர் மீது பெருமாநல்லூர் காவல் நிலையத்தில் பல்வேறு வழக்குகள் உள்ளன. அதே பகுதியில் விஸ்வநாதன் என்பவருக்கு சொந்தமான டாஸ்மாக் பார் ஒன்று கண்ணப்பன் என்பவரால் நடத்தப்பட்டு வருகிறது.

கண்ணப்பன் நடத்தி வரும் பாரில் பணம் கேட்டு மிரட்டியதாக பாபுராஜ் மீது கடந்த 6 மாதத்திற்கு முன் கண்ணப்பன் பெருமாநல்லூர் காவல் நிலையத்தில் புகார் கொடுக்க அதன்பேரில் வழக்கு பதிவு செய்த காவல்துறை பாபுராஜை கைது செய்து சிறையில் அடைத்தனர். பின்னர் நிபந்தனை ஜாமீன் பெற்ற பாபுராஜ் சொந்த ஊரான தேனி சின்னமனூர் சென்று வசித்து வந்தார். இந்நிலையில் பெற்றோரை பார்க்க பாபு ராஜ் திருப்பூர் வந்து திரும்பும்போது கண்ணப்பன் அடியாட்கள் பாபு ராஜை அருகில் உள்ள விஸ்வநாதனுக்கு சொந்தமான டாஸ்மாக் பாருக்கு சென்றுள்ளனர் .

அதன்பின்னர் கண்ணப்பன் மற்றும் கண்ணப்பன் அடியாட்கள் சரமாரியாக தாக்கி உள்ளனர் இதன்விளைவாக பாபு ராஜ் சம்பவ இடத்திலேயே மயங்கி விழுந்துள்ளார். தகவல் அறிந்து அங்கு விரைந்து சென்ற பாபு ராஜ் நண்பர்கள் மயங்கி கிடந்த பாபுராஜை மீட்டு அருகிலுள்ள மருத்துவமனைக்கு கொண்டு சென்றனர். ஆனால் செல்லும் வழியில் பாபுராஜ் பரிதாபமாக இறந்தார். இந்த சம்பவம் தொடர்பாக வழக்குப்பதிவு செய்த பெருமாநல்லூர் காவல்துறை கண்ணப்பன் மற்றும் உள்ளிட்டவர்களை கைது செய்து சிறையில் அடைத்தனர்.

மூலனூர் காவல் நிலைய எல்லைக்குட்பட்ட கிளாங்குண்டல் கிராமம் சுள்ளப்பெருக்கி பாளையத்தில் வசித்து வந்த வேலுசாமி, ரவி ஆகிய இருவரும் அடித்து எரித்து கொலை செய்யப்பட்டனர். இது தொடர்பாக திருப்பூர் மாவட்டம் மூலனூர் வெள்ளகோவில் ரோடு தாளக்கரை பிரிவு சேர்ந்த முத்துசாமி என்பவர் காவல்துறையினரால் கைது செய்யப்பட்டார்.

இதுபோல் திருப்பூர் வீரபாண்டி குளத்துப்பாளையத்தை சேர்ந்த சிவபெருமாள் என்பவரது மகன் ஹரிகணேஷ் கடந்த செப்டம்பர் 12-ந் தேதி பொங்கலூரை அடுத்த பொள்ளிக்காளிபாளையம் என்ற இடத்தில், செல்போனில் பேசியபடி நடந்து சென்றவரிடம் இருந்து செல்போனை பறித்துக்கொண்டு தப்பிச்சென்றார். இந்த நிலையில் ஹரிகணேஷை கைது செய்து கோவை சிறையில் அடைத்தனர். இதையடுத்து இந்த 3 பேரயைும் குண்டர் சட்டத்தில் சிறையில் அடைக்க, மாவட்ட காவல் கண்காணிப்பாளர் சஷாங்சாய் பரிந்துரையின் கீழ், திருப்பூர் மாவட்ட கலெக்டர் வினீத் உத்தரவிட்டார்.

தரமற்ற அடுக்குமாடி குடியிருப்பை கட்டிய பி.எஸ்.டி நிறுவனத்தின் உரிமையாளர் வீட்டில் லஞ்ச ஒழிப்பு காவல்துறை சோதனை

நாமக்கல் மாவட்டம் பரமத்திவேலூர் அருகே உள்ள கோலாரம் ஊராட்சி வாவிபாளையத்தை சேர்ந்த தென்னரசு என்பவர் நாமக்கல் அடுத்த நல்லிபாளையத்தில் பி.எஸ்.டி. என்ற கட்டுமான நிறுவனம் ஒன்றை நடத்தி வருகிறார்.பி.எஸ்.டி. கட்டுமான நிறுவனம் நாமக்கல் அரசு மருத்துவக்கல்லூரி கட்டிட பணிகள் உள்பட பல்வேறு அதிமுக ஆட்சியில் அரசு கட்டிடங்களின் கட்டுமான பணிகளை ஒப்பந்த அடிப்படையில் எடுத்து செய்து வருகிறார்.

சமீபத்தில் சென்னையில் தரமற்ற அடுக்குமாடி குடியிருப்பை கட்டியதாக பி.எஸ்.டி. நிறுவனத்தின் மீது ஏற்கனவே புகார் எழுந்தது. இந்நிலையில் நாமக்கல் மாவட்டத்தில் உள்ள பி.எஸ்.டி. கட்டுமான நிறுவனத்தின் உரிமையாளர் தென்னரசு வீடு மற்றும் அலுவலகங்களில் லஞ்ச ஒழிப்பு காவல்துறை நேற்று திடீர் சோதனை நடத்தினர்.

முன்னாள் அமைச்சர் தங்கமணி பரபரப்பு பேட்டி

அ.தி.மு.க. தலைமை செயலாளர் பி. தங்கமணி நாமக்கல்லில் நேற்று நிருபர்களுக்கு பேட்டி அளித்தார். அப்போது,எருமப்பட்டி ஒன்றியக்குழு தலைவர் வருதராஜ் கொரோனாவால் இறந்தார், அதையொட்டி ஒன்றியக்குழு தலைவர் பதவி காலியானது. காலியான ஒன்றிய தலைவர் பதவி புதிய தலைவர் நியமனம் செய்ய மறைமுக தேர்தல் நேற்று நடைபெறுவதாக அறிவிக்கப்பட்டு இருந்தது.

ஒன்றியக்குழு உறுப்பினர்கள் 15 பேரில் 10 பேர் அ.தி.மு.க.வுக்கு ஆதரவாக உள்ளனர். அவர்கள் தி.மு.க.வினரின் மிரட்டலுக்கு பயந்து கோவிலுக்கு சென்று விட்டனர். ஆனால் அவர்களை நான் கடத்தி சென்று விட்டதாக பொதுமக்கள் போர்வையில் கொடுக்கப்பட்ட மனுவில் என் மீது வழக்கு போட்டு தேர்தலை ரத்து செய்துள்ளனர். இதுதொடர்பாக காவல் கண்காணிப்பாளரை சந்தித்து கேட்டேன். அவர், மனுவை பரிசீலனை செய்து வழக்கு பதிவு செய்யப்பட்டதாக கூறினார்.

நான் சென்னையில் இருந்து கடந்த 3 நாட்களுக்கு முன்புதான் நாமக்கல்லுக்கு வந்தேன். அப்படி இருக்கும் போது நான் எப்படி ஒன்றியக்குழு உறுப்பினர்களை கடத்தி இருக்க முடியும். எப்போது ஒன்றியக்குழு தலைவர் தேர்தல் நடத்தப்பட்டாலும் அதில் அ.தி.மு.க. தான் வெற்றி பெறும். என் மீது புகார் அளித்தவர்கள் மீது கோர்ட்டில் வழக்கு தொடர உள்ளேன் என தெரிவித்தார்.