Category: சிறப்புக் கட்டுரை

அந்த காலத்தில், கூட்டுக் குடும்பத்தில் அன்பு பெரிதாக இருக்க, சாகும் வரை இணை பிரியாத உறவு இருந்தது. பெண்கள் வயதுக்கு வந்தவுடனே திருமணம் செய்து வைத்தனர். என்று பெண்கள் வேலைக்கு செல்ல ஆரம்பித்தார்களோ அன்று இருந்து, கள்ள உறவுகள் ஆரம்பித்தன என்று சொல்லும் அளவிற்கு கள்ளக்காதல் பெருகியுள்ளது. மேலும் ஸ்மார்ட் போன்கள் மக்கள் கைகளில் வரத்தொடங்கியதோ, அன்றே சிறுவர்கள், இளைஞர்கள், குடும்பப் பெண்கள் என பலர், காம வலைகளில் சிக்கி, தங்கள் குடும்ப வாழ்க்கையை சீரழித்து கொண்டுள்ளனர்.

இப்படி நாளுக்கு நாள் கள்ளக்காதல்கள் காரணமாக பச்சிளம் குழந்தைகளையும் பெற்ற தாய்கள் துடிதுடிக்க கொல்லும் சம்பவமும், கணவனுக்கு சாப்பாட்டில் விஷம் வைத்து சில மனைவிகள் கொல்லும் சம்பவமும் ஆண்கள், பெண்கள், குழந்தைகள் என பேதமின்றி உயிர்கள் காவு வாங்கப்பட்டு வருகின்றன. இந்நிலையில் மேலும் ஒரு சம்பவம் நம்மையெல்லாம் அதிர்ச்சியில் உறைய வைத்துள்ளது.

ஆந்திராவிலுள்ள சங்கர்ரெட்டி மாவட்டத்தில் இருக்கும் அமீன்பூர் என்ற இடத்தில் ஆசிரியையாக பணிபுரிந்து வரும் ரஞ்சிதாவிற்கு சென்னையா என்பவருடன் திருமணமாகி சாய்கிருஷ்ணா, மதுபிரியா, கெளதம் ஆகிய மூன்று குழந்தைகள் உள்ளனர். சமீபத்தில் ரஞ்சிதாவுடன் பள்ளியில் படித்தவர்களின் சங்கமம் ஒன்றுக்கு ஏற்பாடு செய்ய திட்டமிட்டனர். இதில் ரஞ்சிதாவிற்கு அவருடன் பள்ளியில் ஒன்றாக படித்த சிவா என்பவருடன் அறிமுகம் ஏற்பட்டது. அந்த அறிமுகத்தை தொடர்ந்து இருவரும் அடிக்கடி செல்போனில் பேசிக்கொண்டனர். இது நாளடைவில் அவர்களுக்குள் திருமணம் தாண்டிய தொடர்பை ஏற்படுத்தியது.

அடிக்கடி இருவரும் தனிமையில் சந்தித்து உல்லாசமாக இருந்தனர். இதில் ரஞ்சிதா சிவாவை திருமணம் செய்து கொள்ள விரும்பினார். ஆனால் குழந்தைகள் மற்றும் கணவன் இருப்பதால் உன்னை எப்படி திருமணம் செய்து கொள்ள முடியும் என்றும், அவர்கள் இல்லாவிட்டால் உன்னை திருமணம் செய்வது குறித்து பரிசீலிப்பேன் என்று சிவா தெரிவித்தார்.

இதனால் சிவாவை திருமணம் செய்ய தனது மூன்று குழந்தைகளையும் கொலை செய்துவிட ரஞ்சிதா திட்டமிட்டார். கணவன் சென்னையா இரவு வேலைக்கு சென்றுவிட்டார். அதனை பயன்படுத்தி மூன்று குழந்தைகளையும் கொலை செய்ய ரஞ்சிதா திட்டமிட்டார். இது குறித்து சிவாவை தொடர்பு கொண்டு பேசியபோது தாமதிக்காமல் உடனே குழந்தைகளை கொலை செய்துவிடும்படி தெரிவித்துள்ளார். இதையடுத்து ரஞ்சிதா முதலில் தனது மூத்த மகன் சாய் கிருஷ்ணாவை டவல் ஒன்றால் மூக்கு மற்றும் வாயை பொத்தி மூச்சுத்திணறடித்து கொலை செய்தார்.

அதனை தொடர்ந்து அதே முறையில் மற்ற இரண்டு குழந்தைகளையும் மூச்சுத்திணறடித்து கொலை செய்தார். காலையில் வேலைக்கு சென்ற கணவன் வீட்டிற்கு வந்ததும் குழந்தைகள் தயிர் சாதம் சாப்பிட்டதால் மயங்கிவிட்டதாக தெரிவித்தார். அதோடு தனக்கும் வயிறு சரியில்லை என்று தெரிவித்தார். இதையடுத்து பக்கத்து வீட்டுக்காரர்கள் துணையோடு 4 பேரையும் சென்னையா மருத்துவமனைக்கு கொண்டு சென்றார். மருத்துவமனையில் மருத்துவர்கள் மருத்துவர்கள் பரிசோதித்து பார்த்தபோது மூன்று குழந்தைகளும் ஏற்கனவே இறந்திருந்தனர்.

மேலும் குழந்தைகளை சோதித்த போது அவர்களது உடம்பில் எந்தவித விஷமும் கலந்திருக்கவில்லை என தெரியவந்தது. இதனை தொடர்ந்து காவல்துறையினருக்கு தகவல் கொடுக்கப்பட்டு அவர்கள் விசாரணையை தொடங்கினர். மேலும் குழந்தைகளின் தாய் ரஞ்சிதாவின் மீது காவல்துறைக்கு சந்தேகம் ஏற்பட்டது. இதனை தொடர்ந்து காவல்துறைக்கு ரகுழந்தைகளின் தாய் ரஞ்சிதாவின் விசாரிக்க தொடங்கினர். இந்த விசாரணையில் அவரது கள்ளக் காதலனை திருமணம் செய்ய குழந்தைகள் தடையாக இருப்பதாக கருதி அவர்களை கொன்றதாக ஒப்புக்கொண்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

அமெரிக்க கடற்படை நிறுவன அதிகாரி சவுரப் ராஜ்புத் என்பவரை, அவரது மனைவி முஸ்கன் ரஸ்தோகியும், கள்ளக்காதலன் சாஹில் சுக்லாவும் சேர்ந்து கொன்று கணவனின் சடலத்தை 15 துண்டுகளாக வெட்டி உடலை காலி டிரம்மில் போட்டு, டிரம்மின் மீது கான்கீரிட் கலவையால் மூடி சமாதியாக்கினார். அதேபோல, அவுரியாவில், கட்டாய திருமணம் செய்து வைத்ததால், திருமணமான 2 வாரங்களிலேயே தன்னுடைய காதலனுடன் சேர்ந்து தன் கணவரை, இளம் பெண் ஒருவர் கொடூரமாக கொலை செய்கின்றாள்.

இப்படி நாளுக்கு நாள் கள்ளக்காதல்கள் காரணமாக பச்சிளம் குழந்தைகளையும் பெற்ற தாய்கள் துடிதுடிக்க கொல்லும் சம்பவமும், கணவனுக்கு சாப்பாட்டில் விஷம் வைத்து சில மனைவிகள் கொல்லும் சம்பவமும் ஆண்கள், பெண்கள், குழந்தைகள் என பேதமின்றி உயிர்கள் காவு வாங்கப்பட்டு வருகின்றன. இப்படிப்பட்ட சூழலில், உத்தரபிரதேசத்தில் நடந்துள்ள சம்பவம் மொத்த பேரின் கவனத்தையும் ஈர்த்து வருகிறது.

உத்தரபிரதேச மாநிலம் சந்த் கபிர் நகரிலுள்ள கடார் ஜாட் என்ற கிராமத்தில் வசித்து வரும் தொழிலாளி பப்ளு.. கடந்த, 2017-ல் ராதிகா என்ற பெண்ணை திருமணம் செய்த நிலையில் இந்த தம்பதிக்கு இரண்டு குழந்தைகள் உள்ளனர். பப்ளு வெளியூரில் வேலை பார்த்து வந்த நிலையில், ராதிகாவுக்கும், அதே கிராமத்தை சேர்ந்த விகாஷ் என்ற இளைஞருக்கும் கள்ளத்தொடர்பு ஏற்பட்டுள்ளது. இந்த விஷயம், பப்ளுவுக்கு தெரியவந்தது.

இதனால் ஊருக்கு திரும்பிய பப்ளு, இதுகுறித்து ராதிகாவை கண்டித்துள்ளார். ஆனால், ராதிகாவோ, விகாஷை தன்னால் மறக்க முடியாது என்று திட்டவட்டமாக கூறியுள்ளார். உடனே யாரும் எதிர்பார்க்காத நிலையில், ராதிகாவை அவருடைய கள்ளக்காதலனுக்கே திருமணம் செய்து வைப்பதாக பப்ளு கிராம மக்களிடம் அறிவித்தார். அத்துடன், 2 குழந்தைகளையும் தானே வளர்ப்பதாகவும் கூறினார். இதைக்கேட்டு, ராதிகா உட்பட மொத்த பேரும் திகைத்து மட்டுமின்றி கிராம மக்கள் இதற்கு எதிர்ப்பு தெரிவித்தனர். ஆனால், கிராம மக்களையும் சமாதானம் செய்து பப்ளு ஒப்புதலை பெற்றார். இதையடுத்து குழந்தைகள், பெரியவர்கள் மற்றும் உறவினர்கள் முன்பு, மனைவியின் திருமணத்தை முன்னின்று நடத்தி வைத்தார். மணமக்களை ஆசீர்வாதம் செய்துவிட்டு, தன்னுடைய குழந்தைகளை தன்னுடனேயே பப்ளு அழைத்துச் சென்றுவிட்டார்.

இந்த முடிவு எடுத்ததற்கான காரணம் குறித்து பப்ளு பிடிஐ செய்தி நிறுவனத்திடம் கூறும்போது, “மனைவியின் கள்ளக்காதலால் எனக்கு ஏற்படக்கூடிய தீங்குகளை, ஆபத்துகளை தவிர்ப்பதற்காகவே நான் அவர்களின் திருமணத்தை ஏற்பாடு செய்ய முடிவு செய்தேன். சமீப காலமாகவே, கணவர்கள் தங்கள் மனைவிகளால் கொலை செய்யப்படுகிறார்கள். அதுவும் மீரட்டில் நடந்த சம்பவத்தை பார்த்ததுமே எனக்கு குலைநடுங்கிவிட்டது. அதனால்தான், நாங்கள் இருவருமே நிம்மதியாக வாழ என்ன வழி என்று யோசித்து, என் மனைவியை அவளுடைய கள்ளக்காதலனுக்கு திருமணம் செய்து வைக்க முடிவு செய்தேன்” என பப்ளு தெரிவித்தார்.

நிலவு குழந்தைகளுக்கு சோறூட்ட மட்டுமல்ல அறிவியல் வளர்ச்சி இன்னும் சில நூற்றாண்டுகளில் நிஜப் பாட்டி அங்கே வடை சுட்டாலும் ஆச்சரியப்படுவதற்கு இல்லை என்ற அளவிற்கு இன்றைய நவீன உலகில் மனிதன் உலகையே தனது உள்ளங்கையில் வைக்கும் அளவிற்கு வளர்ச்சி அடைந்துள்ளது. ஆனாலும் மனிதன் மதம், மொழி, இனம் போன்ற மூட நம்பிக்கைகளால் பிளவுபட்டு கிடக்கின்றான். அவனுடைய மூட நம்பிக்கைகள் அவனது ஆறாம் அறிவை செயல்பட வைப்பது இல்லை. அவனது ஆறாம் அறிவு செயல்படாத காரணத்தின் விளைவு ஆங்காங்கே வன்முறைகள் வெடிக்கின்றது. கெளரவம் என்ற பெயரில் நடக்கும் ஆணவ கொலைகள் தமிழகத்தில் கடந்த சில ஆண்டுகளாகவே தொடர்ந்து நடைபெற்று வரும் சூழ்நிலையில் நாடு எங்கே சென்று கொண்டுள்ளது என சிந்திக்க வைக்கிறது.

இந்நிலையில், வேற்று இனத்தை சேர்ந்தவரின் காதலை கைவிட மறுத்ததால் தங்கையை, அண்ணனே அடித்துக்கொலை செய்த சம்பவம் பெரும் பரபரப்பை ஏற்படுத்தியுள்ளது. திருப்பூர் மாவட்டம் பல்லடம் அருகேயுள்ள பருவாய் கிராமத்தைச் சேர்ந்த வெல்டிங் பட்டறை தொழிலாளி தண்டபாணி. இவரது மனைவி தங்கமணி. இவர்களது மகன் சரவணன் மகள் வித்யா உள்ளனர். சரவணன் எலெக்ட்ரீஷியனாகப் பணியாற்றி வந்தார். சரவணனின் தங்கை வித்யா கோயம்புத்தூர் அரசுக் கல்லூரியில் முதுகலை முதலாமாண்டு படித்து வந்தார். வித்யாவும், திருப்பூர் விஜயாபுரத்தை சேர்ந்த வெண்மணி என்ற வாலிபருக்கும் காதல் மலர்ந்தது. இந்த விவகாரம் வித்யா வீட்டிற்கு தெரியவந்தது. வித்யா வீட்டிற்கு வெண்மணி வந்து பெண் கேட்டுள்ளார்.

இந்நிலையில்,கடந்த 30-ஆம் தேதி வித்யாவின் வீட்டில் இருந்தவர்கள் தேவாலயத்துக்கு சென்றிருந்ததாக கூறப்படுகிறது. வீட்டிற்கு திரும்பி வந்து பார்த்தபோது பீரோ விழுந்த நிலையில் காயத்துடன் வித்யா சடலமாக கிடந்தார். பீரோ விழுந்து வித்யா இறந்திருக்கலாம் என பெற்றோர் நினைத்து காவல்துறைக்கு தகவல் தெரிவிக்காமல் வித்யாவின் பெற்றோரும், உறவினர்களும் உடலை அடக்கம் செய்தனர். வித்யா உயிரிழந்த தகவலை கேள்விப்பட்ட அவரது காதலன் வெண்மணி அதிர்ச்சியடைந்தார். மேலும் காதலியின் சாவில் மர்மம் உள்ளது என காமநாயக்கன்பாளையம் காவல் நிலையத்தில் புகார் அளித்தார். அதேபோல கிராம நிர்வாக அதிகாரிக்கும் புகார் அளிக்கப்பட்டது.

இதையடுத்து பல்லடம் தாசில்தார் சபரிகிரி, கிராம நிர்வாக அதிகாரி பூங்கொடி மற்றும் வருவாய்த்துறையினர் முன்னிலையில் வித்யா உடல் நேற்று முன்தினம் தோண்டி எடுக்கப்பட்டு திருப்பூர் அரசு மருத்துவக் கல்லூரி மருத்துவக் குழுவினர் உடற்கூராய்வு செய்தனர். அதில் உடற்கூராய்வில் வித்யா தலையின் பின்பக்கத்தில் பலத்த காயம் இருந்தது தெரியவந்தது. இதையடுத்து வித்யா கொலை செய்யப்பட்டு இருக்கலாம் என்ற சந்தேகத்தின் பேரில் காமநாயக்கன்பாளையம் காவல்துறை விசாரணையை தொடங்கினர். வித்யாவின் பெற்றோர் மற்றும் அவரது அண்ணன் சரவணன் ஆகியோரிடம் விசாரணை நடந்தது.

பல மணி நேர விசாரணைக்குப் பிறகு, வித்யாவை கொலை செய்ததை சரவணன் ஒப்புக்கொண்டார். விசாரணையில், எனது தங்கை மீது அதிக பாசம் வைத்திருந்தேன். அவரது காதல் விவகாரம் தெரியவந்ததும் கண்டித்தேன். காதலை கைவிட வேண்டும். படிப்பில் மட்டும் கவனம் செலுத்த வேண்டும் என அறிவுறுத்தினேன். ஆனால், தங்கை அதனை கண்டுகொள்ளவில்லை. மாறாக என்னிடம் பேசுவதை தவிர்த்து வந்தாள். இது எனக்கு ஆத்திரத்தை ஏற்படுத்தியது. சம்பவத்தன்று அறையில் வித்யா படுத்து இருந்தார். அப்போது, அரிவாளின் பின்பக்கத்தால் அவளது தலையில் பலமாக தாக்கினேன்.

இதில் அவள் சம்பவ இடத்திலேயே இறந்தாள். இதன்பின்னர் கொலையை மறைக்க பீரோ விழுந்து அவள் இறந்ததுபோல் சித்தரிக்க பீரோவை தலை மீது சாய்த்துவிட்டு வீட்டில் இருந்து வெளியேறிவிட்டேன் என தெரிவித்தார். இதையடுத்து, சரவணன் மீது கொலை வழக்குப்பதிவு செய்த காமநாயக்கன்பாளையம் காவல்துறையினர் கைது செய்தனர். காதலை கைவிட மறுத்ததால் தங்கையை, அண்ணனே அடித்துக்கொலை செய்த சம்பவம் அப்பகுதியில் பரபரப்பை ஏற்படுத்தியுள்ளது.

தமிழக அரசியல் களத்தில் கொங்கு மண்டலம் ஒரு தவிர்க்க முடியாத ஒரு அரசியல் சக்தியாகும். கொங்கு தொகுதிகளின் வெற்றி, தோல்விகளின்  எண்ணிக்கையை பொறுத்தே ஆட்சியை கைப்பற்ற முடியும் என்பது ஒரு நிதர்சனமான உண்மையாகும் . ஆகையால், MGR -ரின் காலம் தொட்டே  அதிமுகவின் கோட்டையான கொங்கு மண்டலம் கலைஞரின் காலம் வரை ஒரு கனவாகவே இருந்து வந்த  நிலையில் ஜெயலலிதாவின் மறைவிற்கு பின்னர் கொங்கு மண்டல வாக்கு வங்கியை குறிவைத்து தமிழக பாஜக எல். முருகன் மாநில தலைவராக நியமனம். அவரை தொடர்ந்து அண்ணாமலை நியமனம் என கொங்கு மண்டல அரசியல் களம் சூடிப்பிக்கத் தொடங்கியபோது 2018 டிசம்பர் 14 -ஆம் தேதி மீண்டும் செந்தில் பாலாஜி திமுகவில் இணைந்தார்.

எடப்பாடி பழனிசாமி ஆட்சிக்காலத்தில் நடைபெற்ற நாடாளுமன்ற தேர்தலில் கொங்கு மண்டலம் முழுவதும் செந்தில் பாலாஜி சூறாவளி சுற்று பயணம் மேற்கொண்டு பாஜக, அதிமுகவின் தேர்தல் பிரசாரத்தை ஒட்டுமொத்தமாக சிதறடித்து ஒட்டுமொத்த கொங்கு மண்டல நாடாளுமன்ற உறுப்பினர்களை வெற்றிபெற செய்தது மட்டுமின்றி கரூர் இடைத்தேர்தலில் திமுக சார்பில் போட்டியிட்டு வெற்றி பெற்று தனக்குள்ள செல்வாக்கை  செந்தில் பாலாஜி நிரூபித்தார். தொடர்ந்து நடைபெற்ற நகர்ப்புற உள்ளாட்சி தேர்தலில் திமுக கூட்டணி கோயம்புத்தூர் உட்பட அநேகமான பகுதிகளில் அமோக வெற்றி பெற்ற, அதிமுகவின் கோட்டையான கோயம்புத்தூரை தகர்த்து விட்டோம் எனச் சூளுரைத்தார்.

ஜெயலலிதா சொத்து குவிப்பு வழக்கில் சிறை செல்ல நேர்ந்தபோது தமிழகத்தின் அடுத்த முதலமைச்சர் யார் என்ற பெயர் பட்டியலில் செந்தில் பாலாஜியின் பெயரும் இருந்தது என்றால் அவர் எந்த அளவிற்கு மக்கள் மற்றும் அரசியல் செல்வாக்கு மிக்க தலைவராக வலம் வந்தார் என்பதைக் காட்டுகிறது. முன்னாள் முதலமைச்சர் எடப்பாடி பழனிசாமியிடம் கருது வேறுபாடு ஏற்பட்டபோது ஏற்பட்ட கருத்து மோதலில் உனக்கு முன்னாள் நான் அதிமுகவில் எம்எல்ஏ ஆனவன் என எடப்பாடி பழனிசாமி பேசியபோது, நீ எனக்கு முன்னாள் அதிமுகவில் எம்எல்ஏவாக இருந்தாலும் நீயும் நானும் ஒரே நேரத்தில் தான் அமைச்சர்கள் ஆனோன் என செந்தில் பாலாஜி பதிலடி கொடுத்து எடப்பாடி பழனிசாமியின் வாயடைத்தார் .

இதன்பின்னர் செந்தில் பாலாஜிக்கு ஸ்டாலின் க்ரீன் சிக்னல் கொடுக்க செந்தில் பாலாஜியின் அரசியல் பயணம் அசுர வளர்ச்சி அடைந்தது. ஒட்டு மொத்த கொங்கு மண்டலத்தையே தான் கட்டுக்குள் கொண்டு வந்தார். ஜெயலலிதா மறைவிற்கு பின்னர் கொங்கு மண்டல வாக்குவங்கியை சிந்தாமல் சிதறாமல் திமுக பக்கம் திரும்பியது. இதுமட்டுமின்றி பாஜக மற்றும் அதிமுக ஆகிய இரு கட்சிகளின் விமர்சனங்களுக்கு செந்தில் பாலாஜி ஒருவரே தக்க பதிலடி கொடுத்தார்.

தமிழ்நாட்டின் 16-வது சட்டமன்றத் தேர்தல் இரண்டு முக்கிய ஆளுமைகளான மு. கருணாநிதி, ஜெ. ஜெயலலிதா ஆகியோரின் இறப்பிற்குப் பின்னர் 2021 ஏப்ரல் 6-ஆம் தேதி நடைபெற்ற முதலாவது சட்டமன்றத் தேர்தல் என்பதால் இந்த தேர்தலை நாடே உற்று நோக்க ஆரம்பித்தது. இதில் ஆளும் எடப்பாடி பழனிசாமி தலைமையிலான தேசிய ஜனநாயகக் கூட்டணி 75 இடங்களை வென்றது, இதில் அதிமுக 65 இடங்களை மட்டும்  கைப்பற்றியது.

மு. க. ஸ்டாலின் தலைமையிலான மதச்சார்பற்ற முற்போக்குக் கூட்டணி 159 தொகுதிகளைக் கைப்பற்றியது. இவற்றில் திமுக 125 தொகுதிகளில் கைப்பற்றியது. இதன் மூலம் அதிமுகவின் பத்தாண்டுகால ஆட்சி முடிவுக்கு வந்தது. மேலும் திமுக ஆறாவது முறையாக ஆட்சியைப் பிடிக்க மு. க. ஸ்டாலின் அறுதிப் பெரும்பான்மையோடு முதல் முறையாக தமிழ்நாட்டின் 12-வது முதலமைச்சரானார். இந்த வெற்றிக்கு பின்னால் பலர் இருந்தாலும் கொங்கு மண்டலத்தில் அதிமுகவின் வாக்குகளை சிதைத்து திமுகவின் பக்கம் மக்களை திருப்பியதில் செந்தில் பாலாஜி பங்கு அதிகம் என உணர்ந்த மு. க. ஸ்டாலின் அவர்கள் தனது மந்திரி பதவியில் இடமளித்தார்.

இந்நிலையில், எடப்பாடி பழனிசாமி ஆட்சியை கோட்டைவிட்டதிற்கு சட்டமன்ற தேர்தலில் செந்தில் பாலாஜியின் தீவிர பிரசாரமும் ஒரு காரணம் மற்றும் செந்தில் பாலாஜியுடன் ஏற்கனவே இருந்த கருத்து மோதல் இரண்டும் சேர செந்தில் பாலாஜியை சமயம் கிடைக்கும் போதெல்லாம் எடப்பாடி பழனிசாமி கலைக்க ஆரம்பித்தார். அதன் தொடர்ச்சி, ஆட்சி மாறினால், காட்சிகள் மாறும். ஏழு கட்சி மாறியவரின் பேச்சை கேட்டுத்தான் இப்படி செயல்படுகிறீர்கள் என தெரியும். அவர் இப்போது தி.மு.க-வில் இருப்பார். ஆட்சி மாறியவுடன் வேறு கட்சிக்கு போய்விடுவார்கள் என செந்தில் பாலாஜியை எடப்பாடி பழனிசாமி விமர்சனம் செய்தார்.

எடப்பாடி பழனிச்சாமிக்கு அமைச்சர் செந்தில் பாலாஜி ட்விட்டரில், “13 அப்பாவி தமிழர்கள் துப்பாக்கி சூட்டில் கொல்லப்பட்டதை டிவி பார்த்து தெரிந்துக்கொண்ட, கம்பராமாயணத்தை சேக்கிழார் எழுதினார் என கண்டுப்பிடித்த எடப்பாடி பழனிசாமி, இப்பொழுது மின்சாரத்தில் இயங்கும் டிவியை பார்த்து மின்தடை இருப்பதை கண்டறிந்திருக்கிறார். மேலும் அபிராமி லிங்கனுக்கும், ஆபிரகாம் லிங்கனுக்கும் வேறுபாடு தெரியாத எடப்பாடி பழனிசாமிக்கு இதெல்லாம் புரிந்தாலே ஆச்சரியம்”என விமர்சனம் செய்தார்.

இந்நிலையில் முன்னாள் முதல்வர் எம்ஜிஆர்-இன் 108-வது பிறந்தநாள் விழா பொதுக்கூட்டம் சோழிங்கநல்லூர் தொகுதியிலுள்ள கண்ணகி நகரில் நடைபெற்றது. இந்த கூட்டத்தில் பேசிய எடப்பாடி பழனிசாமி, 2026-ம் ஆண்டு கண்டிப்பாக அதிமுக ஆட்சியை கொண்டு வருவோம். திமுக ஆட்சி முடிவுக்கு வர இன்னும் 13 அமாவாசை தான் என பேசி இருந்தார்.

எடப்பாடி பழனிசாமியின் பேச்சுக்கு செந்தில் பாலாஜி பதிலடி கொடுக்கும் விதமாக தமது எக்ஸ் பக்கத்தில்,  ‘‘நாம முன்னுக்கு வரணும்னா நாய் என்ன… மனுஷன் என்ன? ஏறி மிதிச்சு போயிட்டே இருக்கணும்’’ ‘அமைதிப்படை’ படத்தில் வரும் டயலாக் இது. அதில் வரும் ‘அமாவாசை’ கேரக்டர் தான் எடப்பாடி பழனிசாமி.

பலரை ஏறி மிதித்து, ஊர்ந்து சென்று, பதவியைப் பிடித்த எடப்பாடி பழனிசாமி, ‘’திமுக ஆட்சிக்கு இன்னும் 13 அமாவாசைதான் இருக்கிறது’’ என செந்தில் பாலாஜி கடுமையாக விமர்சித்து இருந்தார். அமைச்சர் செந்தில் பாலாஜி விமர்சனத்திற்கு, சேலம் மாவட்டம் ஓமலூரில் செய்தியாளர்களின் கேள்விக்கு எடப்பாடி பழனிசாமி பதிலளித்தார். அப்போது, செந்தில் பாலாஜிக்கு அமைதிப்படை அமாவாசை என்ற பெயர் பொருத்தமானது. ஐந்து கட்சிக்கு சென்று திமுகவிற்கு வந்துள்ளார். இனிமேல் எந்த கட்சிக்கு செல்வார் என்று தெரியாது. ஒரு ஐந்தாண்டு காலத்தில் திமுக, அதிமுக இரண்டு கட்சி சின்னத்திலும் தேர்தலில் நின்ற நபர் செந்தில் பாலாஜி என எடப்பாடி பழனிசாமி பதிலடி கொடுத்தார்.

இந்நிலையில், இந்த பழனிசாமியின் பேச்சுக்கு அமைச்சர் செந்தில் பாலாஜி மீண்டும் தமது எக்ஸ் பக்கத்தில், தரையே தேயும் அளவுக்கு ஊர்ந்து சென்று காலைப் பிடித்து முதல்வராகி, பதவி சுகம் கண்டவுடன் அந்த கால்களையே வாரிவிட்ட எடப்பாடி பழனிசாமி அவர்கள் அரசியல் விசுவாசம் பற்றி வகுப்பெடுக்கிறார்.. எடப்பாடி பழனிசாமி அவர்கள் தனிப்பட்ட வகையில் எத்தனை பேருக்கு துரோகம் செய்தார் என்ற கணக்கை கூட விட்டுவிடலாம்; தனது பதவி நிலைத்திருக்க வேண்டும் எனும் சுயநலத்திற்காக தமிழ்நாட்டையே பாஜகவிடம் அடமானம் வைத்தார் என்பதை தமிழ்நாட்டு மக்கள் அனைவரும் அறிவர்.

புளிமூட்டையில் ஆரம்பித்து அரசியல் வரை எல்லாவற்றையும் எந்தவொரு அறமும் இன்றி வெறும் வியாபாரமாகவே பார்க்கும் வியாபாரி பழனிசாமி எப்படியான அரசியல் வியாபாரி என்பது அவரைச் சுற்றியுள்ளவர்களுக்கு மிக நன்றாக தெரியும். அடிமைக் கூட்டத்திற்கு லாவணி பாடாதவர்களுக்கு எல்லாம் ஏதாவதொரு முத்திரை குத்தி அவர்களைக் காலி செய்வதற்காக எந்தவொரு லாபியும் செய்யத் தயங்காத பதவி வியாபாரி பழனிசாமி மற்றவர்களைப் பார்த்து வியாபாரி என்று சொல்வதுதான் நகைமுரண் என செந்தில் பாலாஜி மீண்டும் எக்ஸ் பக்கத்தில் எடப்பாடி பழனிசாமியை கடுமையாக வறுத்தெடுத்தார்.