Author: rajaram

மகாராஷ்டிராவில் கடந்த சட்டமன்ற தேர்தலுக்கு பின்பு முதலமைச்சர் போட்டி காரணமாக சிவசேனாவும், பா.ஜனதா இடையேயான கூட்டணி முறிந்தது. இதைத்தொடர்ந்து சிவசேனா, கொள்கை முரண்பாடு கொண்ட தேசியவாத காங்கிரஸ், காங்கிரஸ் கட்சிகளுடன் இணைந்து மகாவிகாஸ் என்ற புதிய கூட்டணியை உருவாக்கி ஆட்சியை கைப்பற்றியது.இந்நிலையில் சமீபத்தில் டெல்லிக்கு பயணம் செய்த சிவசேனா தலைவர் உத்தவ் தாக்கரே, பிரதமர் மோடியை தனிப்பட்ட முறையில் சந்தித்து பேசினார்.

இதனால் மீண்டும் இரு கட்சிகளும் ஒன்றிணைய வாய்ப்புள்ளதாக கூறப்பட்டு வருகிறது. இந்நிலையில் ஜல்கானில் சிவசேனா கட்சி தொண்டர்கள் மத்தியில் நேற்று உரையாற்றிய சிவசேனா கட்சியின் மூத்த தலைவர் சஞ்சய் ராவத், முந்தைய முதலமைச்சர் தேவேந்திர பட்னாவிஸ் தலைமையிலான பா.ஜனதா அரசில் சிவசேனாவுக்கு இரண்டாம் நிலை அந்தஸ்து மட்டுமே வழங்கப்பட்டது. சிவசேனா அடிமைகளை போலவே நடத்தப்பட்டது.

மேலும் சிவசேனா ஆதரவு மூலமாக கிடைத்த அதிகாரத்தை பயன்படுத்தி கட்சியை அழித்தொழிக்கும் முயற்சியும் மேற்கொள்ளப்பட்டன.சிவசேனா மகாராஷ்டிராவில் அதன் முதலமைச்சரை கொண்டு செயல்பட வேண்டும் என்று நான் எப்போதும் நினைப்பேன். சிவசேனா தொண்டர்களுக்கு இதனால் எதும் கிடைக்காவிட்டாலும், மாநிலத்தின் தலைமை தற்போது சிவசேனாவின் வசம் உள்ளது என்று பெருமையுடன் சொல்ல முடியும். மாகவிகாஸ் கூட்டணி இந்த உணர்வோடு தான் 2019-ம் ஆண்டு நவம்பரில் உருவாக்கப்பட்டது.

இந்திய கம்யூனிஸ்டு கட்சி பொதுச்செயலாளர் டி.ராஜா, இடதுசாரி கட்சிகளான மார்க்சிஸ்ட் கம்யூனிஸ்டு கட்சி பொதுச்செயலாளர் சீதாராம் யெச்சூரி, புரட்சிகர சோஷலிஸ்டு கட்சி பொதுச்செயலாளர் மனோஜ் பட்டாச்சார்யா, விடுதலை கம்யூனிஸ்டு கட்சி பொதுச்செயலாளர் திபங்கர் பட்டாச்சார்யா, பார்வர்டு பிளாக் பொதுச்செயலாளர் தேவபிரதா பிஸ்வாஸ் ஆகியோர் இணைந்து கூட்டாக ஒரு அறிக்கை வெளியிட்டுள்ளனர்.

அதில், கோவிட் -19 கோரப்பிடியில் சிக்கி உள்ள மக்களுக்கு உதவ வேண்டிய இடத்தில் உள்ள மத்திய அரசு, அதை செய்யாமல், பெட்ரோலிய பொருட்களின் விலையை உயர்த்தி வருகிறது. மே 2-ந் தேதி 5 மாநில சட்டசபை தேர்தல் முடிவுகள் வெளியான பிறகு 21 தடவை பெட்ரோல், டீசல் விலை உயர்த்தப்பட்டுள்ளது. இதனால், தொடர் விளைவாக பணவீக்கம் அதிகரித்துள்ளது. மொத்தவிலை குறியீட்டு எண் 11 ஆண்டுகளில் இல்லாத அளவுக்கு உயர்ந்துள்ளது. ஆகவே, உயர்த்தப்பட்ட பெட்ரோல், டீசல் விலையை மத்திய அரசு வாபஸ்பெற வேண்டும்.

கடந்த ஏப்ரல் மாதம் உணவு பொருட்களின் விலை 5 சதவீதமும், அத்தியாவசிய பொருட்கள் விலை 10.16 சதவீதமும் அதிகரித்துள்ளது. இப்பொருட்கள் சில்லரை சந்தையை அடையும்போது, இன்னும் விலை கூடி விடுகிறது.பொருளாதார மந்தநிலையும், வேலையில்லா திண்டாட்டமும், பட்டினியும் நிலவும்போது இப்படி நடக்கிறது. பேராசை பிடித்தவர்கள், கள்ளச்சந்தையில் அத்தியாவசிய மருந்துகளை விற்கிறார்கள். அவர்கள் மீது மோடி அரசு கடும் நடவடிக்கை எடுக்க வேண்டும். அத்தியாவசிய பொருட்களின் விலையை கட்டுப்பாட்டுக்குள் வைக்க வேண்டும் என தெரிவித்தார்.

கடந்த ஆண்டு பிப்ரவரி மாதம் அமெரிக்க முன்னாள் ஜனாதிபதி டிரம்ப் இந்தியா வந்திருந்தபோதும் ஆமதாபாத் நரேந்திர மோடி கிரிக்கெட் அரங்கில் நடைபெற்ற நிகழ்வில் கீதா ரபாரியின் இசை நிகழ்ச்சி இடம்பெற்றது. குஜராத் கட்ச் மாவட்டத்தில் உள்ள மாதாபார் கிராமத்தில் பாடகர் கீதா ரபாரியின் வீடு உள்ளது.

இந்த வீட்டில் சோபாவில் அமர்ந்தபடி கொரோனா தடுப்பூசி போட்டுக்கொள்ளும் ஒரு படத்தை சமூக ஊடகத்தில் கீதா ரபாரி பகிர்ந்தார். பொதுவாக தடுப்பூசி போட்டுக்கொள்வோர் ஆன்லைனில் பதிவு செய்தபிறகு, குறிப்பிட்ட மையத்துக்கு சென்று தடுப்பூசி செலுத்திக்கொள்ள வேண்டும். ஆனால் கீதா ரபாரி கடந்த சனிக்கிழமையன்று ஆன்லைனில் பதிவு செய்தபோதும், வீட்டிலேயே தடுப்பூசி செலுத்திக்கொண்டுள்ளதாக கூறப்படுகிறது.

கீதா ரபாரி பிரபலமானவர் என்பதால் அவருக்கு இந்த சலுகையா என்ற சர்ச்சை வெடித்தது. அவர் மீது மாவட்ட நிர்வாகத்தில் புகாரும் தெரிவிக்கப்பட்டது. இந்நிலையில், சமூக ஊடகத்தில் வெளியிட்டிருந்த இதுதொடர்பான படத்தை கீதா ரபாரி நீக்கிவிட்டார்.