சென்னை விமான நிலையத்தில் பாஜக ஒருங்கிணைப்புக் குழு தலைவர் H .ராஜா அவர்கள் வன்முறையை தூண்டும் விதத்தில் பேசியதாக 4 பிரிவுகளில் கீழ் வழக்கு பதிவு செய்துள்ளனர். கடந்த 7-ம் தேதி சென்னை விமான நிலையத்தில் தமிழக பாஜக ஒருங்கிணைப்புக் குழு தலைவர் H .ராஜா, செய்தியாளர்களின் கேள்விக்கு பதிலளித்தார். அப்போது, ‘மனிதநேய மக்கள் கட்சி தலைவர் ஜவாஹிருல்லா, விசிக தலைவர் தொல் திருமாவளவன் ஆகியோர் தேச விரோதிகள். இரண்டு பேரையும் தீவிரமாக கண்காணிக்க வேண்டும் என்று பேசியிருந்தார்.
இந்நிலையில், மனிதநேய மக்கள் கட்சி சார்பில் சென்னை விமான நிலைய காவல் நிலையத்தில் H .ராஜா அவர்கள் சென்னை விமான நிலையத்தில் வன்முறையை தூண்டும் விதமாக பேட்டி அளித்ததாகவும், அவர் மீது சட்ட ரீதியான நடவடிக்கைகள் எடுக்க வேண்டும் என புகார் மனு கொடுக்கப்பட்டது. இந்த புகாரின் அடிப்படையில், H .ராஜா மீது கலவரத்தை தூண்டுதல், வன்முறையை தூண்ட முயற்சித்தல், பொய்யான தகவல் பரப்புதல், இரு தரப்பினர் இடையே பகைமையை வளர்த்தல் ஆகிய 4 பிரிவுகளின் கீழ் சென்னை விமான நிலைய காவல்துறை வழக்கு பதிவு செய்துள்ளனர்.