பாஜக கூட்டணி அரசிலிருந்து தேசிய மக்கள் கட்சி விலகல்

மணிப்பூரில் அமைதியை ஏற்படுத்த பாஜக தவறிவிட்டதாக குற்றம் சாட்டி தேசிய மக்கள் கட்சி பாஜக கூட்டணி அரசில் இருந்து விலகியுள்ளது. கடந்த 2023-ஆம் ஆண்டு மே மாதம் மணிப்பூர் மாநிலத்தில் மைதேயி, குகி சமுதாயங்களுக்கு இடையே மோதல் ஏற்பட்டு மாநிலம் முழுவதும் கலவரம் வெடித்து 237 பேர் உயிரிழந்தனர். 60,000-க்கும் மேற்பட்டோர் இடம் பெயர்ந்த நிலையில் 11,000-க்கும் மேற்பட்ட வழக்குகள் பதிவு செய்யப்பட்டன.

இந்நிலையில், மணிப்பூரில் படிப்படியாக அமைதி திரும்பி வந்த நிலையில் கடந்த 11-ஆம் தேதி ஜிரிபாம் பகுதியில் பாதுகாப்பு படையினர் நடத்திய என்கவுன்ட்டரில் குகி சமுதாயத்தை சேர்ந்த 11 தீவிரவாதிகள் சுட்டுக் கொல்லப்பட்டனர். இதற்கு பதிலடியாக கடந்த சில நாட்களுக்கு முன்பு ஜிரிபாம் மாவட்டத்தில் குகி தீவிரவாதிகளால் கடத்தப்பட்ட மைதேயி சமூகத்தை சேர்ந்த 6 பேர் கொல்லப்பட்டனர்.

இதைத் தொடர்ந்து மணிப்பூர் மாநிலம் முழுவதும் மீண்டும் கலவரம் வெடித்துள்ளது. ஜிரிபாம் உள்ளிட்ட 5 மாவட்டங்களில் ஊரடங்கு அமல் செய்யப்பட்டிருக்கிறது. மணிப்பூரில் பதற்றம் அதிகரித்து வரும் நிலையில், பாஜக தவறிவிட்டதாக குற்றம் சாட்டி தேசிய மக்கள் கட்சி பாஜக கூட்டணி அரசில் இருந்து விலகியுள்ளது.

மணிப்பூர் சட்டப்பேரவையில் மொத்தம் 60 MLA -க்கள் உள்ள நிலையில் முதலமைச்சர் பிரேன் சிங் தலைமையில் 39 MLA -க்கள் பாஜக கூட்டணி அரசு ஆட்சி நடத்தி வருகிறது. இந்நிலையில், மணிப்பூரில் அமைதியை ஏற்படுத்த பாஜக தவறிவிட்டதாக குற்றம் சாட்டி தேசிய மக்கள் கட்சி பாஜக கூட்டணி அரசில் இருந்து நேற்று விலகியுள்ளது.