Tag: Virudhunagar

அ.தி.மு.க. என்றும் சாகா வரம்பெற்ற இயக்கம்…! மீண்டும் எழும்…!

விருதுநகர் மேற்கு மாவட்டத்தில் அண்ணா தொழிற்சங்கம் போக்குவரத்து பிரிவிற்கு 5 பணிமனை புதிய நிர்வாகிகள் நியமன சான்றிதழ் வழங்கும் நிகழ்ச்சிக்கு சிறப்பு அழைப்பாளராக முன்னாள் அமைச்சர் கே.டி. ராஜேந்திரபாலாஜி, கலந்து கொண்டு புதிய நிர்வாகிகளுக்கு நியமனம் சான்றிதழ்களை வழங்கினர்.

அப்போது, அ.தி.மு.க.விற்கு எப்போது எல்லாம் சோதனைகள் வருகின்றதோ அப்போது எல்லாம் இருந்தவர்கள் தான் இப்போதும் இருக்கின்றனர். திடீரென வந்தவர்கள் திடீரென போய் விட்டார்கள். அ.தி.மு.க. என்றும் சாகா வரம்பெற்ற இயக்கம். கழகத்திற்கு 1996-ம் ஆண்டு ஏற்படாத சோதனையா தற்போது ஏற்பட்டுள்ளது.

சோதனை என்பது அ.தி.மு.க.வுக்கு புதிதல்ல, சோதனைகள் வரும்போது தான் எறிகின்ற பந்து எப்படி துள்ளி எழுந்து வருமோ அதே போன்று அ.தி.மு.க. மீண்டும் எழும் என தெரிவித்துள்ளார்.

அரசு பணத்தை சொந்த கணக்கில் செலுத்திய முத்திரைத்தாள் தனி தாசில்தார்

மதுரை மாவட்ட ஆட்சியர் அலுவலக வளாகத்தில் முத்திரைத்தாள் தீர்வை தனித்துணை ஆட்சியர் அலுவலகத்தில் தேனி, மதுரை, விருதுநகர், சிவகங்கை, ராமநாதபுரம் ஆகிய மாவட்டங்களுக்கான முத்திரைத்தாள் தனி தாசில்தார்கள் பணியாற்றி வருகின்றனர். இதில், தேனி மாவட்டத்துக்கான தனி தாசில்தாராக பணியாற்றுபவர் செந்தில்குமார். இவர் தேனி மாவட்ட ஆட்சியரின் கட்டுப்பாட்டில் செயல்பட்டு வருகிறார்.

இந்நிலையில் தேனி மாவட்டத்துக்கான முத்திரைத்தாள் தனி தாசில்தார் செந்தில்குமார், அரசுக்கு செலுத்த வேண்டிய பணத்தை அரசின் கணக்கில் செலுத்தாமல், தனக்கு சொந்தமான வங்கிக்கணக்கில் செலுத்தியதாக கூறப்படுகிறது. இதற்கிடையே அதிகாரிகள் நடத்திய தணிக்கையில் செந்தில்குமார் செய்த முறைகேடு கண்டுபிடிக்கப்பட்டது.