திருப்பூர் மாவட்டம், உடுமலைப்பேட்டை நகராட்சிக்கு உட்பட்ட தங்கமாள் ஓடை நீர்நிலை புறம்போக்கு பகுதியில் 50-க்கும் மேற்பட்ட வீடுகளில் பொதுமக்கள் குடியிருந்து வந்தனர். இந்த ஓடையை ஒட்டியவாறு கட்டியிருந்த வீடுகளை கடந்த 2017-ம் ஆண்டு நவம்பர் மாதம் நீதிமன்ற உத்தரவுப்படி நகராட்சி நிர்வாகம் அகற்றியது.
அப்போது அவர்களுக்கு புக்குளம் பகுதியில் கட்டப்படும் குடிசை மாற்று வாரிய கட்டிடத்தில் வீடுகள் வழங்கப்படும் என்று அதிகாரிகள் உறுதியளித்ததை தொடர்ந்து பொதுமக்கள் மாற்று இடத்திற்கு குடிபெயர்ந்தனர். ஆனால் இது நாள் வரை அதிகாரிகள் உறுதி அளித்தபடி குடிசை மாற்று வாரிய குடியிருப்பில் வீடுகள் ஒதுக்கீடு செய்யப்பட்டதால் பொதுமக்கள் உடுமலைப்பேட்டை தாலுகா அலுவலகத்தில் திரண்டனர்.
