கோயம்புத்தூர் மாவட்டம், வால்பாறை அருகே கருமலையில் வேளாங்கண்ணி ஆரோக்கிய மாதா ஆலயம் அமைந்துள்ளது. இந்த கருமலை வேளாங்கண்ணி ஆரோக்கிய மாதாஆலயத்தில் ஆண்டு தோறும் செப்டம்பர் மாதம் 8-ந் தேதியும், அதைத்தொடர்ந்து வரும் சனி மற்றும் ஞாயிற்றுக்கிழமையில் தேர்பவனி, நவநாட்கள் மற்றும் கூட்டுபாடல் திருப்பலிகள் நடைபெறுவது வழக்கம்.
இந்த ஆண்டு கொரோனா பரவல் காரணமாக தேர்பவனி ரத்து செய்யப்பட்டு உள்ளது. இந்நிலையில் ஆலயத்தில் சிறப்பு வழிபாடு நடந்தது. கொரோனா தடுப்ப வழிகாட்டு நெறிமுறைகளை பின்பற்றி நடந்த இந்த வழிபாட்டில் பக்தர்கள் கலந்து கொண்டு வழிபாடு செய்தனர்.