ஈரோடு மாவட்ட ஆட்சியர் அலுவலகத்தில் மக்கள் குறைதீர்க்கும் நாள் கூட்டம் மாவட்ட வருவாய் அதிகாரி முருகேசன் தலைமை நேற்று நடைபெற்றது. மக்கள் குறைதீர்க்கும் கூட்டத்தில் சிவகிரி கருக்கம்பாளையத்தை சேர்ந்த சுரேஷ் என்பவரின் மனைவி துளசிமணி தனது இரண்டு கைக்குழந்தைகளுடன் வந்து கோரிக்கை மனு கொடுத்தார்.
அந்த மனுவில், எனது கணவர் டிரைவர் வேலை செய்து வந்தார். எங்களுக்கு திருமணமாகி 13 ஆண்டுகள் ஆகிறது. இந்நிலையில் கடந்த ஆண்டு நான் 7 மாத கர்ப்பமாக இருந்தபோது எனது கணவர் கொரோனா தொற்று பாதித்து இறந்துவிட்டார். எனக்கு இரட்டை குழந்தைகள் பிறந்தது. கணவர் இறந்ததால், வாழ்வாதாரமின்றி 2 குழந்தைகளுடன் தவித்து வருகிறேன். எனக்கு நிவாரண நிதியும், குழந்தைகளை பராமரிக்க அரசு வேலையும் வழங்க வேண்டும் என தெரிவித்திருந்தார்.