கோவையில் மாநில அளவிலான சிலம்ப போட்டி நடைபெற்றது. இதில் கூடலூரை அடுத்துள்ள ஓவேலி பேரூராட்சிக்கு உட்பட்ட பாரதி நகர் அரசு பள்ளியில் பயிலும் மாணவிகள் பவித்ரா, தர்ஷினி, ஹர்ஷா அனுஸ்ரீ ஆகிய 3 பேர் மாநில அளவிலான சிலம்பம் சாம்பியன்ஷிப் போட்டிகளில் கலந்து கொண்டனர். கூடலூர் அரசு மேல்நிலை பள்ளி மாணவிகள் கலந்துகொண்டனர். அவர்கள் சிலம்ப போட்டியில் முதல் மற்றும் 2-ம் இடங்களை பிடித்து வெற்றி பெற்றனர். மிக இளையோர் பிரிவில் 9-ம் வகுப்பு மாணவி தர்ஷினி ஒற்றைக்கம்பு, சுருள்வாள் வீச்சு போட்டிகளில் முதல் மற்றும் 2-ம் இடம் பிடித்தார்.
இதேபோல இளையோர் பிரிவில் 9-ம் வகுப்பு மாணவி பவித்ரா ஒற்றைக்கம்பு, சுருள் வாள் வீச்சு போட்டியில் முதல், 2-ம் இடங்களை பிடித்தார். அதே பிரிவில் பிளஸ்-1 மாணவி காயத்ரி மான் கொம்பு வீச்சு, ஒற்றைக்கம்பு போட்டிகளில் முதல் மற்றும் 2-ம் இடத்தை பெற்று வெற்றி பெற்றார். வெற்றி பெற்ற மாணவிகள் மாவட்ட ஆட்சியர் அலுவலகத்திற்கு வரவழைத்த ஆட்சியர் அம்ரித் பாராட்டி வாழ்த்து தெரிவித்தார்.