சென்னையை அடுத்து பொன்னேரி எம்.ஜி.ஆர்.நகரை சேர்ந்தவர் ரேவதி மற்றும் குமார் தம்பதியினரின் 2-ம் வகுப்பு படிக்கும் 7 வயதான லட்சிதா. கடந்த மாதம் 27-ந்தேதி லட்சிதா உடல் நலக்குறைவால் பொன்னேரியில் உள்ள தனியார் மருத்துவமனையில் அனுமதிக்கப்பட்டார். அவரை பரிசோதித்த மருத்துவர் ஊசி போட்ட பின்னர் வீட்டுக்கு அனுப்பி வைத்தார்.
இந்நிலையில் லட்சிதாவின் கழுத்தில் கட்டி ஏற்பட்டு பெரிதாக மாறிய நிலையில் உடல் முழுவதும் பரவ ஆரம்பித்த உடன் மீண்டும் அதே தனியார் ஆஸ்பத்திரியில் அனுமதித்தனர். மேல்சிகிச்சைக்காக பொன்னேரி அரசு மருத்துவமனைக்கு அனுப்பி வைக்கப்பட்ட அவர் பின்னர் சென்னை குழந்தைகள் நல மருத்துவமனையில் அனுமதிக்கப்பட்டார். அங்கு அவர் சிகிச்சை பலனின்றி நேற்று முன்தினம் பரிதாபமாக இறந்துவிட்டார்.
தவறான சிகிச்சையால் 2-ம் வகுப்பு மாணவி இறந்ததாக கூறி பொன்னேரியில் உள்ள தனியார் மருத்துவமனையை உறவினர்கள் முற்றுகையிட்டு அங்கு இருந்த நாற்காலிகளை தூக்கி வீசியும் விளம்பர பலகைகள், கண்ணாடிகளை அடித்து நொறுக்கினர்.
