உத்தரபிரதேச மாநிலம் லக்னோவில் இருந்து மகாராஷ்டிரா தலைநகரம் மும்பை நோக்கி நேற்று இரவு லக்னோ-மும்பை புஷ்பக் எக்ஸ்பிரஸ் ரயில் புறப்பட்டது. மகாராஷ்டிராவின் லகட்புரி நகரில் உள்ள நிலையத்திற்கு ரயில் வந்தபோது அதில் பயங்கர ஆயுதங்களுடன் சில கொள்ளையர்கள் படுக்கை பெட்டியில் ஏறினர். பின்னர் கொள்ளையர்கள் ஆயுதங்களை காட்டி மிரட்டி பயணிகளிடம் பணம் மற்றும் நகைகளை கொள்ளையடித்தனர்.
மேலும், பெண் ஒருவரையும் ஓடும் ரயிலில் கொள்ளையர்கள் கூட்டு பாலியல் பலாத்காரம் செய்தனர். அப்போது பாலியல் வன்கொடுமையை தடுக்க முயன்ற பயணிகள் 6 பேரை கொள்ளையர்கள் பயங்கரமான ஆயுதங்களை கொண்டு தாக்கினர். மும்பையின் கசாரா பகுதியில் உள்ள நிலையத்திற்கு ரயில் வந்ததும் பயணிகள் கூச்சலிடத் தொடங்கினர்.
உடனடியாக அங்கு விரைந்த ரயில்வே காவல்துறை கொள்ளையர்கள் 2 பேரை கைது செய்தனர். ஆனால், 6 பேர் தப்பிச்சென்றனர். இந்நிலையில் லக்னோ-மும்பை புஷ்பக் எக்ஸ்பிரஸ் ரயிலில் பெண் பயணி பாலியல் பலாத்காரம் செய்யப்பட்ட சம்பவம் மகாராஷ்டிராவின் பெரும் பரபரப்பை ஏற்படுத்தியுள்ளது.
