நமக்கு சுதந்திரம் இருட்டில் கிடைத்ததால் எண்ணமோ.. நாட்டில் வாழும் பல தரப்பட்ட மக்கள் இன்னமும் சுதந்நிரத்தை தேடி அலைந்து கொண்டிருக்கின்றனர். அவரவருக்கு அகப்பட்டதை அள்ளி சுருட்டி கொள்ள வாழ்வை தேடி அலையும் மக்கள் உணவு, உடை இருப்பிடம் என அத்தியாவசிய தேவைகளை பூர்த்தி செய்யவே பல போராட்டங்களை சந்திக்கின்றனர்.
இதில் கல்வி, மருத்துவம் முதலியன கேள்வி குறியாகவே அமைத்துள்ளது. இந்தியா முழுவதும் கடந்த செப்டம்பர் 12-ஆம் தேதி மருத்துவ படிப்புக்கான நீட் தேர்வு நடைபெற்றது. இதில் தமிழகத்தின் கோயம்புத்தூர் மாவட்டம் மதுக்கரை அருகே உள்ள எம். நஞ்சப்பனூர் என்ற மலைக்கிராமத்தைச் சேர்ந்த முனியப்பன் மகள் சங்கவி என்ற மாணவி ஜாதி சான்றிதழ் பெறவே 2 ஆண்டுகளுக்கு மேலாக போராடி பெற்று இந்த ஆண்டு நீட் தேர்வில் தேர்ச்சி பெற்றார் என்பது குறிப்பிடதக்கது.
இந்நிலையில், கேரள மாநிலம் கோட்டயம் பகுதியில் வசித்து வரும் பட்டியலின சமுதாயத்தைச் சேர்ந்த தீபா மோகன் மகாத்மா காந்தி பல்கலைக்கழகத்தில் நேனோ அறிவியல் துறையில் மேற்படிப்பை முடித்துள்ளார். மேலும் தீபா மோகன் கடந்த 2011ஆம் ஆண்டு அதே துறையில் முனைவர் படிப்பில் சேர்ந்துள்ளார் (பல்கலைக்கழகத்தில் 2011-இல் எம்.பில் படிப்பில் சேர்ந்துள்ள தீபா மோகன் 2015-ஆம் ஆண்டில் முனைவர் பட்டதிற்கான ஆராய்ச்சியை நிறைவு செய்து பட்டம் பெற்றிருக்க வேண்டிய நிலையில்).
ஆனால் சிறிது நாட்களில் பேராசிரியர் நந்தகுமார் தன்னை ஜாதி பெயரை சொல்லி இழிவாக பேசுவதாகவும் முனைவர் படிப்பை முடிக்க விடாமல் தடுத்து வருவதாகவும் தீபா மோகன் குற்றம் சாட்டினார். அவரது ஆராய்ச்சி பணியை வெற்றிகரமாக நிறைவு செய்து முனைவர் பட்டம் பெறுவதற்கு பல்கலைக்கழகத்தில் பணியாற்றி வரும் அதிகாரிகள் சிலர் தடங்கல்களை ஏற்படுத்தி வருவதாக அவர் குற்றம் சாட்டினார். அதோடு அவரை தடுக்கும் அதிகாரிகள் மீது தகுந்த நடவடிக்கை வேண்டும் என பல்கலைக்கழகத்தின் வாசலில் கடந்த அக்டோபர் 29 அன்று உண்ணாவிரத போராட்டத்தில் இறங்கினார்.
இதனைத் தொடர்ந்து, சில தினங்களுக்கு முன்பு அதிகாரிகள் பணியிடை நீக்கம் செய்யப்பட்டுள்ளதாக மகாத்மா காந்தி பல்கலைக்கழக துணைவேந்தர் தாமஸ் தெரிவித்தார். ஆனாலும் மாணவி தீபா மோகனால் மேற்படிப்பை தொடங்க முடியவில்லை. இதுகுறித்து மாணவி தீபா மோகன் பேசுகையில் ‘’தனது நீதி கோரி 11 நாள், மழையில் உண்ணாவிதரம் போராட்டத்தில் ஈடுப்பட்டு வந்தேன். போராட்டத்தில் காவல்துறையினர் என்னை தாக்கினார்கள்.
அதுமட்டுமல்லாமல், நான் ஒரு இதய நோயாளி. போராட்டதிற்கு பிறகு, கட்டாயமாக முழு நேர ஓய்வில் இருக்க வேண்டும். அதனால் எனது உடல் நிலை சற்று மோசமான நிலையில் உள்ளது. என்னுடைய மேற்படிப்பை தொடர கல்லூரி நிர்வாகம் என்னை அனுமதிக்க வேண்டும். இதற்காக, எதுவரை வேண்டுமாலும் நான் போராட தயாராக இருக்கிறேன் என தெரிவித்தார்.
