விழுப்புரம் ஜானகிபுரத்தில் அமைந்துள்ள 2 டாஸ்மாக் கடைகளில் மதுபாட்டிலுக்கு அரசு நிர்ணயித்த விலையை விட கூடுதலாக விற்பனை செய்யப்படுவதாகவும் மேலும் அரசு டாஸ்மாக் குடோனில் இருந்து கணக்கு காட்டாமல் கூடுதலாக மதுபான வகைகளை வாங்கி வந்து தனியார் குடோன்களில் பதுக்கி வைத்து கள்ள மார்க்கெட்டில் அதிக லாபத்திற்கு விற்பனை செய்யப்படுவதாகவும் எழுந்த புகாரின்பேரில் விழுப்புரம் லஞ்ச ஒழிப்பு காவல்துறை நேற்று முன்தினம் அந்த 2 டாஸ்மாக் கடைகளிலும் அதிரடி சோதனை நடத்தினர்.
அதில் கணக்கில் வராத ரூ.31,680 மற்றும் தனியார் குடோனில் பதுக்கி வைத்திருந்த ரூ.6 லட்சத்து 47 ஆயிரத்து 180 மதிப்புள்ள 7 ஆயிரம் மதுபாட்டில்களையும் லஞ்ச ஒழிப்பு காவல்துறை பறிமுதல் செய்து, டாஸ்மாக் கடைகளின் மேற்பார்வையாளர் உட்பட 4 பேர் மீது ஊழல் தடுப்பு சட்டத்தின் கீழ் காவல்துறை வழக்குப்பதிவு செய்து விசாரணை நடத்தி வருகின்றனர்.