திருப்பூர் மாவட்டம் ,மங்கலத்தை சேர்ந்த மணிமுத்து என்பவரின் மகள் வைஷ்ணவி (20) திருப்பூர் செட்டிபாளையத்தில் சேர்ந்த ஐயப்பன் மகன் அருண்குமார்(22) கடந்த ஓராண்டுக்கு முன் பெற்றோரின் எதிர்ப்பையும் மீறி வைஷ்ணவியை அருண்குமார் திருமணம் செய்து கொண்டார் . திருமணத்திற்கு பின்னர் இவர்களது வாழ்க்கையில் கருத்து வேறுபாடு ஏற்ப்பட்டதால் இவர்கள் அடிக்கடி சண்டையிடுவதும் பின் சேர்வதும் என இருந்து வந்துள்ளனர்.
இந்நிலையில் கணவருடன் கோபித்து கொண்டு தாயின் வீட்டிற்கு சென்று வைஷ்ணவியை நேற்று 03/10/2021 மாலை சுமார் 6 மணி அளவில் சமாதானம் செய்து இருவரும் சேர்ந்து வாழலாம் எனக்கூறி அண்ணா நகரில் உள்ள தாய்தமிழ் பள்ளிக்கு பின்புறம் வீடு வாடகைக்கு பார்த்து வரலாம் என கூறி வைஷ்ணவியை அழைத்துச் சென்றுள்ளார்.
அங்கு அவர்களுக்கிடையே தகராறு வர வாடகைக்கு பார்க்கச் சென்று வீட்டில் வைத்தே வைஷ்ணவியின் கழுத்தை நெரித்து கொலை செய்து விட்டு அருண்குமார் தப்பி ஓடிவிட்டார் . தகவல் அறிந்த திருமுருகன் பூண்டி காவல்துறையினர் சம்பவ இடத்திற்கு சென்று பிரேதத்தை கைப்பற்றினர். தப்பி ஓடிய அருண்குமாரை காவல்துறை வலை வீசி தேடி வருகின்றனர்.