தமிழகத்துக்கு காவிரியில் தண்ணீர் திறப்பதை கண்டித்து நேற்று பெங்களூருவில் முழுஅடைப்பு போராட்டம் நடைபெற்றது. இதற்கு நடிகர், நடிகைகள் உட்பட பல்வேறு தரப்பினர் ஆதரவு தெரிவித்துள்ளனர். இந்நிலையில் கர்நாடகத்தை சேர்ந்த இந்திய கிரிக்கெட் அணியின் முன்னணி வீரரான கே.எல்.ராகுலும் காவிரி போராட்டத்துக்கு ஆதரவு தெரிவித்துள்ளார்.
காவிரி விவகாரம் தொடர்பாக கே.எல்.ராகுல் தனது ‘எக்ஸ்’ தளத்தில் பதிவிட்டிருப்பதாவது:- ‘காவிரி எப்போதும் நமதே, காவிரி கர்நாடகத்தில் உற்பத்தியாகி அதிகளவு தண்ணீர் இங்கு குவிகிறது. ஆனால் அந்த தண்ணீரை பயன்படுத்த ஒவ்வொரு ஆண்டும் கன்னடர்கள் சட்ட போராட்டத்துடன் வீதியில் இறங்கி போராட வேண்டியுள்ளது. இதுதான் எங்களின் சோகம். காவிரி முழு கர்நாடகத்தின் சொத்து’ என கே.எல்.ராகுல் பதிவிட்டுள்ளார்.