சமூக வலைதளங்களில் உணவகம் ஒன்றில் பிரியாணி உணவை சில்வர் கவரில் பார்சல் செய்த வீடியோ ஒன்று வேகமாக பரவியது. அந்த வீடியோவில் சம்பந்தப்பட்ட நபர் ஒருவர் பிரியாணி கடைக்கு சென்று உணவு பார்சல் வாங்கி வந்து அந்த உணவை திறந்து சாப்பிடும் போது அலுமினியம் கவரை வைத்து உணவு பொட்டலம் கட்டியதை பார்த்து அந்த நபர் அதிர்ச்சி அடைந்தார்.
இந்த வீடியோ, உணவு பாதுகாப்பு துறையின் கவனத்துக்கு வந்த நிலையில், இது தொடர்பாக விசாரணை மேற்கொள்ளப்பட்டு வருவதாகவும் இந்த சம்பவம் எங்கு நடைபெற்றாலும் உடனடியாக உணவு பாதுகாப்பு துறைக்கு தகவல் தெரிவிக்க உத்தரவு இடப்பட்டுள்ளது
ஏற்கனவே உணவு பாதுகாப்புத்துறை சட்டத்தின் படி பார்சல் வாங்கி செல்லும் உணவுகள் பிளாஸ்டிக் மற்றும் அலுமினியம் கவரில் பயன்படுத்தி பார்சலை வழங்க கூடாது என தெரிவிக்கப்பட்டு உள்ள நிலையில் இதுபோன்ற சம்பவங்கள் தொடர்ந்து நடந்து வருவது பொது மக்களிடையே பெரும் அதிர்ச்சியை ஏற்படுத்தியுள்ளது.
மேலும், உணவு பாதுகாப்புத்துறை சட்டத்தின் படி பார்சல் வாங்கி செல்லும் உணவுகள் பிளாஸ்டிக் மற்றும் அலுமினியம் கவரில் பயன்படுத்தி பார்சலை வழங்கினால் அந்த கடையின் உரிமையாளருக்கு 5000 ரூபாய் அபராதம் விதிப்பது மட்டுமின்றி அவரது கடை உரிமைத்தை ரத்து செய்து சீல் வைக்கப்படும் எனவும் தெரிவிக்கப்பட்டுள்ளது.
