நீலகிரி மாவட்டத்தில் தீபாவளி பண்டிகையையொட்டி பட்டாசு கடைகள் வைக்க அனுமதி கேட்டு வியாபாரிகளிடம் இருந்து ஆன்லைன் மூலம் 60-க்கும் மேற்பட்ட விண்ணப்பங்கள் பெறப்பட்ட நிலையில், ஊட்டியில் 5 பட்டாசு கடைகள் வைக்க அனுமதி வழங்கப்பட்டது. இதுமட்டுமல்லாமல் கோத்தகிரி, பந்தலூர் , குன்னூர், கூடலூரில் பட்டாசு கடைகள் வைக்க அனுமதி வழங்கப்படாததால் வியாபாரிகள் மிகுந்த ஏமாற்றம் அடைந்தனர்.
இந்நிலையில் வியாபாரிகள் வாங்கிய பட்டாசுகளை விற்பனை செய்ய முடியாமல் தவிப்பதால் தீபாவளி பண்டிகைக்கு 4 நாட்களே உள்ள நிலையில் நேற்று இரவு பட்டாசு கடைகளுக்கு அனுமதி வழங்கக்கோரி ஊட்டி ஆட்சியர் அலுவலகத்தை முற்றுகையிட்டு போராட்டத்தில் ஈடுபட்டனர்.