கடலூர் மாவட்டம் குறிஞ்சிப்பாடி தாலுக்கா வெங்கடம்பேட்டை ஊராட்சி பிள்ளைபாளையம் கிராமத்தைச் சேர்ந்த சீனுவாசன் குடும்பத்தில் கடந்த 5.8 .2021 அன்று அவருடைய பிள்ளைகள் 2-பேருக்கும் மனைவிக்கும் செவிலியர்கள் வீட்டிலேயே வந்து கோவிசில்டு கொரோனா தடுப்பூசி போட்டுள்ளார்கள். மீண்டும் இரண்டாவது தடுப்பூசி போடுவதற்கு 84- நாள் கழித்து வருகிறோம் என்று கூறியுள்ளார்கள்.
ஆனால் குடும்பத்தில் உள்ள ஒரு மகள் கல்லூரிக்கும் மற்ற இருவர் கும்பகோணத்திற்கு வேலைக்கு சென்றுள்ளனர் நிலையில் கொரோனா தடுப்பூசி போடாமலேயே தடுப்பூசி போட்டதாக செல்போனுக்கு சர்டிபிகேட் வந்துள்ளது. அந்த சம்பவம் அடங்கும் முன்பே திருச்சி உறையூர் பெஸ்கி நகரை சேர்ந்த செல்வராஜ் கடந்த ஏப்ரல் மாதம் 28-ந் தேதி கொரோனா தடுப்பூசி முதல் தவணை செலுத்திக் கொண்டார். அதன்பிறகு 4 நாட்களில் அவருக்கு கொரோனா பாதிப்பு ஏற்பட்டு, சிகிக்சைக்காக திருச்சி அரசு மருத்துவமனையில் சேர்க்கப்பட்ட செல்வராஜ் சிகிச்சை பலனின்றி கடந்த மே மாதம் 15-ந் தேதி இறந்தார்.
இந்நிலையில் செல்வராஜ் பயன்படுத்திய செல்போன் எண்ணுக்கு நேற்று முன்தினம் குறுஞ்செய்தி ஒன்று வந்தது. அந்த குறுஞ்செய்தியில், செல்வராஜூக்கு நேற்று முன்தினம் 2-வது தவணை தடுப்பூசி செலுத்தியதாக தெரிவிக்கப்பட்டு இருந்தது. 5 மாதங்களுக்கு முன்பு கொரோனாவால் இறந்தவரின் செல்போனுக்கு 2-வது தவணை தடுப்பூசி செலுத்தியதாக குறுஞ்செய்தி வந்த சம்பவம் பெரும் அதிர்ச்சியை ஏற்படுத்தி உள்ளது.
