Tag: Chennai Corporation

மேயர் ஆர்.பிரியா: சென்னை மாநகராட்சியின் அனைத்து மாமன்ற உறுப்பினர்களுக்கும் கையடக்கக் கணினி

பெருநகர சென்னை மாநகராட்சியின் அனைத்து மாமன்ற உறுப்பினர்களுக்கும், மேயர் ஆர்.பிரியா கையடக்கக் கணினிகளை (TAB) இன்று வழங்கினார். மேயர் அவர்களின் 2024-25-ஆம் ஆண்டு நிதிநிலை அறிக்கை அறிவிப்பின்படி, பெருநகர சென்னை மாநகராட்சிக்குட்பட்ட அனைத்து வார்டுகளில் உள்ள பணிகளை மேம்படுத்துதல் தொடர்பான நடவடிக்கைகளுக்காகவும், காகிதமில்லா நடைமுறையினை செயல்படுத்துவதற்காகவும் அனைத்து மாமன்ற உறுப்பினர்களுக்கும், மேயர் ஆர்.பிரியா அவர்கள் கையடக்கக் கணினிகளை (TAB) ரிப்பன் கட்டட அலுவலகத்தில் இன்று வழங்கினார்.

இந்நிலையில், பெருநகர சென்னை மாநகராட்சி மாமன்றத்தில் காகிதமில்லா நடைமுறையினை (Paperless Transaction) கொண்டு வருவதற்காகவும், அனைத்து மாமன்ற உறுப்பினர்களுக்கும் 200 எண்ணிக்கையில் Samsung S9 fE கையடக்கக் கணினிகள் மற்றும் 4G Wi-Fi Hotspot (2 Years Subscription cost) இணைப்புடன் தலா ரூ.47,646/- மதிப்பில் என மொத்தம் ரூ.95.29 இலட்சம் மதிப்பில் கொள்முதல் செய்யப்பட்டு, இன்று மேயர் அவர்களால் 196 மாமன்ற உறுப்பினர்களுக்கு ஆர்.பிரியா அவர்கள் கையடக்கக் கணினிகளை வழங்கினார்.

பொதுமக்கள் அவசர உதவி எண்கள் தமிழக அரசு அறிவிப்பு

வடகிழக்கு பருவமழை தீவிரமடைந்து வரும் நிலையில் தமிழகத்தில், சென்னை உள்பட பல்வேறு மாவட்டங்களில் கனமழை பெய்து வருகிறது. கடந்த இரண்டு நாட்களாக சென்னையில் கனமழை பொழிந்து வரும் நிலையில், பல்வேறு இடங்களில் உள்ள சாலைகளில் நீர் தேங்கி உள்ளது மட்டுமின்றி பல இடங்களில் வீட்டிற்குள் வெள்ளநீர் புகுந்து சென்னை மாநகரமே வெள்ளக்காடாக காட்சியளிக்கிறது.

வடகிழக்குப் பருவமழை தீவிரமடைந்துள்ளதை அடுத்து, அவசரத் தேவையில்லாமல் யாரும் வெளியே செல்ல வேண்டாம். தேவை இருப்பின், கவனமுடன் இருக்கவும் சென்னை மாநகராட்சி அறிவித்துள்ளது.

பொதுமக்கள் அவசர உதவிக்கு அரசு அறிவித்துள்ள எண்களையும் தொடர்பு கொள்ளலாம்.
இலவச உதவி எண் – 1070
சென்னை மழை உதவி: 04425619206, 04425619207, 04425619208
Whatsapp: 94454 77205
மேலும் மின்சாரம் தொடர்பான புகார்களுக்கு 9498794987 என்ற எண்ணை அழைக்கலாம் என அறிவித்துள்ளது.

குண்டும் குழியுமாக சாலையில் மீன்பிடி திருவிழா ஜோர்..!

வடசென்னை திரு.வி.க நகர் தொகுதிக்கு உட்பட்ட 70-வது வார்டு முத்துக்குமாரசாமி தெரு பகுதியில் சாலையில் பல இடங்களில் குண்டும் குழியுமாக சேதமடைந்து காணப்படுகிறது. இதன் காரணமாக அந்த சாலையில் செல்லும் பொதுமக்கள் பெரிதும் அவதிக்கு உள்ளாகின்றனர். இந்த சாலையை சரி செய்ய அப்பகுதி மக்கள் பலமுறை சென்னை மாநகராட்சிக்கு அறிவுறுத்தியும் மாநகராட்சி அதிகாரிகள் எந்தவித நடவடிக்கையும் எடுக்கப்படவில்லை என தெரிய வருகிறது.

இதனால் பெரிதும் பாதிப்பிற்கு உள்ளன பொதுமக்கள் சென்னை மாநகராட்சியின் கவனத்தை ஈர்க்க வகையில் நேற்று சுமார் 30க்கும் மேற்பட்டோர் ஒன்று கூடி சாலையில் தேங்கி நின்ற மழைநீரில் உயிரோடு உள்ள மீன்களை விட்டு அதை தூண்டில் மூலம் மீண்டும் பிடித்து தங்கள் எதிர்ப்பை சென்னை மாநகராட்சி அதிகாரிகளுக்கு காண்பித்தனர். மேலும், தங்கள் பகுதியில் அமைந்துள்ள சாலை சீரமைத்து 6 ஆண்டுகள் கடந்து விட்டதால் சாலை முழுவதும் குண்டும் குழியுமாக சேதமடைந்து காட்சியளிக்கிறது.

அடுத்த நவம்பர் 1 தேதி பள்ளிகள் திறக்கபட உள்ளதால், பள்ளிகள் செல்லும் மாணவ, மாணவிகள் அதிகம் சிரமத்திற்கு உள்ளவர்கள். ஆகையால், சென்னை மாநகராட்சி அதிகாரிகள் தங்கள் தெருவில் சாலைகளை செப்பனிட வேண்டும் என அப்பகுதி மக்கள் இதன்மூலம் கோரிக்கை விடுத்தனர்.

ரிப்பன் மாளிகையில் ஆய்வுக்கூட்டம்

சென்னை மாநகராட்சி பகுதிகளில் மேற்கொள்ளப்பட்டு வரும் வளர்ச்சிப்பணிகள் தொடர்பான ஆய்வுக்கூட்டம் ரிப்பன் மாளிகையில் நடந்தது.

கே.என். நேரு தலைமையில் நடந்த இக்கூட்டத்தில், வளர்ச்சிப் பணிகளின் தற்போதைய நிலைக் குறித்து அதிகாரிகளிடம் கேட்டறிந்தார். அத்துடன் பணிகளை விரைவாக முடிக்கவும் உத்தரவிட்டார்.