திரிபுரா மாநில சூர்மா தொகுதி பா.ஜ.க கட்சியைச் சேர்ந்த எம்.எல்.ஏ ஆஷிஷ் தாஸ் தொடர்ச்சியாக மாநில முதலமைச்சர் பிப்லாப் தேப் மீது விமர்சனங்களை முன்வைத்து வந்தார்.இந்நிலையில் இவர் மேற்குவங்காள மாநிலம் சென்றிருந்தார். அப்போது, அங்குள்ள ஒரு காளி கோவிலுக்குச் சென்ற ஆஷிஷ் தாஸ் மொட்டையடித்துக் கொண்ட பின்னர் அவர் நிருபர்களை சந்தித்தபோது, பா.ஜ.க. நாடு முழுவதையும் விழுங்குகிறது .
நான் பா.ஜ.க.வின் ஒரு பகுதியாக மாறியதன் மூலம் ஒரு குற்றத்தை செய்ததாக உணர்கிறேன். இது நான் செய்த தவறு. நான் காளி கோவிலில் பூஜை செய்தேன். பா.ஜ.க.வில் இணைந்தது பெரிய குற்றம். இந்த தவறுக்கு பிராயச்சித்தமாகவே நான் மொட்டை அடித்துக் கொண்டேன். இந்த தீய சக்தியை அழிக்க நான் கடவுளிடம் பிரார்த்தனை செய்தேன். மேலும் பா.ஜ.கவில் இருந்து நான் விலகுகிறேன் என தெறிவித்தார்.