2024-ம் ஆண்டு நாடாளுமன்ற தேர்தலில் பா.ஜனதாவுக்கு எதிராக வலுவான கூட்டணியை அமைக்க சரத்பவார் விரும்புகிறார். இதற்காக காங்கிரஸ் அல்லாத எதிர்க்கட்சிகளை அணி திரட்டி வருகிறார். இதுதொடர்பாக தேர்தல் வியூக நிபுணரான பிரசாந்த் கிஷோருடன் சமீபத்தில் அவர் ஆலோசனை நடத்தினார்.
இந்நிலையில், நேற்று சரத்பவார் டெல்லியில் உள்ள தனது இல்லத்தில் காங்கிரஸ் அல்லாத எதிர்க்கட்சிகளின் ஆலோசனை கூட்டத்தை கூட்டினார். அதில், பரூக் அப்துல்லா, யஷ்வந்த் சின்கா, கான்ஷ்யாம் திவாரி, , நிலோத்பல் பாசு, ஜெயந்த் சவுத்ரி, சுசில் குப்தா மற்றும் பினாய் விஸ்வம் ஆகியோர் கலந்து கொண்டனர்.