Tag: Atishi Marlena

டெல்லி மதுபான வழக்கில் ஆம் ஆத்மி அமைச்சர் அதிஷி மர்லினா அண்மையில் என்னையும், அமைச்சர் சவுரப் பரத்வாஜ், எம்.எல்.ஏ துர்கேஷ் பதக், எம்.பி. ராகவ் சதா ஆகியோரை கைது செய்ய திட்டமிட்டுள்ளனர். பாஜகவில் சேர வேண்டும், இல்லையெனில் ஒரு மாதத்தில் கைது செய்யப்படுவீர்கள்” என ஒன்றிய பாஜக அரசு மிரட்டல் விடுத்ததாக டெல்லி அமைச்சர் அதிஷி மர்லினா அண்மையில் ஒரு குற்றச்சாட்டை தெரிவித்து இருந்தார்.

அதிஷி மர்லினாவின் இந்த குற்றச்சாட்டு நாடெங்கும் பரபரப்பையும், அதிர்ச்சியையும் ஏற்படுத்திய நிலையில், இதுகுறித்து மறுப்பு தெரிவித்த பாஜக, தேர்தல் ஆணையத்திலும புகார் அளித்தது. இந்நிலையில் அதிஷி மர்லினாக்கு தேர்தல் ஆணையம் நோட்டீஸ் அனுப்பி உள்ளது. அதில், “நீங்கள் தேசிய தலைநகர் டெல்லி அரசின் அமைச்சராகவும், ஒரு அரசியல் கட்சியின் தலைவராகவும் இருக்கிறீர்கள்.

தேர்தல் நேரத்தில் வாக்காளர்கள் தங்கள் தலைவர்கள் என்ன சொன்னாலும் அதை நம்புகிறார்கள். தலைவர்கள் வௌியிடும் அறிக்கைகள் பிரசாரங்களை பாதிக்கிறது. உங்கள் கருத்துக்கு ஆதாரம் இருக்க வேண்டும். இதுபற்றி வரும் 8-ம் தேதிக்குள் பதிலளிக்க வேண்டும்” என தேர்தல் ஆணையம் நோட்டீஸில் குறிப்பிடப்படுள்ளது.

டெல்லி முதலமைச்சர் அரவிந்த் கேஜ்ரிவால் மதுபான கொள்கையில் முறைகேடு விவகாரம் தொடர்பான விசாரணைக்கு ஆஜராகும்படி அமலாக்கத்துறை கடந்த நவம்பர் முதல் 8 முறை சம்மன் அனுப்பியது. ஆனால் 8 சம்மன்களையும் அரவிந்த் கேஜ்ரிவால் தொடர்ந்து நிராகரித்து வந்தார். இதனை தொடர்ந்து கேஜ்ரிவாலை கடந்த 21-ம் தேதி அமலாக்கத் துறை கைது செய்தது.

இந்த பரபரப்பான சூழ்நிலையில், பாஜகவில் சேருமாறு தன்னை மிரட்டியதாக டெல்லி அமைச்சர் அதிஷி மர்லினா பரபரப்பு குற்றம்சாட்டியுள்ளார். செய்தியாளர்களை சந்தித்த அமைச்சர் அதிஷி மர்லினா, பாஜகவில் சேருங்கள்; இல்லாவிடில் அமலாக்கத்துறை சோதனையை எதிர்கொள்ள தயாராகுங்கள் என தன்னை அச்சுறுத்தியதாக புகார் அளித்துள்ளார். அரசியல் வாழ்க்கையை காப்பாற்ற வேண்டும் என்றால் பாஜகவில் இணைய வேண்டும். பாஜகவில் சேராவிடில் அடுத்த மாதமே அமலாக்கத்துறை தன்னை கைது செய்யும் என பாஜக மிரட்டியதாக அதிஷி மர்லினாபுகார் தெரிவித்திருக்கிறார்.

தனது நெருங்கிய நண்பரை தொடர்பு கொண்டு பேசியதாகவும், பாஜகவின் அச்சுறுத்தலுக்கு அஞ்சமாட்டோம் என்றும் அதிஷி மர்லினா தெரிவித்தார். தொடர்ந்து பேசிய அமைச்சர் அதிஷி மர்லினா, மக்களவை தேர்தலுக்கு முன்னதாக அமலாக்கத்துறையால் நான், சவுரவ் பரத்வாஜ், துர்கேஷ் பாடக், ராகவ் சட்டாவை கைது செய்ய பாஜக சதித் திட்டம் தீட்டியுள்ளது.

அமலாக்கத்துறையின் விசாரணை வளையத்துக்குள் சௌரவ் பரத்வாஜ் மற்றும் என்னை கொண்டு வந்துள்ளனர். கெஜ்ரிவால், சிசோடியா, சஞ்சய் சிங், சத்யேந்திர ஜெயின் ஆகியோர் சிறையில் இருந்தும் ஆம் ஆத்மி ஒற்றுமையாக வலுவாக இருப்பதாக பாஜக உணர்கிறது. தற்போது ஆம் ஆத்மியின் அடுத்தகட்ட தலைவர்களை சிறையில் அடைக்க திட்டமிட்டுள்ளனர் என அதிஷி மர்லினா தெரிவித்தார்.