நாமக்கல் மாவட்டம், ராசிபுரம் மத்திய அரசு இந்திய தண்டனைச் சட்டம், குற்றவியல் நடைமுறை சட்டம், இந்திய சாட்சிய சட்டம் ஆகியவற்றின் பெயர்களை மாற்றி புதிய சட்ட வரைவுகளைக் கொண்டு வந்துள்ளதை கண்டித்தும், அதற்கு எதிர்ப்பு தெரிவித்தும் ராசிபுரம் ஒருங்கிணைந்த நீதிமன்ற வளாகத்தின் முன்பு வழக்கறிஞர்கள் 3-வது நாளாக கண்டன ஆர்ப்பாட்டம் நடத்தினர். மேலும் வழக்கறிஞர்கள் நீதிமன்றத்தை புறக்கணிப்பு செய்தனர்.
Tag: ராசிபுரம்
தாத்தா-பாட்டிக்கு சிலை வைத்து வழிபடும் பேரன்கள் மற்றும் பேத்திகள்…!
நாமக்கல் மாவட்டம், ராசிபுரம் அருகே மங்களபுரம் ஊராட்சி தாண்டாக்கவுண்டன் புதூர் அருகே உள்ள அத்திமரத்து குட்டை பகுதியை சேர்ந்தவர் அய்யமுத்து, இவரது மனைவி அய்யம்மாள். அய்யமுத்து ராமாயிபட்டியிலுள்ள இருசாயி கோவில் பூசாரியாக பல ஆண்டுகள் இருந்து வந்து போது மக்களுக்கு அருள்வாக்கு சொல்லி வந்தார்.
இந்நிலையில் அய்யமுத்து கடந்த ஆண்டு ஆகஸ்டு மாதமும், அவரது மனைவி அய்யம்மாள் 2020-ம் ஆண்டு டிசம்பர் மாதமும் காலமானார்கள். அய்யமுத்து உயிருடன் இருக்கும்போதே இறந்த பிறகு தனக்கு சொந்தமான நிலத்தில் தான் தன்னை அடக்கம் செய்ய வேண்டும் என கூறி வந்த நிலையில் சந்தர்ப்ப சூழ்நிலையின் காரணமாக அப்பகுதியில் உள்ள இடுகாட்டில் அய்யமுத்துவை அடக்கம் செய்தனர்.
ஆனால் பூசாரி அய்யமுத்து உயிருடன் இருக்கும்போது எங்கு அடக்கம் செய்ய வேண்டும் என்று கூறினாரோ, அதே இடத்தில் அய்யமுத்து, அவரது மனைவி அய்யம்மாளுக்கு சிலை வைக்க அவரது பேரன்கள், குடும்பத்தினர், உறவினர்கள் முடிவு செய்தனர். அதன்படி அவர்களுக்கு கோவில் கட்டி முழு உருவச்சிலை வைத்தனர். அய்யமுத்துவின் முதலாம் ஆண்டு நினைவு நாளான நேற்றுமுன்தினம் வேம்பு அரச மரத்தடியில் விநாயகர் சிலையை வைத்து கும்பாபிஷேகம் நடத்தினர்.
இதனையடுத்து அய்யமுத்து-அய்யம்மாள் சிலைகளுக்கு மாலைகள் அணிவித்து சிறப்பு பூஜைகள் செய்து குடும்பத்துடன் அவர்கள் வழிபட்டனர். தாத்தா-பாட்டிக்கு சிலை வைத்து வழிபட்ட பேரன்கள் மற்றும் பேத்திகளின் செயல் அந்த பகுதியில் உள்ள பொதுமக்களிடையே நெகிழ்ச்சியை ஏற்படுத்தி உள்ளது.
திமுக பெண் கவுன்சிலர் குடும்பத்துடன் தற்கொலை…!
நாமக்கல் உதவி ஆய்வாளர் வீட்டில் லஞ்ச ஒழிப்புத்துறை அதிரடி சோதனை!
இலவச பயணச்சீட்டை தொலைத்ததுக்கு அபராதம்?
நாமக்கல் மாவட்டம், ராசிபுரத்தில் நகரப் பேருந்தில் இலவச பயணச்சீட்டை தொலைத்த பெண்ணிடம் பரிசோதகர் ரூ.100 அபராதம் கேட்ட வீடியோ இணையத்தில் வைரலாகி வருகிறது.
தமிழக முதலமைச்சராக மு.க.ஸ்டாலின் பதவியேற்ற உடன் கையெழுத்திட்ட பெண்கள் மத்தியில் அமோக வரவேற்பு கிடைத்த 5 திட்டங்களில் ஒன்று மகளிருக்கு நகரப் பேருந்துகளில் இலவச பயணத் திட்டம். இதற்காக கடந்தாண்டு மட்டும் 1500 கோடி ரூபாய் செலவு செய்யப்பட்டுள்ளதாக போக்குவரத்து துறை சார்பில் தெரிவிக்கப்பட்டது. பெண்களுக்கு இலவச பயணம் அறிவிக்கப்பட்ட பிறகு டிக்கெட் அச்சடித்து வருவதற்கு சில நாட்கள் ஆனது. அப்போது டிக்கெட் இல்லாமல் தான் பயணம் செய்தனர். பின்னர், டிக்கெட் வந்த பிறகு பேருந்தில் பயணம் செய்யும் பெண்கள் அனைவருக்கும் இலவச பயணச்சீட்டு வழங்கப்பட்டது என்பது குறிப்பிடத்தக்கது.
ஆனாலும், ஒரு சில இடங்களில் போக்குவரத்து துறையில் பணிபுரியும் நடத்துனர் மற்றும் ஓட்டுநர்கள் இலவசமாக பயணம் செய்யும் பெண்களை ஏளனமாக பேசுவது, மீன் வியாபாரிகளை பேருந்தில் ஏற்றாமல் சென்றது. சரியான நிறுத்தத்தில் பேருந்தை நிறுத்தி இறக்கி விடாமல் போனது என பல்வேறு குற்றச்சாட்டுகள் குறித்த வீடியோக்கள் வெளியாக சர்ச்சையை ஏற்படுத்தியது. அதன்பின்னர், இதுபோன்ற செயல்களில் ஈடுபடும் நடத்துனர் மற்றும் ஓட்டுநர் மீது துறைரீதியான நடவடிக்கை எடுக்கப்படும் என போக்குவரத்து துறை அமைச்சர் எச்சரிக்கை விடுத்திருந்தார்.
இந்நிலையில், நாமக்கல் மாவட்டம் ராசிபுரம் புதிய பேருந்து நிலையம் அருகே பயணச்சீட்டு பரிசோதகர்கள் அரசு பேருந்துகளை நிறுத்தி சோதனை செய்தனர். அப்போது தடன் எண் – R12 என்ற அரசு பேருந்து சேலத்தில் இருந்து ராசிபுரம் புதிய பேருந்து நிலையத்திற்கு வந்துள்ளது. அதில் பயணம் செய்த சித்ரா என்ற பெண் மகளிருக்கு இலவசம் என்ற பயணச்சீட்டை பெற்றுள்ளார்.
ஆனால், கவனக்குறைவாக பயணச்சீட்டை சித்ரா தொலைத்து விட்டதாக பரிசோதகரிடம் கூறியுள்ளார். அதற்கு 100 ரூபாய் அபராதம் கட்ட வேண்டும் என பரிசோதகர் கூறியதும் அதிர்ச்சியடைந்த சித்ரா பெண்களுக்கு இலவசம் தானே என்று கூறியுள்ளார். ஆனாலும், அபராதம் கட்ட வேண்டும் என வற்புறுத்தியதால் செய்வது அறியாமல் தவித்ததை அடுத்து அருகில் இருந்த பொதுமக்கள் பெண்களுக்கு அரசு பேருந்தில் இலவசம் என தமிழக அரசு அறிவித்துள்ளதே பிறகு ஏன் அபராதம் கட்ட வேண்டும் என பரிசோகரிடம் வாக்குவாதம் செய்துள்ளனர். பின்னர், அந்த பெண் அபராதம் செலுத்தவில்லை. இது தொடர்பான வீடியோ இணையத்தில் வைரலாக பரவி வருகிறது