Tag: மார்க்சிஸ்ட்

மார்க்சிஸ்ட் கட்சி தலைமைக் குழு உறுப்பினர் ஜி.ராமகிருஷ்ணன், மாநிலக் குழு உறுப்பினர்கள் ஐ.ஆறுமுக நயினார், பா.ஜான்சி ராணி, வெ.ராஜசேகரன், இ.முத்துக்குமார் முன்னிலையில் மார்க்சிஸ்ட் தேர்தல் அறிக்கையை மாநில செயலாளர் கே.பாலகிருஷ்ணன் வெளியிட்டார்.

மார்க்சிஸ்ட் தேர்தல் அறிக்கையில்,
1. மாநில அரசின் ஆலோசனை பெற்று ஆளுநரை நியமிக்க வேண்டும்.
2. மாநில பல்கலைக் கழகங்களுக்கு வேந்தராக ஆளுநருக்கு பதில் முதலமைச்சரை நியமனம் செய்ய வேண்டும்.
3. வேலை செய்யும் உரிமையை அடிப்படை உரிமையாக்குவதோடு, வேலை கிடைக்கும் வரை நிவாரணத் தொகை வழங்க வேண்டும்.

4. கல்வியை மாநிலப் பட்டியலுக்கு கொண்டு வருவதோடு, கல்விக்கு உள்நாட்டு மொத்த உற்பத்தியில் 6 சதவீதம் ஒதுக்கீடு செய்ய வேண்டும்.
5. வேளாண் தொழிலையும், விவசாயிகளையும் பாதிக்கும் மத்திய அரசின் வேளாண் திருத்தச் சட்டத்தை முழுமையாக திரும்ப பெற வேண்டும்.
6. கல்வி, சுகாதாரம், மருத்துவம், போக்குவரத்து உள்ளிட்ட அடிப்படைத் துறைகளை தனியார்மயமாக்குவதை கை விட வேண்டும்.
போன்ற சிறப்பு அம்சங்களுடன் மார்க்சிஸ்ட் தேர்தல் அறிக்கையில் அடங்கியுள்ளது.

சிவகாசியில் மார்க்சிஸ்ட் சார்பில் தேர்தல் பிரசார பொதுக்கூட்டம் நேற்றிரவு நடைப்பெற்றது, இதில் விருதுநகர் தொகுதி காங்கிரஸ் வேட்பாளர் மாணிக்கம் தாகூர், தென்காசி தொகுதி திமுக வேட்பாளர் ராணி குமார், ராமநாதபுரம் தொகுதி இந்திய யூனியன் முஸ்லீம் லீக் வேட்பாளர் நவாஸ்கனி ஆகியோரை ஆதரித்து மார்க்சிஸ்ட் மாநில செயலாளர் கே.பாலகிருஷ்ணன் பேசினார்.

அப்போது மக்களவை தேர்தலில் பாஜக 200 இடங்களில் கூட வெற்றி பெறாது என அரசியல் நிபுணர்கள் கூறுகின்றனர். ஆனால் அவர்கள் 100 இடங்களில் கூட வெல்ல முடியாது. நாட்டில் மோடிக்கு எதிரான அலை வீசுகிறது என ஒன்றிய அரசின் உளவுத்துறை ரகசிய அறிக்கை தந்துள்ளது. அதனால் அவர் தூக்கத்தை தொலைத்து விட்டார். ஒரு மாநில முதல்வரை மோடி அரசு கைது செய்துள்ளது.

இது அமலாக்க துறையின் நடவடிக்கை என்கிறார்கள். அந்த துறை ஒன்றிய அமைச்சர் நிர்மலா சீதாராமனின் துறையின் கீழ்தானே வருகிறது. ஏற்கனவே அம்மாநில துணை முதல்வரையும் கைது செய்து சிறை வைத்துள்ளனர். ஜூன் 4-ம் தேதிக்கு பிறகு யார்? யார்? சிறைக்கு செல்ல போகிறார்கள் என்பதை இந்த நாடு பார்க்கத்தான் போகிறது.

அதிகாரத்தை பயன்படுத்தி தொழிலதிபர்களை மிரட்டி தேர்தல் பத்திரங்கள் மூலம் ரூ.8 ஆயிரம் கோடியை பாஜக பெற்றுள்ளது. இது தொடர்பான சட்டத்தை எதிர்த்து மார்க்சிஸ்ட் கட்சிதான் வழக்கு தொடர்ந்தது. இந்திய வரலாற்றிலேயே நாடாளுமன்றத்துக்கு மிக குறைந்த நாட்கள் வந்த பிரதமர் மோடி மட்டும்தான். 19 முக்கிய சட்டங்களை எதிர்க்கட்சிகள் இல்லாமல் அவையில் நிறைவேற்றினர்.தமிழகம், புதுச்சேரியில் திமுக கூட்டணி 40 தொகுதிகளிலும் வெற்றி பெறுவது நிச்சயம் என கே.பாலகிருஷ்ணன் பேசினார்.