Tag: பெண்

ஓமந்தூரார் அரசு மருத்துவமனையில் ஹெல்பர், லேப் டெக்னீசியன், நர்ஸ், வரவேற்பாளர் உள்ளிட்ட அரசு வேலை வாங்கி தருவதாக கூறி 25 பேரின் பணத்தை ஏப்பம் விட பெண் கைது செய்யப்பட்டுள்ளார். அமைச்சரை தெரியும், அந்த அதிகாரியை தெரியும்.. அவர் என் மச்சான்.. அவர் என் மாமா.. என கூறி அரசு வேலை வாங்கி தருவதாக பணம் பெற்று பலர் லட்சக்கணக்கில் ஏமாற்றி வருகிறார்கள்.

இந்நிலையில், சென்னையை அடுத்த ஆவடி காவல் ஆணையரகத்துக்குட்பட்ட மீஞ்சூர், புங்கம்பேடு, பஜனை கோவில் தெருவை சேர்ந்த சதீஷ்குமார் என்பவருக்கு தனது உறவினர் மூலம் சென்னை ஓமந்தூரார் அரசு மருத்துவமனையில் டீனுக்கு உதவியாளராக வேலை செய்து வருவதாக கூறி ஜோதி என்ற பெண் அறிமுகம் ஆகி இருக்கிறார்.

மேலும் ஓமந்தூரார் மருத்துவமனையில் புதிதாக ஹெல்பர், லேப் டெக்னீசியன், நர்ஸ், வரவேற்பாளர் உள்ளிட்ட அரசு வேலைக்கான காலி பணியிடங்கள் இருப்பதாக ஆசை வார்த்தை கூறியுள்ளார். இதை உண்மை என்று நம்பிய சதீஷ்குமார் தனது மனைவி மற்றும் உறவினர்கள் என சுமார் 25 நபர்களிடம் கடந்த 2023-ஆம் ஆண்டு முதல் பல தவணைகளாக மொத்தம் ரூ.10 லட்சம் வரை திரட்டி ஜோதியிடம் வழங்கியதாக கூறப்படுகிறது. பணத்தை பெற்றுக்கொண்ட ஜோதி யாருக்கும் வேலை வாங்கி தராமல் சதீஷ்குமாரை பணமோசடி செய்ததாக கூறப்படுகிறது.

இதுகுறித்து ஆவடி காவல் ஆணையர் அலுவலகத்தில் உள்ள மத்திய குற்றப்பிரிவில் சதீஷ்குமார் புகார் அளித்தார். அந்த புகாரின் பேரில், ஆவடி மத்திய குற்றப்பிரிவு வழக்குப்பதிவு செய்து விசாரணை மேற்கொண்டனர். பின்னர் மோசடியில் ஈடுபட்ட மீஞ்சூர் வ.உ.சி தெருவை சேர்ந்த ஜோதி என்ற மாதுரி என்பவரை காவல்துறை கைது செய்தது.

காரைக்குடி அருகே காவல் நிலையத்துக்குள் காவல் உதவி ஆய்வாளர் பிரணிதா தாக்கியதாக விடுதலை சிறுத்தைகள் கட்சி நிர்வாகி மீது புகார் தெரிவிக்கப் பட்டுள்ளது. காயமடைந்த உதவி ஆய்வாளர் மருத்துவமனையில் சிகிச்சை பெற்று வருகிறார். சிவகங்கை மாவட்டம் காரைக்குடி அருகேயுள்ள சோமநாதபுரம் காவல் நிலையத்தில் உதவி ஆய்வாளராகப் பணிபுரிந்து வருபவர் பிரணிதா. பிரணிதா நேற்று முன்தினம் இரவு காவல் நிலையத்தில் பணியில் இருந்தபோது, புகார் மனு தொடர்பான தகவலுக்காக விடுதலை சிறுத்தைகள் கட்சி மாவட்ட நிர்வாகி உள்ளிட்டோர் சென்றனர். அப்போது, அவர்களுக்கும், பிரணிதாவுக்குமிடையே வாக்குவாதம் ஏற்பட்டது.

அப்போது, காவல் நிலையத்தில் சீருடையில் இருந்த தன்னை விசிக மாவட்ட நிர்வாகி தாக்கியதில் காயமடைந்ததாக பிரணிதா புகார் தெரிவித்தார். அவர் காரைக்குடி அரசு மருத்துவமனையில் சிகிச்சை பெற்று வருகிறார். உதவி ஆய்வாளரை தாங்கள் தாக்கவில்லை என்று விடுதலை சிறுத்தைகள் கட்சியினர் தெரிவித்துள்ளனர். இதையடுத்து, காவல் நிலையத்தில் உள்ள சிசிடிவி காட்சிகளின் அடிப்படையில் காரைக்குடி டிஎஸ்பி பார்த்திபன் மற்றும் சோமநாதபுரம் காவல்துறை விசாரித்து வருகின்றனர்.

முன்னாள் கணவரையும், அவருடன் ஆட்டோவில் வந்த உறவுக்கார பெண்ணையும் சரமாரியாக நடுரோட்டிலேயே புரட்டி புரட்டி எடுத்த பெண். ஜீவனாம்சம் கோரி, விவாகரத்தான மனைவி வழக்கு தொடுத்துள்ள நிலையில், இது தொடர்பாக விசாரணை நடந்து வருகிறது.. எனினும், யாருமே எதிர்பாராதவகையில், திருவள்ளூர் கோர்ட்டில் இப்படியொரு சம்பவம் நடந்து, பரபரப்பை தந்துவிட்டது.

திருவள்ளூர் மாவட்டம் திருவாலங்காடு பகுதியை சேர்ந்த சத்யாவிற்கு ஆந்திர மாநிலம் காளஹஸ்தி பகுதியை சேர்ந்த உறவுக்காரரான முனீந்திராவுக்கும் கடந்த 10 ஆண்டுக்கு முன்பு திருமணம் நடந்துள்ளது. இவர்களுக்கு குழந்தைகள் இல்லை. இந்நிலையில் முனீந்திரா, தொழில் செய்வதற்கு மனைவி சத்யா பெயரில் வங்கியில் 10 லட்ச ரூபாய் கடன் வாங்கியுள்ளார். மேலும் தன்னிடமிருந்த 40 சவரன் நகையை அடகுவைத்து கணவருக்கு ஆந்திராவில் கோழி பண்ணை வைத்து கொடுத்துள்ளார்.

ஆனால், முனீந்திராவுக்கு, திடீரென வேறொரு பெண்ணுடன் தொடர்பு ஏற்பட்டுள்ளது. இந்த விஷயம் சத்யாவுக்கு தெரிந்து கொந்தளித்து போய்விட்டார். இது தொடர்பாக கணவரிடம் கேள்வி எழுப்பியதையடுத்து, தம்பதிக்குள் தகராறு வெடித்தது. இறுதியில், சத்யாவை விவாகரத்து செய்ய முடிவு முனீந்திரா செய்தார். இதற்காக ஆந்திர மாநில நீதிமன்றத்தில் விவாகரத்து வழக்கு தொடுத்து, அந்த விவாகரத்து வழக்கில் வெற்றி பெற்றதால் சத்யாவையும் வீட்டைவிட்டு வெளியேற்றினார்.

ஆனால், விவாகரத்து வழக்கில் சத்யாவுக்கு ஜீவனாம்சம் எதுவும் கொடுக்காததால் சத்யா திருவள்ளூர் நீதிமன்றத்தில் ஜீவனாம்சம் கேட்டு, கடந்த ஒரு வருடத்துக்கு முன்பு சத்யா வழக்கு தொடர்ந்தார். இந்த வழக்கு தொடர்ந்து நடந்து கொண்டு இருக்கிறது. இந்த வழக்கு தொடர்பாக நேற்றைய தினமும், சத்யாவும், முனீந்திராவும் ஆஜராகி இருவருமே வாய்தாவையும் முடித்துவிட்டு கிளம்பினார்கள். இதில், சென்னை-திருப்பதி நெடுஞ்சாலையில் ஆட்டோவில் உறவுக்கார பெண்ணுடன் முனீந்திரா வந்து கொண்டு இடருந்தார்.

அப்போது ஆட்டோவை மடக்கிய சத்யா, முனீந்திராவை அடித்து உதைத்தார். தடுக்க வந்த உறவுக்கார பெண்ணுக்கும் சரமாரி உதை விழுந்தது. இதனால் பயந்து போன அநத பெண், ஆட்டோவின் மறுபக்கத்தில் எகிறி குதித்து தப்பிக்க முயன்றார். ஆனால், அவர் கீழேவிழுந்து படுகாயம் அடைந்துவிட்டார். எனினும், முனீந்திராவை சத்யா விடவேயில்லை, நடுரோட்டிலேயே புரட்டி புரட்டி எடுத்தார். இதனால் ரோட்டில் சென்ற அனைவருமே இதை நின்றுகொண்டு வேடிக்க பார்க்க துவங்கிவிட்டனர்.

பிறகு, சத்யாவுடன் வந்த வழக்கறிஞர்கள், ஆக்ரோஷத்துடன் காணப்பட்ட சத்யாவை தடுத்து நிறுத்தினார்கள். முனீந்திரா, சத்யா இருவரையுமே காவல் நிலையத்திற்கு அழைத்து சென்று விசாரித்தார்கள். அப்போது, முனீந்திராவுக்கு தமிழ் தெரியாதாம், திருவள்ளூர் வழக்கு நடப்பால், தமிழ் பேசத்தெரிந்த உறவுக்கார பெண்ணை முனீந்திரா அழைத்து வந்தாராம். ஆனால், இன்னொரு பெண்ணுடன் சுசீந்திராவுக்கு தொடர்பு இருப்பதாக நினைத்துக்கொண்டு, இருவரையுமே சத்யா தாக்கினாராம்.

பெண்ணிய உரிமையா? உனக்கு உடல் இச்சை வந்தால், பெற்ற தாயோ, மகளோ, அக்காவோ, தங்கையோ அவர்களுடன் உடலுறவு வைத்துக்கொண்டு மகிழ்ச்சியாக இரு என சொன்னது பெண்ணிய உரிமையா? என சீமான் கேள்வியெழுப்பினார். கடலூர் மாவட்டத்தில் நாதக கலந்தாய்வுக் கூட்டத்திற்கு பின் செய்தியாளர்களை சந்தித்து சீமான் பேசினார். அப்போது, ‘விஜயை முதலில் நேசித்த நீங்கள் தற்போது ஏன் அவருடன் முரண்பாடு’ என்று கேள்வி எழுப்பினர்.

அதற்கு பதில் அளித்த சீமான், “அண்ணன் தம்பி பாசம் என்பது வேறு, கொள்கை கோட்பாடு முரண் என்பது வேறு. அவர் பெரியாரை கொள்கை வழிகாட்டி என்றால், எந்த இடத்தில் அவர் கொள்கை வழிகாட்டி எனும் கேள்வி கேட்க வேண்டியது இருக்கிறது. உலகில் மொழியில் இருந்து தான் அனைத்தும் பிறக்கிறது. அந்த மொழியையே சனியன், குப்பை, காட்டுமிராண்டி மொழி, உங்க தமிழ்த்தாய்க்கு என்ன கொம்பா இருக்கிறது, 3000 ஆண்டுகளாக உங்களைப் படிக்க வைத்தாளா என்று கேட்டால், திருக்குறள், சிலப்பதிகாரம், சங்க இலக்கியங்கள் உள்ளிட்டவற்றை எழுதியவர்களை எல்லாம் எங்கள் தமிழ்த்தாய் படிக்கவைக்கவில்லையா.

தமிழை சனியன் என்று சொன்ன பெரியார் எந்த மொழியில் எழுதினார். என் மொழியை ஒன்றுமில்லை என்று சொல்லும்போது, பிறகு என்ன சமூக மாற்றம், சீர்திருத்தம், அரசியல் இருக்கிறது. ஆகச் சிறந்த உலக வாழ்வியல் நெறி திருக்குறளை மலம் என்று சொல்லிவிட்டீர்கள். அவரைக் கொண்டு வந்து கொள்கை வழிகாட்டி என்றால், எந்த இடத்தில் கொள்கை வழிகாட்டி. பெண்ணிய உரிமையா? உனக்கு உடல் இச்சை வந்தால், பெற்ற தாயோ, மகளோ, அக்காவோ, தங்கையோ அவர்களுடன் உடலுறவு வைத்துக்கொண்டு மகிழ்ச்சியாக இரு என சொன்னது பெண்ணிய உரிமையா?

மேலும், தன் தோட்டத்திலிருந்த 1000 தென்னை மரங்களை வெட்டினார். அவர் பகுத்தறிவாளர் தானே, என் தோட்டத்தில் கள்ளு இறக்க அனுமதி இல்லை என்று சொல்லி இருந்தால் போதுமே எதற்கு மரங்களை வெட்ட வேண்டும். இது பகுத்தறிவா? உலகில் எந்த நாட்டில் மது இல்லை. அனைவரும் மது அருந்துகிறார்கள். மது குடிக்க வேண்டாம் என்பது, கட்டிய மனைவியுடன் படுக்க வேண்டாம் என்று சொல்வதற்கு சமம் என்று சொல்லியிருக்கிறாரா? இல்லையா? அப்போ இந்த இடத்தில் ஏற்கிறீர்களா?

சமூகநீதிக்கும் பெரியாருக்கும் சம்பந்தம் இருக்கிறதா அல்லது இடஒதுக்கீட்டிற்கும் ஆனைமுத்துக்கும் சம்பந்தம் இருக்கிறதா? போராடி பெற்றுக்கொடுத்தது ஆனைமுத்தா, பெரியாரா? என பெரியார் குறித்து சரமாரியாக குற்றம் சாட்டினார்.