நடிகை விஜயலட்சுமியை பண்ணை வீட்டில் தங்க வைத்து, விஜயலட்சுமிக்கு ஆதரவாகவும் நாம் தமிழர் கட்சியின் ஒருங்கிணைப்பாளர் சீமானுக்கு எதிராக தமிழர் முன்னேற்றப்படை வீரலட்சுமி நின்றார். நடிகை விஜயலட்சுமி விவகாரத்தில் சீமானுக்கும் தமிழர் முன்னேற்றப்படை வீரலட்சுமிக்கும் இடையே மோதல் வெடித்தது. என் வாழ்க்கையில் தமிழர் முன்னேற்றப்படை வீரலட்சுமிக்கு எல்லாம் மன்னிப்பே இல்லை சீமான் காட்டமாக விமர்சித்தார்.
இந்நிலையில் தமிழர் முன்னேற்றப்படை வீரலட்சுமியின் கணவர் பூவை. கணேசன், சீமானை அண்ணே! நீங்க நல்லா இருக்கீங்களாண்ணே? “அண்ணே நம்ம ரெண்டு பேரும் பாக்சிங் பண்ணலாமா? டவர் ஏறி? ரிங் ஏறி.. ரிங் ஏறி.. உங்க கூட பாக்சிங் பண்ணனும்னு ஆசையா இருக்குண்ணே என போனில் பேசிய ஆடியோ சமூக வலைதளதங்களில் பரவி வருகிறது. இந்த ஆடியோ தொடர்பாக சீமான் அளித்த பேட்டியில், பாக்சிங் அது சரிதான்.. அவரு பகல் நேரத்துல பேசுனா நாம பாக்சிங் போகலாம்.. 7 மணிக்கு மேல பேசுறாரு.. அவரு பாக்சிங்கிக்கு கூப்பிடுறாரு.. நான் பேசி அவர் பதிவு பண்றாருன்னு தெரியுது.
நாம எதையாவது பேசி அவர் பதிவு பண்ணி இந்த மாதிரி கேள்வி வரும்னுதான் செல்போனை கட் செய்தேன். அவர் எங்க கையாலதான் சாகனும்னு முடிவெடுத்துட்டாருன்னா சந்தோஷமாக எதிர்கொள்கிறேன்.. கேட்டு சொல்லுங்க.. இடம், நேரம் எல்லாம் நீங்க சொல்வீங்களாம்.. எப்ப வேணும்னாலும் அவரு வருவாருன்னு சொல்லிடுங்க நீங்க வாங்க அவரோட சண்டை போட்டு ஜெயிச்சிடுங்கன்னு சொல்லுங்க.. அவர் கிட்ட நேரில் முதலில் ஒருமுறை வந்து நில்லு.. அப்புறம் சண்டை போடலாம்னு சொல்லுங்க.. கேட்கும்போது சிரிப்பா இருக்குல்ல.. மகிழ்ச்சியாக இருங்க.. ” என்றார்.
இந்நிலையில்,சீமான் பேச்சுக்கு பதிலளிக்கும் விதமாக தமிழர் முன்னேற்றப்படை வீரலட்சுமி ஒரு வீடியோ ஒன்றை வெளியிட்டுள்ளார். அந்த வீடியோவில், ஊடகவியலாளர் மத்தியிலும் நாட்டு மக்கள் மத்தியிலும் ஒழுங்கினமான பேச்சு, பேசிக்கொண்டு இருந்தீர்கள். நீங்க பேசும் பேச்சை எல்லாம் பொது வாழ்க்கையில் இருக்கும் பெண்ணாக தலைவராக நான் வேண்டும் என்றால் இதை கடந்து போய்விடலாம். ஆனால், நீங்கள் என்னை பேசிய பேச்சை கேட்டுவிட்டும் கடந்து போக வேண்டிய அவசியம் என் கணவருக்கு கிடையாது.
அதனால், உங்களை தொடர்பு கொண்டு நான் தமிழர் முன்னேற்றப்படை வீரலட்சுமியின் கணவர் பூவை கணேசன் பேசுகிறேன் என்றதும் நீங்கள் அழைப்பை துண்டித்து விட்டீர்கள். மறுபடியும் உங்களை தொடர்பு கொண்டார். அப்போது உங்கள் கூட பாக்சிங் பண்ண ஆசையாக இருக்கு.. ஒண்டிக்கு ஒண்டி நிற்கலாமா என பேசினார். அதைக் கேட்டுட்டு போனில் பேசுவதற்கு உங்களுக்கு வீரம் இல்லை. ஊடகங்கள் முன்னாடி மைக்கிற்கு முன்னாடிதான் உங்களுக்கு வீரம் வருமா? போனை கட் பண்ணிட்டு.. ஊடகங்களிடம் முதலில் அவரை எதிரில் வந்து நிற்க சொல்லுங்க என சொன்னீர்கள்.
நான் நிற்கிற இடம் என்னவென்று தெரியுதா.. இங்க தான் என் கணவருடன் பாக்சிங்.. சண்டை போடவேண்டிய கிரவுண்ட் இடம் இது… இந்த கிரவுண்ட் எங்கேஇருக்கிறது என்றல் திருவள்ளூர் மாவட்டம் தொட்டிக்கலை பஞ்சாயத்துக்கு உட்பட்ட இடம் இது.. இந்த இடத்தில் தான் பாக்சிங் போடுவதற்கான இடத்தை நாங்கள் தீர்மானம் பண்ணியிருக்கிறோம். தேதி எப்போ பார்த்தீங்கள் என்றால் 2024 தை மாதம் காணும்பொங்கல்.
அன்னைக்குதான் உங்களுக்கும் எனது கணவருக்கும் சண்டை நடக்க போகிறது.. இந்த சண்டையில் பாக்சிங் கராத்தே, மல்யுத்தம், குங்பூ இதில் எந்த சண்டை வேண்டும் என்றாலும் நீங்க போடுங்க… எல்லாவற்றையும் சமாளிக்க தயாராக இருக்கிறார். இந்த சண்டையில் யாரு நாக் அவுட் ஆகி தோற்கீறிங்களோ அவர்கள் தோற்றதை ஒத்துக்கொள்ள வேண்டும். போட்டியில் என்ன பந்தயம் என்பதை போட்டி நடப்பதற்கு முன்பாக நாட்டு மக்களுக்கு நான் அறிவிப்பேன். இவ்வாறு வீரலட்சுமி அந்த வீடியோவில் தெரிவித்துள்ளார்.
இவ்வாறு சீமானுக்கும் தமிழர் முன்னேற்றப்படை வீரலட்சுமிக்கும் இடையே வார்த்தை யுத்தம் நடைபெற்றுக் கொண்டு இருந்த நிலையில், இன்று இவ்விவகாரம் தொடர்பாக சீமானிடம் செய்தியாளர்கள் கேள்வி எழுப்பினர். இதற்கு சீமான், எல்லாரும் என்னிடம் அறிவுறுத்தியிருக்கிறது என்னவென்றால், வழக்கு நீதிமன்றத்தில் இருக்கிறது என்பதால் வாயை மூடிக்கொண்டு போ என்கிறார்கள்.. பெரியவர்களாகிய நீங்க கேட்பதால் சொல்கிறேன்.. நான் புலி.. பூனை சண்டைக்கு கூப்பிட்டால் சண்டையிட போகுமா இல்லை அமைதியா செல்லுமா.. அதுமட்டும் யோசித்துக்கொள்ளுங்கள்.. தேவையில்லாமல் பேசுறாங்க.. சிவபெருமான் எழுதி கொடுத்த பாட்டை நக்கீரர் குறை சொல்வார்.. தருமி கேட்பார்.
பாட்டு எழுதி புகழ் பெறும் புலவர்களும் உண்டு.. பாட்டை குற்றம், குறை சொல்லி புகழ் பெறும் புலவர்களும் உண்டு. என்னையை எதிர்த்து பேசுவதால் உங்களுக்கு ஒரு அடையாளம் உண்டு. என்னை எதிர்க்க வேண்டிய தேவை, விமர்சித்து பேசுவதற்கு தேவை உங்களுக்கு இருக்கு. எனக்கு உங்களை எதிர்த்து பேசவேண்டிய, விமர்சித்து பேச தேவை இருக்கா?.. என்னை எதிர்க்கிறவர்கள் எல்லாம் எனக்கு எதிரி கிடையாது.
நான் யாரை எதிர்க்கிறேனோ அவர்கள் தான் எதிரி.. அவங்க தான் என் எதிரி.. இனிமேலா பிறந்து எனக்கு எதிரி வரப்போகிறான். நான் தீர்மானித்துவிட்டேன்.. என் எதிரி யார்?… என் இலக்கு எது?… என் பயணம் எவ்வளவு தூரம்?.. இதெல்லாம் வெற்று பேச்சு.. என்னை உங்களோடு ஒப்பிட்டு ஒப்பிட்டு பேசுவது உங்களுக்கும் சிறுமை, எனக்கும் சிறுமை. என் வேலைக்கும் சிறுமை.. அதை விட்டுவிடுங்கள்.. என கூறி சீமான் ஜகா வாங்கினார்.
இந்நிலையில், சீமான் ஏன் சண்டை போடுவதில் இருந்து பின்வாங்கினார் என்பது குறித்து தமிழர் முன்னேற்றப்படை வீரலட்சுமியின் கணவர் பூவை கணேசன் முதன்முதலாக யூடியூப் சேனல் ஒன்றுக்கு பேட்டியளித்தார். அவர் கூறியதாவது: உன் கையால தான் எனக்கு சாவுனு நீ சொல்லிருக்க. முதல்ல என்னை பத்தி விசாரிச்சியா நீ? என்னை பத்தி விசாரிச்சிருந்தா இந்த வார்த்தைய நீ விட்ருக்க மாட்ட. இப்போ என்னை பத்தி நீ விசாரிச்சுட்ட. அதனாலதான் சண்டைக்கு வர மாட்டேன்னு சொல்ற. நீ பூந்தமல்லிக்கு போய் யார்கிட்ட வேணாலும் என்னை பத்தி கேட்டு பாரு. நீ கேட்டதுமே, “தம்பி ஏம்ப்பா அவர பத்தி கேக்குற.. அவர் பக்கத்துல மட்டும் போய்டாதனு தான் எல்லோரும் சொல்லுவாங்க.
நீ கொட்டை எடுத்த புளி.. நான் பாயுற புலி. தனியா நின்னு 10 பேரை அடிக்குறவன் தம்பி நான். நீ என்ட்ட சிங்கிளா மாட்டுன உன்ன அடிச்சு துவைச்சு காயப் போட்ருவேன். வடசென்னை மூளக்கொத்தளம் ஏரியால பொறந்தவன் நான். அங்க பெரிய பாக்ஸரா இருந்த புருஷோத்தமன்ட்ட மூணு வயசுல இருந்து பாக்சிங் கத்துருக்கேன். சின்ன வயசுல இருந்தே மண்ணையும், உப்பையும் தரையில போட்டு வெறும் கையால குத்தி வளர்ந்தவன் நான். அதுக்கு அப்புறம், பூந்தமல்லில ஸ்டீபன் கராத்தே மாஸ்டர்ட்ட கராத்தே படிச்சவன். அவரோ பெஸ்ட் சிஷ்யனே நான்தான்.
எனக்கு வேலையே சண்டை போடுறதும், சண்டை பயிற்சி கொடுக்குறதும் தான். சீமான மாதிரி நடிக்கிறதும், தண்ணி போட்டு சுத்துறதும் எனக்கு வேலை கிடையாது. நான் ஒரு கிரிக்கெட் ப்ளேயரு. ஃபுட்பால் ப்ளேயரு. கபடி ப்ளேயரு. சோறு தண்ணி இல்லனாலும் 16 மணிநேரம் கிரவுண்டுலியே தான் இருப்பேன். என் கையில நீ மாட்டுனா நான் உன்ன என்ன பண்ணுவேன். பறந்து பறந்து அடிப்பேன்.
அது தெரிஞ்சுதான் நீ சண்டைக்கு வர மாட்ற. நீ என் கூட ரிங்குக்கு ஏறி இருந்தா, உன்னை 10 செகண்டுல அடிச்சு போட்டு உன்ன தோள்ல தூக்கிட்டு வெளியே வந்துருப்பேன். ஷார்ப்பா இருக்குற கத்தி சவுண்டே போடாது தெரியுமா தம்பி. மொக்க கத்திதான் சவுண்டு போடும். எங்கள்ட்ட சவுண்டே இருக்காது. ஆனா சம்பவம் ஷார்ப்பா இருக்கும் என பூவை கணேசன் கூறினார்.
