நாட்டின் பதினெட்டாவது மக்களவைத் தேர்தல் 2024 -ஆம் தேர்தல் ஏப்ரல் 19 ஆம் தேதி தொடங்கி ஜூன் 1 ஆம் தேதி அதாவது 7 கட்டமாக நடைபெற்று ஜூன் 4 ஆம் தேதி வாக்கு எண்ணிக்கை நடைபெறும் என தேர்தல் ஆணையம் அறிவித்துள்ளது. ஆனால், மேற்கு வங்காளத்தில் உள்ள 42 மக்களவை உறுப்பினர்களைத் தேர்ந்தெடுக்க ஏப்ரல் 19 முதல் ஜூன் 1 வரை அனைத்து 7 கட்டங்களாக நடத்தப்படுகிறது.
இந்நிலையில், மேற்குவங்க மாநிலம் ஜல்பைகுரியில் நடந்த தேர்தல் பிரசார பேரணியில் திரிணாமுல் காங்கிரஸ் தலைவரும், முதலமைச்சருமான மம்தா பானர்ஜி பேசுகையில், மக்களவை தேர்தலில் பாஜக 200 இடங்களைக் கூட வெல்லாது. மேற்குவங்கத்திற்கு அவர்கள் என்ன செய்தார்கள்? பிரதமர் மோடியின் ‘உத்தரவாதங்களுக்கு’ இரையாகிவிடாதீர்கள். இவை தேர்தல் பொய் தவிர வேறில்லை. பாபாசாகேப் அம்பேத்கர் உருவாக்கிய நாட்டின் அரசியலமைப்பை நீங்கள் அழித்துவிட்டீர்கள் என மம்தா பானர்ஜி குற்றம் சாட்டினார்.