சீமானின் மனைவி கயல்விழியே தெலுங்கர் தான். தெலுங்கர்கள் வேண்டாம் என்றால் சீமான் தனது மனைவி கயல்விழியை வீட்டைவிட்டு அனுப்புவாரா?. என தெலுங்கு முன்னேற்ற கழகம் கேள்வி எழுப்பியுள்ளது. தமிழ், தமிழன் என்பதை முன்னிருத்தி தனது அரசியல் பயணத்தை நாதக தலைமை ஒருங்கிணைப்பாளர் சீமான், மேற்கொண்டு வருகிறது. அவரது ஒரே கொள்கை தமிழ்நாட்டை தமிழர் தான் ஆள வேண்டும் என்பதாகும். இப்படி தமிழை உயிர் மூச்சாக கொண்டு அரசியல் களத்தில் சீமான் நிற்கிறார். இதனால் சீமான் அனைத்து மேடைகளிலும் தமிழர்களை போற்றியும், பிற மொழி மக்களை தூற்றியும் பேசி வருகிறார்.
இதற்கு பிற மொழி பேசும் மக்கள் சீமானை அவ்வப்போது விமர்சித்து வருகின்றனா். மேலும் எச்சரிக்கையும் விடுத்து வருகின்றனா். இந்நிலையில் தெலுங்கர்கள் குறித்து பேசிய சீமானை, தெலுங்கு பேசும் மக்கள் தற்போது எச்சரித்துள்ள சம்பவம் நடந்துள்ளது. சீமானுக்கு எதிராக தெலுங்கு முன்னேற்ற கழகம் சார்பில் போராட்டம் நடைபெற்றது.
இந்த போராட்டத்தில்,” விடுதலைக்காக போராடிய வீரபாண்டிய கட்டபொம்மை சீமான் இழிவுப்படுத்துவதை பொறுக்க முடியாது. சீமானின் மனைவி கயல்விழியே தெலுங்கர் தான். தெலுங்கர்கள் வேண்டாம் என்றால் சீமான் தனது மனைவி கயல்விழியை வீட்டைவிட்டு அனுப்புவாரா?. நாங்கள் எந்த சாதியை பற்றியும் தவறாக பேசியது கிடையாது. நீங்களும் மனிதன், நானும் மனிதன். நாங்கள் சீமானை பற்றி பேசுகிறோமா.?
வீரபாண்டிய கட்டபொம்மனுக்கு சிலை வைத்தது சீமானுக்கு ஏன் எரிகிறது. சீமான் வீட்டில் தெலுங்கு பெண் இருக்கிறார். அவரை வீட்டை விட்டு வெளியேற்றுவாரா.? சீமான் பாஞ்சாலன்குறிச்சி படத்திற்கு நாங்கள் உதவியாக இருந்தோம். ஆனால் சீமான் மேடைக்கு மேடை தெலுங்கு மக்களை இழிவாக பேசுகிறார். இதுபோன்று சீமான் இனி செய்தால், நாங்கள் என்ன செய்வோம் என்று தெரியாது” என சரமாரி கேள்வி எழுப்பினா். மேலும் சீமானுக்கு எதிராக கோஷங்களை எழுப்பி எதிர்ப்பு தெரிவித்து உள்ளது.