கோயம்புத்தூர் மாவட்டம், பொள்ளாச்சி மாக்கினாம்பட்டியை சேர்ந்த மகேஸ்வரி. கடந்த 2 நாட்களுக்கு முன்பு மகேஸ்வரி மொபட்டில் சென்றபோது அவரிடம் பைக்கில் வந்த நபர் நகை பறித்தார். இதேபோல கோலார்பட்டியை சேர்ந்த அம்சவேணி என்பவரிடமும் பிஏபி அலுவலகம் அருகே நகை பறிக்கப்பட்டது.
இது தொடர்பாக பொள்ளாச்சி காவல் நிலையத்தில் புகார் தெரிவிக்கப்பட்டு நகை பறித்த நபர்களை தேடி வந்தனர். இருவரிடமும் திருடியவன் கருப்பு நிற நெம்பர் பிளேட் இல்லாத பைக்கில் வந்ததும், கையில் காப்பு அணிந்திருந்ததும் தெரியவந்தது. இதையடுத்து மையமாக கொண்டு விசாரணை நடத்தினர்.
இந்த விசாரணையில் பெண்களிடம் நகை பறித்தது பொள்ளாச்சி மாக்கினாம்பட்டியை சேர்ந்த செட்டிபாளையம் காவல் நிலையத்தில் ஏட்டாக பணிபுரியும் சபரிகிரி என்பது தெரியவந்தது. மேலும் ஏட்டு சபரிகிரி ஹெல்மெட் அணிந்து நகை பறிப்பில் ஈடுபட்டதும், செட்டிபாளையத்தில் நடந்த பல்வேறு நகை பறிப்பில் இவருக்கு தொடர்பு இருப்பதும் தெரியவந்தது. ஏட்டு சபரிகிரியின் மனைவி வால்பாறையில் காவல் நிலையத்தில் பணியாற்றி வருகிறார் என்பது குறிப்பிடத்தக்கது.