கடலூர் மாவட்டம் குறிஞ்சிப்பாடி வட்டம் வானதி ராயபுரம் ஊராட்சிக்குட்பட்ட பகுதியில் ஆர் கே சிட்டி அமைத்துள்ளது. இங்கு 100க்கும் மேற்பட்ட குடியிருப்பு உள்ள நிலைகள் பொதுமக்களில் அடிப்படை தேவையான சாலை வசதி இன்றி பொதுமக்கள் தவித்து வருகின்றனர் வானதிராயபுரம் ஊராட்சிக்கு ஒதுக்கப்படும் ஊராட்சி திட்டங்கள் மற்றும் நிதியினால் வானதிராயபுரம் கிராம பகுதியில் மட்டுமே பல அரசு திட்டங்களும் என்.எல்.சி இந்தியா நிறுவன சுரங்கம் 1A அருகாமையில் உள்ள கிராமம் என்பதால் என்.எல்.சி இந்தியா நிறுவனத்தின் சமூக பொறுப்புணர்வு திட்டத்தின் கீழ் வழங்கப்படும் பல திட்டங்கள் வானதி ராயபுரம் கிராம பகுதியில் மட்டுமே செய்யப்பட்டு வருகிறது.
மேலும் இதுகுறித்து அப்பகுதியினர் தெரிவிக்கையில் ஆர் கே சிட்டி பகுதியில் தற்போது அதிக அளவில் குடியிருப்புகள் உருவாகி வருகின்றது இப்பகுதி இன்னும் வடலூர் நகராட்சி நிர்வாகத்தால் முறையாக ஊராட்சியிடம் ஒப்படைக்கப்பாடமல் உள்ளதாக தெரிவித்து வரும் வானதிராயபுரம் ஊராட்சி நிர்வாகம் பல ஊராட்சி திட்டங்களை இப்பகுதியில் செயல்படுத்துவது இல்லை என்ற குற்றச்சாட்டு நிலவுகிறது.
கடந்தாண்டில் ஆர் கே சிட்டி பகுதியில் உள்ள ஒரே ஒரு தெருவிற்கு மட்டும் சாலை வசதி அமைக்கப்பட்டது.சாலை அமைக்க பொது இடம் இல்லை என்று கூறிவரும் வாணிதராயபுரம் ஊராட்சி நிர்வாகம் கடந்த இரண்டு ஆண்டுகளுக்கு முன் எந்த நிதியில் ஒரே ஒரு சாலையை அமைத்தது என்று கேள்வி பொதுமக்கள் மத்தியில் எழுந்துள்ளது. மேலும் ஊராட்சி நிர்வாகம் சார்பில் இன்று வரை மீதமுள்ள பகுதிகளில் சாலை வசதிகள் மேற்கொள்ளபட வில்லை இதனால் பள்ளி செல்லும் குழந்தைகள் கூலி வேலைக்கு செல்லும் தினக்கூலி தொழிலாளிகள் மற்றும் அலுவலக பணிக்கு செல்லும் பெண்கள் மருத்துவமனைக்கு செல்லும் பெண்கள் ஆகியோர் பாதிப்புக்கு உள்ளாகி வருகின்றனர்.
அவசரத் தேவைக்கு ஆம்புலன்ஸ் உதவியை நாடினாலும் ஆம்புலன்ஸ் வாகனம் மழைக்காலங்களில் இப்பகுதிக்கு வந்தால் சேற்றில் சிக்கிக் கொண்டு சிரமப்படுகிறது. போர்க்கால அடிப்படையில் சாலையை செம்மல் நிரப்பி சமன்படுத்தி கொடுக்குமாறு பலமுறை ஊராட்சி நிர்வாகத்திடம் மனு கொடுத்தும் எந்த நடவடிக்கையும் இல்லாமல் கிடப்பில் போடப்பட்டுள்ளது கடந்த அக்டோபர் இரண்டாம் தேதி காந்தி ஜெயந்தி முன்னிட்டு நடைபெற்ற கிராம சபை கூட்டத்தில் சாலை வசதி குறித்து கோரிக்கை வைத்தும் இன்று வரை சாலை வசதி மேற்கொள்ளாதது பொதுமக்கள் மத்தியில் மிகுந்த வேதனையை ஏற்படுத்தி உள்ளது.
வடகிழக்கு பருவ மழை தொடங்க உள்ள நிலையில் பல முன்னெச்சரிக்கை நடவடிக்கைகளை மேற்கொண்டு வரும் தமிழக அரசு இதுபோன்று ஒரு நாள் மழைக்கே சேரும் சகதிமாக காட்சி அளிக்கும் RK சிட்டி பகுதியில் தற்காலிகமாக செம்மண் கிராவல் கொட்டி சாலையை சீர் செய்யாமல் இருப்பது பொதுமக்கள் மத்தியில் மிகுந்த வேதனையை ஏற்படுத்தி உள்ளது மேலும் மழை தொடர்ந்து பெய்தால் பொதுமக்கள் வீட்டை விட்டு வெளியே வர முடியாத சூழல் நிலவுகிறது.