திருநெல்வேலி மாவட்டம், தென்காசி வட்டம், குத்துக்கல்வலசை ஊராட்சி ராஜா நகர் பகுதியில் நந்தனா என்பவர் வீடு கட்டும் பணியில் ஈடுபட்டுள்ளார். இவருக்காக கேரள மாநிலம் கொல்லத்தைச் சேர்ந்த ரஜினி பாபு என்பவர் கட்டுமான பணி செய்து வந்துள்ளார். ரஜினி வீட்டின் கட்டிட வரைபட அனுமதிக்காக விண்ணப்பித்த போது ஊராட்சி மன்ற தலைவராக உள்ள சத்யராஜ் ரூ.46 ஆயிரம் லஞ்சம் கேட்டதாக கூறப்படுகிறது.
இது தொடர்பாக அவர் தென்காசி லஞ்ச ஒழிப்புத்துறை காவல்துறையில் புகார் தெரிவித்தார். அதன்பேரில் லஞ்ச ஒழிப்புத்துறை காவல்துறை ரசாயனம் தடவிய ரூபாய் கொடுத்து அனுப்பினர். இதனை நேற்று குத்துக்கல்வலசை ஊராட்சி மன்ற அலுவலகத்திற்கு சென்று ஊராட்சி மன்ற தலைவர் சத்யராஜிடம் ரூ.46 ஆயிரம் ரஜினி பாபு கொடுத்துள்ளார். அப்போது ரூ.40 ஆயிரம் கொடுத்தால் போதும் என்று ஊராட்சி மன்ற தலைவர் கூறியுள்ளார்.
இதையடுத்து ரூ.40 ஆயிரத்தை மட்டும் அவரது கையில் கொடுத்துள்ளார். அப்போது அங்கு மறைந்திருந்த லஞ்ச ஒழிப்பு சத்யராஜை கையும், களவுமாக பிடித்து கைது செய்தனர். மேலும் அவருக்கு உடந்தையாக இருந்த ஒப்பந்தக்காரர் சவுந்தர்ராஜன் என்பவரையும் காவல்துறை கைது செய்தனர்.