Tag: கடலூர் மாவட்டம்

கடலூர் மாவட்டம் வடலூர் பண்ருட்டி சாலையில் உள்ள ரயில்வே கேட் பராமரிப்பு பணிகள் காரணமாக மூடப்பட்டது. இன்று அதிகாலை ரயில்வே கேட் மூடப்பட்டதால் மாற்றுப் பாதையை தேடி வாகன ஓட்டிகள் திணறி வந்த நிலையில் பண்ருட்டியில் இருந்து வடலூர் நோக்கி வந்த இருசக்கர வாகனங்கள் மற்றும் கனரக வாகனங்கள் ராகவேந்திரா சிட்டி சேராக்குப்பம் வழியாக வடலூர் நோக்கி சென்று வந்தது.

இரவு நேரத்தில் போக்குவரத்து நெரிசல் அதிகமானதால் சேராக்குப்பம் அருகே உள்ள ரயில்வே கேட் பகுதியில் குறுகிய வளைவில் திரும்ப முடியாமல் தனியார் பேருந்து ஒன்று சிக்கி கொண்டது. இதனால் வாகன ஓட்டிகள் நீண்ட வரிசையில் காத்திருந்தனர். பின்னர் சம்பவ இடத்திற்கு வந்த சேராக்குப்பம் பகுதி இளைஞர்கள் பேருந்து ஓட்டுனருக்கு உதவி செய்து பேருந்தை ரயில்வே கேட்டை கடந்து செல்ல உதவினர். பேருந்து ரயில்வே கேட்ட அருகே சிக்கிக் கொண்டதால் பண்ருட்டி வடலூர் சாலையில் நீண்ட நேரம் போக்குவரத்து நெரிசல் ஏற்பட்டது.

இதனால் வாகன ஓட்டிகள் மிகுந்த சிரமத்திற்கு உள்ளாகினர். பராமரிப்பு பணி காரணமாக ரயில்வே கேட் மூடப்படுகிறது என்று அறிவித்தும் காவல்துறையினர் முறையான போக்குவரத்து மாற்றங்களை ஏற்பாடு செய்ய வேண்டும் என்று வாகன ஓட்டிகள் தெரிவித்தனர். மிகுந்த போக்குவரத்து நெரிசல் ஏற்பட்ட சூழ்நிலையில் காவல்துறை இல்லாததால் இளைஞர்கள் தானாக முன்வந்து போக்குவரத்தை சரி செய்தது வாகன ஓட்டிகள் மத்தியில் பாராட்டுகளை குவித்து வருகிறது.

கடலூர் மாவட்டம், மந்தாரக்குப்பம் அடுத்த சேப்ளாநத்தம் பகுதியை சேர்ந்த குமரேசன். இவர் மந்தாரக்குப்பம் காவல் நிலையம் அருகே மளிகை கடை ஒன்றை நடத்தி வருகிறார். இந்நிலையில் நேற்று மழை பெய்ததால் இரவு முன்னதாகவே கடையை பூட்டிவிட்டு குமரேசன் வீட்டிற்கு சென்று விட்டார். இன்று காலை வழக்கம் போல் கடையை திறக்க வந்துள்ளார் அப்பொழுது அவரின் கடையின் பூட்டு உடைந்து இருப்பதைக் கண்டு அதிர்ச்சி அடைந்தார். பின்னர் கடைக்கு உள்ளே சென்று கல்லாவை பார்த்த பொழுது அதிலிருந்த 31,500 ரூபாய் பணம் மாயமாகி இருப்பதை கண்டு அதிர்ச்சி அடைந்தார்.

மேலும் கடைக்குள் பூட்டை உடைத்து நுழைந்த மர்ம நபர்கள் கடையில் இருந்த மூன்று சிகரெட் பாக்கெட்டுகளையும் இத்துடன் திருடி சென்றதும் மேலும் அருகில் இருந்த இரண்டு கடைகளின் பூட்டை உடைத்து திருட முயற்சி செய்ததும் தெரியவந்தது. பின்னர் இது குறித்து குமரேசன் அளித்த புகாரின் அடிப்படையில் வழக்கு பதிவு செய்த மந்தாரக்குப்பம் காவல்துறையினர் கடையை உடைத்து பணத்தை திருடிய மர்ம நபர்களை தேடி வருகின்றனர்.

இரவு நேரங்களில் கடலூர் மாவட்ட கண்காணிப்பாளர் இராஜாராம் அவர்களின் அறிவுறுத்தலின் பேரில் காவல்துறையினர் முழு நேரம் ரோந்து பணியில் ஈடுபட்டு வரும் நிலையில் காவல் நிலையம் அருகே மளிகை கடையை உடைத்து பணத்தை திருடிச் சென்ற இச்சம்பவம் அப்பகுதி வியாபாரிகள் மத்தியில் பெரும் அதிர்ச்சியை ஏற்படுத்தியுள்ளது.

கடலூர் மாவட்டம், முதுநகர் சுத்துகுளம் பகுதியை சேர்ந்த 20-க்கும் மேற்பட்டோர் நேற்று மதியம் கடலூர் முதுநகர் காவல் நிலைத்திற்கு சென்று புகார் மனு ஒன்றை கொடுத்தனர். அந்த மனுவில், தங்கள் பகுதியில் வசித்த இன்பராஜ் மனைவி லட்சுமி தேவி என்பவர் கடந்த ஆண்டு மே மாதம் முதல் ஏல சீட்டு நடத்தி வந்தார். நாங்கள் அவரிடம் பல தவணைகளில் பணம் கட்டி வந்தோம். இவ்வாறாக எங்களிடம் மொத்தம் ரூ.17 லட்சம் அவர் வசூல் செய்துள்ளார்.

இந்நிலையில் திடீரென லட்சுமிதேவி வெளியூர் சென்று விட்டார். இதையடுத்து லட்சுமிதேவியை செல்போன் மூலம் தொடர்பு கொண்டு எங்களது பணம் குறித்து கேட்டபோது, நான் எந்த பணமும், யாரிடமும் வசூலிக்கவில்லை. அதனால் பணம் எதுவும் தர முடியாது எனக்கூறி மிரட்டுகிறார்.

எனவே எங்களிடம் லட்சுமி தேவி வசூல் செய்த ரூ.17 லட்சம் மற்றும் 1 பவுன் நகையை மீட்டுத்தர வேண்டும். இவ்வாறு அந்த மனுவில் கூறியிருந்தனர். மனுவை பெற்றுக்கொண்ட முதுநகர் காவல் நிலைய ஆய்வாளர் இதுகுறித்து விசாரித்து உரிய நடவடிக்கை எடுப்பதாக கூறியத்தை அ டுத்து அவர்கள் அனைவரும் அங்கிருந்து கலைந்து சென்றனர்.

கடலூர் மாவட்டம், விருத்தாசலத்தில் நகரம் முழுவதும் உள்ள அனைத்து உணவகத்திலும் பிளாஸ்டிக் பேப்பர் பயன்படுத்துவதை தவிர்த்து வாழை இலையை பயன்படுத்த வேண்டும் என கூறி இந்திய ஐக்கிய கம்யூனிஸ்டு கட்சி சார்பில் நகராட்சி அலுவலகம் முன்பு வாழை இலையை கையில் ஏந்தி ஆர்ப்பாட்டம் ஈடுபட்டனர். இந்த ஆர்ப்பாட்டத்தில் இந்திய ஐக்கிய கம்யூனிஸ்டு கட்சி வாழை இலையை கைகளில் ஏந்தியபடி கோஷம் எழுபினர்.

கடலூர் மாவட்டம், நெய்வேலியில் என்.எல்.சி. இந்தியா நிறுவனம் இயங்கி வருகிறது. இந்த நிறுவனத்தை சுற்றியுள்ள பகுதிகளில் நிலத்தடி நீரில் பாதரசம் கலந்திருப்பதாகவும், மண்வளம் மற்றும் காற்று மாசடைந்து இருப்பதாகவும் புகார் எழுந்தது. இதுதொடர்பாக தனியார் அமைப்பு வெளியிட்ட அறிக்கையின்படி கடந்த 10-ந்தேதி சென்னை தென் மண்டல தேசிய பசுமை தீர்ப்பாயம் தாமாக முன்வந்து வழக்கை விசாரித்தது.

அதில் , வல்லனர் குழுவை அமைக்க உத்தரவிடபட்டு அதன்படி, மண்வளம் பாதிக்கப்பட்டுள்ளதா என்று அய்வு செய்ய 5 பேர் கெர்ணட குழுவை நியமித்து மாசுகட்டுப்பாட்டு வரியம் அமைத்தது. தமிழ்நாடு நீர்பகுப்பாயம் துறையின் தலைமை குடிநீர் பகுப்பாய்வாளர் சுஜாதா உத்தரவின்பேரில் துணை தலைமை குடிநீர் பகுப்பாய்வாளர் கேசவன், கிண்டி சுகாதாரத்துறை ஆய்வாளர்கள் பூபதி, ஷேக்தாவுத் ஆகியோர் அடங்கிய குழுவினர் நேற்று முன்தினம் காலை நெய்வேலி வந்தனர்.

தொடர்ந்து அவர்கள் தெற்குவெள்ளூர் வெளிக்கூனங்குறிச்சி, பெரியாக்குறிச்சி, மேல்பாப்பன்பட்டு, குறவன்குப்பம், பழையநெய்வேலி, மேல்பாதி, கீழ்பாதி, வடக்குசேப்ளாநத்தம், உய்யகொண்டராவி, வடக்குவெள்ளூர், காட்டு குறிச்சி, தொப்புளிக்குப்பம், அம்மேரி, ஆதண்டார்கொல்லை உள்ளிட்ட 33 கிராமங்களில் மேல்நிலை நீர்த்தேக்க தொட்டி, குடிநீர் குழாய், ஆழ்துளை கிணறு ஆகியவற்றில் இருந்து தண்ணீர் மாதிாிகளை சேகரித்தனர்.

கடலூர் மாவட்டம், பண்ருட்டி ஒன்றியக்குழு கூட்டம் அதன் தலைவர் சபா. பாலமுருகன் தலைமையில் நடைபெற்றது. இதில் துணைத்தலைவர் தேவகி ஆடலரசு, வட்டார வளர்ச்சி அலுவலர்கள் சங்கர், சக்தி ஆகியோர் முன்னிலை வகித்தனர். கூட்டத்தில் மேலாளர் ஜெயசீலன், பொறியாளர், அலுவலர்கள், ஒன்றிய கவுன்சிலர்கள் கலந்து கொண்டனர். கூட்டத்தில் 11-வது வார்டு சுயேச்சை கவுன்சிலர் மேலிருப்பு தனபதி கருப்பு முகமூடி அணிந்து கலந்து கொண்டார்.

இதுகுறித்து அவர் கூறுகையில், எனது வார்டு பகுதியில் உள்ள மக்கள் குறைபாடுகளை தீர்க்க அரசு அதிகாரிகளிடம் பலமுறை மனு கொடுத்தும் எவ்வித நடவடிக்கையும் எடுக்கவில்லை, எனது வார்டு பகுதியில் அடிப்படை வசதிகள் செய்து தரவில்லை. இதற்கு எதிர்ப்பு தெரிவித்து கூட்டத்தில் கருப்பு முகமூடி அணிந்து கலந்து கொண்டேன் என்று தெரிவித்தார். இதனால் ஒன்றியக்குழு கூட்டத்தில் சிறிது நேரம் பரபரப்பு ஏற்பட்டது.

கடலூர் மாவட்டம், கோண்டூரில் இருந்து மடப்பட்டு வரை ரூ.230 கோடி செலவில் சாலை விரிவாக்க பணிகள் நடைபெற்று வருகின்றன. தற்போது நெல்லிக்குப்பம் பகுதியில் சாலை விரிவாக்க பணிகள் நடைபெற்று வருகிறது. இந்தபகுதியில் சாலையை சரியான முறையில் அளவீடு செய்யாமலும், ஆக்கிரமிப்புகளை அகற்றாமலும் அதிகாரிகள் லஞ்சம் பெற்றுக்கொண்டு சாலையை அகலப்படுத்தாமல் ஒருதலைப்பட்சமாக செயல்பட்டு வருவதாக கூறப்படுகிறது.

இதற்கு காரணமான நெடுஞ்சாலைத்துறை அதிகாரிகளை கண்டித்து விடுதலை சிறுத்தைகள் கட்சியின் சார்பில் மாநில வக்கீல் பிரிவு துணை செயலாளர் குருமூர்த்தி தலைமையில் 100-க்கும் மேற்பட்டோர் கடலூர்-நெல்லிக்குப்பம் சாலையில் அண்ணா சிலை முன்பு திடீர் சாலை மறியல் போராட்டத்தில் ஈடுபட்டனர்.